Sosu aꞌi pe Pita, sosu Jon lowesi, poweiye wati su, Owane Sitewi lo wesi tutawe maꞌe wiye. Poweiye wati su, Juda lo lu taune Owane Sitewi maꞌe au teꞌe tiyatinamiteye. 2 Lowesi Owane Sitewi lo wesi tutawe maꞌe henerai su, lu tamo meni ta lowe afofo aꞌi se wari se hene ani sutaitetai. Tu naifa mai lo meni eime ape auteiye su, meni ape lowe afofo aꞌi se henerai. Lowe meni ape Owane Sitewi lo wesi tutawe lo yo tewiye sahe fu howei arosawi. Yo ape lo iyape, “Yo Wisere aꞌi ne.” Meni ape nowe mi mi weriyei saro onuteye. Lu taune Owane Sitewi lo wesi tutawe papu witeye su, le lowe maꞌe maꞌaru tamo ei aniteye. 3 Pita, Jon lowesi yo ape papu wiye su, meni ape lowesi siyeye, le apou eiye, “Fenesi maꞌaru tamo ausa!” 4 Pita, Jon lowesi meni ape siye etiye. Sosu Pita apou eiye, “Ne notosi siye etire.”^a 5 Meni ape lowesi siye etiye. Le apou toteye, “Lowesi maꞌaru tamo ane maꞌe auwei ne.” 6 Sosu aꞌi pe Pita apou eiye, “Ane maꞌaru werese poꞌutesiya. Ahowa, ane etiri tereꞌe ta ne maꞌe faraꞌu auwei. Jisas Krais, omo Nasaret maꞌe fai ape, kairefiyeyei lo se, ane ne maꞌe eiye, sinere! Ne uweite!”^b 7 Sosu Pita ereti eyate feni lo se au ani sineteye. Sosu pereye aꞌi meni ape sine teiye su, lowe hesi aꞌi lo kairefi aꞌi henerai. 8 Meni ape hire yeꞌi auweye. Sosu le uweiteye. Sosu le lowesi mase aiwawe Owane Sitewi lo wesi tutawe papu wiye. Le uweiteyewe, yeꞌi auweteye. Sosu le Owane Sitewi ne au teꞌe wisereye nineꞌiteye. 9 Lu taune werese meni ape siyeye. Le uweiteyewe, Owane Sitewi ne au teꞌe wisereye nineꞌiteye ape, sere siyeye. 10 Lowe meni ape sere siyeye su, lowe meni ape siye soꞌoruweye. Nowe mi mi werese, meni ape, lowe afofo aꞌi se ape, le Owane Sitewi lo wesi tutawe lo iyape “Yo Wisere aꞌi” ape sahe onuteye. Le yo tewiye sahe onuteyewe, maꞌaru tamo ei aniteye. Sosu lowe hepene se suꞌariye. Meni ape lowe hesi aꞌi lo kairefi aꞌi se uweiteye.

nomo werese lo Owane Sitewi, Owane Sitewi Pefine aꞌi lai le Jisas ne au teꞌe wisereyeye. Fene lai Jisas meni Pailat maꞌe heneti. Sosu fene Jisas maꞌe peri teꞌe naruwe. Sosu Pailat Jisas kalabus wesi nowe maꞌe arosawiyei ne toteye su, sosu fene peri apou eiye, ahowa! Ne Jisas me tapeꞌi sahe aine teraꞌere. 14 Jisas, le yo seni luwaru aꞌi se iro taꞌame. Le meni waraꞌi pefine aꞌi tene! Fene lai Jisas maꞌe teꞌe naruwe. Fene le ne teꞌe naruwe su, fene Pailat maꞌe apou ei toweriye, ‘Ne meni luwaru aꞌi tereꞌe kalabus wesi nowe maꞌe ani arosa. Ne meni Jisas fa aine teraꞌere.’ 15 Meni Owane Pefine aꞌi ape lai, lu taune werese marepi hepene heꞌi aꞌi auwei ape, fene lai le aine teraꞌeye. Fene le aine teraꞌeye su, Owane Sitewi lai si tame taꞌane norohuwe sineye. Notosi etiri ape mo siyeyewe, sosu fene maꞌe au teꞌesiya. 16 Jisas lo kairefiyeyei se, le meni ape, lowe afofo aꞌi iroteye ape, au taꞌane faraꞌuweye. Meni ape, lowe afofo aꞌi iroteye ape, Jisas ne tote tawesiye su, Jisas lai lowe hesi aꞌi lo kairefi aꞌi au irowe. Jisas lo kairefi se meni ape au iro taꞌane faraꞌuweye. Fene lai etiri ape mo siyeye.

24 Aiwawe aꞌi Owane Sitewi lo au teꞌe siye lu werese peri ape au teꞌeye. Au teꞌe siye meni ta iyape Samuel, aiwawe aꞌi au teꞌeye. Sosu au teꞌe siye lu werese, moꞌo fai ape, lowe peri eite au teꞌeye. Lowe apou teꞌeye, ‘Nowe meꞌiye su, poweiye ape henerairowa. Owane Sitewi lo peri ape peri wiyeme aꞌi ne.’ 25 Fene werese lai au teꞌe siye lu lo lu tewi aꞌi ne. Owane Sitewi lai peri teꞌe naneiyei wiyeme lo ape, fene maꞌe auwe. Owane Sitewi lai peri pefine aꞌi yaꞌariyei fene lo au teꞌeye. Sosu Owane Sitewi peri wiyeme ape fene aiwawe aꞌi au teꞌeye. Owane Sitewi meni Abraham apou eiye,

26 Sosu Owane Sitewi wiyawi yahowaꞌi taꞌane siye meni ape ariariyeye. Owane Sitewi lai meni ape Jisas tu fene maꞌe eimawesai. Fene yo seni luwaru aꞌi atati arunatire. Fene marepi fene lo atati tote awetowei su, le fene ne au wisereyerowa.”^e