1
00:00:05,000 --> 00:00:14,940
Rõhm aꞌtõhmryyh my Zohdew cati ji jõꞌamjõhquẽhn no ẽhntaa cator, rõhm hamoh Sesohx Zerohzarẽj wyr mo, ne ẽhjpux.

2
00:00:14,940 --> 00:00:33,240
Rõhm crẽhꞌ cỹm cu ẽhntaa rat, pehsẽhn cỹm. Ne Eebrew jarcwaaꞌ cut cu japryꞌ to Betez. Crẽh jõꞌmohr ẽhntaa nyhnreh cu hẽhcwaa. Ne me crẽh jõꞌmohr jarcwaa ẽhntaa japryꞌ to: “cáhnir cjixxỳ.” Ne cuꞌ capeꞌny ẽhjcree te sẽhc ne ẽhꞌcohꞌhi.

3
00:00:33,240 --> 00:00:45,760
Rõhm ẽhjcree ẽhntaa jiꞌ cỹm meꞌcỳjxỳ jỳꞌtuu ne mexcwaa. My meꞌcwy ẽhntoproo, ne meꞌcwy jacyht pec ne nee meꞌcwy ẽhjpaj noore. Ne me cu pehcacryn ny haprẽhp to hẽhcwaa.

4
00:00:45,760 --> 00:01:01,660
Xỳm pinny Me Pajẽhpixxỳ my ẽhmpraa cati jiꞌ no ẽhntaa praa ne cuꞌ to aapi, my cu amjõhhẽehẽc. Cwyrjapii qui ca meꞌcỳjxỳ ẽhntaa jiꞌ noꞌ cumrẽjꞌ cuꞌ te amjõhhẽehẽc ny cu my ẽhꞌpym ne ca jõhm acpỹyhmy ẽhmpex.

5
00:01:01,660 --> 00:01:11,640
Rõhm pinny meꞌcỳjxỳ ẽhntaa jiꞌ noꞌ te hẽhcwaa to amcro jỳꞌtuu tỹmmm, ne jõhm te hẽhcwaa to amcroꞌ to trintaj ojt!

6
00:01:11,640 --> 00:01:24,840
Rõhm pinny amne Sesohx mo, ne cohte jõhm pohpohn, my jõhm no, my cohte ryyyyꞌmy jõhm jẽhcwaa ny jõhm jaꞌcree pex, ne cohte jõhm my: —Tem aamy aapex prỹm?

7
00:01:24,840 --> 00:01:47,960
Rõhm jõhm cỳjxỳ ẽhntaa te cỹm hapac, ne jõhm te cohmy: —Hỹh, ẽhꞌtyx ẽhjmy ẽhjpex prỹm. Max, wa nee ẽhjpaj noore. Ne nee mejcwyꞌ no ammrẽere, jõhm te cuꞌ wyr haraa cỹm ẽhjto mor xỳꞌny. Qui ca cu amjõhhẽehẽc, wa ca tee cwy, qui ca ryꞌmy jõhm jacre, ne ca jõhm mamꞌhã cu my ẽhꞌpym!

8
00:01:47,960 --> 00:01:58,980
Ne jõhm te Sesohx my hãjỹhr, my ẽhꞌprõtpi cohte jõhm my: —Cỹh, haner xa to hyh, ne aanorxỳ ẽhmpy, ne hamoh to mo!

9
00:01:58,980 --> 00:02:14,620
Ne Sesohx te jõhm myn to hãjỹhr, my ryꞌmy jõhm acpỹyhmy ẽhmpex, ne hãm, ne cohte norxỳ ẽhmpyn, ne hamoh to mo. Ne Zohdew cati ji jỳmcwyr noo jõꞌawcaꞌtehꞌ cỹm Sesohx te jõhm mampex to hãjỹhr,

10
00:02:14,620 --> 00:02:30,240
macnyymy Zohdew cati ji jõopaꞌheeh ẽhntaa ji jõhpar, ne mecte acpỹyhmy jõhm pex ẽhntaa coohcjir ne me jõhm my: —Ẽhmpoo caxohw my aate aanorxỳ ẽhmpyn ne to mo ẽhntaa? Pom mrẽ ẽhntaaꞌcỹm me pajỳmcwyr noo jõꞌawcaꞌteh ẽhncreeh!

11
00:02:30,240 --> 00:02:41,960
Ne mecte jõhm coohcjir to hãjỹhr, my jõhm te mecmy: —Pom jõhm te ẽhjmampex ẽhntaaꞌ te ẽhjto ẽhꞌhimpex to hãjỹhr, wa ẽhjte ẽhjnorxỳ ẽhmpyn ne amne to mo!

12
00:02:41,960 --> 00:02:51,100
Rõhm mecte hẽhpiireh jõhm my: —Jõhm te my aate aanorxỳ ẽhmpyn xỳꞌny aamyn to hãjỹhr—jõhꞌnyymy jõhm ẽhntaa japry?

13
00:02:51,100 --> 00:03:03,780
Rõhm tee jõhm mecmy hapry jãarẽn jaꞌcree. Xỳm pinny me hỳꞌtuu ne mejpa, cohreh, my taxmy hamoh Sesohx mo, my nee jõhm te Sesohx japry ẽhmpar noore.

14
00:03:03,780 --> 00:03:21,900
Rõhm aꞌtõhmryyh my Sesohx te Me Pajẽhpixxỳ jõhrcwaa cỹm jõhm ny jit, ne cohte jõhm my: —Cỹh, ẽhjcỹm pa. Xỳm ryꞌmy aapex, ca nee myꞌreh ẽhmpoo quin to aajapux to aapaj noo cỹm, xyhr ca acpỹyhmy aacỳjxỳ, ne aacỳjxỳ ẽhncreeh noore.

15
00:03:21,900 --> 00:03:32,380
Ne cohte jõhm my hãjỹhr, my hamoh jõhm Zohdew cati ji jõopaꞌheeh ẽhntaa jiꞌ wyr tẽ, ne jõhm te mecmy: —Pom jõhm te ẽhjmampex ẽhntaa japryꞌ to Sesohx.