1
00:00:05,000 --> 00:00:10,000
ToTe̱ko Dios kitekimáꞌ Jonás yej ipiltzi̱n Amitai iwá̱n kijlij:

2
00:00:10,000 --> 00:00:17,840
“Xaj sémiya weyi‑a̱ltepe̱ꞌ Nínive, xikijli̱ti iga yej kichijtokej yej aye̱kti, ásiꞌya este no‑i̱xtaj.”

3
00:00:17,840 --> 00:00:36,740
Eꞌ Jonás kikuiꞌ seꞌ ojti iga choloj iyi̱xtaj Dios, yajki a̱ltepe̱ꞌ Jope iga yawi a̱ltepe̱ꞌ Tarsis ka̱nkiꞌ pox wejkay onos iga Dios. Iwá̱n ompa onoya se̱ weyi á̱ka̱l yej yawi Tarsis, iwá̱n kixtaj iga wel mayawi iwá̱n yej nemij pan á̱ka̱l.

4
00:00:36,740 --> 00:00:49,280
Eꞌ kua̱ꞌ nemi yawi tajkoláma̱r, Dios kichij iga mawi̱ki tiawa̱ꞌ iwá̱n ejekaꞌ yej pox tajpalej iwá̱n yej ompa ya̱yaj kijtowa̱yaj iga yáwiya ta̱tapa̱niti á̱ka̱l.

5
00:00:49,280 --> 00:01:07,400
Iwá̱n yej kinentiáj á̱ka̱l poxsan momajtijkej iwá̱n kino̱tzkej idio̱smej iga makipale̱wi̱ka̱n iga amo maa̱poliwika̱n, iwá̱n no̱ kitajtajkalkej yej kiwi̱gayaj iga maajkatiá weyi á̱ka̱l. Mie̱j Jonás yajki má̱j ta‑ijtiꞌ ipan á̱ka̱l iga kochito.

6
00:01:07,400 --> 00:01:22,340
Iwá̱n yej tatekimaka pan á̱ka̱l yajki ka̱n kochtoꞌ Jonás, iwá̱n kijlij: —¿Té̱ tikchijtoꞌ nigaj? ¿Kén wel tikochtos? Ximoketza iwá̱n xikno̱tza moDio̱s, anka yéj wel te̱cho̱kili̱j iwá̱n ayá̱ꞌ timikiskej.

7
00:01:22,340 --> 00:01:36,900
Iwá̱n mo‑ijlijkej sejsé̱ de yejame̱n: —Xinejnemika̱n iwá̱n matikchi̱waka̱n ka̱n mane̱si a̱ꞌyéj itechko iga wa̱laj iní̱n yej nemi te‑ikno̱chi̱wa. Iwá̱n ijkó̱n kichijkej iwá̱n ompa ne̱siꞌ iga itechko Jonás.

8
00:01:36,900 --> 00:01:49,840
Iwá̱n yejame̱n kijlijkej: —Iná̱n xine‑ijli̱ka̱n ken iga wa̱laj iní̱n nochi yej aye̱kti. ¿Té̱ moteki? ¿Ka̱n tiwi̱ꞌ? ¿Katiapa móta̱l? ¿Té̱ ito̱ka̱ꞌ moa̱ltepe̱ꞌ?

9
00:01:49,840 --> 00:01:59,020
Yéj kijtoj: —Nej nihebreo wa̱n noDio̱s Jehová, Dios yej kichij i̱tzti, láma̱r wa̱n ta̱jli.

10
00:01:59,020 --> 00:02:13,500
Iwá̱n Jonás mote̱nxiton iga nemi cholowa iyi̱xtaj Dios. Iwá̱n kua̱ꞌ kikakikej yej kijtoj Jonás, yej nemij ipan á̱ka̱l poxsan majmawikej, iwá̱n kijlijkej: —¿Te iga inó̱n tikchij?

11
00:02:13,500 --> 00:02:18,860
¿Iná̱n té̱ manimitzchi̱wili̱ka̱n iga mapachiwi láma̱r iga poxsan pa̱palakachijtoꞌ?

12
00:02:18,860 --> 00:02:30,320
Iwá̱n Jonás kijtoj: —Xine̱mo̱taka̱n lama̱rijtiꞌ, iwá̱n láma̱r yawi pachiwiti. Nej nikmati iga nej notechko wa̱laj iní̱n ejekaꞌ yej pox tajpalej.

13
00:02:30,320 --> 00:02:45,820
Eꞌ ino̱mej yej tekipanowaj ipan á̱ka̱l pejkej iga a̱ma̱nelojkej iga inewi itajpalmej iga kinekiáj makitecho̱ka̱n a̱tate̱n, eꞌ ayá̱ꞌ wel asikej ipan a̱te̱n iga ma̱jya mopa̱palakachowa̱ya láma̱r.

14
00:02:45,820 --> 00:03:06,780
Iwá̱n yejame̱n kite̱ne̱wijkej toTe̱ko, kijtojkej: “Nimitztajtaniliáj tej Jehová iga amo manimikika̱n no̱ iga niawij nikmiktitij iní̱n ta̱gaꞌ. Siga iní̱n ta̱gaꞌ akichij yej aye̱kti, amo maasi noyakapamej tejté̱ yej aye̱kti, iga tej tikchi̱wa ken tej tikneki.”

15
00:03:06,780 --> 00:03:13,860
Iwá̱n kimo̱takej Jonás ipan láma̱r iwá̱n láma̱r pachiwiꞌ iga poxsan mopa̱palakachojtoya.

16
00:03:13,860 --> 00:03:24,980
Iwá̱n yej ompa ya̱yaj ki̱xmatikej Dios iga yej kichij iwá̱n kimiktilijkej se̱ yo̱lka̱ꞌ, iwá̱n kijtojkej iga yawij kiweyimati̱lti̱tij nochipa.

17
00:03:24,980 --> 00:03:38,020
Iwá̱n Jehová ompa kipiaya se̱ weyimichwé̱j yej kimelaꞌtoloj Jonás iwá̱n Jonás onoya e̱yi día iwá̱n e̱yi yówal iyijtiko weyimichwé̱j.

18
00:03:38,020 --> 00:03:42,240
Iwá̱n Jonás kino̱tzaꞌ iDio̱s este iyijtiko weyimichwé̱j,

19
00:03:42,240 --> 00:03:53,520
iwá̱n kijtoj: “Niktno̱tzaꞌ Jehová kua̱ꞌ némiya nimiki, iwá̱n yéj ne̱kaguiꞌ. Este xapo‑ijtiꞌ ka̱n nito̱ktoꞌ nimitzte̱ne̱wij, iwá̱n tine̱tajto̱lkaguiꞌ.

20
00:03:53,520 --> 00:04:02,080
Tine̱mo̱taꞌ ka̱n takomichka̱n, ka̱n pox wejkatan. Iwá̱n ne̱melaꞌtzakuaꞌ a̱ꞌti, eꞌ tej tikchij iga nij mani‑a̱tzakto.

21
00:04:02,080 --> 00:04:10,440
Iwá̱n nikijtoj: “A̱n sí tine̱tájkalya, ayoꞌ tine‑itasneki; eꞌ nikmati malej ijkó̱n nonos mote̱noj.”

22
00:04:10,440 --> 00:04:18,660
Nikmachi̱lia̱ya yawiy ki̱sati noa̱lmaj, nita̱tako̱mpachiwiáy, iwá̱n ne̱kechki̱kimilojtoya a̱kuamekamej.

23
00:04:18,660 --> 00:04:28,180
TinoDio̱s Jehová, nasiꞌ te ka̱n pox ta‑ijtiꞌ. Nikmachi̱lia̱ya nonoya ta̱ltampa. Eꞌ tej tineojpa‑ixitij ka̱n nimiktoya.

24
00:04:28,180 --> 00:04:35,600
Kua̱ꞌ nita̱tapolijtoya, nikte̱ne̱wij Jehová, iwá̱n asiꞌ notájto̱l, este pox ajko ka̱n tonoꞌ.

25
00:04:35,600 --> 00:04:39,440
Yej kitokaj na̱mo̱ldio̱s, tej awel tikpale̱wiá.

26
00:04:39,440 --> 00:04:49,660
Eꞌ nej nimitztakui̱kili̱j, iga nimitzweyimati̱lti̱j. Nia nikchi̱wati yej nimotajto̱ltij wa̱n tej, ¡iga tejsan Jehová wel titama̱nawiá!”

27
00:04:49,660 --> 00:04:57,120
Iwá̱n Jehová kitekimáꞌ weyimichwé̱j iga makiso̱tati Jonás ipan a̱tate̱n.

28
00:04:57,120 --> 00:05:00,480
Jehová kino̱tzaꞌ sej Jonás wa̱n kijlij:

29
00:05:00,480 --> 00:05:07,940
“A̱n sí, sémiya xaj ipan weyi‑a̱ltepe̱ꞌ Nínive, iwá̱n xitzájtzipa iga xikijto yej nia nimitzijli̱ti.”

30
00:05:07,940 --> 00:05:22,600
Iwá̱n Jonás nimani̱nsan kikuiꞌ ojti iga yawi Nínive ijkó̱n kensan kijlij Jehová. Inó̱n a̱ltepe̱ꞌ Nínive poxsan weyi, iga no̱ya̱n mamonejnemili inó̱n a̱ltepe̱ꞌ kiwi̱gaya e̱yi día.

31
00:05:22,600 --> 00:05:35,500
Iwá̱n Jonás pe̱waꞌ iga kinejnemilij inó̱n a̱ltepe̱ꞌ iwá̱n nejnen semilwiꞌ iga kijtojtinemi: “De iná̱n a 40 día yej cha̱ntitokej nij Nínive yawij poliwitij.”

32
00:05:35,500 --> 00:05:50,280
Wa̱n yej cha̱ntitokej Nínive kitajto̱lkuikej Dios, iwá̱n iga mane̱si iga moyo̱lpatakej, atakuajkej, iwá̱n kakijkej itzotzolmej yej tejchiktiꞌ, inó̱n kichij este yej má̱j yo̱lej wa̱n yej nemi moskaliwij.

33
00:05:50,280 --> 00:06:05,700
Kua̱ꞌ inó̱n kimatiꞌ el rey de Nínive, kikajtej ka̱n manda̱rowa, iwá̱n kiki̱xtij itzótzol yej kakiáj re̱ymej iwá̱n kakij yej tejchiktiꞌ iwá̱n mota̱lij ipan nexti iga mane̱si iga moali̱mpamati iyi̱xtaj Dios.

34
00:06:05,700 --> 00:06:20,840
Iwá̱n el rey iwá̱n yej tayaka̱ntokej kimati̱ltijkej nochi yej cha̱ntitokej ompa Nínive, ijkí̱n kijtojkej: “Yej nij ancha̱ntitokej iwá̱n inochi amoyo̱lka̱mej amo xitakua̱ka̱n niga xikoni̱ka̱n a̱ꞌti.

35
00:06:20,840 --> 00:06:36,140
Ma̱jwaꞌ xikaki̱ka̱n amotzótzol yej tejchiktiꞌ amonochi̱n, iwá̱n poxsan xikte̱ne̱wi̱ka̱n Dios. Ximoyo̱lpataka̱n iga ankichijtokej yej aye̱kti, iwá̱n sejsé̱ de amejwa̱n xikajte̱waka̱n iga ankimagaj sekin iga ankitachtekiáj;

36
00:06:36,140 --> 00:06:42,020
anka ijkó̱n pojpoliwis iga kuesitoꞌ Dios, moyo̱lpatas iwá̱n ayꞌya te̱polo̱skej.”

37
00:06:42,020 --> 00:06:50,040
Iwá̱n Dios kiye̱ꞌitaꞌ iga moyo̱lpatakej yej de Nínive, iwá̱n ayoꞌ kichij yej kichi̱wilia̱yaj.

38
00:06:50,040 --> 00:06:57,300
Eꞌ kua̱ꞌ Jonás kitaꞌ iga ayá̱ꞌ poliwikej yej icha̱mej Nínive, poxsan kuejkuesiwiꞌ

39
00:06:57,300 --> 00:07:19,660
iwá̱n kijlij Jehová: —Nikmatiaya iga ijkí̱n tikchi̱waya kua̱ꞌ nonoya ipan noa̱ltepe̱ꞌ, inó̱n iga niajki Tarsis iga nicholoj; nikmatiá no̱ iga tej pox titacho̱kiliá iwá̱n pox tite‑ijikni̱n, ayá̱ꞌ imaní̱n tikuesiwi, iwá̱n atikneki agaj xikikno̱chi̱wa, ma̱jwaꞌ tike̱lka̱wiliá yej se̱ kichi̱wa yej aye̱kti.

40
00:07:19,660 --> 00:07:26,300
Inó̱n iga iná̱n nimitztajtaniliá iga xine̱míktiya, anka má̱j ye̱kti manimikto que manisato.

41
00:07:26,300 --> 00:07:31,520
Eꞌ Jehová kijtoj: —¿Ix ompay a̱n iga pox tikuejkuesitoꞌ?

42
00:07:31,520 --> 00:07:49,040
Iwá̱n Jonás ki̱saꞌ ipan a̱ltepe̱ꞌ Nínive iwá̱n ojkuiꞌ ka̱mpa ki̱sa to̱nati̱ꞌ iga mose̱wi̱to. Iwá̱n ompa kichij se̱ kuatapech iwá̱n mota̱lij itampa pan itasejka̱nyo iga makita te̱ kichi̱was Jehová iga inó̱n a̱ltepe̱ꞌ Nínive.

43
00:07:49,040 --> 00:08:04,120
Iwá̱n Jehová Dios kixwaltij se̱ ayojmekaꞌ iwá̱n moko̱komo̱n iyi̱xko ikuatapech Jonás iga itasejka̱nyo makikua̱tzakua Jonás iga mamoyo̱lta̱li. Jonás poxsan pa̱guiꞌ iga inó̱n ayojmekaꞌ.

44
00:08:04,120 --> 00:08:14,580
Eꞌ kua̱ꞌ tane̱siꞌ ipan seꞌya día, Dios kichij iga se̱ okuilin makitzi̱nteki ayojmekaꞌ, iwá̱n inó̱n ayojmekaꞌ wa̱guiꞌ.

45
00:08:14,580 --> 00:08:38,840
Iwá̱n kua̱ꞌ ki̱saꞌ to̱nati̱ꞌ, Dios kiti̱tan to̱nalejekaꞌ yej pox tajpalej iwá̱n pox toto̱niꞌ, yej wa̱laj ka̱n kí̱sapa to̱nati̱ꞌ. Iwá̱n to̱nati̱ꞌ poxsan kikua̱tatia̱ya Jonás, iwá̱n este ta̱tapoliwiaya, iwá̱n kinekiaya mamiki, kijtowa̱ya: —Iga nej má̱j ye̱kti katka manimiki que manisato.

46
00:08:38,840 --> 00:08:50,480
Iwá̱n Dios kijlij Jonás: —¿Ix pox tikuesiwi iga wa̱guiꞌ ayojmekaꞌ? Iwá̱n Jonás kijtoj: —Kena, poxsan nikuesiwi, este nikneki manimíkiya.

47
00:08:50,480 --> 00:09:02,140
Iwá̱n Jehová kijtoj: —Poxsan tikcho̱kiliá ayojmekaꞌ yej ayá̱ꞌ tikto̱gaꞌ, niga tikweyaltij, yej se̱ yówal ixwaꞌ, iwá̱n seꞌ yówal miguiꞌ.

48
00:09:02,140 --> 00:09:17,980
In nej, ¿ix ayá̱ꞌ nikcho̱kili̱j ine̱pa weyi‑a̱ltepe̱ꞌ Nínive ka̱n onoꞌ má̱j de 120 mil tajta̱gaꞌ yej akimatij te̱ kichi̱waj iga mamoma̱nawi̱ka̱n, iwá̱n onoꞌ komati yo̱lka̱mej?