One towe eite meni ta lai, iyape Matyu, peri eite leseye. Meni ape iyape tereꞌe Livai, Jisas lo meni disaipel henerai. Le takis maꞌaru lu taune werese maꞌe aniteye. Poweiye mi ta se Jisas meni ape, wesi oso aꞌi sahe onuteye ape, siyeye. Sosu le Livai le maꞌe umasiyei ne ei aniye. Matyu, Juda lo lu tewi, iyape Livai, maꞌe fai. Sosu le one towe eite leseye su, le Juda lo lu tewi werese maꞌe au leseye. Juda lo lu tewi werese, lowe meni owane ta lowe ne au ferafereiyei ne ninaweteye. Serai Matyu Juda lo lu taune werese maꞌe apou teꞌeye, “Meni ape Jisas, le meni Krais tene. Le meni ape ne nomo ninaweteye. Owane Sitewi lai Jisas hi awei maꞌe eimawe arosaiyei ne ariariyeye.”