1
00:00:05,000 --> 00:00:19,120
Hõ, ne cohte taꞌny hãjỹhr, rõhm hamoh Sesohx pjiꞌ to Garehrehj cỹm ẽhjpa, ne nee myꞌreh cohmy pjiꞌ to Zohdehj cỹm ẽhjpaꞌ prỹm noore, xỳm Zohdew cati ji my ẽhꞌcoohran prỹm.

2
00:00:19,120 --> 00:00:30,900
Rõhm Zohdew cati ji jõꞌamjõhquẽhn ẽhntaa cator xỳꞌny hỳꞌtip. Rõhm me to me hõꞌamjõhquẽhn ẽhntaa caxohw amjõhmy ẽhjcree cahỳcreꞌ cwy jaahyh ne me ẽhjcree cỹm ẽhꞌcrẽh.

3
00:00:30,900 --> 00:00:44,800
Rõhm Sesohx cji jiꞌ te Zohdehj wyr hator, ne mecte cohmy: —Cỹh, hamoh rymy Zohdehj wyr mo, car cohreh to ẽhmpoo jaahyhr cateh, qui mecte aacut amjõhjẽhpix cati ji ẽhmpoo ny aapohpoh!

4
00:00:44,800 --> 00:01:04,380
Xỳm qui ca jõhm my meꞌcohnehꞌ te jõhm pohpohn pex prỹm, qui ca jõhm hẽhrỹypi ẽhmpoo to hapux, ne ca nee jõhm ẽhmpoo to ẽhjpẽhmxohr noore. Ẽhntaa jẽehcjiꞌ cwyꞌ to ca aatyx to ẽhmpoo jaahyhr cateh, cwyrjapii ca hẽhrỹypi meꞌcohnehꞌteh ẽhnto myyreh ẽhmpoo to aajapux!

5
00:01:04,380 --> 00:01:11,860
Ne Sesohx cji jiꞌ te cohmy hãjỹhr, xỳm meꞌcji jiꞌ caacru my nee mecte ẽhꞌcut amjõhjẽhpix noore my.

6
00:01:11,860 --> 00:01:26,060
Rõhm Sesohx te mecmy: —Cormy nee ẽhjmor xỳꞌny awcaꞌteh jỳꞌhohc noore my, max, me ca, qui ca meano my awcaꞌtehꞌ noꞌ ny aamor prỹm ca meano aatyx mo.

7
00:01:26,060 --> 00:01:40,340
Xỳm nee pjiꞌ cỹm mejpa ẽhntaa ji my meacohrij noore. Max, mejcohri, xỳm mecte ẽhmpoo quin ny amjõhjẽhpix to ẽhjpa ẽhntaa ji, wa hẽhrỹypi ẽhmpoo ny me hãarẽn to ẽhjpa my mecmy ẽhjcohri.

8
00:01:40,340 --> 00:01:50,800
Cwyrjapii wa meamy, ca hamoh me caꞌhã amjõhquẽhn wyr aapa. Wa ca nee rymy ẽhjmor noore, xỳm nee cormy ẽhjmor xỳꞌny awcaꞌteh jỳꞌhohc noore.

9
00:01:50,800 --> 00:01:57,680
Ne Sesohx te mecmy hãjỹhr, ne cohte ẽhꞌtyx pjiꞌ to Garehrehj cỹm cajrẽhn ne ẽhꞌtyx ẽhjpa.

10
00:01:57,680 --> 00:02:12,300
Rõhm Sesohx cji ji hamoh me hõꞌamjõhquẽhn wyr ẽhjpa. Rõhm Sesohx aꞌteereh mo, me hacỳnpi, ne ẽhꞌprõtpi hamoh meꞌcut mo. Ne ẽhjpẽhmxohr to mo, ne nee hẽhrỹypi me catehꞌ cỹm mor noore.

11
00:02:12,300 --> 00:02:21,060
Rõhm Zohdew cati ji jõopaꞌheeh ẽhntaa ji Sesohx japrẽhp, amjõhquẽhn ẽhntaa ny, ne meajpẽn my: —Mrẽ Sesohx?

12
00:02:21,060 --> 00:02:37,500
Ne mecte ajpẽn my hãjỹhr, rõhm me amjõhquẽhn pohpohn to ẽhjpa ẽhntaa jiꞌ cohnehꞌ te Sesohx ny ajpẽn prỹy pex to ẽhꞌcohꞌhi. Ne meꞌcwy ajpẽn my: —Sesohx pexteh my! Rõhm meꞌcwy ajpẽn my: —Hop, aapoh cymy ẽhꞌhixxeeh!

13
00:02:37,500 --> 00:02:46,740
Ne mecte ajpẽn prỹy pex to hãjỹhr to ẽhꞌcohꞌhi, caacru my Zohdew cati ji jõopaꞌheeh ẽhntaa jiꞌ cohpaatee nee me hẽhrỹypi ajpẽn my Sesohx jãarẽn noore.

14
00:02:46,740 --> 00:02:57,760
Pe rõhm me hõꞌamjõhquẽhn ẽhntaa caꞌtehꞌ cỹm hamoh Sesohx Me Pajẽhpixxỳ jõhrcwaa wyr mo, ne hỳr, ne cohte me to ẽhꞌhimpex cỹm ẽhncryhc.

15
00:02:57,760 --> 00:03:12,300
Rõhm Zohdew cati ji jõopaꞌheeh ẽhntaa jiꞌ te cỹm hapac, ne meajpẽn my: —Py! Jõhm te my Me Pajẽhpixxỳ jarcwaa ny Sesohx to ẽhꞌhimpex to hãjỹhr? Xỳm nee tỹmne cohte ẽhxcor cỹm ẽhxtohdaa noore!

16
00:03:12,300 --> 00:03:25,760
Rõhm Sesohx te mecmy: —Wa nee ẽhjte amjõhto ẽhjhimpexxỳꞌ cut ẽhmpoo ny meato ẽhjhimpex noore, ne pom cohte ẽhjcohjahic ẽhntaa himpexxỳꞌ cut wa ẽhmpoo ny meato ẽhjhimpex to ẽhjpa.

17
00:03:25,760 --> 00:03:40,240
Py hop, tem wa cymy ẽhjhix? Qui ca meano my Me Pajẽhpixxỳ my ẽhmpoo quẽhn ẽhntaa jiꞌ to aajapux to aapaꞌ prỹm, ca ca meano ẽhjte ẽhjcryhꞌcỹm Me Pajẽhpixxỳꞌ himpexxỳꞌ cut meato ẽhjhimpex ny meano jaꞌcree pex.

18
00:03:40,240 --> 00:04:03,680
Xỳm qui ca taxmy jõhm amjõhhimpexxỳꞌ cut meamy awjãarẽ, ca ca me ryꞌmy jõhm jaꞌcree pex, xỳm cymy meate jõhm to ẽhmpex xỳꞌny jõhm ẽhꞌcaacuc. Max, Me Pajẽhpixxỳꞌ te ẽhjcohjahic cwyrjapii my meate cohmy ẽhmpex jãarẽn to aapa xỳꞌny wa meato ẽhjhimpex to ẽhjpa. Wa ẽhjcryhꞌcỹm ẽhjcaacuc, ne nee ẽhjhixxeeh noore.

19
00:04:03,680 --> 00:04:17,060
—Mrẽ Mozez te meamy ẽhꞌhimpexxỳ my hẽhcran creeh? Ca crẽ nee me ẽhꞌhimpexxỳ ẽhntaa par noore. Ẽhmpoo ny my meamy ẽhjcoohran prỹm?

20
00:04:17,060 --> 00:04:28,220
Ne Sesohx te mecmy hãjỹhr, rõhm me catehꞌ te cohmy: —Aapoh carõo quin aato ẽhꞌhimpex ca amjõhny aajỳꞌcrax to mo! Mejno wa aacoohran prỹm ẽhntaa?

21
00:04:28,220 --> 00:04:41,680
Ne mecte Sesohx prỹy pex to hãjỹhr, rõhm cohte mecmy: —Wa ẽhjte to ẽhmpoo jaahyhr to hãjỹhr pehtxeht, meajỳmcwyr noo jõꞌawcaꞌtehꞌ cỹm, ca meamjõhcỹm aajapac cateh!

22
00:04:41,680 --> 00:05:01,380
—Mozez te meato ẽhꞌhimpex, ca meajỳmcwyr noo jõꞌawcaꞌtehꞌ cỹm meacra jõhꞌpyhrỳc cỳꞌ cwy jaquep (my nee Mozez cumrẽx te me to ẽhꞌhimpex to hãjỹhr noore, ne ryꞌmy Mozez cohmamꞌhã meamjõhjõhꞌpyhrỳc cỳꞌ cwy jaquep xỳꞌny ajpẽn to ẽhꞌhimpex to hãne).

23
00:05:01,380 --> 00:05:19,040
Ne meate Mozez himpexxỳꞌ cut amjõhjẽhpix xỳꞌny meacra xõhmreꞌ cỳꞌ cwy jaquep to hãjỹhr, meajỳmcwyr noo jõꞌawcaꞌtehꞌ cỹm, caacru wa ẽhjte meajỳmcwyr noo jõꞌawcaꞌtehꞌ cỹm jõhm mampex, ca pehja me ẽhjcohri?

24
00:05:19,040 --> 00:05:30,580
Ca ca me ẽhmpoo cryhjreꞌ ny ẽhjpohpoh ne ca me rymy ẽhjcoohquehj! Meamjõhmy ẽhmpoo ny ẽhjcãmjẽhx ne me ẽhjcoohcjir prỹm, ne me xyhꞌreh ẽhmpoo ny jaꞌcree pex pex ne me cormy ẽhjcoohquehj!