Pol Rom lo kalabus wesi sahe iroteye su, le one towe hesiyo hesiyo lu taune maꞌe lese ausawi. Lu taune omo Efesus iroteye ape mo maꞌe, lu taune omo Filipai sahe iroteye ape mo maꞌe, lu taune omo Kolosi sahe iroteye ape mo maꞌe, sosu le meni Filemon maꞌe one towe taꞌi lese ausawi.

Omo Efesus sahe lu taune tomu neꞌese iroteye. Lowe maꞌaru, etiri tomu neꞌese iroteye. Omo ape sahe, lu taune ape mo lai menitani god wawero maꞌe, iyape Diana au teꞌe wisereye nineꞌiteye.

Omo ape sahe Juda lo lu taune tomu neꞌese iroteye. Sosu aiwawe aꞌi Grik lo lu taune tomu neꞌese iroteye. Serai Pol lowe werese maꞌe au teꞌe atuatuteye. “Lowe Krais ne tote tawesiyei su, lowe werese Krais lo tahe paꞌare taꞌi aꞌi henerairowa. Meni ape Krais, le Meni Owane pihatu henerai. Nomo werese tahe paꞌare lo tewi aꞌi tewi aꞌi heneraiyei.