One towe eite lo iyape Aposel. Peri ape Aposel lo sitewi apou aꞌi ne. Meni ta Jisas lo peri au teꞌe fiyariyei ne eimawesawi. Serai one towe eite lu taune lu tamo lo wiyawi werese ne au teꞌesiya. Meni ape Luk one towe eite leseye. Nowe ape se Jisas omo hire maꞌe wiye su, le lu disaipel lo maꞌe apou teꞌeye, “Fene omo Jerusalem sahe ninawere. Ane Owane Sitewi lo omo hire maꞌe wiyei su, ane Owane Sitewi lo Hepene Waraꞌi aꞌi fene maꞌe eimawe arosawirowa.” Le lowe maꞌe teꞌeye, “Fene peri ano lu taune maꞌe omo Jerusalem sahe au teꞌe fiyarite. Sosu omo pani Judia peri ano au teꞌe fiyarite. Sosu omo pani Samaria, sosu omo omo werese aꞌi eyeri maꞌe lu taune maꞌe peri ano au teꞌe fiyarinamite.” Serai meni ape Luk lai lu ape mo lowe wiyawi au teꞌe atuatuteye.