1
00:00:05,000 --> 00:00:11,740
Mapaꞌlí 'ma suwaba katewárami níili mapu ramujé simasa rueli alé Italia anéliachi kawírali,

2
00:00:11,740 --> 00:00:26,980
Páulo aꞌlí wel auché jaré ralámuli moꞌárami si ꞌma wel waꞌlúala kapitani Julio rewéami ꞌyua julárami níili mapu biléana waná kayáami sontarsi nuléami níili wel waꞌlúala silíami Augusto rewéami níwala.

3
00:00:26,980 --> 00:00:33,640
Aꞌlí echiriká ramujé ko ꞌma bilé bárkochi jímali mapu alé Aramitio anéliachi nirúami níili,

4
00:00:33,640 --> 00:00:43,540
aꞌlí wel barko ko ꞌma umulí maꞌchínima rueli mapu alé bochuí waꞌlú baꞌwírali suweki simírami níili alé Asia anéliachi kawírali.

5
00:00:43,540 --> 00:00:54,540
Aꞌlí ayénachigó ramujé ꞌyua asali wel rejoi Aristarko rewéami alé Tesalónika anéliachi bijtéami mapu alé Maseronia anéliachi kawirúami níili.

6
00:00:54,540 --> 00:01:01,060
Aꞌlí ꞌma beꞌalínala raweko ramujé ꞌma sébali alé waꞌlú baꞌwírali suwé Sironi anéliachi.

7
00:01:01,060 --> 00:01:13,980
Aꞌlí wel kapitani Julio rewéami ko ne ꞌwe aꞌlá niraga eꞌneli wel Páulo aꞌlí risensia ꞌyali mapuriká simea wel ralámuli machiwami iꞌnemia alé Sironi anéliachi eperéami.

8
00:01:13,980 --> 00:01:21,260
Aꞌlí ayénachigó najkíwali mapu wel aboni ne aꞌlá kuꞌírima wel Páulo mapuyiri néwaléli jiti.

9
00:01:21,260 --> 00:01:25,200
Mapaꞌlí ramujé simíbali alé Sironi anéliachi iyena si,

10
00:01:25,200 --> 00:01:30,640
ramujé ko simíbali ne bajcháami nirá mapu wel eká ku kuwana nirá ekali,

11
00:01:30,640 --> 00:01:34,600
aꞌlí ramujé ko ketasi omérali ne bajcháami nirá simiba,

12
00:01:34,600 --> 00:01:48,240
echaꞌliko ramujé simárali alé mulubé suwé kawírali Chipre anéliachi mapuná wilili wel kawí alé waꞌlú baꞌwírali nasipa mapuriká wel eká ketasi me iwéami wijchibama.

13
00:01:48,240 --> 00:01:52,000
Aꞌlí ramujé ko ꞌma simárali alé waꞌlú baꞌwírali suwé,

14
00:01:52,000 --> 00:01:57,420
Silisia anéliachi kawírali aꞌlí alé Panpilia anéliachi ma,

15
00:01:57,420 --> 00:02:05,520
aꞌlí echiriká ramujé ko mati sébali alé waꞌlú pueblo Mira anéliachi mapu alé Lisia anéliachi kawírali níili.

16
00:02:05,520 --> 00:02:14,520
Aꞌlí wel kapitani Julio ko alé rewali bilé barko alé Alejantría nirúami mapu alé mi Italia anéliachi simíami níili.

17
00:02:14,520 --> 00:02:21,500
Aꞌlí ꞌma ramujé nuleli alé bárkochi jímanala mapuriká ramujé minabi nokísibo simiba.

18
00:02:21,500 --> 00:02:32,140
Aꞌlí ramujé ko ne weꞌkabé rawé nokali ne kilí nirá simiba aꞌlí ramujé ko ne ꞌwe nóchali oloká sébali alé siné boꞌnaka Jeniro anéliachi.

19
00:02:32,140 --> 00:02:44,980
Aꞌlí wel eká ko ne siné boꞌnaka nirá ekali mapuná ramujé sírali aꞌlí echijiti belá ramujé ko simárali alé Salamona anéliachi mapu alé Kreta anéliachi kawírali níili.

20
00:02:44,980 --> 00:02:53,360
Aꞌlí ramujé ko ne norélika simárali alé bochuí kawírali Kreta anéliachi mapuná wilili alé waꞌlú baꞌwírali nasipa.

21
00:02:53,360 --> 00:03:09,000
Aꞌlí ne ꞌwe nóchali oloká ramujé ko sébali alé bileana waꞌlú baꞌwírali suwé jériká anelíachi Ne Aꞌlabéala Sikochi mapuná níili alé mulubé waꞌlú pueblo Lasia anéliachi mapu alé Kreta anéliachi kawírali níili.

22
00:03:09,000 --> 00:03:21,540
Mapuriká ramujé ko ꞌma ne weꞌkabé rawé nokali simiba aꞌlí ꞌma ne ꞌwe majawichi níili mapuriká ramujé minabi nokísibo simiba mapujiti ꞌma ne umulí romósachi níili.

23
00:03:21,540 --> 00:03:26,780
Echaꞌliko wel Páulo jériká aneli suwaba wel ralámuli alé bárkochi sírami:

24
00:03:26,780 --> 00:03:28,720
--ꞌEmi ralámuli,

25
00:03:28,720 --> 00:03:35,080
nijé ko mayé mapu ne ꞌwe majawichi nima minabi simáluwa jenaꞌí bárkochi muchiga.

26
00:03:35,080 --> 00:03:46,140
ꞌWe belá ketasi chopi wel namuti pabé cho weꞌkámalé ꞌwe belá ayénachigó jéꞌná barko ma aꞌlí ramujé ko siné káachi ayénachigó minati suwibóalé.

27
00:03:46,140 --> 00:03:53,620
ꞌWe nalí wel kapitani mapu wel sontarsi nuléami níili miná ketasi nijéwali mapuriká aneli wel Páulo,

28
00:03:53,620 --> 00:04:00,800
ꞌwe nalí ꞌa bijchíali mapuriká nulali wel waꞌlúala barko níwami aꞌlí wel waꞌlúala barko métami ma.

29
00:04:00,800 --> 00:04:03,240
Aꞌlí ꞌma miná simíbali.

30
00:04:03,240 --> 00:04:06,500
Aꞌlí alé Ne Aꞌlabé Sikochi anéliachi ko,

31
00:04:06,500 --> 00:04:11,580
nijé ko mayeli mapu ketasi ne aꞌlá nima simárowa echaꞌlí romó,

32
00:04:11,580 --> 00:04:26,160
echijiti belá sinéami wel ralámuli mayeli mapu ne aꞌlá nima miná simáluwa alé bochuí suwé baꞌwírali Kreta anéliachi simárika aꞌlí sebáluwa alé pueblo Penisia anéliachi mapuriká echaꞌlí romó alé simárabo.

33
00:04:26,160 --> 00:04:34,060
Aꞌlí Penísia ko abalé kawírali Kreta anéliachi níili mapuná wilili wel kawí alé waꞌlú baꞌwírali nasipa.

34
00:04:34,060 --> 00:04:38,080
Aꞌlí alé ko ketasi me iwéami wijchíbami níili wel eká.

35
00:04:38,080 --> 00:04:43,060
Aꞌlí alé tugá reꞌleri nirá ꞌma chótali ne kilí aꞌlá suérigá eká,

36
00:04:43,060 --> 00:04:51,900
aꞌlí echijiti belá wel waꞌlúala barko métami ko aꞌlí wel auché jaré ralámuli si mayeli mapu ne aꞌlá níili minabi simáluwa,

37
00:04:51,900 --> 00:04:57,300
aꞌlí ramujé ko mati simárali alé mulubé waꞌlú baꞌwírali suweki Kreta anéliachi.

38
00:04:57,300 --> 00:05:02,320
Aꞌlí ꞌma pe wiꞌlibeki nirá ꞌma ne iwéami ekánali paní nalika nirá,

39
00:05:02,320 --> 00:05:06,460
aꞌlí wel jiwéami eká ko minabi rajkibuli wel barko.

40
00:05:06,460 --> 00:05:11,340
Aꞌlí ramujé ko ketasi omérali minabi simiba mapuná ekali nirá,

41
00:05:11,340 --> 00:05:16,300
echiriká belá ramujé ko miná ariweli mapuriká wel eká jiti torúami nibo.

42
00:05:16,300 --> 00:05:25,360
Aꞌlí ramujé ko simárali alé siné boꞌnaka suwé mapuná wilili wel taa kawí Káura anéliami alé waꞌlú baꞌwírali nasipa,

43
00:05:25,360 --> 00:05:28,460
alé mapuná ketasi me iwéami ekali.

44
00:05:28,460 --> 00:05:37,380
Aꞌlí ramujé ko ne ꞌwe nóchali oloká mobuli wel taa barko alé waꞌlú bárkochi mapu pe jubaka nirá ujchagá enárali.

45
00:05:37,380 --> 00:05:43,060
Aꞌlí ꞌma echiriká olasa wel ralámuli alé bárkochi nóchami ko ꞌma néeli wel ꞌwía,

46
00:05:43,060 --> 00:05:50,300
aꞌlí wel jiti buleli alé bochuí waꞌlú bárkochi mapuriká ketasi mojama wel igú mapujiti newárami níili.

47
00:05:50,300 --> 00:06:04,160
Aꞌlí ne sinéami wel ralámuli ne ꞌwe majali mapujiti wel aboni mayeli mapu wel barko miná chaꞌigá chujkubama alé waꞌlú satérali Sirte anéliachi mapuná alé mulubemi suwé baꞌwírali asali.

48
00:06:04,160 --> 00:06:09,580
Aꞌlí ꞌma rijkibuli wel waꞌlú chiní ruꞌnáami eká chaꞌpíami,

49
00:06:09,580 --> 00:06:14,480
aꞌlí ꞌma ariweli mapu wel eká ne wijchúrami nirá tomea wel barko.

50
00:06:14,480 --> 00:06:27,920
Aꞌlí ꞌma beꞌalínala raweko minabi ne ꞌwe iwéami ekali aꞌlí echijiti belá ne sinéami ka ꞌma chótali alé waꞌlú baꞌwírali uꞌlú suwaba wel namuti pabé mapu wel barko pabega enárali.

51
00:06:27,920 --> 00:06:30,440
Aꞌlí ꞌma bikiá rawé simírisa,

52
00:06:30,440 --> 00:06:38,080
ayénachigó alé waꞌlú baꞌwírali uꞌluli suwaba wel namuti mapu ikí néluami níili alé bárkochi.

53
00:06:38,080 --> 00:06:47,540
Aꞌlí ne weꞌkabé rawé ramujé ko ketasi rewali wel rayénali aꞌlí nibilé soꞌpolí ma mapujiti ne ꞌwe ikéami uꞌkiá wilili,

54
00:06:47,540 --> 00:06:51,900
aꞌlí ramujé ko mayeli mapu ramujé ꞌma ketasi niyubo rueli.

55
00:06:51,900 --> 00:06:56,740
Mapujiti ramujé ko ꞌma weꞌkabé rawé ketasi namuti koꞌagá iyénali,

56
00:06:56,740 --> 00:07:01,180
aꞌlí wel Páulo ko ꞌma wilísika jériká aneli ne sinéami wel ralámuli:

57
00:07:01,180 --> 00:07:02,740
--ꞌEmi ralámuli,

58
00:07:02,740 --> 00:07:12,140
siné kachi ne ꞌwe aꞌlá nima ruéliré sinéami ꞌemi ramí nijéusa aꞌlí ramujé ꞌa rijpísaká alé kawírali Kreta anéliachi.

59
00:07:12,140 --> 00:07:17,860
Aꞌlí echiriká ketasi chibi ikiméali jéꞌná barko aꞌlí nibilé ramujé ma.

60
00:07:17,860 --> 00:07:22,420
ꞌWe belá ketasi sewesi mapujiti ke bilé wesi ꞌemi suwiméaré,

61
00:07:22,420 --> 00:07:25,740
chopi wel barko cho miná tabé mojásima.

62
00:07:25,740 --> 00:07:35,040
Beꞌá rokó bilé ángele wel Onorúami níwala ramí nawíwali mapu nijé wel kuꞌira nocha aꞌlí mapu nijé wel níwala ju.

63
00:07:35,040 --> 00:07:37,760
Aꞌlí wel ánjele ko ramí jeaneli:

64
00:07:37,760 --> 00:07:38,920
‹‹Páulo,

65
00:07:38,920 --> 00:07:45,520
ketasi majá mapujiti ꞌemi ko ne bajcháami wiligá raꞌichásaré wel silíami alé Rómachi bijtéami ꞌyua.

66
00:07:45,520 --> 00:07:54,220
Aꞌlí ꞌemi jiti nirá wel Onorúami ko ketasi ariwema mapu wel ralámuli miná suwimea mapu alé bárkochi muchiwa.››

67
00:07:54,220 --> 00:08:02,140
Echijiti belá ꞌemi ralámuli ketasi majasi ne ꞌwe iwérisi mapujiti nijé ko ꞌa bijchía wel Onorúami,

68
00:08:02,140 --> 00:08:09,140
aꞌlí nijé ko ne ꞌa bijchíwali mayé mapuriká ne suwaba ikimea mapuriká ramí aneli wel ángele.

69
00:08:09,140 --> 00:08:16,880
ꞌWe belá ramujé ko ariká alé taa kawírali rajkichoga ujchupabo mapuná wilí alé baꞌwírali nasipa.

70
00:08:16,880 --> 00:08:25,160
Siné rokó mapaꞌlí ꞌma okuá tarali nokisá echiriká simiba alé waꞌlú baꞌwírali bileana Ariátiko anéliachi,

71
00:08:25,160 --> 00:08:40,700
aꞌlí wel barko ko ne wichúrami nirá torúami níili wel eká jiti aꞌlí echaꞌlí rokó ꞌma nasipa rokó káachi wel ralámuli alé bárkochi nóchami ko ꞌma machili mapu wel barko ꞌma nawá enárali alé mulubé bileána kawírali.

72
00:08:40,700 --> 00:08:49,040
Aꞌlí alé bárkochi nóchami ko ꞌma tétika machili mapu wel baꞌwí ko ne besá makoi ujsani metro rojkóami manili.

73
00:08:49,040 --> 00:08:58,600
Aꞌlí ꞌma pe minánami auchechi siné tétali aꞌlí wel baꞌwí ko ꞌma pe osá makoi kichawi méturo rokóami níili.

74
00:08:58,600 --> 00:09:20,720
Aꞌlí alé bárkochi nóchami ko ne ꞌwe majali mapujiti wel aboni mayeli mapu wel barko miná wel rejté jiti rajkichórima aꞌlí ꞌma naó jiero ‹‹ancla›› anéliami uꞌluli alé waꞌlú baꞌwírali ne jubaka bárkochi nirá aꞌlí wel ralámuli ko ꞌma wel Onorúami tánika raꞌíchali mapuriká ne ꞌwe yati cheꞌlásima.

75
00:09:20,720 --> 00:09:41,280
ꞌWe nalí wel ralámuli alé bárkochi nóchami ko ariká miná júmanasali alé bárkochi iyénasí aꞌlí ꞌma chótali wel taa barko riꞌkibua ketasi mayénowa nokogá uchútali mapuriká pe wel hiero ancla anéliami riꞌkibúami ka nokali alé bajcháami bárkochi nirá.

76
00:09:41,280 --> 00:09:46,060
Aꞌlí wel Páulo ko machili mapuyiri wel aboni ꞌnátaka nokali,

77
00:09:46,060 --> 00:09:53,160
aꞌlí wel Páulo ꞌma jériká aneli wel waꞌlúala sontarsi nuláami aꞌlí wel binoi sontáruwala si:

78
00:09:53,160 --> 00:09:57,140
--Aꞌlí wel ralámuli alé bárkochi nóchami miná júmasaká,

79
00:09:57,140 --> 00:10:00,040
ꞌemi ko ketasi omérabo niyua.

80
00:10:00,040 --> 00:10:05,920
Echaꞌliko wel sontarsi miná rijpúnali wel ꞌwia mapujiti bulera chujkuli wel taa barko,

81
00:10:05,920 --> 00:10:09,980
aꞌlí miná ariweli mapu alé reꞌlé baꞌwírali wijchimea.

82
00:10:09,980 --> 00:10:11,980
Aꞌlí ꞌma cheꞌlásachi,

83
00:10:11,980 --> 00:10:17,160
wel Páulo ko mayeli mapu ne aꞌlá nima sinéami ralámuli peꞌtá koꞌáami koꞌsá,

84
00:10:17,160 --> 00:10:19,040
aꞌlí jériká aneli:

85
00:10:19,040 --> 00:10:27,520
--ꞌMa okuá tarali belá ju mapu ꞌemi ketasi bilé namuti koꞌáami koꞌali pe chopi ne ꞌwe ꞌnátaka muchiwa chu ikiméalé.

86
00:10:27,520 --> 00:10:34,520
Pe rekó ꞌa peꞌtá namuti koꞌasi ꞌwe belá ne ꞌwérali ju mapu ꞌemi ꞌa jiwérali níuma,

87
00:10:34,520 --> 00:10:41,360
ꞌemi aboni ketasi suwinálasaká ꞌwe belá keꞌwesi suwiméaré jéꞌná chati namuti jiti.

88
00:10:41,360 --> 00:10:57,060
Aꞌlí wel Páulo ko ꞌma bilé pani chaꞌpili aꞌlí ne sinéami ralámuli riwírika ꞌma wel Onorúami ꞌyua raꞌíchali aꞌlí ne waꞌlú najtétali ꞌyali wel koꞌáami jiti aꞌlí ꞌma peꞌtá chiꞌwánika wel pani aꞌlí ꞌma koꞌali.

89
00:10:57,060 --> 00:11:02,620
Aꞌlí ꞌma sinéami ne ꞌwe kanili aꞌlí ayénachigó sinéami ka napawika koꞌali.

90
00:11:02,620 --> 00:11:10,560
Aꞌlí alé bárkochi ko ne okuá siento miná kicháosa makoi ujsani ralámuli níili mapu alé bárkochi sírali.

91
00:11:10,560 --> 00:11:16,400
Aꞌlí sinéami ramujé ko koꞌali mapu iyena si ramujé ne aꞌlá sébali oꞌposali,

92
00:11:16,400 --> 00:11:27,180
aꞌlí wel ralámuli alé bárkochi nóchami ko miná alé reꞌlé baꞌwichí uꞌluli wel riꞌligó rakala mapuriká wel barko ꞌma ketasi me bejtéami enárima.

93
00:11:27,180 --> 00:11:28,740
Mapaꞌlí 'ma cheꞌlesa,

94
00:11:28,740 --> 00:11:31,080
wel ralámuli alé bárkochi nóchami ko,

95
00:11:31,080 --> 00:11:33,520
ketasi machili wel kawí,

96
00:11:33,520 --> 00:11:40,400
ꞌwe nalí rewali alé biléana sijkóchimi mapuná ne waꞌlú saté asali alé suwékemi,

97
00:11:40,400 --> 00:11:45,040
aꞌlí ne ꞌwérali olali wel barko alé mi sikóchimi nirá meta.

98
00:11:45,040 --> 00:11:54,600
Aꞌlí miná rijpúnali wel ꞌwía mapu wel jiero ankla anéliami bulérami níili aꞌlí miná ariweli alé baꞌwírali,

99
00:11:54,600 --> 00:12:00,220
aꞌlí ayénachigó miná boꞌtánali wel ꞌwía mapujiti bulérami níili wel timoni.

100
00:12:00,220 --> 00:12:14,960
Aꞌlí wel aboni ko ꞌma alé reꞌpá mobuga raꞌlánali wel waꞌlú chiní bajcháami chujkúami mapu eká chaꞌpíami níili aꞌlí wel eká ko ꞌma ꞌwe jiwéami rajkibuli wel barko alé suwemi baꞌwírali nirá.

101
00:12:14,960 --> 00:12:21,280
ꞌWe nalí ꞌma pe téeli simírisa wel barko ko ꞌma alé waꞌlú satérali chaꞌigá chujkúbali.

102
00:12:21,280 --> 00:12:28,760
Aꞌlí alé bajchabénala bárkochi ko ꞌma ketasi omérali noká mapujiti miná tótaka chujkuli alé satérali,

103
00:12:28,760 --> 00:12:36,440
aꞌlí wel barko ko miná tabé mojásali mapujiti wel waꞌlú baꞌwí ne ꞌwe iwéami chewali alé kuánaka nirá.

104
00:12:36,440 --> 00:12:46,660
Aꞌlí wel sontarsi ko miná miꞌlinali wel ralámuli chaꞌpirúami mapuriká wel ralámuli ketasi niyúsima alé waꞌlú baꞌwírali suwemi pibaka.

105
00:12:46,660 --> 00:12:57,600
ꞌWe nalí wel waꞌlúala kapinani ko ketasi najkíwali mapu echiriká olama mapujiti binoi ko ketasi najkili mapu wel Páulo miꞌlirúami nima.

106
00:12:57,600 --> 00:13:06,700
Aꞌlí ꞌma nuleli sinéami wel ralámuli pibaka jebénami ne bajchá pochínala alé baꞌwírali mapuriká ne bajchá sebama alé suwé.

107
00:13:06,700 --> 00:13:10,880
Aꞌlí wel ralámuli mapu ketasi jebénami níili ko pibaka,

108
00:13:10,880 --> 00:13:14,720
wel ko nuleli alé táblachi ꞌmoba uchuka simánala,

109
00:13:14,720 --> 00:13:18,580
aꞌlí alé bárkochi nirúami namuri káachi uchuka ma.

110
00:13:18,580 --> 00:13:22,920
Aꞌlí echiriká ramujé sinéami ko ne aꞌlá sébali alé baꞌwírali suwé,

111
00:13:22,920 --> 00:13:25,580
aꞌlí keꞌwesi suwili.

112
00:13:25,580 --> 00:13:31,880
Mapaꞌlí sinéami ramujé ꞌma ne aꞌlá sebasa alé taa kawírali mapuná nasipa baꞌwírali wilili,

113
00:13:31,880 --> 00:13:36,880
ramujé ko ꞌma machili mapu alé kawírali ko Malta anéliachi níili.

114
00:13:36,880 --> 00:13:43,280
Aꞌlí wel ralámuli alé kawírali eperéami ko ne ꞌwe aꞌlá semárika ramujé naꞌtemali,

115
00:13:43,280 --> 00:13:52,760
aꞌlí wel aboni ꞌma naꞌali mapuriká ramujé sujkálabo mapujiti ne ꞌwe romoa wilili aꞌlí ne ꞌwe rulugá wilili ma.

116
00:13:52,760 --> 00:13:56,360
Echaꞌliko wel Páulo jaré chalawá napabuli,

117
00:13:56,360 --> 00:14:00,200
aꞌlí mapaꞌlí ꞌma alé naꞌpichi roꞌá wilírali wel chalawá,

118
00:14:00,200 --> 00:14:11,680
aꞌlí ke sainati nirá maꞌchínali bilé sinowi ꞌwe chati alé chalawátali wel naꞌí jiti rajtálika aꞌlí miná wel Páulo sekálachi iꞌkili.

119
00:14:11,680 --> 00:14:20,360
Aꞌlí mapaꞌlí wel ralámuli alé taa kawírali eperéami ꞌma riwisá wel sinowi alé Páulo sekálachi iꞌkiga wijaga chujkúami,

120
00:14:20,360 --> 00:14:23,460
aꞌlí wel aboni ko jériká anili:

121
00:14:23,460 --> 00:14:31,820
--ꞌWe belá jéꞌná rejoi ko ne bijchíwali bilé meꞌágami kerémá rekó ketasi siꞌlika mukúlepá alé waꞌlú baꞌwírali,

122
00:14:31,820 --> 00:14:38,880
ꞌwe nalí wel Riosi ko ne kastigo ꞌyáaré jéꞌná rejoi mapuriká miná ketasi bijtélima.

123
00:14:38,880 --> 00:14:43,020
ꞌWe nalí wel Páulo ko miná alé naꞌírali pali wel sinowi,

124
00:14:43,020 --> 00:14:46,300
aꞌlí ketasi namuti chibi ikili.

125
00:14:46,300 --> 00:14:53,400
Aꞌlí sinéami wel ralámuli chopi buweli mapu wel Páulo miná ne waꞌlú bajínima alé sekálachi,

126
00:14:53,400 --> 00:14:56,940
aꞌlí pe chibiyénaka miná mukugá buꞌibama,

127
00:14:56,940 --> 00:15:00,980
ꞌwe nalí wel aboni ko miná najsínali ne buwegá muchiga,

128
00:15:00,980 --> 00:15:05,720
mapujiti wel aboni ko rewali mapu wel Páulo ketasi chibi ikili.

129
00:15:05,720 --> 00:15:11,780
Echaꞌliko ꞌma siꞌwinárika ꞌnátali aꞌlí mayeli mapu wel Páulo ko bilé riosi níili.

130
00:15:11,780 --> 00:15:19,580
Aꞌlí alé mulubé mapuná ramujé muchili jaré wasá niruli mapu wel rejoi Publio rewéami níwala níili,

131
00:15:19,580 --> 00:15:24,080
aꞌlí wel rejoi ko bilé waꞌlúala nuláami níili alé Malta anéliachi.

132
00:15:24,080 --> 00:15:28,760
Aꞌlí wel rejoi ko ne ꞌwe semárika nareli ramujé alé binoi bijtélachi,

133
00:15:28,760 --> 00:15:32,920
aꞌlí ꞌma ne bikiá rawé ꞌwe aꞌlá simárika kuꞌírali ramujé.

134
00:15:32,920 --> 00:15:42,560
Aꞌlí echaꞌlí rawé wel Páulo machili mapu wel rejoi onolá ko rajtalí nayua buꞌili aꞌlí ayénachigó wel la wijtabúali ma.

135
00:15:42,560 --> 00:15:45,880
Echaꞌliko Páulo simili wel rejoi eꞌnemia,

136
00:15:45,880 --> 00:15:52,800
aꞌlí wel rejoi jiti nirá wel Onorúami ꞌyua raꞌichali aꞌlí ꞌma alé moꞌólachi nochogá ku saꞌweli.

137
00:15:52,800 --> 00:15:59,460
Mapaꞌlí wel auché jaré ralámuli nayúami alé Malta anéliachi eperéami ꞌma echiriká machisá,

138
00:15:59,460 --> 00:16:04,920
simíbali wel Páulo ꞌyasia mapuriká wel aboni ayénachigó ku saꞌwérami nima,

139
00:16:04,920 --> 00:16:07,660
aꞌlí wel Páulo ko ku saꞌweli.

140
00:16:07,660 --> 00:16:24,840
Aꞌlí wel ralámuli ko ne naꞌtemaka ꞌwe aꞌlá semá olali ramujé aꞌlí mapaꞌlí ꞌma sébali echaꞌlí rawé mapaꞌlí ramujé ma simaba rueli aꞌlí wel ralámuli ko ne weꞌkabé namuti ramujé ꞌyali mapu ikí ramujé néwaléli alé boichimi síriga.