Meni ta iyape Luk one towe eite leseye. Le Jisas lo meni disaipel pefine aꞌi taꞌame. Le Juda lo lu tewi maꞌe fai taꞌama. Le lu tewi Grik maꞌe fai. Wiyawi lo, le tu taꞌaneteye ape, le lu taune u tahe se au pati ferafereiteye. Le per Grik teꞌeteye. Le etiri tomu neꞌese wanu soꞌoruweteye. Le one towe eite lu taune Grik maꞌe au leseye. Le lowe maꞌe apou au teꞌe atuatuteye. Meni ape Jisas le lu taune, lu tewi tereꞌe maꞌe fai ape, au pati ferafereiyei ne itorai. Le Jisas lo wiyawi siye taꞌame. Le Jisas lo peri wanu taꞌame. Ahowa, lu tereꞌe tamo Jisas ne au teꞌeteye su, le peri lowe lo wanuwewe, one towe ta sahe leseye. Serai nomo one towe eite siye teꞌeyei su, nomo Jisas Meni Owane Tutawe siyerowa. Le hi awei maꞌe lu taune werese werese aꞌi au pati ferafereiyei ne itorai.