1
00:00:05,000 --> 00:00:08,200
Kois Jisas tekeis enien paneke,

2
00:00:08,200 --> 00:00:11,500
“Ni wruew tako ka onton wruew eltin.

3
00:00:11,500 --> 00:00:15,240
Ka onton wruew ontonton eke tekeis tman iyn pan,

4
00:00:15,240 --> 00:00:16,300
‘Tmam,

5
00:00:16,300 --> 00:00:24,700
klon e nakwiesa re o niꞌi naka na tup eltin ka tako e natiy yie pe ka anak prum eke pe narto yi.’

6
00:00:24,700 --> 00:00:29,320
Kois tman eke kwesa ruij o iyn eney kwana onton wruew eltin.

7
00:00:29,320 --> 00:00:34,860
“Wuelwuen nink keijna kois onton wruew ontonton eke ketiy re o tartar iyn eney,

8
00:00:34,860 --> 00:00:39,940
ka yi kwesa re ni korsum i ka kois yi keꞌeiylmana re o tartar iyn eke,

9
00:00:39,940 --> 00:00:42,660
ka yi kwa kantri tako wakmen wuelwuen.

10
00:00:42,660 --> 00:00:50,040
Ka tal eneyeke yi koso re pasin masupim kwa ka yi kaꞌaiynpaij atwuen iyn eney konuiyn eliy i.

11
00:00:50,040 --> 00:00:54,540
Ka tpan pana o tartar iyn eneyeke konuiyn etek eliy yi,

12
00:00:54,540 --> 00:01:02,240
kois tpan soklek etek kwama na kantri neyeke iyn otul konuiyn etek eliy re ka yi nink keꞌepem o tako.

13
00:01:02,240 --> 00:01:04,820
Yi takpeiyla tektek i otul.

14
00:01:04,820 --> 00:01:11,500
Paneke ka yi kwa keyiel ni tako iyn tal eney ka yi kesera yi iyn yi naso yi moiyl.

15
00:01:11,500 --> 00:01:15,740
Ka ni neyeke kekeis i kwa keyieltek re puol iyn.

16
00:01:15,740 --> 00:01:17,620
Otul takꞌal etek i,

17
00:01:17,620 --> 00:01:20,720
olinka ni tako nink keij i otul epin.

18
00:01:20,720 --> 00:01:29,820
Pana tem yi keyiel re puol karꞌaiyn re lek lilin eke ka yi kosoklek etek iyn yi nataiyl re puol naꞌaiyn re lek lilin eney.

19
00:01:29,820 --> 00:01:38,980
“Yi kemen kwa ka yi keyiel keꞌes pan yi koso o soklek ka olon keniy kwana tman iyn eke kois yi tekeis pan,

20
00:01:38,980 --> 00:01:42,460
‘Re ni tartar torso tmam iynjie moiyl oko,

21
00:01:42,460 --> 00:01:45,000
re tertiy otul tartar iyn re tarꞌaiyn.

22
00:01:45,000 --> 00:01:48,940
Ka yeke a wakmin tal eneyeke otul takꞌal etek ie.

23
00:01:48,940 --> 00:01:52,780
Ye norua ney ka ye newue teken na tmam iynjie ko nien,

24
00:01:52,780 --> 00:01:54,540
kois ye nekis i paneke,

25
00:01:54,540 --> 00:01:55,460
“Tmam,

26
00:01:55,460 --> 00:01:59,860
a kosu o soklek etek kwa na God ka kwama na e twana.

27
00:01:59,860 --> 00:02:06,760
Iynwue neyeke yeke a nink kosu o mon iyn e nakiy yie pana ontom wruew niꞌi.

28
00:02:06,760 --> 00:02:11,000
E naksu yie nemin pana tako yere ni torso e moiyl.” ’

29
00:02:11,000 --> 00:02:14,080
Kois yi kroa ka yi kwa na tman.

30
00:02:14,080 --> 00:02:17,680
“Olinka tem yi iynwue wakama wuelwuen eney,

31
00:02:17,680 --> 00:02:22,700
tman iyn eke keyiel keꞌes i ka olon kataiyn etek onton iyn.

32
00:02:22,700 --> 00:02:28,340
Ka yi takpeij kwama na onton eke ka yi kanaiytwama yi kois yi komuoiyliek i

33
00:02:28,340 --> 00:02:31,480
“Kois onton wruew eke tekeis i paneke,

34
00:02:31,480 --> 00:02:32,360
‘Tmam,

35
00:02:32,360 --> 00:02:37,220
a kosu o soklek etek kwa na God ka kwa na e twana.

36
00:02:37,220 --> 00:02:42,240
A nink kosu mon iyn e nakiy yie pana ontom wruew niꞌi nien.’

37
00:02:42,240 --> 00:02:47,480
“Olinka tman eke tekeis re ni torso yi moiyl eke pan,

38
00:02:47,480 --> 00:02:48,900
‘Ni neyeke,

39
00:02:48,900 --> 00:02:51,380
ontok wruew iynjie isipiyn.

40
00:02:51,380 --> 00:02:52,740
Paneke,

41
00:02:52,740 --> 00:02:58,260
om nakyiel klos omon etek iynjie ka nakow nakwama nakter i.

42
00:02:58,260 --> 00:03:04,200
Om nakter i wen aka ring tako ka nakter i rapan aka sendel tako.

43
00:03:04,200 --> 00:03:10,600
Om nakwa nanaiypem bulmakaw onton kmarpem ka nakwama ka om naktalpaij i.

44
00:03:10,600 --> 00:03:14,120
Entaꞌaiyn ka entosolsola tup peyien.

45
00:03:14,120 --> 00:03:20,680
Sopana ontok wruew iynjie ney kamat oko olinka iynwue ney yi wakmen tasiꞌien enien,

46
00:03:20,680 --> 00:03:22,480
yi koso lus oko,

47
00:03:22,480 --> 00:03:26,100
olinka iynwue ney et tetera yi nien oko.’

48
00:03:26,100 --> 00:03:30,800
Kois re korso otul prum eney ka re tarsolsola tup peyien.

49
00:03:30,800 --> 00:03:34,980
“Tem re waron to tarꞌaiyn otul ka torsolsola ney,

50
00:03:34,980 --> 00:03:38,740
onton wruew prum eke kwa koto koso wum.

51
00:03:38,740 --> 00:03:42,680
Ka tem pana yi kwama titiy na no iyn tman,

52
00:03:42,680 --> 00:03:45,740
yi klon ono ke reꞌien kak twapin.

53
00:03:45,740 --> 00:03:52,560
Kois yi kekey ni tako tokso tman moiyl eke ka yi teksera yi na re wa torso o anan.

54
00:03:52,560 --> 00:03:56,420
Ka ni tokso tman moiyl eke tekeis i paneke,

55
00:03:56,420 --> 00:03:59,300
‘Wanam ontonton niꞌi ka kwama nien,

56
00:03:59,300 --> 00:04:02,600
ka tmam katal bulmakaw prerekna onton,

57
00:04:02,600 --> 00:04:07,820
nanen wanam ontonton kwa mon ka yi kwa weyiema mon enien.’

58
00:04:07,820 --> 00:04:12,900
“Onton wruew prum klon aij eney ka eten kosoklek etek i,

59
00:04:12,900 --> 00:04:17,080
paneke yi nink kepeiyl iyn yi naparwos no olonma.

60
00:04:17,080 --> 00:04:24,720
Sopana tman kaparma na yi lilin ka yi keis koso yi aij iyn eten iyn eke nawaꞌiw i.

61
00:04:24,720 --> 00:04:27,940
Olinka yi tekeis tman eke paneke,

62
00:04:27,940 --> 00:04:29,300
E nakyiel!

63
00:04:29,300 --> 00:04:30,620
Wlaiy tartar eney,

64
00:04:30,620 --> 00:04:39,900
a kokuw re moiyl tweiyn tweiyn ka a kemin pana re ni torso e moiyl ka a nink kuwkaiy re aij pana e tekis ie.

65
00:04:39,900 --> 00:04:47,860
Ka e nink keij ie o pana meme onton tako anta nokuw re ni lowon iynjie enton mana.

66
00:04:47,860 --> 00:04:48,860
Olinka,

67
00:04:48,860 --> 00:04:57,840
tpan pana ontom wruew eney kwa kaꞌaiyn re o tartar niꞌi kwa na re tmeiyn tarwa taltenien eney kwa weyiema nien notal,

68
00:04:57,840 --> 00:05:03,080
e kotuel bulmakaw prerekna onton eney ka e toksulsula yi twana.”

69
00:05:03,080 --> 00:05:05,600
“Ka tman tekeis i paneke,

70
00:05:05,600 --> 00:05:07,200
‘Ontok wruew iynjie,

71
00:05:07,200 --> 00:05:10,620
e ka toktuoiyl ie toktu tpan tartar,

72
00:05:10,620 --> 00:05:14,320
ka o tartar pana a keꞌiep eney re o niꞌi.

73
00:05:14,320 --> 00:05:14,940
Olinka,

74
00:05:14,940 --> 00:05:21,260
eteke toso otul eneyeke ka et tosolsola ka etek et niꞌit namen omon,

75
00:05:21,260 --> 00:05:27,600
nanen wanam ontonton niꞌi ka kmat oko ka iynwue ney yi wakmen taseꞌien enien.

76
00:05:27,600 --> 00:05:33,780
Yi kwa klek taltenien olinka iynwue ney et tetera yi nien.’ ”