1
00:00:05,000 --> 00:00:12,500
Pe rõhm Zohdew cati ji jõopaꞌheeh no japryꞌ to Nehcodẽm, ne cohpi Farehzew.

2
00:00:12,500 --> 00:00:34,720
Ne awcapỳt cỹm Sesohx wyr tẽ ne cohmy: —Mejto Aahimpex Cati, wa mejte ẽhjtyx aajaꞌcree pex, ca Me Pajẽhpixxỳ jarcwaaꞌ cut me to aahimpex to aapa. Capxyhꞌmy qui Me Pajẽhpixxỳ aato ẽhꞌhimpex to ẽhjpaj nooreꞌ nyymy, ca ca nee to ẽhmpoo jaahyhr catehꞌ to hãjỹhr noore my.

3
00:00:34,720 --> 00:00:47,680
Ne cohte Sesohx my hãjỹhr rõhm cohte cohmy: —Cỹh, ẽhjcỹm pa. Ca ca nee hẽhpiireh aapym noore, ne nee Me Pajẽhpixxỳ jõꞌteecjiꞌ ny aapaj noore ca! Ne wa ẽhjcryhꞌcỹm aamy hãne.

4
00:00:47,680 --> 00:01:01,200
Rõhm Nehcodẽm te harcwaa ẽhntaa ny cỹm hapac, ne cohmy: —Jõhꞌny wa ca ẽhjwej ẽhntaa jẽhruupi ẽhjpym ẽhntaa to? Tem wa hẽhpiireh jõnxii toh my aaxỳ ne ẽhjpym?

5
00:01:01,200 --> 00:01:13,560
Rõhm Sesohx te cohmy: —Wa ẽhjcryhꞌcỹm aamy, ca ca nee cu me Carõo Pex cỹm aapym tohw noore, ne ca nee Me Pajẽhpixxỳ jõꞌteecjiꞌ ny aapaj noore.

6
00:01:13,560 --> 00:01:23,040
Pom me me hẽeh pẽhn peht me hapux cati ji, me hẽehꞌhã. Ne Carõo Pex pẽhn me hapux cati ji, Carõo Pejꞌhã me to ẽhꞌhimpex to ẽhjpa.

7
00:01:23,040 --> 00:01:29,600
Tem ca tee jarcwaa ẽhntaa jaꞌcree quit? Max, ca nee hãjỹhr noo cỹm!

8
00:01:29,600 --> 00:01:57,780
Tem aate ryꞌmy cup cut hacop? Pom cup aapi, ca cỹm pa, max ca nee tax rõhmpi ẽhmpraa ny haꞌcree pex noore. Ne ca nee taxmy hamoh ẽhmpraa ny haꞌcree pex noore. Ẽhntaa jẽehcjiꞌ cwyꞌ to Carõo Pex me to ẽhꞌhimpex my mejpehxxwyr tohw, ca meꞌcut hacop, max ca nee Carõo Pex te me to ẽhꞌhimpex my mejpehxxwyr ẽhntaa ny ca Carõo jaꞌcree pex noore.

9
00:01:57,780 --> 00:02:07,340
Pe rõhm Sesohx te Nehcodẽm my harcwaa to hãjỹhr, my Nehcodẽm te cohmy: —Aapoh wa tee aajarcwaa ẽhntaa jaꞌcree quit!

10
00:02:07,340 --> 00:02:18,460
Rõhm Sesohx cohmy: —Mrẽ ca Ẽhezaer cati jiꞌ to aahimpexxỳꞌ ny aapa ẽhncreeh? Tem crẽ nee aate jarcwaa ẽhntaa jaꞌcree pex noore?

11
00:02:18,460 --> 00:02:36,440
Wa ẽhjcryhꞌcỹm aamy, wa nee aamy ẽhmpoo jaꞌcree quit jãarẽn noore, ne pom paate ẽhmpoo jaꞌcree pex ẽhntaa jiꞌ ny peht wa aamy, ne paate ẽhmpoo pohpohn ẽhntaa jiꞌ ny peht wa aamy ẽhmpoo jãarẽ, caacru ca nee me ẽhjcỹm aajapac noore.

12
00:02:36,440 --> 00:02:49,180
Wa meamy pjiꞌ cỹm ẽhmpoo japux ẽhntaa ji peht jãarẽ, ca crẽ nee me ẽhjpar noore. Tem wa ca meamy cujcwaa cỹm ẽhmpoo japux ẽhntaa ji jãarẽ ca ca me ẽhjcỹm pa? Ca ca nee me ẽhjcỹm aajapac noore!

13
00:02:49,180 --> 00:02:57,440
—Hõ, ne nee tỹmne jõhm te ẽhjcohxỳ cujcwaa wyr hỳypehr noore my. Wa ẽhjpi Meatõꞌ Cỳ ẽhntaa pehtxeht cujcwaa pẽhn ẽhjrii.

14
00:02:57,440 --> 00:03:09,440
—Ne xwyyre my, mam Mozez te pji ẽhncreecree cỹm cahỹ carõo xur ẽhntaa cohxỳ qui ca meacwy ẽhjpi Meatõꞌ Cỳ ẽhntaa xu, wa ca pẽhꞌ ny aajit,

15
00:03:09,440 --> 00:03:19,800
car me ẽhjcut amjõhjẽhpix wa ca meato ẽhjhimpex ca ca meatẽhr tõhm to meatẽhr.

16
00:03:19,800 --> 00:03:37,300
—Xỳm Me Pajẽhpixxỳ my meꞌcohnehꞌteh japii cwyrjapii my cohte pjiꞌ wyr ẽhjpi ẽhꞌcraꞌ pehtxeht ẽhntaa cohjahic, car me ẽhjcut amjõhjẽhpix qui ca nee Me Pajẽhpixxỳ amjõhtiitee meacohrij noore, ca ca meatẽhr tõhm to meatẽhr.

17
00:03:37,300 --> 00:03:50,360
Xỳm nee ẽhjpi Me Pajẽhpixxỳꞌ craꞌ te ẽhntiitee pjiꞌ cỹm meapa ẽhntaa jiꞌ noꞌ cohri xỳꞌny cohte ẽhjcohjahic noore, ne ẽhjte meacrỹꞌ cajpar xỳꞌny my cohte ẽhjcohjahic.

18
00:03:50,360 --> 00:04:10,020
Qui ca jõhm ẽhjpi Me Pajẽhpixxỳꞌ cra ẽhntaa cut amjõhjẽhpix, qui ca nee Me Pajẽhpixxỳ amjõhtiitee jõhm cohrij noore. Max, pom mecte ẽhjcut amjõhjẽhpix noo ẽhntaa ji, ryꞌmy Me Pajẽhpixxỳꞌ te amjõhtiitee mecri par, xỳm nee mecte ẽhjpi ẽhꞌcra pehtxeht ẽhntaa cut amjõhjẽhpix noore.

19
00:04:10,020 --> 00:04:35,520
—Ẽhmpoo ny my cohte amjõhtiitee mecri? Nee ẽhmpoo ny cohte mecrij noore, ne cymy cohte pjiꞌ cỹm meapa ẽntaa jiꞌ wyr ẽhjpi ẽhꞌcraꞌ cohjahic, my ẽhjpi amcro caacru my nee meꞌcwy my amcro ẽhntaa quẽhn noore, ne mecmy awcapỳtcuu peht quẽhn. My meꞌtyx ẽhmpoo quin to peht hapux to ẽhjpa, macnyymy mecmy awcapỳt quẽhn.

20
00:04:35,520 --> 00:04:52,380
—Xỳm mecte ẽhmpoo quin to hapux to ẽhjpa ẽhntaa jiꞌ te hãjỹhr, ne nee mecmy ẽhmpoo puc cỹm amjõhquẽhn noore. Ne nee mecmy ẽhmpoo puc wyr hỳꞌtip prỹm noore, xyhr qui jõhm mecte ẽhmpoo puc cỹm ẽhmpoo quin to hapux ny me hõmpoh ne jõhm mecmy.

21
00:04:52,380 --> 00:05:09,600
Max, pom mecte ẽhncryhꞌcỹm ẽhmpoo pex to hapux to ẽhjpa ẽhntaa ji, meꞌtyx ẽhmpoo puc wyr aꞌtip, ne me ẽhmpoo puc ruumy ẽhmpoo pex to hapux to ẽhjpa, qui meꞌcohneh ẽhmpoo ny me hõmpoh, xỳm Me Pajẽhpixxỳꞌ te me to ẽhꞌhimpex my mecte ẽhmpoo pex to hapux.