1
00:00:05,000 --> 00:00:10,440
Re kroa karwa tal tako re terkey paneke Getsemani.

2
00:00:10,440 --> 00:00:12,980
Tem re kerꞌep tal eneyeke,

3
00:00:12,980 --> 00:00:16,960
Jisas kroa tekeis re disaipel iyn oko paneke,

4
00:00:16,960 --> 00:00:21,240
“Om kontek ie ney awue neꞌiestek nom.”

5
00:00:21,240 --> 00:00:32,300
Yi keꞌepem Pita ruij Jems ka Jon kartaiyl i karwa ka o tako koꞌota tektek eten iyn oko kois eten kosoklek etek i.

6
00:00:32,300 --> 00:00:35,720
Kois Jisas tekeis re 3-pla ko paneke,

7
00:00:35,720 --> 00:00:42,260
“Lopok iynjie ke perꞌien etek ka o tokso pana natalpaij ie numuet.

8
00:00:42,260 --> 00:00:47,100
Om na kontek ie ney ka om nakon nakyieletek.”

9
00:00:47,100 --> 00:00:58,760
Yi keꞌepesie re ka yi nink kwa wolwuen etek kois yi koꞌotkuriw kemen rewel iyn yi estek kesera God oko na yiko peltan tekpeiyl,

10
00:00:58,760 --> 00:01:06,800
yi nakow perꞌien eney nawakaiyna yi nawa teken iyn yi nin nawow.

11
00:01:06,800 --> 00:01:08,440
Yi estek tekeis pan,

12
00:01:08,440 --> 00:01:11,240
“Aba Tmam,

13
00:01:11,240 --> 00:01:13,460
eka klun naksu re o tartar.

14
00:01:13,460 --> 00:01:18,200
Nakuwie nowue kaiyna eliy perꞌien eney.

15
00:01:18,200 --> 00:01:19,960
Olinka,

16
00:01:19,960 --> 00:01:23,340
e nin naksu o pana a teksiera e ney,

17
00:01:23,340 --> 00:01:27,020
e naksu o pana eka peltam tekpiyl.”

18
00:01:27,020 --> 00:01:34,140
Kois Jisas kwaweyiema na re ni 3-pla eke kois yi keyiel re warto muoiyn.

19
00:01:34,140 --> 00:01:37,260
Kois yi tekeis Saimon Pita oko paneke,

20
00:01:37,260 --> 00:01:39,280
“Saimon,

21
00:01:39,280 --> 00:01:40,820
e ka muoiyn peyien!

22
00:01:40,820 --> 00:01:49,640
Eka ninklon nakmin atam ontonton nom nakoispaijna pana aua pontenen iyn nakyieletek re o ko?”

23
00:01:49,640 --> 00:01:52,500
Kois yi tekeis re 3-pla pan,

24
00:01:52,500 --> 00:02:04,740
“Om mas nakon nakꞌestek ka nakyieletek anta re o soklek torso narwama na om ko ninklon narnaiytwaꞌiw nokun onꞌum ka narso om nakla.

25
00:02:04,740 --> 00:02:10,360
A kosu sawe paneke om tekpeiyl iyn om nakon nakꞌestek,

26
00:02:10,360 --> 00:02:17,800
olinka nokun iyn elinom lamat nuꞌum naka nink koispaijna iyn om nakso o nake.”

27
00:02:17,800 --> 00:02:24,520
Tem yi keis re aij konuiyn kois yi kwaweyie nien iyn yi wa estek.

28
00:02:24,520 --> 00:02:26,960
Tem yi estek,

29
00:02:26,960 --> 00:02:31,600
yi estek na o pana watan peyien yi wa estek na ney.

30
00:02:31,600 --> 00:02:39,000
Yi estek konuiyn kois yi kwaweyiema na re enien ka yi keyiel re warto muoiyn enien.

31
00:02:39,000 --> 00:02:45,600
Nanen tawuelkuere kamꞌaiyn twaꞌiw re ka re ninklon naryiy woron tem teken.

32
00:02:45,600 --> 00:02:49,040
Kois tem yi key re kroa,

33
00:02:49,040 --> 00:02:53,200
re nink korso sawe aij petenien re narkeisweyie yi.

34
00:02:53,200 --> 00:03:00,680
Namba tri tem yi kwaweyiema re nien kois yi keyiel re kois yi tekeis re paneke,

35
00:03:00,680 --> 00:03:07,340
“Tem iyn om naklikaiy nawkonkona om iyn nakto muoiyn peyien a?

36
00:03:07,340 --> 00:03:09,080
Muoiyn aka kois!

37
00:03:09,080 --> 00:03:12,560
Tpan iyn o soklek kwama oko.

38
00:03:12,560 --> 00:03:13,840
Nakyiel,

39
00:03:13,840 --> 00:03:20,700
re kerkeij Onton iyn Eni nawa na ewere yere ni torso re o soklek.

40
00:03:20,700 --> 00:03:23,440
Om naroa et entwa.

41
00:03:23,440 --> 00:03:28,640
Nanen eni nata yie nowue na ewere yere ka kle wakama.”

42
00:03:28,640 --> 00:03:32,700
Tem Jisas oko iynwue tekeis re aij,

43
00:03:32,700 --> 00:03:34,060
Judas,

44
00:03:34,060 --> 00:03:40,180
tako yere ni 12-pla terlelewna yi ke kow re ni tup prum karwama na re.

45
00:03:40,180 --> 00:03:42,720
Re ni tup prum eney,

46
00:03:42,720 --> 00:03:51,180
re bikpris iyn tempel ka re tisa iyn lo ka re ni tweiyn elen oko kerkeis re karwama.

47
00:03:51,180 --> 00:04:05,340
Ni tup prum eney kertiey re aiy iyn tarla re ni lamat ka bainat o taiyltwa re tem re karwama na Jisas ka re 3-pla disaipel iyn.

48
00:04:05,340 --> 00:04:06,600
Tem eneyeke,

49
00:04:06,600 --> 00:04:15,680
Judas oko keis kaꞌala re iyn o anen yi naso Jisas ka re naryiel werꞌes ka narso sawe na yi.

50
00:04:15,680 --> 00:04:18,400
Yi keis kaꞌala re pan,

51
00:04:18,400 --> 00:04:25,720
“Ni om tekpeiyl iyn om naꞌepem i ka naꞌepla yi nawa na ewere yere ni tweiyn aka,

52
00:04:25,720 --> 00:04:30,100
ni tem om nayiel ie nomuoiyliek i,

53
00:04:30,100 --> 00:04:32,420
ni naka om naꞌepem i.

54
00:04:32,420 --> 00:04:35,940
Om naꞌepem i ka om nakow i nakwa,

55
00:04:35,940 --> 00:04:39,260
re ni mas naryieletek i.”

56
00:04:39,260 --> 00:04:46,500
Ka tem re wama kernektwa Jisas ka re 3-pla disaipel iyn,

57
00:04:46,500 --> 00:04:52,200
Judas oko kwa merꞌer na Jisas ka yi tekeis i pan,

58
00:04:52,200 --> 00:04:53,060
“Poiyn omon,

59
00:04:53,060 --> 00:04:54,420
tisa!”

60
00:04:54,420 --> 00:04:56,760
kois yi komuoiyliek Jisas.

61
00:04:56,760 --> 00:05:05,660
Kois tem re ni tup prum keryiel kerꞌes Jisas ka re kerꞌepempem i kois re kerꞌep i kwa.

62
00:05:05,660 --> 00:05:08,420
Ka tem re kerꞌep Jisas ka,

63
00:05:08,420 --> 00:05:23,120
tako yere ni koto titiy eke kpaiyn bainat iyn ka yi ktaltek eni tokso moiyl peyien na bikpris pelamat iyn tempel oko tenieropon selen tako kentek kla kwaꞌiw kon rewel.

64
00:05:23,120 --> 00:05:27,820
Kois Jisas kroa ka yi tekeis re pan,

65
00:05:27,820 --> 00:05:37,180
“Omaka ketiy re aiy iyn tarla ni lamat ka bainat naka kwama iyn nakꞌepem ie nakso o anen?

66
00:05:37,180 --> 00:05:45,540
Omaka keis pan yeke ni iyn tokwue watan na re ni torkow gavman toryuiyn tur,

67
00:05:45,540 --> 00:05:46,800
ko?

68
00:05:46,800 --> 00:05:54,520
Araw tartar a kotuoiyl om tekmin ka a tokmu om sule na tempel olonma ko,

69
00:05:54,520 --> 00:05:58,780
ka om nink keꞌepem ie ka om nink kaꞌana yie.

70
00:05:58,780 --> 00:06:05,600
Olinka o nake mas nawama isipiyn pana buk iyn God keisna.”

71
00:06:05,600 --> 00:06:12,180
Kois pana re disaipel iyn eke kerꞌepesie yi kerpeij karwa welen welen eliy yi.

72
00:06:12,180 --> 00:06:16,260
Ni wruew apaw tako koto tem eneyeke,

73
00:06:16,260 --> 00:06:19,000
kataiyl re kwanan Jisas.

74
00:06:19,000 --> 00:06:21,380
Ni wruew apaw tako eneyeke,

75
00:06:21,380 --> 00:06:23,360
kelꞌiy yi roiyn peyien.

76
00:06:23,360 --> 00:06:28,000
Kois tem re keryiel i ka re torso iyn narꞌepem i,

77
00:06:28,000 --> 00:06:35,660
yi kepeij eliy re ka re keryiypaij i roiyn iyn ka yi kepeij malelin peyien kwa.

78
00:06:35,660 --> 00:06:41,160
Re kerꞌepem Jisas kwa teken na no iyn bikpris iyn tempel.

79
00:06:41,160 --> 00:06:44,340
Kois tem eneyeke,

80
00:06:44,340 --> 00:06:47,600
re eni tweiyn ka re bikpris iyn tempel,

81
00:06:47,600 --> 00:06:50,720
ka re tisa iyn lo kerlilima kron.

82
00:06:50,720 --> 00:06:53,080
Pita ke pen,

83
00:06:53,080 --> 00:07:02,920
kwanan re on wolwuen wuena ontonton kois yi wa kapar kwaꞌos banis iyn taklaiyma no iyn bikpris iyn tempel eney.

84
00:07:02,920 --> 00:07:08,920
Kois yi kataiyl re ni iyn teryieltek ono neyeke kemen eteiyn klal i.

85
00:07:08,920 --> 00:07:22,440
Re bikpris iyn tempel ka re ni tweiyn iyn kot prum yere Juda kron kerpeiyltek aij remien iyn nakeispaij re iyn narla Jisas namat.

86
00:07:22,440 --> 00:07:29,640
Olinka re kerpeiyl krar kwa ka re nink kertera aij omon tako.

87
00:07:29,640 --> 00:07:36,680
Eni tartar kerkeiskura re aij saiywal na re aij takopenre iyn narkotna Jisas.

88
00:07:36,680 --> 00:07:44,000
Olinka aij yere ko karwa yere yere ka nink kwa mana aij remien pontenen.

89
00:07:44,000 --> 00:07:45,220
Elin.

90
00:07:45,220 --> 00:07:51,160
Kois elen yere kroa keiskura Jisas oko aij tako.

91
00:07:51,160 --> 00:07:53,920
Kois re terkeis paneke,

92
00:07:53,920 --> 00:07:59,200
“Eteke tolonoltol i keis aij kwama na tokontal iyn pan,

93
00:07:59,200 --> 00:08:05,940
‘Ye nepiemkur tempel re ni lamat korso ney ka araw 3-pla epin,

94
00:08:05,940 --> 00:08:12,820
ye nosu wuew tako re ni lamat ninklon narso iyn nakeij i tal.’ ”

95
00:08:12,820 --> 00:08:16,140
Olinka aij yere ni neyekere twana,

96
00:08:16,140 --> 00:08:18,560
nink karwama tupeyien.

97
00:08:18,560 --> 00:08:29,100
Kois hetpris iyn tempel kroa koto re ni tartar eney watan ka yi teksera Jisas paneke,

98
00:08:29,100 --> 00:08:37,520
“E keꞌiep aij elen iyn e nakis nawa na re aij pana re to torkotna e ney o elin?”

99
00:08:37,520 --> 00:08:40,740
Olinka Jisas koto meniemetek.

100
00:08:40,740 --> 00:08:45,400
Kois hetpris iyn tempel oko kesera yi nien paneke,

101
00:08:45,400 --> 00:08:47,160
“Eka Krais,

102
00:08:47,160 --> 00:08:49,500
Onton iyn God,

103
00:08:49,500 --> 00:08:53,860
et ma teꞌestek ka ma tanaiya san iyn aka,

104
00:08:53,860 --> 00:08:56,600
o elin?”

105
00:08:56,600 --> 00:08:59,040
Kois Jisas tekeisweyie re paneke,

106
00:08:59,040 --> 00:09:00,000
“Ow,

107
00:09:00,000 --> 00:09:01,520
yieke Krais.

108
00:09:01,520 --> 00:09:16,200
Ka om nakyiel Onton iyn Eni ney namen na sia wakto God keꞌep nokun oko akan lamat ka yi nawtaiyltwa re tenteiyn pun iyn heven oko nawama.”

109
00:09:16,200 --> 00:09:22,720
Hetpris iyn tempel kaꞌapal roiyn iyn kois yi tekeis re pan,

110
00:09:22,720 --> 00:09:24,340
“Et tetera yi ko.

111
00:09:24,340 --> 00:09:30,560
Sopana om wa nakey enimen enien iyn nawkeiswaliw aij iyn?

112
00:09:30,560 --> 00:09:34,080
Yi kokotna yi pelamat oko.

113
00:09:34,080 --> 00:09:39,800
Om klon i kaꞌas na God kois en tokontek o anen enien?”

114
00:09:39,800 --> 00:09:48,000
Re ni tartar kerkeis pan Jisas oko koso o soklek etek kois pana yi mas namat.

115
00:09:48,000 --> 00:10:01,000
Elen yere korsor weyiema Jisas tokore renen ka re korsoltwama yi roiyn selen tawuelkuen kois re karlakur karlapaij i kois re tersera yi paneke,

116
00:10:01,000 --> 00:10:03,680
“Kis aij profet!”

117
00:10:03,680 --> 00:10:11,640
Kois re ni iyn teryieltek tal eneyeke kerꞌepem i ka re karlakur karlapaij i.

118
00:10:11,640 --> 00:10:19,840
Tem Pita kenlet i kemen tal re ni terlikaiy tron wakmen olonma na banis iyn ono neyeke,

119
00:10:19,840 --> 00:10:25,900
tmeiyn apaw tako tokso moiyl iyn hetpris iyn tempel eke kle kwama.

120
00:10:25,900 --> 00:10:31,340
Kois tem tmeiyn eney keyiel Pita kmen eteiyn taklal i ka,

121
00:10:31,340 --> 00:10:35,520
yi keyielempem i kois yi tekeis i pan,

122
00:10:35,520 --> 00:10:42,080
“Eka tako yere ni iyn taktaiyltaiyl Jisas iyn aiymol Nasaret.”

123
00:10:42,080 --> 00:10:47,280
Olinka Pita ko krena yi ka yi tekeisweyie tmeiyn eney pan,

124
00:10:47,280 --> 00:10:51,040
“A nink kosu sawe na aij e ka tekis naka.”

125
00:10:51,040 --> 00:10:59,960
Kois tem Pita keis aij eneyeke kois yi iynwue parwakawuij notaltaon iyn yi nawa lilin,

126
00:10:59,960 --> 00:11:03,100
merꞌer etek na tem naka,

127
00:11:03,100 --> 00:11:04,460
maiyn kotol.

128
00:11:04,460 --> 00:11:08,960
Tem tmeiyn tokso moiyl eke keyiel Pita wakto ka,

129
00:11:08,960 --> 00:11:14,160
yi kroa tekeis re ni kartaiyl i koto ke pan,

130
00:11:14,160 --> 00:11:20,380
“Ni naka tako yere ni to tartaiyltaiyl Jisas iyn aiymol Nasaret ka.”

131
00:11:20,380 --> 00:11:22,860
Olinka Pita krena enien.

132
00:11:22,860 --> 00:11:29,520
Re kron ontonton kois elen kron tal eneyeke terkeis Pita nien paneke,

133
00:11:29,520 --> 00:11:31,280
“Aij isipiyn,

134
00:11:31,280 --> 00:11:38,200
e nin nakriena aij kois e nakisetiep paneke e ka tako yere elin.

135
00:11:38,200 --> 00:11:42,120
Nanen e ka tal remien niꞌi distrik Galili.”

136
00:11:42,120 --> 00:11:47,780
Kois Pita keis nokun na yi pelamat kroa tekeis re pan,

137
00:11:47,780 --> 00:11:54,440
“A tekispaij om na san iyn Ni Prum pan ni omaka tekeis na yi naka,

138
00:11:54,440 --> 00:11:57,500
yeke a nink kosu sawe na yi.

139
00:11:57,500 --> 00:12:02,880
Kois pana a tekriena ka a tekistiep aij iynwue neyeke,

140
00:12:02,880 --> 00:12:08,200
God oko mas nasowelek etek ie iyn a tekistiep aij ney.”

141
00:12:08,200 --> 00:12:11,960
Kois prepeyien maiyn kotol enien,

142
00:12:11,960 --> 00:12:17,480
kois Pita olon keniyna aij Jisas keis i watan pan,

143
00:12:17,480 --> 00:12:25,560
“Iynwue maiyn nin nartol krie tem eltin ka e nakistiep tem 3-pla paneke e nink kosu sawe na yie.”

144
00:12:25,560 --> 00:12:40,240
Kois Pita koso so elin ka yi kla kwaꞌiw kon rewel ka yi kataiyn kosoklek etek.