Meni ape Timoti omo pani Esia maꞌe fai. Aite lo omo pani Akaia maꞌe fai. Ahowa, mai lo Juda lo menitani. Nowe toꞌuresi Pol lai lu taune maꞌe Jisas lo peri au teꞌe fiyariteye su, le meni yoꞌorei ta le maꞌe au pati taꞌaneyei ne ariariyeye. Pol, sosu Timoti lowesi lu taune maꞌe omo pani Galesia, omo pani Masedonia, sosu omo pani Akaia sahe au teꞌe fiyariteye. Nowe meꞌiye su, Pol meni Timoti omo Efesus maꞌe si tame eimawesawi. Lu taune omo Efesus sahe tote tawesiyei lowe lo pereꞌeyeye. Timoti omo ape maꞌe tote tawesiyei lowe lo au kairefiyeyei ne fi. One towe eite sahe, Pol lai Timoti maꞌe peri wisere aꞌi au teꞌeteye. Lu Timoti maꞌe apou teꞌeye, “Ne lu tamo yo seni aseyaro aꞌi au teꞌe ariariyere. Sosu lowe lai lu taune werese aꞌi au noweinoweiteye.”