Pol omo Korin sahe iroteye su, le lu taune maꞌe omo Tesalonaika sahe one towe toꞌuresi ape lese ausawi. Le peri ta lowe ne wanuwe su, le one towe eite leseye. Lu taune ape mo, nowe ape se Jisas, si tame itorairowa ape ne, soꞌoru taꞌama. Lu taune tamo apou aꞌi toteye. “Jisas si tame itorai tepaꞌasiye. Sosu lowe le ne aweraꞌiyenati.” One towe eite sahe Pol lowe maꞌe au teꞌe atuatuteye, Sepei Satan hi awei maꞌe henerairowa su, le lu taune tomu neꞌese yo seni luwaru aꞌi tatai anirowa. Ahowa, Jisas si tame itorairowa su, lu taune werese aꞌi, yo seni luwaru aꞌi iroteye ape, le yo seni luwaru aꞌi towafi lowe lo au hese ereirowawe, omo yehe maꞌe eimawe arosawirowa.