1
00:00:05,000 --> 00:00:10,280
Ma' 6 pin iri na panawo' pain ca nam' cama Isabel ma' ne,

2
00:00:10,280 --> 00:00:13,020
tomi' ac con na Gabriel Iri' Jam:

3
00:00:13,020 --> 00:00:16,080
Mao rain cidade pain Nazaré cain,

4
00:00:16,080 --> 00:00:19,180
ca pe nain Galileia cain.

5
00:00:19,180 --> 00:00:20,840
Hwet ram xojam' cwain.

6
00:00:20,840 --> 00:00:24,140
Ma' na wari' co an tam nam cwain,

7
00:00:24,140 --> 00:00:28,480
co iri' hwanana ne non taramaxicon Davi cara pane.

8
00:00:28,480 --> 00:00:30,660
José na wixicon.

9
00:00:30,660 --> 00:00:34,520
An ram paxi' non cote cama cam jicam.

10
00:00:34,520 --> 00:00:36,940
Ane om an querec cam ne,

11
00:00:36,940 --> 00:00:39,880
om ca quep querec cam tarama' quem.

12
00:00:39,880 --> 00:00:42,000
Maria na wixicam.

13
00:00:42,000 --> 00:00:45,820
Mo tomi' ram e' ac con na Gabriel Iri' Jam.

14
00:00:45,820 --> 00:00:46,820
Ma,

15
00:00:46,820 --> 00:00:48,420
mao ac ca na.

16
00:00:48,420 --> 00:00:50,200
Hwet iri nam ne,

17
00:00:50,200 --> 00:00:51,940
tomi' ac cam na:

18
00:00:51,940 --> 00:00:54,160
Maqui' ina ta Maria.

19
00:00:54,160 --> 00:00:56,420
Tomi' querec te ra inem,

20
00:00:56,420 --> 00:00:59,340
xi om ne ca param mi' ara quem,

21
00:00:59,340 --> 00:01:02,580
pain ca awi wa Iri' Jam co Iri' Taramaxicon ta.

22
00:01:02,580 --> 00:01:06,200
Pe ho' nem quem na ca tomi' cam ma'.

23
00:01:06,200 --> 00:01:09,100
Taraju iri nain ca tomi' nucun ne,

24
00:01:09,100 --> 00:01:11,560
xat pin ac ne na ximicam.

25
00:01:11,560 --> 00:01:13,880
Cain' cain' xira con ne?

26
00:01:13,880 --> 00:01:18,380
Para tomi' ac i ma' capa' ne ta na ca coromicat nequem.

27
00:01:18,380 --> 00:01:21,120
Ane tomi' cam Gabriel ne:

28
00:01:21,120 --> 00:01:22,860
Om na ta Maria,

29
00:01:22,860 --> 00:01:24,600
ta jin' ma me ta.

30
00:01:24,600 --> 00:01:26,900
Tomi' querec te nem Iri' Jam.

31
00:01:26,900 --> 00:01:29,740
Param mi' nem pain ca awi wa.

32
00:01:29,740 --> 00:01:31,340
Nam' ra nem,

33
00:01:31,340 --> 00:01:33,880
pan' qui' ac ca tara cawinam.

34
00:01:33,880 --> 00:01:35,700
O' ma' ac mon tara,

35
00:01:35,700 --> 00:01:38,420
Jeju ac mon tara.

36
00:01:38,420 --> 00:01:39,300
Hwara' opa tamana tara,

37
00:01:39,300 --> 00:01:43,960
Iri' Panxica Iri' Jam co hwara' opa tamana pan.

38
00:01:43,960 --> 00:01:50,960
Mi' toron pain ca taramaxicon pe cain maxicon co iri' hwanana ne non Davi cara pane.

39
00:01:50,960 --> 00:01:55,860
Taramaxicon pe ho' cara ac cocon tara waram winacon Jacó cara pane,

40
00:01:55,860 --> 00:02:01,400
om ta pi' ra ha' ne ca taramaxicon pe ho' cara cocon ta.

41
00:02:01,400 --> 00:02:05,840
Ac i ma' na ca tomi' cam Maria Gabriel pane.

42
00:02:05,840 --> 00:02:08,000
Tomi' querec ac con na:

43
00:02:08,000 --> 00:02:10,280
Cain' xi nam' ac ta' quem,

44
00:02:10,280 --> 00:02:13,540
xi quep camain' capa' tarama' ta non.

45
00:02:13,540 --> 00:02:14,640
Om na,

46
00:02:14,640 --> 00:02:19,080
quiji' hwet terem Tamataracon Iri' Jam ta Maria ac cam na.

47
00:02:19,080 --> 00:02:24,480
Pe ho' terem ca hwara' opa nucun Iri' Jam co Iri' Taramaxicon pan.

48
00:02:24,480 --> 00:02:30,000
Je ca iri' wari' nucun Iri' Jam ta' ca pije' co pan' ta' ma' pum.

49
00:02:30,000 --> 00:02:33,940
Iri' Panxica Iri' Jam ta totoron quem nam.

50
00:02:33,940 --> 00:02:38,140
Nam' na ca nari nem Isabel ma' quem ac cam na.

51
00:02:38,140 --> 00:02:40,200
Horon pin paxi' na,

52
00:02:40,200 --> 00:02:42,420
ane nam' pin cama ne.

53
00:02:42,420 --> 00:02:46,720
Om ca nam' taxi' cama nanam oro win ma' cama ira.

54
00:02:46,720 --> 00:02:51,220
Ane ma' 6 pin ca panawo' pain ca nam' cama ne.

55
00:02:51,220 --> 00:02:57,160
Xi ma' ne carawa ca tanacam' non Iri' Jam ta Maria na ca tomi' cam ma'.

56
00:02:57,160 --> 00:02:59,280
Ma'e ac cama na.

57
00:02:59,280 --> 00:03:02,300
Taramaja mi' ton Iri' Jam ca' ira.

58
00:03:02,300 --> 00:03:06,020
Ara mi' tarapa' ca tomi' mapa' ta non.

59
00:03:06,020 --> 00:03:11,220
In ca' ac cam na jam co taramaja mi' non Iri' Jam ma'.