1
00:00:05,000 --> 00:00:07,460
Teo taatate tea ta Jiu,

2
00:00:07,460 --> 00:00:10,360
beori vamaomao ni rori bono Paasova,

3
00:00:10,360 --> 00:00:18,540
toro asun vamate ta maa si rutaa sipsip mene ani teori teo boni momohu no Paku va tea Berete vai Ahiki to Iist.

4
00:00:18,540 --> 00:00:20,100
Me teo boni bona,

5
00:00:20,100 --> 00:00:22,860
meo disaepol paa hivi bene Jisu,

6
00:00:22,860 --> 00:00:24,940
“Ean na rake vo nom sau,

7
00:00:24,940 --> 00:00:29,120
havee toro matatopo nam a taba-ani teara va teo Paasova?”

8
00:00:29,120 --> 00:00:32,540
Meve paa vaanao ribona bua disaepol teve,

9
00:00:32,540 --> 00:00:34,640
mepaa sue kiri bari,

10
00:00:34,640 --> 00:00:37,620
“Nao tea siitii va Jerusalem.

11
00:00:37,620 --> 00:00:40,360
Eam pasi vatatana me vea peha otei,

12
00:00:40,360 --> 00:00:43,140
na vaatoka batana bona botori ruene,

13
00:00:43,140 --> 00:00:45,240
eam repaa murinae.

14
00:00:45,240 --> 00:00:50,160
Eam repaa sue kia too vaahito na inu vai to pasi hovo nae,

15
00:00:50,160 --> 00:00:52,180
‘E Siisia paa hivi mau,

16
00:00:52,180 --> 00:00:54,420
“Havee a rum teo vura vai,

17
00:00:54,420 --> 00:00:57,960
to pasi ani nom naa a taba-ani va teo Paasova,

18
00:00:57,960 --> 00:01:00,040
bara o disaepol tenaa?”’

19
00:01:00,040 --> 00:01:04,400
Eve repaa vataaree ameam bona rum a beera to tei nana gina,

20
00:01:04,400 --> 00:01:06,180
a matatopo varaba.

21
00:01:06,180 --> 00:01:09,700
Eam repaa matatopo a taba-ani teara teebona.”

22
00:01:09,700 --> 00:01:12,900
Mea bua disaepol paa nao tea siitii,

23
00:01:12,900 --> 00:01:15,540
meori paa no vuriha bona maamihu taba,

24
00:01:15,540 --> 00:01:19,020
na paku vo koa naen to sue vo nao e Jisu.

25
00:01:19,020 --> 00:01:23,600
Meori paa matatopo bona taba-ani va teo Paasova teebona.

26
00:01:23,600 --> 00:01:24,540
Murinae,

27
00:01:24,540 --> 00:01:27,520
meori paa vaakaku vahaa vo te Jisu.

28
00:01:27,520 --> 00:01:29,060
Tea tauravi,

29
00:01:29,060 --> 00:01:35,940
me Jisu bara peha saavun buaku (12) a disaepol teve paa nao inu to pasi ani riori bono paku.

30
00:01:35,940 --> 00:01:38,660
Eori he ani rori tea teevoro,

31
00:01:38,660 --> 00:01:40,560
meve paa boha voen,

32
00:01:40,560 --> 00:01:43,380
“Enaa na sue kanom ameam a omana,

33
00:01:43,380 --> 00:01:48,960
a peha va team pasi hee ni kanom anaa teori to koma hata ni kanom anaa.

34
00:01:48,960 --> 00:01:52,720
A aba bona na pate ani me kanom anaai.”

35
00:01:52,720 --> 00:01:55,280
O disaepol he baitono voen,

36
00:01:55,280 --> 00:01:57,240
meori paa tamaka kurusu.

37
00:01:57,240 --> 00:02:01,020
Meori paa hivi pepeha bata bene Jisu,

38
00:02:01,020 --> 00:02:03,440
“Ean bau na sue nom anaa,

39
00:02:03,440 --> 00:02:04,840
haa?”

40
00:02:04,840 --> 00:02:07,760
Mepaa sue kiri bari,

41
00:02:07,760 --> 00:02:12,660
“A aba bona a peha va team a peha saavun buaku (12) a disaepol,

42
00:02:12,660 --> 00:02:18,860
enam a buaku to pasi pate nomo ni nom e ta bua ta berete tenam tea peha perete.

43
00:02:18,860 --> 00:02:19,820
Enaa,

44
00:02:19,820 --> 00:02:22,120
a Baiko tea Aba pasi mateu,

45
00:02:22,120 --> 00:02:25,320
to takino komana vo roho a koara te Hunavaan.

46
00:02:25,320 --> 00:02:31,140
Evehee a aba vai to pasi hee ni kanom anaa pasi gonou bona vaherehereke vai a beera.

47
00:02:31,140 --> 00:02:36,560
Na mataa va-oha vai roho nana be sinanae saka vahuhu haa roho bona.”

48
00:02:36,560 --> 00:02:38,380
Eori he tea ani,

49
00:02:38,380 --> 00:02:40,520
me Jisu paa gono bona berete,

50
00:02:40,520 --> 00:02:42,820
mepaa vaamataa ki bene Hunavaan,

51
00:02:42,820 --> 00:02:44,600
mepaa kakaku bona.

52
00:02:44,600 --> 00:02:45,620
Rerau,

53
00:02:45,620 --> 00:02:48,620
mepaa heehee vatotoena ribono disaepol teve,

54
00:02:48,620 --> 00:02:50,960
eve he tea boha bata voen,

55
00:02:50,960 --> 00:02:52,400
“Gono,

56
00:02:52,400 --> 00:02:53,640
eam re ani,

57
00:02:53,640 --> 00:02:55,860
evei a suini naa.”

58
00:02:55,860 --> 00:02:57,420
Murinae,

59
00:02:57,420 --> 00:02:59,700
meve paa gono pete bona kaapu voaen,

60
00:02:59,700 --> 00:03:02,940
mepaa vaamataa haabana ki bene Hunavaan.

61
00:03:02,940 --> 00:03:06,360
Mepaa hee ribono disaepol teve bona kaapu,

62
00:03:06,360 --> 00:03:10,100
meori paa kavara vagaagaga tea kaapu bona.

63
00:03:10,100 --> 00:03:12,740
Meve paa sue kiri bari,

64
00:03:12,740 --> 00:03:14,920
“Evei a revasin naa,

65
00:03:14,920 --> 00:03:18,820
to takoma ki bona aba bero potee bona va-asi.

66
00:03:18,820 --> 00:03:24,300
Na taneo nana bono vaanoasiu varirovana ne Hunavaan bara maa tavaan teve.

67
00:03:24,300 --> 00:03:26,660
Enaa na sue kanom ameam a omana,

68
00:03:26,660 --> 00:03:29,460
enaa saka min gaga vaha haa nom a voaen,

69
00:03:29,460 --> 00:03:36,700
ore suguna teo boni to pasi gagau naa a voaen vai a voon tea vuaba te Hunavaan.”

70
00:03:36,700 --> 00:03:40,040
Meori paa aheahe bene ta aheahe.

71
00:03:40,040 --> 00:03:42,260
Eori he aheahe vakavara,

72
00:03:42,260 --> 00:03:46,260
meori paa nao vo tea Voora va Oliv.