Pol omo pani Galesia sahe lu taune maꞌe Jisas lo peri au teꞌe fiyariteye su, lu taune tomu neꞌese Jisas ne tote tawesi umasiteye. Serai lu taune omo tereꞌe tereꞌe sahe Owane Sitewi maꞌe taꞌuweraiyei ne au teꞌe wisereye nineꞌiteye. Nowe meꞌiye ta se Juda lo lu tewi tamo omo pani ape maꞌe fai. Lowe Pol lo peri ne lowe maꞌe au teꞌe naruteye. Lowe apou teꞌeye, “Fene lu taune waraꞌi aꞌi Owane Sitewi lo nihe se heneraiyei ne totesiya su, fene Moses lo yo peri werese fa wanu umasite.” Pol peri lowe lo wanuwe su, le lowe maꞌe ai marepi toteye. Le lowe maꞌe teꞌeye, “Nomo Moses lo yo peri umasinamiyei su, Krais me tapeꞌi sahe temeniyeye su, yahowaꞌi henerai.” Sosu nomo yo seni luwaru aꞌi sahe irosiya. Serai le lu taune omo pani Galesia sahe apou teꞌeteye. “Fene Juda lo lu ape lo peri wawero meꞌiyeni maꞌe atati arunatiyewe, Jisas lo peri wiyeme aꞌi umasinamite.”