Pol Rom lo Kalabus wesi sahe le one towe eite lu taune maꞌe omo Kolosi sahe lese ausawi. Pol omo Kolosi sewiye taꞌame. Tu naifa le meni tereꞌe ta iyape Epafras, omo ape maꞌe eimawesawi. Meni ape lu taune maꞌe Jisas lo peri au teꞌe fiyariteye. Serai lu taune tomu neꞌese Jisas ne tote tawesi umasiteye. Nowe meꞌiye ta se, Juda lo lu tewi tamo omo ape fai su, lowe Kolosi lo lu taune tamo marepi afofo aꞌi tatai aniteye. Lowe lu taune maꞌe apou teꞌeye, “Etiri werese niꞌarawe hire maꞌe irosiya ape, fene lowe ne fa au teꞌe wisereye nineꞌinamite. Fene Juda lo yo peri werese fa umasite.” Serai Pol marepi lowe lo au teꞌe fareraiyeyei ne leseye. Le apou eiye, “Krais lai marepi hepene heꞌi aꞌi lo sitewi aꞌi ne. Le yo seni waraꞌi aꞌi lo sitewi aꞌi ne.”