1
00:00:05,000 --> 00:00:28,900
Rõhm Zohdew cati ji jõopaꞌheeh ẽhntaa jiꞌ te Zwãw coohcjir xỳꞌny ẽhꞌwyr jõhm jiꞌ cohjahic. Pom saséhdot cati ji me, Leveeh cati ji me, mecte Zerohzarẽj pẽhn Zwãw wyr jõhm jiꞌ cohjahic my hamoh me ẽhꞌwyr ẽhjpa ne meꞌwyr hapux ne meꞌcoohquehj, ne mecmy: —Meano ca tẽ ẽhntaa? Tem aapi Crehjꞌhã?

2
00:00:28,900 --> 00:00:41,860
Rõhm Zwãw te hẽhrỹypi mecmy amjõhny hỳyprỹy, ne nee cohte amjõhto ẽhjpẽhmxohr noore, ne cohte mecmy: —Hop, aapoh nee ẽhjpi Me Pajẽhpixxỳꞌ te Crehx cohjahic xỳꞌny amjõhto hõhjaꞌcree ẽhntaa noore!

3
00:00:41,860 --> 00:01:01,180
Rõhm me cohmy: —Meano ca, crẽ? Tem ca crẽ Eerehjꞌhã? Rõhm mecmy: —Hop! Rõhm me cohmy: —Pom mrẽ Mozez te me panquit ji my profet jãarẽn ẽhntaa, pinny qui ca Me Pajẽhpixxỳ profet noꞌ to cato ẽhntaa, tem ca mrẽ caꞌhã? Rõhm mecmy: —Hop.

4
00:01:01,180 --> 00:01:14,780
Ne Zwãw te hẽhrỹypi mecmy amjõhny hỳyprỹy to hãjỹhr, rõhm me cohmy: —Aajatox cỹm mejmy amjõhjãarẽ! War meacpỹyhmy mecte aawyr mejcohjahic ẽhntaa jiꞌ wyr me praa ne mecmy aajãarẽ!

5
00:01:14,780 --> 00:01:37,360
Rõhm ẽhꞌprõtpi Zwãw te mecmy: —Wa pji ẽhncreecree cỹm ẽhjpa ne meamy jỳycjir to ẽhjpa! Ne meamy: “Haner Me Pajõopaꞌheeh my pryyh mampex!” Hõ, pinny mam Zaaehjpi profet ẽhntaa te mecmy Me Pajẽhpixxỳ jarcwaa jãarẽn to ẽhjpa ẽhntaa te to ẽhꞌhuc to hãjỹhr, my Zwãw te mecmy ẽhꞌhuc jãarẽn to hãjỹhr.

6
00:01:37,360 --> 00:01:46,100
Rõhm pom Zwãw wyr mecte meꞌcohjahic ẽhntaa ji Farehzew cati jiꞌ ny. Ne mecte Zwãw coohcjir ne mecte cohmy:

7
00:01:46,100 --> 00:02:00,620
—Tem crẽ nee aapi Me Pajẽhpixxỳꞌ te Crehx cohjahic xỳꞌny amjõhto hõhjaꞌcree ẽhntaa noore, ne nee aapi Eerehj noore, ne nee aapi profet no ẽhntaa noore? Creeh ny ca meꞌcrỹ ẽhncoo ẽhntaa?

8
00:02:00,620 --> 00:02:12,200
Ne mecte Zwãw coohcjir to hãjỹhr, rõhm cohte mecmy: —Wa cymy cuꞌ to meꞌcrỹ ẽhncoo. Max, ẽhꞌtyx jõhm ẽhntaa me paꞌcapeꞌny ẽhjpa, my nee meanoꞌ te jõhm catỳt noore my.

9
00:02:12,200 --> 00:02:23,320
Jõhm ẽhntaa ẽhjcut cator, caacru my jẽhruuꞌpi jõhm crỹ rat ne jõhm pex. Wa ẽhjte jõhm my to ẽhmpoo jaahyhr japyyhꞌreh ẽhjquinre.

10
00:02:23,320 --> 00:02:33,360
Ne Zwãw te Zóhdãw jẽehcjiꞌ ny crẽhꞌ to Betãj cỹm mecmy hõhjãarẽn to hãjỹhr, xỳm cohrehꞌhã meꞌcrỹ ẽhncoo to ẽhꞌcohꞌhi.

11
00:02:33,360 --> 00:02:55,520
Rõhm awcaꞌteh. Rõhm hamoh Sesohx mo, ne Zwãw wyr cator. Rõhm Zwãw te amne Sesohx mor ny hõmpohn, ne cohte ẽhꞌprõtpi meꞌcwy my: —Cỹh, pooreh amne Me Pajẽhpixxỳ jõꞌcáhnir cra ẽhntaa mo, ca me hõmpoh! Taꞌ qui ca pjiꞌ cỹm coh me paapa cati ji ẽhntiitee me paꞌquin caaqui!

12
00:02:55,520 --> 00:03:09,760
Taꞌ wa meamy hãarẽ, ne meamy: “Wa cohmamꞌhã ẽhjcator, max jẽhruuꞌpi ẽhꞌcrỹ rat ne ẽhmpex. Xỳm cormy nee ẽhjpym noo rehꞌhã ryꞌmy ẽhꞌtyx ẽhjpa” ẽhntaa, wa meamy hãarẽ.

13
00:03:09,760 --> 00:03:20,520
Ne nee ẽhjte hõmpohn pex noore. Max, wa ẽhjtyx me paapi Ẽhezaer cati ji my hãarẽn to ẽhjpa. Xỳꞌny wa meꞌcrỹ ẽhncoo to ẽhjpa.

14
00:03:20,520 --> 00:03:36,320
Ne Zwãw te mecmy Sesohx jãarẽn to hãjỹhr, ne cohte hẽhpiireh mecmy: Carõo Pex aꞌparmy tẽ, ne ẽhꞌhixny tohttehꞌhã tẽ, max, Carõo Pex peht Sesohx wyr tẽ ne cỹm ẽhꞌcohꞌhi, wa ẽhjte hõmpohn.

15
00:03:36,320 --> 00:04:04,640
My nee cormy ẽhjte Sesohx ẽhntaa jaꞌcree pex noore, max, Me Pajẽhpixxỳ ẽhjto ẽhꞌhimpex wa meꞌcrỹ ẽhncoo ẽhntaa te ryꞌmy ẽhjto ẽhꞌhimpex to hãjỹhr ne ẽhjmy: “Qui ca Carõo Pex amne aꞌparmy jõhm wyr tẽ ne ca Carõo jõhm ny xa. Pe ca ca jõhm jaꞌcree pex, xỳm jõhm ẽhntaaꞌ qui ca Carõo Pex to ẽhꞌhimpex qui ca Carõo me to ẽhꞌhimpex to ẽhjpaꞌ cỹm ẽhncryhc ne me to ẽhꞌhimpex to ẽhjpa.”

16
00:04:04,640 --> 00:04:13,920
Hõ, wa ẽhjte ẽhjcryhꞌcỹm Carõo Pex pohpohn to hãjỹhr, ne ẽhjcryhꞌcỹm meamy Sesohxpi Me Pajẽhpixxỳꞌ craꞌ ny hãarẽ.