1
00:00:05,000 --> 00:00:07,040
Xec pin iri na ne,

2
00:00:07,040 --> 00:00:08,540
pain iri' xo' xec ma',

3
00:00:08,540 --> 00:00:12,820
tomi' xo' ac xucucun na oro taramaxicon pain ca Sinédrio caca ma'.

4
00:00:12,820 --> 00:00:14,400
Mo nana:

5
00:00:14,400 --> 00:00:17,660
Oro taramaxicon nucucun oro sacerdote ma',

6
00:00:17,660 --> 00:00:21,000
oro xucucun taramaxicon nuxut pain ca judeu urut ca',

7
00:00:21,000 --> 00:00:24,540
oro co ca' na taxipa' nanain ca xirao' nucun Moisés ma' quem,

8
00:00:24,540 --> 00:00:27,500
tomi' xo' tomi' xo' pi' pin ac xucucun na.

9
00:00:27,500 --> 00:00:29,760
Pao' pe ac cocon na Jeju,

10
00:00:29,760 --> 00:00:31,600
an mao ac cocon na,

11
00:00:31,600 --> 00:00:34,840
o mi' ac cocon na con taramaxicon Pilatos.

12
00:00:34,840 --> 00:00:39,840
Wum co iri' taramaxicon nucucun oro judeu cwa' ra na ca tomi' querec con Pilatos.

13
00:00:39,840 --> 00:00:41,380
Wata' cwa' ira.

14
00:00:41,380 --> 00:00:44,340
Win ne ca tomi' ma ma' ta ac ca na Jeju.

15
00:00:44,340 --> 00:00:48,960
Tomi' em' tamana ac cocon na oro taramaxicon nucucun oro sacerdote ma'.

16
00:00:48,960 --> 00:00:51,900
Mija na ca caracat ca Jeju cwa' nonon.

17
00:00:51,900 --> 00:00:54,620
Tomi' querec mami' ac con na Pilatos:

18
00:00:54,620 --> 00:00:57,020
Om ca tomi' in pin toton ma ra?

19
00:00:57,020 --> 00:01:03,160
Om ca taraju momon pain ca tomi' em' quequem pain ca caracat tamana na ta quequem ca' ra na ca tomi' con ma'.

20
00:01:03,160 --> 00:01:05,240
Ane tacana pe pan ca Jeju ne,

21
00:01:05,240 --> 00:01:07,440
om ca tomi' camain' ca.

22
00:01:07,440 --> 00:01:10,080
Wa wa tamana non Pilatos.

23
00:01:10,080 --> 00:01:12,820
Taramaxicon Pilatos cara pane,

24
00:01:12,820 --> 00:01:15,560
pain oro cawaxi' pain xec nein Páscoa pane,

25
00:01:15,560 --> 00:01:18,360
pain ca tomi' querec te wi caca oro judeu ma',

26
00:01:18,360 --> 00:01:21,200
pa hwet taxipa' non wari' co tao' pe wa.

27
00:01:21,200 --> 00:01:22,900
Je curucun pane,

28
00:01:22,900 --> 00:01:25,560
pa hwet taxipa' non wari' co tao' pe wa,

29
00:01:25,560 --> 00:01:28,880
pa hwet mi' taxipa' tata con oro wari' pane.

30
00:01:28,880 --> 00:01:32,180
Pa hwet mi' xut con co param urut cwa' iri nana ne,

31
00:01:32,180 --> 00:01:34,720
pa hwet mi' ac tococwa na con.

32
00:01:34,720 --> 00:01:37,120
Je curucun taramaxicon pane.

33
00:01:37,120 --> 00:01:39,040
Pain xocori ca' iri na ne,

34
00:01:39,040 --> 00:01:43,180
ma' na wari' co tao' pe wi wa cocon co noc nonon oro romano ma',

35
00:01:43,180 --> 00:01:49,500
co to' parapa' pin nonon pain ca mana' mana' mixita qui' tococwa soldado nucucun oro romano pane.

36
00:01:49,500 --> 00:01:51,500
Barrabás na wixicon.

37
00:01:51,500 --> 00:01:53,840
Maqui' ac caca na oro wari'.

38
00:01:53,840 --> 00:01:55,640
Mija nana wari'.

39
00:01:55,640 --> 00:01:58,460
Pa hwet mi' xut con wari' co tao' pe ma ma',

40
00:01:58,460 --> 00:02:00,800
win ma pane nonon Pilatos.

41
00:02:00,800 --> 00:02:08,240
Param mahu' pain ca pa hwet mi' xuhu' con co cwa' co taramaxicon ne hwe pain ca judeu hwe ma' ra na ca tomi' querec tococwa ma'.

42
00:02:08,240 --> 00:02:10,480
Ma' na ximicon Pilatos.

43
00:02:10,480 --> 00:02:14,280
Querec pin' tata oro taramaxicon nucucun oro sacerdote ma',

44
00:02:14,280 --> 00:02:17,960
querec pin' tata pain ca noc ximama' pan cocon Jeju ma'.

45
00:02:17,960 --> 00:02:22,140
Querec pin' tata oro wari' pain ca tomi' querec te tamana pan cocon quem.

46
00:02:22,140 --> 00:02:25,940
Je ca o mi' cacapa' con ta na ca coromicat nucun.

47
00:02:25,940 --> 00:02:30,820
Ane wara tomi' cocon oro wari' oro taramaxicon nucucun oro sacerdote ma' ne.

48
00:02:30,820 --> 00:02:33,600
Noc urut con Jeju ta jun me nonon.

49
00:02:33,600 --> 00:02:36,000
Pa hwet mi' xut con Barrabás jun,

50
00:02:36,000 --> 00:02:38,440
tomi' tomi' na pin ac cocon na.

51
00:02:38,440 --> 00:02:40,440
Xin ne ac caca na,

52
00:02:40,440 --> 00:02:42,700
tomi' ac cocon na Pilatos:

53
00:02:42,700 --> 00:02:43,920
Om na,

54
00:02:43,920 --> 00:02:45,820
noc urut con Jeju ta,

55
00:02:45,820 --> 00:02:47,700
mi' xut con Barrabás ma',

56
00:02:47,700 --> 00:02:51,180
pa hwet mi' xut con Barrabás ta na ca tomi' cocon ma'.

57
00:02:51,180 --> 00:02:53,320
Cain' cain' xiton co cwa' quem,

58
00:02:53,320 --> 00:02:57,260
co taramaxicon ne hwe pain ca judeu hwe ma' quem ac tococwa na.

59
00:02:57,260 --> 00:02:58,400
Om na,

60
00:02:58,400 --> 00:03:03,220
na e' na pain ca tatatain mi' tocwa pain pana ta nana pain ca merem caca ma'.

61
00:03:03,220 --> 00:03:05,100
Cain' cain' xira pahu'?

62
00:03:05,100 --> 00:03:08,040
Para em' na hun ma' quem ac tococwa na.

63
00:03:08,040 --> 00:03:10,540
Merem mip merem mip ac caca na.

64
00:03:10,540 --> 00:03:11,640
Om na,

65
00:03:11,640 --> 00:03:15,400
na e' na pain ca tatatain mi' tocwa pain pana ta nana.

66
00:03:15,400 --> 00:03:17,620
Ma ac ca na Pilatos.

67
00:03:17,620 --> 00:03:19,720
Ca' na ca coromicat nucun:

68
00:03:19,720 --> 00:03:21,260
Tomi' ha' toton,

69
00:03:21,260 --> 00:03:24,040
ma' ta tomi' querec te cacapa' ta na.

70
00:03:24,040 --> 00:03:27,240
Je ca pa hwet mi' tococwa con Barrabás ma'.

71
00:03:27,240 --> 00:03:31,100
Wap jun Jeju cwa' ta ac tococwa na oro soldado nucun,

72
00:03:31,100 --> 00:03:33,040
wap wap ac cocon na.

73
00:03:33,040 --> 00:03:34,600
An mao jun ta,

74
00:03:34,600 --> 00:03:37,840
tatatain mi' jun pain pana ta ac tococwa na.

75
00:03:37,840 --> 00:03:39,600
Oro soldado ma',

76
00:03:39,600 --> 00:03:43,080
an corom mao ac cocon na Jeju pain xiricon taramaxicon.

77
00:03:43,080 --> 00:03:46,700
Tomi' cut in ac cocon na oro win soldado caca ma' quem.

78
00:03:46,700 --> 00:03:49,420
Pe iri nonon con cote ca wom ma' ne,

79
00:03:49,420 --> 00:03:52,320
co ac womicon taramaxicon co paca' awi ma',

80
00:03:52,320 --> 00:03:55,140
ton ac cacain na caji macon ca puxu ma',

81
00:03:55,140 --> 00:04:02,080
mo' mo' ac cacain na caji waji' ca an xiho' paxi' nain ca to taxipa' caca oro taramaxicon pain winacocon ma',

82
00:04:02,080 --> 00:04:04,320
pe ac cocon na pain winacon.

83
00:04:04,320 --> 00:04:06,820
Pe torotop mi' mixein ac cocon na.

84
00:04:06,820 --> 00:04:11,880
Awi na taramaxicon nucucun oro judeu cwa' ta nana pain ca tomi' ximama' cocon ma'.

85
00:04:11,880 --> 00:04:14,780
To' ac cocon na pain winacon pain pana,

86
00:04:14,780 --> 00:04:17,240
cupa' cupa' ac cocon na quem.

87
00:04:17,240 --> 00:04:19,400
Pe torotop mi' ac cocon na,

88
00:04:19,400 --> 00:04:21,840
tomi' querec te mixein e' nonon quem.

89
00:04:21,840 --> 00:04:24,500
Tatam' tatam' noc pin iri nonon ne,

90
00:04:24,500 --> 00:04:27,220
hot ca' ac cocon na con wom co paca' ma',

91
00:04:27,220 --> 00:04:30,280
pe mami' ac cocon na con iri' womicon.

92
00:04:30,280 --> 00:04:32,580
An hwet mao ac cocon na quem.

93
00:04:32,580 --> 00:04:35,900
Ma' ta tatatain mi' xun pain pana ta nonon.

94
00:04:35,900 --> 00:04:38,480
Xuruxut mama' iri nanain wana ne,

95
00:04:38,480 --> 00:04:40,820
win quima ac cocon na wari' ma'.

96
00:04:40,820 --> 00:04:42,720
Simão na wixicon.

97
00:04:42,720 --> 00:04:45,140
Wari' nein Cirene na Simão.

98
00:04:45,140 --> 00:04:48,540
Cote ca Alexandre con Rufo na Simão ma'.

99
00:04:48,540 --> 00:04:50,240
Maqui' nain xitot.

100
00:04:50,240 --> 00:04:52,440
Quep ac cocon na oro soldado,

101
00:04:52,440 --> 00:04:55,520
an tiquin' rain panaxicon Jeju cwa' nonon.

102
00:04:55,520 --> 00:04:59,360
An mao ac cocon na Jeju pain ca tamaja pan ne macan' ma',

103
00:04:59,360 --> 00:05:01,860
ca Gólgota caca oro wari' ma'.

104
00:05:01,860 --> 00:05:05,400
Maxinain Tacawaji' na ca tomi' mao nein Gólgota.

105
00:05:05,400 --> 00:05:08,920
Wara joc wanan nanain comi uva pain waraqui mirra.

106
00:05:08,920 --> 00:05:10,160
Ma' ta.

107
00:05:10,160 --> 00:05:12,200
Toc rain ta paxi' nonon.

108
00:05:12,200 --> 00:05:14,000
Ane om toc cain ne.

109
00:05:14,000 --> 00:05:16,700
Tatatain mi' ac cocon na pain pana.

110
00:05:16,700 --> 00:05:20,620
An an xam' xun womicon cwa' ta ac caca na oro soldado ma'.

111
00:05:20,620 --> 00:05:22,360
Ma' xi an non co cwa' ne,

112
00:05:22,360 --> 00:05:24,600
ma' xi an non co cwa' ne xucucun,

113
00:05:24,600 --> 00:05:27,160
ara ac cacain na ca ara taxipa' caca ma',

114
00:05:27,160 --> 00:05:30,640
ma' ta taxi' xun wom co an xi' iri' cwa' xucucun.

115
00:05:30,640 --> 00:05:32,740
Om ca pawin ca xina ma',

116
00:05:32,740 --> 00:05:34,320
pain 9 hora ma',

117
00:05:34,320 --> 00:05:36,920
pain ca tatatain mi' cocon pain pana.

118
00:05:36,920 --> 00:05:40,700
Xirao' pe ta ca pan tem na ta tocwa pain pana ma'.

119
00:05:40,700 --> 00:05:44,240
Tatatain mi' ac cacain na pain tamain panaxicon.

120
00:05:44,240 --> 00:05:46,000
Ca' na ca xirao' nein:

121
00:05:46,000 --> 00:05:49,400
Taramaxicon nucucun oro judeu ta na ca xirao' nein.

122
00:05:49,400 --> 00:05:52,960
Tatatain mi' iri nonon pain panaxicon Jeju ne,

123
00:05:52,960 --> 00:05:57,380
ma' 2 ac caca na wari' co tatatain mi' wawa pain pana ma' quem.

124
00:05:57,380 --> 00:05:59,380
Iri' caxicon wari' nana,

125
00:05:59,380 --> 00:06:01,820
cut noc xa taxipa' nana carawa.

126
00:06:01,820 --> 00:06:03,840
Pe nain iri' curucun xucun,

127
00:06:03,840 --> 00:06:06,380
pe ac cain na paraxicon xucun ma' quem.

128
00:06:06,380 --> 00:06:10,520
Ac i ma' na ca hwet pin ne ca xirao' pe xine pain capijacon Iri' Jam.

129
00:06:10,520 --> 00:06:12,260
Ca' na con pane:

130
00:06:12,260 --> 00:06:14,760
Ac ca caracat ca na cocon,

131
00:06:14,760 --> 00:06:19,300
xi to' pa' wi ara cocon cocon oro caracat ma' na ca xirao' pe xine con pane.

132
00:06:19,300 --> 00:06:23,820
Tomi' xirac tomi' xirac nonon oro wari' co xuruxut tiquin' ca' nonon ma'.

133
00:06:23,820 --> 00:06:26,880
Nanaquin mixein mi' nonon pain winacocon,

134
00:06:26,880 --> 00:06:29,100
tomi' ximama' ac cocon na:

135
00:06:29,100 --> 00:06:30,820
Cain' cain' xima quem?

136
00:06:30,820 --> 00:06:35,040
Wum co to' pa horohot pin tain nain cote ne xiricon Iri' Jam pane ra?

137
00:06:35,040 --> 00:06:37,320
Ma' 3 pin iri tara xec ne,

138
00:06:37,320 --> 00:06:40,780
quep mami' pan ac tain tara ta ma pane ira nonon.

139
00:06:40,780 --> 00:06:43,320
Je xi to' witan qui' xijem quem?

140
00:06:43,320 --> 00:06:47,280
Quiji' ca' ximain panajum ma' quem na ca tomi' ximama' cocon ma'.

141
00:06:47,280 --> 00:06:48,800
Tomi' xirac nonon,

142
00:06:48,800 --> 00:06:55,920
tatam' tatam' nonon oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés ma' quem.

143
00:06:55,920 --> 00:06:58,140
Win caca oro wari' ma'.

144
00:06:58,140 --> 00:07:00,480
Tomi' ximama' ca' nana:

145
00:07:00,480 --> 00:07:03,340
Quep xiho' paxi' nonon oro wari' pane.

146
00:07:03,340 --> 00:07:06,660
Ane om ha' con pain ca quep xiho' pan xucun ne.

147
00:07:06,660 --> 00:07:08,360
Cristo na ron?

148
00:07:08,360 --> 00:07:12,020
Taramaxicon nucucun oro wari' nein Israel na ron?

149
00:07:12,020 --> 00:07:14,460
Je xi quiji' ca' cain pana quem?

150
00:07:14,460 --> 00:07:17,200
Querec iri xun pain ca quiji' ca' cain ne,

151
00:07:17,200 --> 00:07:20,680
howa pin ac xun tara ta na ca tomi' xirac nucucun.

152
00:07:20,680 --> 00:07:25,100
Tomi' xirac tomi' xirac nonon co tatatain wi wawa con quem.

153
00:07:25,100 --> 00:07:27,600
Tocon xina pin iri na ne,

154
00:07:27,600 --> 00:07:29,260
xim pin ac ne na.

155
00:07:29,260 --> 00:07:30,720
Iri' xim na,

156
00:07:30,720 --> 00:07:33,580
xim xim pi' pin na pain oro xijein macan'.

157
00:07:33,580 --> 00:07:35,780
Piquirim pin iri na xina ne,

158
00:07:35,780 --> 00:07:37,260
pain 3 hora ma',

159
00:07:37,260 --> 00:07:39,540
toha pin mami' ac ca na quem.

160
00:07:39,540 --> 00:07:41,820
Piquirim pin iri na xina ne,

161
00:07:41,820 --> 00:07:43,540
pain 3 hora ma',

162
00:07:43,540 --> 00:07:45,560
merem ac ca na Jeju.

163
00:07:45,560 --> 00:07:47,440
Merem mip na:

164
00:07:47,440 --> 00:07:48,560
Eloí,

165
00:07:48,560 --> 00:07:49,320
Eloí,

166
00:07:49,320 --> 00:07:52,400
lamá sabactâni na ca merem nucun.

167
00:07:52,400 --> 00:07:54,880
Pain ca merem ac i ma' ca ma',

168
00:07:54,880 --> 00:07:57,040
ca' na ca tomi' mao nein:

169
00:07:57,040 --> 00:07:58,280
Iri' Jam ne,

170
00:07:58,280 --> 00:07:59,120
Iri' Jam ne,

171
00:07:59,120 --> 00:08:01,080
para paca' mapa' ma' quem,

172
00:08:01,080 --> 00:08:03,340
ac i ma' na ca tomi' mao nein.

173
00:08:03,340 --> 00:08:06,380
Ma' nana wari' co coco' to nanain i ma',

174
00:08:06,380 --> 00:08:09,000
co taraju nanain ca merem nucun ma' quem.

175
00:08:09,000 --> 00:08:10,820
Tomi' ac caca na:

176
00:08:10,820 --> 00:08:12,180
Taraju jun.

177
00:08:12,180 --> 00:08:15,880
Merem non Elias cara pane nana pain ca taraju ec nucucun.

178
00:08:15,880 --> 00:08:20,340
Mi' ton pain caji comi uva ca tup ca' e' ac ca na win ma' caca ma',

179
00:08:20,340 --> 00:08:21,860
mo hwet ac cain na,

180
00:08:21,860 --> 00:08:25,480
xin cam ac cain na caji hoho hoho pain comi uva.

181
00:08:25,480 --> 00:08:27,420
Moin' pe ac ne na,

182
00:08:27,420 --> 00:08:30,440
an pe ac cain na pain tamain taparain pana.

183
00:08:30,440 --> 00:08:31,700
Ma' ta!

184
00:08:31,700 --> 00:08:33,620
Toc rain ta ac con na.

185
00:08:33,620 --> 00:08:35,140
To wet iri ca ma',

186
00:08:35,140 --> 00:08:36,960
querec xi' e' ac ca na.

187
00:08:36,960 --> 00:08:39,040
Am maqui' ca Elias con.

188
00:08:39,040 --> 00:08:41,840
Am hot ca' ton con pain panaxicon ca',

189
00:08:41,840 --> 00:08:44,180
ac i ma' na ca tomi' ximao nucun.

190
00:08:44,180 --> 00:08:46,180
Merem ac ca na Jeju,

191
00:08:46,180 --> 00:08:47,540
merem mip na.

192
00:08:47,540 --> 00:08:49,180
Mi' pin ac ca na.

193
00:08:49,180 --> 00:08:53,680
Wein mao ac ca na cote ca wom co wa pe nain cote ne xiricon Iri' Jam ma',

194
00:08:53,680 --> 00:08:58,460
co tao' caho' nain iri' ca pe ne panaxicon pain iri' paxicom cain.

195
00:08:58,460 --> 00:09:00,580
Wein ac nain ximijacon.

196
00:09:00,580 --> 00:09:02,780
Wein quiji' mao nain macan'.

197
00:09:02,780 --> 00:09:05,380
Taramaxicon nucucun oro soldado ma',

198
00:09:05,380 --> 00:09:07,120
co xat ja' pan non ma',

199
00:09:07,120 --> 00:09:09,960
taraju iri non Jeju pain ca merem ca ne.

200
00:09:09,960 --> 00:09:13,000
Querec iri non pain ca mi' pin ac i ma' ca ma' ne.

201
00:09:13,000 --> 00:09:14,600
Tomi' ac ca na:

202
00:09:14,600 --> 00:09:16,360
Wa inon co cwa' me.

203
00:09:16,360 --> 00:09:19,720
Iri' Panxica Iri' Jam ca ma' ira na ca tomi' ca ma'.

204
00:09:19,720 --> 00:09:23,000
Ma' nana oro narima' co noro pira nonon ma'.

205
00:09:23,000 --> 00:09:24,260
Mo nana:

206
00:09:24,260 --> 00:09:26,120
Maria Madalena ma',

207
00:09:26,120 --> 00:09:27,460
Salomé ma',

208
00:09:27,460 --> 00:09:30,760
Maria jicon Tiago con cwaji' ca José ma',

209
00:09:30,760 --> 00:09:32,760
ma' nana oro xequequem ma' quem.

210
00:09:32,760 --> 00:09:35,220
Wara ja' ja' nonon Jeju pane,

211
00:09:35,220 --> 00:09:37,800
pain ca pe qui' cain Galileia pane.

212
00:09:37,800 --> 00:09:39,240
Ja' ja' nonon,

213
00:09:39,240 --> 00:09:41,060
quep xiho' nonon quem.

214
00:09:41,060 --> 00:09:46,500
Mija nana oro xequequem co ja' ja' nonon pain ca maqui' cain Jerusalém ma' quem.

215
00:09:46,500 --> 00:09:49,100
Irawin pa' ac cocon na.

216
00:09:49,100 --> 00:09:51,340
Xec sábado ta' na cocon,

217
00:09:51,340 --> 00:09:54,000
xec xao to wa xin ximixi' nana.

218
00:09:54,000 --> 00:09:58,520
Je ca wara an to xo' xin oro carawa nein sábado pain xec ca' caca ma',

219
00:09:58,520 --> 00:10:00,320
je curucucun pane.

220
00:10:00,320 --> 00:10:03,560
Je ca tomi' ton con Pilatos José ma'.

221
00:10:03,560 --> 00:10:06,200
Wari' nein Arimateia na José ma'.

222
00:10:06,200 --> 00:10:11,300
Win ma' ne nonon oro taramaxicon nucucun oro judeu co Sinédrio nana ma'.

223
00:10:11,300 --> 00:10:15,500
Hwara' opa na cocon oro win ma' ca pain ca Sinédrio caca.

224
00:10:15,500 --> 00:10:19,580
Wara taramaxicon pe ho' hap xirapari' Iri' Jam na na quem.

225
00:10:19,580 --> 00:10:21,700
Mo hwet ac con na Pilatos,

226
00:10:21,700 --> 00:10:22,980
om ca jin' con,

227
00:10:22,980 --> 00:10:24,240
mo hwet non.

228
00:10:24,240 --> 00:10:27,040
Mi' ne pain curucun Jeju ta ac con na.

229
00:10:27,040 --> 00:10:28,180
He,

230
00:10:28,180 --> 00:10:30,980
mi' pin iri na ron ac ca na Pilatos ma'.

231
00:10:30,980 --> 00:10:35,680
Mo tomi' qui' ron taramaxicon nucucun oro soldado ma' ac con na wari' nucun ma',

232
00:10:35,680 --> 00:10:37,480
maqui' ac ca na.

233
00:10:37,480 --> 00:10:41,260
Mi' pin iri na ron Jeju ma' na ca tomi' querec con ma'.

234
00:10:41,260 --> 00:10:43,520
Mi' pin na ta ac con na.

235
00:10:43,520 --> 00:10:44,560
Ma,

236
00:10:44,560 --> 00:10:47,540
an mao rain curucun ta ac con na José quem.

237
00:10:47,540 --> 00:10:51,020
An ac con na cote ca wom co awi José ma'.

238
00:10:51,020 --> 00:10:54,580
An quiji' ca' ac cain na curucun Jeju pain panaxicon,

239
00:10:54,580 --> 00:10:57,480
wiric pa' pin ac cain na con cote ca wom.

240
00:10:57,480 --> 00:11:00,760
Wara ca' na man ca wara xe' wa pain pacun ma',

241
00:11:00,760 --> 00:11:02,680
an corom pe ac cain na.

242
00:11:02,680 --> 00:11:06,060
Joc in ac cain na cote ne pacun pain manain ma',

243
00:11:06,060 --> 00:11:08,000
tao' pa' pin ac cain na.

244
00:11:08,000 --> 00:11:11,480
Maria Madalena cam Maria jicon José ma',

245
00:11:11,480 --> 00:11:17,680
querec nanain manain pacun ca an corom pe pe xine curucun Jeju ma' quem.

246
00:11:17,680 --> 00:11:20,580
Corom pin iri na xina pain sábado ma' ne,

247
00:11:20,580 --> 00:11:24,320
pain xec nein ca xao to wa e' cacain ximicocon oro wari' ma',

248
00:11:24,320 --> 00:11:26,600
cut ac cacamain na incenso.

249
00:11:26,600 --> 00:11:29,740
Ma' ta ji'ao mi' xin pain curucun ta nana.

250
00:11:29,740 --> 00:11:31,700
Mo nana:

251
00:11:31,700 --> 00:11:33,220
Maria Madalena ma',

252
00:11:33,220 --> 00:11:34,640
Salomé ma',

253
00:11:34,640 --> 00:11:37,000
Maria jicon Tiago ma' quem.

254
00:11:37,000 --> 00:11:39,920
Iri' xo' xec pain domingo ma' iri na cacam ne,

255
00:11:39,920 --> 00:11:42,260
toha pin iri na xina cacam ne,

256
00:11:42,260 --> 00:11:47,540
mama' xin manain pacun ca an corom pe pe cacain curucun ta ac cacama na.

257
00:11:47,540 --> 00:11:49,760
Xuruxut xuruxut tomi' ac xequequem na:

258
00:11:49,760 --> 00:11:55,820
Ma' wari' xira co joc mi' napari' pain pacun ca tao' pa' caho' nain manain ma' quem na ca tomi' xequequem ma'.

259
00:11:55,820 --> 00:11:58,320
Xuruxut xuruxut noro ho' nana.

260
00:11:58,320 --> 00:12:01,660
Querec nanain ca wara joc panajao' pin xine pacun ma'.

261
00:12:01,660 --> 00:12:03,840
Iri' cote ne pacun ta.

262
00:12:03,840 --> 00:12:05,920
Corom mama' ac cacama na,

263
00:12:05,920 --> 00:12:08,160
querec ac cocon na co xo' hwara' ma'.

264
00:12:08,160 --> 00:12:09,740
Xao pe nain i ma',

265
00:12:09,740 --> 00:12:11,560
pain iri' cwerequequem ma'.

266
00:12:11,560 --> 00:12:13,460
Towo' na womicon.

267
00:12:13,460 --> 00:12:15,420
Jaxicao' pin nanam.

268
00:12:15,420 --> 00:12:17,720
Mija na ca jin' cacama ta.

269
00:12:17,720 --> 00:12:20,240
Ta jin' mahu' me ta ac cacam na.

270
00:12:20,240 --> 00:12:23,500
Pirao' paxi' hun Jeju co maqui' nain Nazaré pane,

271
00:12:23,500 --> 00:12:26,580
co tatatain mi' wa pain pana pane.

272
00:12:26,580 --> 00:12:27,820
E' mami' na ta.

273
00:12:27,820 --> 00:12:29,400
Om pin nain i ca'.

274
00:12:29,400 --> 00:12:30,520
Noro je.

275
00:12:30,520 --> 00:12:34,760
Je i ca' ca an terem' pe cacain curucun pane na ca tomi' cacam ma'.

276
00:12:34,760 --> 00:12:37,080
Mama' je ta ac cacam na.

277
00:12:37,080 --> 00:12:39,340
Tomi' jujun co taxipa' ca ma',

278
00:12:39,340 --> 00:12:41,300
tomi' jun Pedro ma' quem.

279
00:12:41,300 --> 00:12:43,600
Wara mao nain Galileia cain.

280
00:12:43,600 --> 00:12:45,100
Mama' je quem,

281
00:12:45,100 --> 00:12:48,000
je i cain tara ca querec pe hun ta jujun.

282
00:12:48,000 --> 00:12:52,340
Win ne ca wara tomi' pe cuhu' pane ta jujun ta na ca tomi' cacam ma'.