1
00:00:05,000 --> 00:00:18,180
Hõ, ne cohte hãjỹhr. Rõhm Sesohx me, ẽhꞌcut mecte amjõhjẽhpix cati ji hamoh pjiꞌ to Zohdehj wyr ẽhjpa. Ne cohreh mejpa, ne meꞌcrỹ ẽhncoo to ẽhjpa.

2
00:00:18,180 --> 00:00:35,000
Rõhm Zwãw xwyyre meꞌcrỹ ẽhncoo to ẽhjpa, pjiꞌ to Eenoo cỹm, (pjiꞌ to Sãarẽeh nyhnreh, pinny). Xỳm cohreh cuꞌ cateh. Rõhm me hỳꞌtuu ne me Zwãw wyr ẽhjpa, rõhm meꞌcrỹ ẽhncoo.

3
00:00:35,000 --> 00:00:38,080
My nee cormy mecte canix my Zwãw jaxỳr noore.

4
00:00:38,080 --> 00:00:49,740
Pe rõhm Zohdew cati jiꞌ no ẽhntaa me, Zwãw cut mecte amjõhjẽhpix cati ji ajpẽn prỹy pex, mecte amjõhpỹc to hapux ẽhntaa jiꞌ to taxmy xỳꞌny.

5
00:00:49,740 --> 00:01:09,360
Rõhm hamoh me Zwãw wyr mo, ne mecte cohmy: —Mejto Aahimpex Cati, poone hamoh Zóhdãw jẽehcjiꞌ ny ca jõhm me mo ẽhntaa—myyreh aate mejmy jõhm jãarẽn ẽhntaa—pom hamoh jõhm meꞌcrỹ ẽhncoo to mo! My me hỳꞌtuu ne me jõhm wyr ẽhjpa ne me jõhm cỹm pa!

6
00:01:09,360 --> 00:01:27,620
Ne mecte Zwãw my Sesohx jãarẽn to hãjỹhr, rõhm Zwãw te mecmy: —Cỹh, qui ta, xỳm nee ẽhntaa wyr jõhm jõhm to ẽhꞌhimpex noore my, ne pom cujcwaa cỹm Me Pajẽhpixxỳ ẽhꞌcrẽh ẽhntaa my ẽhꞌtyx jõhm to ẽhꞌhimpex to ẽhjpa, macny qui ta me cỹm pa.

7
00:01:27,620 --> 00:01:47,740
Pom Me Pajẽhpixxỳꞌ te Crehx cohjahic xỳꞌny cohte amjõhto hõhjaꞌcree ẽhntaa, wa ẽhjte ẽhjcryhꞌcỹm ẽhjpi Crehx nooreꞌ ny meamy amjõhjãarẽn. Ne ẽhjte Crehx cator xwyjrehꞌhã hãarẽn to ẽhjpa xỳꞌny Me Pajẽhpixxỳꞌ te amjõhmy ẽhjhyhr. Wa ẽhjte ryꞌmy meamy amjõhjãarẽn, my meate ẽhjcỹm aajapac.

8
00:01:47,740 --> 00:02:06,640
Cwyrjapii wa Sesohx jõhꞌny jacryyh. Cohte hãjỹhrꞌ pom qui ca qui aacwyꞌ no hẽhcwaa, ca ca aajacryyh. Nee aajẽhcwaa noore, max, ca aatyx jõhm jõhꞌny aajacryyh. Ẽhntaa cwyꞌ to wa Sesohx jõhꞌny jacryyh. Ne jacryyh cateh!

9
00:02:06,640 --> 00:02:18,180
Xỳm meꞌtyx ẽhjmy hẽhcran to mo, ne mecte Sesohx to ẽhjpẽhntohw ne mecte ẽhꞌcut amjõhjẽhpix, max, taꞌny ẽhjmy ẽhmpexteh ne nee ẽhꞌquin noore!

10
00:02:18,180 --> 00:02:50,800
Hõ, ne Zwãw te mecmy Sesohx jãarẽn to hãjỹhr. Xỳm ẽhncryhꞌcỹm cujcwaa pẽhn Sesohx tẽ ne cohte me paꞌcohnehꞌteh jẽhruuꞌpi ẽhmpoo jaꞌcree pex. Coh me pjiꞌ cỹm pajapux ne me paapi pji jõꞌteecji, cwyrjapii coh me ẽhmpoo to ajpẽn my pajõhjãarẽn prỹm, ne me pjiꞌ cỹm ẽhmpoo ẽhntaa jiꞌ to ajpẽn my paꞌcaacuc to paapa. Max, cujcwaa pẽhn Sesohx tẽ ne cujcwaa me pjiꞌ cỹm ẽhmpoo cohneh jẽhruuꞌpi ẽhjrat.

11
00:02:50,800 --> 00:02:59,220
Ne ẽhꞌtyx cohte ẽhmpoo pohpohn ne cohte ẽhmpoo par ẽhntaa jiꞌmy hãarẽn to tẽ, caacru my nee jõhm te cỹm hapac noore.

12
00:02:59,220 --> 00:03:08,300
Max, hõtpi meꞌcwyꞌ te cỹm hapac, xỳm Me Pajẽhpixxỳ ẽhncryhꞌcỹm ẽhꞌcaacuc ny meꞌcwyꞌ te haꞌcree pex.

13
00:03:08,300 --> 00:03:24,380
Xỳm ẽhncryhꞌcỹm Me Pajẽhpixxỳꞌ te Sesohx cohjahic cwyrjapii my Sesohx hatox cỹm harcwaaꞌ to ẽhꞌcaacuc to ẽhjpa. Xỳm Me Pajẽhpixxỳꞌ te Carõo Pex to ẽhꞌhimpex my cohte xwyyreꞌ cỹm Sesohx to ẽhꞌhimpex to ẽhjpaj noore.

14
00:03:24,380 --> 00:03:37,980
Rõhm Me Pajẽhpixxỳꞌ te ẽhꞌcra Sesohx my ẽhmpoo cohneh me, me paꞌcohneh my hẽhcran, my Sesohx ẽhmpoo me, me paꞌcohnehꞌ to ẽhꞌhimpex to ẽhjpa. Xỳm Me Pajẽhpixxỳ my ẽhꞌcra japii.

15
00:03:37,980 --> 00:04:04,160
Coh ca me paꞌno Me Pajẽhpixxỳꞌ cra ẽhntaa cut amjõhjẽhpix qui ca Me Pajẽhpixxỳ me paꞌnoꞌ to ẽhꞌhimpex coh ca me paꞌno paꞌtẽhr tõhm to paꞌtẽhr. Nỹm coh ca me paꞌno Me Pajẽhpixxỳꞌ craꞌ prỹy pex, ne ca nee me paꞌno paꞌtẽhr tõhm to paꞌtẽhr noore. Pe qui ca nee tỹmne Me Pajẽhpixxỳ me paꞌnoꞌ cỹm ẽhncryhc ẽhꞌhehj noore.