1
00:00:05,000 --> 00:00:16,640
Rõhm awcaꞌteh, rõhm Zwãw te Sesohx pohpohn ẽhntaareh hẽhpiireh mo, rõhm ẽhꞌcut mecte amjõhjẽhpix cati jiꞌ no pehxcroht ne jõhm mo.

2
00:00:16,640 --> 00:00:25,220
Rõhm hẽhpiireh amne Sesohx mo. Rõhm Zwãw te mecmy: —Pooreh amne Me Pajẽhpixxỳ jõꞌcáhnir cra ẽhntaa mo!

3
00:00:25,220 --> 00:00:38,320
Rõhm ẽhꞌprõtpi Zwãw cut mecte amjõhjẽhpix cati jiꞌ no pehxcroht ẽhntaa ajhohreh jõhm te cỹm hapac, ne jõhm ajhohreh jõhm te Sesohx cut amjõhjẽhpix ne jõhm ajhohreh ẽhꞌcut ẽhjpa.

4
00:00:38,320 --> 00:00:56,980
Rõhm Sesohx pehhõpcjir ne cohte jõhm ajhohreh jõhm pohpohn, ne jõhm my: —Pom mrẽ ca me mo? Rõhm jõhm cohmy: —Habeeh! (max, me pajarcwaaꞌ cut: “mejto aahimpex cati”) Ẽhjcree jõhꞌcỹm ca ca hõr?

5
00:00:56,980 --> 00:01:12,400
Rõhm Sesohx te jõhm ajhohreh jõhm my: —Amne me tẽ ne me jõtxỳꞌ pohpoh! Pinny ryꞌmy pyht, rõhm hamoh jõhm ajhohreh ẽhꞌcut mo, ne jõhm te hỳꞌhohcxỳꞌ pohpohn, ne jõhm te capeꞌny amjõhto pyht.

6
00:01:12,400 --> 00:01:17,180
Ne jõhm ẽhntaa japryꞌ to Ãndree, ne Sehmãw Pit tõ.

7
00:01:17,180 --> 00:01:32,160
Ne ẽhꞌprõtpi Ãndree ẽhꞌtõ Sehmãw cumrẽx wyr tẽ, ne ẽhꞌwyr cator, ne cohmy: —Pom Me Pajẽhpixxỳꞌ te Me Paꞌcrỹꞌ Cajpar Catiꞌ cohjahic xỳꞌny amjõhto hõhjaꞌcree ẽhntaa, wa mejte hõmpohn! (Ne hapryꞌ to Crehx).

8
00:01:32,160 --> 00:01:50,540
Ne Ãndree te ẽhꞌtõ Sehmãw my hãjỹhr, ne cohte Sesohx wyr hapruu. Rõhm Sesohx te Sehmãw ẽhntaa pohpohn, ne cohte cohmy: —Aajapryꞌ to Sehmãw, Zõn teꞌcãmter ẽhntaa, max, wa ca meato Sefax. (Ne Grec cati ji jarcwaa cut: Pit).

9
00:01:50,540 --> 00:02:04,540
Rõhm awcaꞌteh, rõhm pjiꞌ to Garehrehj wyr Sesohx ẽhꞌcrỳy. Ne hamoh me jõhm to Fehrehp ẽhntaa japi mo, ne cohte taꞌny hãm, ne cohmy: —Cỹh, amne ẽhjcut amjõhjẽhpix!

10
00:02:04,540 --> 00:02:10,680
Pinny Fehrehp crẽhꞌ to Betsaeht cỹm ẽhjpa. Cohrehꞌhã Ãndree me Pit xwyyre ẽhjpa.

11
00:02:10,680 --> 00:02:37,960
Rõhm hamoh Fehrehp me jõhm to Natana-ew ẽhntaa japin to tẽ, ne cohte taꞌny hãm, ne cohmy: —Poone mejte jõhm ẽhntaa ny jit! Mam Mozez te ẽhꞌhimpexxỳꞌ cỹm jõhm ny to ẽhꞌhuc, ne me panquit ji my profet cati jiꞌ te jõhm jãarẽn ẽhntaa, wa mejte jõhm pohpohn! My jõhm japryꞌ to Sesohx, ne crẽhꞌ to Nazaree pẽhn tẽ, ne hõnxõoh japryꞌ to pinny Zohzee.

12
00:02:37,960 --> 00:02:51,720
Ne Fehrehp te Natana-ew my Sesohx jãarẽn to hãjỹhr, rõhm cohmy: —Tem crẽ Nazaree cati jiꞌ no ẽhmpex? Rõhm Fehrehp cohmy: —Amne tẽ ne hõmpohꞌ myyny!

13
00:02:51,720 --> 00:03:07,540
Ne hamoh me mo, ne me ẽhꞌwyr cator, rõhm Sesohx te Natana-ew pohpohn ne cohte meꞌcohꞌhi ẽhntaa ji my: —Pooreh jõhm reht ẽhncryhꞌcỹm Ẽhezaer cati jiꞌ mahã, ne nee ẽhꞌhixxeeh noore!

14
00:03:07,540 --> 00:03:22,660
Rõhm Natana-ew te cỹm hapac, ne cohte cohmy: —Jõhꞌreh my aate ẽhjpohpohn ne aate jaꞌcree pex? Rõhm Sesohx cohmy: —Nee cormy Fehrehp te aany hỳꞌwyr noo reerehꞌhã ca fehc pỳr crat ny jỹh wa ẽhjte aajõmpohn.

15
00:03:22,660 --> 00:03:34,000
Rõhm Natana-ew te cohmy: —Mejto Aahimpex Cati! Ca aacryhꞌcỹm Me Pajẽhpixxỳꞌ craꞌ ny! Ca me paapi Ẽhezaer cati ji jõopaꞌheeh rat ny!

16
00:03:34,000 --> 00:03:51,700
Ne Natana-ew te Sesohx my hãjỹhr, rõhm Sesohx te cohmy: —Tem cymy ẽhjte fehc pỳr crat ny aapohpohn ny ẽhjte aamy aajãarẽn cwyrjapii my aate jarcwaa cut amjõhjẽhpix? Wa ca quit cormy to ẽhmpoo jaahyhr cateh, ca ca ẽhjpohpoh!

17
00:03:51,700 --> 00:04:09,980
Wa ẽhjcryhꞌcỹm aamy awjãarẽ, qui ca cujcwaa pỹc ajcapu, qui ca amne aꞌparmy Me Pajẽhpixxỳ jõꞌãz cati ji ẽhjpi Meatõꞌ Cỳ ẽhntaa wyr praa, ne ca cỳjmy praa, ne ca ajpẽn jaꞌpanny praa, ca ca cormy ẽhmpoo ny ẽhjpohpoh!