Pol, omo Korin sahe iroteye ape, one towe eite lu taune maꞌe omo Tesalonaika lese ausawi. Omo ape sahe Juda lo lu taune tomu neꞌese iroteye. Aiwawe aꞌi lu taune tewi tereꞌe tomu neꞌese iroteye. Nowe faforu Pol lu taune maꞌe au teꞌe fiyariyei ne iteye su, le omo Tesalonaika maꞌe sewiyeye. Le Jisas lo peri lowe maꞌe au teꞌeteye su, Juda lo lu taune tamo peri lo tote tawesi umasiteye. Ahowa, Juda lo lu owane tamo Pol ne ai marepi totenamiteye. Sosu lowe le omo ape au ani sasarisawi. Pol lu kaiyemo mo lo ape mase omo Beria atoweiye iteroti. Nowe meꞌiye su, le meni Timoti lowe maꞌe si tame eimawesawi. Timoti Pol maꞌe si tame peri heneruwe lowe Pol au teꞌesai. Serai Pol one towe eite lowe maꞌe tote tawesiyei lowe lo au teꞌe kairefiyeteye.