1
00:00:05,000 --> 00:00:10,400
Jerusalem leele pre plɛ na kna mbo, “Wre blɔ ŋmba ma pe chaa mbe gbo kree?

2
00:00:10,400 --> 00:00:17,000
Le, wre u paara lenɛɛrɛ nu ma kre, a nde ndro n nyu kun na u ni. Mu nya ŋga, loplombo chin na wre wi Kristo wre mbe?

3
00:00:17,000 --> 00:00:23,040
A nde, na Kristo wre pan, ndro wa u yirihaa chin, a blɔ ŋmba rɛ, o wre yirihaa chin.”

4
00:00:23,040 --> 00:00:35,760
Yesu na yire Suminyuŋgo wa mu yo kpɔɔ mbo, “E ni chin, mu mna ni yiri chin. La, ni n pan na niyɛ jaŋga ni. Ŋmba u ni tun wre pe kprafun, a e n u chin.

5
00:00:35,760 --> 00:00:39,680
Mi ni u chin, u jaara ni yiri, a wre u ni tun.”

6
00:00:39,680 --> 00:00:48,360
Ŋga kra pan ma kre, praa chaa mbe u yii, la, ndro nsra ja mu kɛ taa u na. Ŋgi na hin? Na u nyjila n ta mu da.

7
00:00:48,360 --> 00:00:59,760
Lenɛɛrɛ na je mu shɔ mu li, mnaa yuu mbo, “Kena na Kristo wre pan, we jaa kawako kee pe, mbe wɛ nyjɛ blɔ ŋmba pe ŋga naa?”

8
00:00:59,760 --> 00:01:09,000
Ŋga Pharisee leele pre na loo na lenɛɛrɛ pre juu na Yesu kee yuu kre, srawɔfɛɛnlɛ loplombo, na Pharisee pre, na sojae tun mbe pe sɛ u yii.

9
00:01:09,000 --> 00:01:16,280
Ba Yesu na yo pe pan mbo, “Nyjila chiɛri ka mi na yire we tni, mbe ni ndru mbe sɛ ŋmba u ni tun wre pan.

10
00:01:16,280 --> 00:01:22,320
Ee na ni chaa, a yaa ni nya, a mna ni shie kre, yaa jaa sɛ wa.”

11
00:01:22,320 --> 00:01:36,280
A Judae loplombo pre na kna na yuu peyɛ pan mbo, “Sena blɔ ŋmba chaa mbe sɛ, mbe waa u nya na hin? Greek tra nu u chaa mbe sɛ, mbe sɛ tni o leele pre nu mbra pe nyina ree?

12
00:01:36,280 --> 00:01:47,560
Ŋga u yo mbo, ‘Ee na ni chaa, a yaa ni nya, a mna ni shie kre, yaa jaa pan wa kre, mni u chaa mbe nyina hin?’”

13
00:01:47,560 --> 00:01:57,760
Ŋga kra da ble haŋa ŋga ki shian titi kre na kre, Yesu na yire sholo, mna paara badaaŋga mbo, “Ŋmba gbɔɔ ta kre, u pan u gbɔ ni pan.

14
00:01:57,760 --> 00:02:06,680
Ŋmba u ni shɔ mu li kre, imi na pe ki nyunɔ Nyiɛkpɔɔ hlɛ kre nu mu tɛɛ kre mbo, ‘Ŋmaa nyumu we fo mbe yili u loloŋgo nu.’”

15
00:02:06,680 --> 00:02:19,000
Kpra Ŋumu wre kee Yesu naa yuu na mblɛ pie u shɔ mbe li kre, pie Ŋumu wre ta. Kre nyjila kre, na ndro n ta mu Ŋumu wre ta tun. Ŋgi na hin? Na Yesu n ta mu u yɛnyiŋge kre ta.

16
00:02:19,000 --> 00:02:25,760
Ŋga pra kee nyjɛ loo kre, leele pre plɛ naa yuu mbo, “Kpra na, Nyiɛkpɔɔ kee nyanyofun wre wi kre.”

17
00:02:25,760 --> 00:02:32,360
A plɛ na yo mbo, “Kristo wre wi.” A plɛ na yo mbo, “Kristo wre, Galilee na ma we yiri.

18
00:02:32,360 --> 00:02:39,800
Nyiɛkpɔɔ hlɛ kre yo na David sele nu Kristo wre we yiri, mbe pe u se Bethlehem na, seechia ŋga na David na yiri kre.”

19
00:02:39,800 --> 00:02:41,960
U ndra na, leele pre na yɔɔlɛ.

20
00:02:41,960 --> 00:02:46,760
Leele pre plɛ naa chaa mbe u yii, la, ndro nsra kɛ taa u na.

21
00:02:46,760 --> 00:02:55,880
Sojae pre na ndru mu sɛ srawɔfɛɛnlɛ loplombo na Pharisee leele pre pan, a pra pe wie mbo, “Mni a e n pan na u ni hin?”

22
00:02:55,880 --> 00:03:00,800
A sojae pre na kna mbo, “Ndro n da mu paara na wre blɔ ŋmba wi tun.”

23
00:03:00,800 --> 00:03:05,560
A Pharisee leele pre na kna mbo, “Kena u yire ta na ra?

24
00:03:05,560 --> 00:03:11,000
E nya a loplombo pre wa, ndee wre Pharisee leele pre wa u kee yire shɔ mu lii?

25
00:03:11,000 --> 00:03:16,240
La, lenɛɛrɛ mblɛ, pe n Moses mbra yire chin, ki tia Nyiɛkpɔɔ pe sun.”

26
00:03:16,240 --> 00:03:23,240
Pharisee leele pre nunu ŋmba, praa yeeri Nicodemus, a wra da mu sɛ Yesu pan kre, na kna mu yo pe pan mbo,

27
00:03:23,240 --> 00:03:30,480
“Kii wa o mbra nu na, na mu n lewo nyu kee loo, mu kee ŋga u pe chin, ma jaa u gbun pimi ni.”

28
00:03:30,480 --> 00:03:44,205
A pra kna mu u wie mbo, “Galilee na ŋu yiri na ree? Nyiɛkpɔɔ hlɛ kre le, mu nya na pe yo na Nyiɛkpɔɔ kee nyanyofun wa jaa yiri Galilee na fio.”

29
00:03:44,205 --> 00:03:49,080
Bawa pra zaanri, mna sɛ pe katoe nu.