1
00:00:05,000 --> 00:00:30,680
Hõ, ne Sesohx te jõhm cahỹj my harcwaa to hãjỹhr, ne cohte hẽhpiireh meꞌcohnehꞌ to ẽhꞌhimpex cỹm ẽhncryhc, ne cohte mecmy: —Ẽhjpi amcro, pjiꞌ cỹm meapa ẽhntaa jiꞌ cohnehꞌ caxohw. Qui ca jõhm ẽhjcut amjõhjẽhpix, ne ca nee jõhm awcapỳt cỹm ẽhjpaj noore. Xỳm ẽhjpi amcro, wa ca jõhm to ẽhjhimpex, qui ca jõhm ẽhꞌtyx ẽhjpa.

2
00:00:30,680 --> 00:00:43,420
Ne Sesohx te mecmy harcwaa to hãjỹhr, rõhm Farehzew cati jiꞌ te ẽhꞌprỹy pex, ne me cohmy: —Aapoh ca cymy amjõhcaacucxỳꞌ to peht mejmy aacaacuc, ne aahixny aacaacuc!

3
00:00:43,420 --> 00:01:05,980
Rõhm Sesohx te mecmy: —Capxyh wa ca amjõhcaacucxỳꞌ to peht meamy ẽhjcaacuc ne ca taꞌnyꞌhã ẽhjcryhꞌcỹm ẽhjcaacuc, xỳm wa tax rõhmpi tẽ ẽhntaa ny, ẽhjte amjõhjaꞌcree pex, ne taxmy ẽhjtẽm prỹm ẽhntaa ny ẽhjte amjõhjaꞌcree pex. Max, nee meanoꞌ te tax rõhmpi ẽhjtẽm me, taxmy ẽhjtẽm prỹm ẽhntaa ny jaꞌcree pex noore.

4
00:01:05,980 --> 00:01:12,120
Pe ca meamjõhcrỹꞌ cut peht ẽhjcoohquehj. Ne pa wa nee jõhm coohcjir noore.

5
00:01:12,120 --> 00:01:24,000
—Capxyh qui ẽhjmy jõhm coohcjir prỹm wa ca ẽhjcryhꞌcỹm jõhm coohquehj, xỳm wa ca nee ẽhjpehtxeht jõhm coohcjir noore, ne ca pom cohte ẽhjcohjahic ẽhntaa meajhohꞌreh jõhm coohquehj.

6
00:01:24,000 --> 00:01:38,720
Pom Mozez himpexxỳꞌ cỹm cohte to ẽhꞌhuc to hãjỹhr: “Ca ca nee me textehmohj pehtxeht cut jõhm jaꞌcree pex noore. Qui ca textehmohj axcroht ca ca cormy meacryhꞌcỹm jõhm jaꞌcree pex.”

7
00:01:38,720 --> 00:01:47,140
Pom wa qui nee ẽhjpehtxeht meamy amjõhjãarẽn noore, xỳm Jõnxõoh te ẽhjcohjahic ẽhntaa xwyyre jãarẽ, wa cohme ẽhjpehxcroht.

8
00:01:47,140 --> 00:02:04,740
Ne Sesohx te mecmy hãjỹhr, rõhm me cohmy: —Mrẽ aajõnxõoh ẽhntaa? Rõhm Sesohx te mecmy: —Ca ca nee me Jõnxõoh me jaꞌcree pex noore. Capxyhꞌmy ca ca me jaꞌcree pejꞌ nyymy ne ca me Jõnxõoh xwyyre jaꞌcree pex.

9
00:02:04,740 --> 00:02:27,440
Pe rõhm Sesohx te mecmy harcwaa to hãjỹhr, Me Pajẽhpixxỳ jõhrcwaa cỹm, mecte ẽhꞌpoore ẽhncjinxỳ ẽhntaa capeꞌny. Ne Sesohx hẽhrỹypi me to ẽhꞌhimpex to jỹh, rõhm ẽhꞌtyx mecmy Sesohx proo prỹm, caacru my nee jõhm te ẽhꞌproo noore, xỳm nee mecte ẽhꞌproo xỳꞌny awcaꞌteh jỳꞌhohc noore, cormy.

10
00:02:27,440 --> 00:02:44,780
Pe rõhm Sesohx te hẽhpiireh mecmy: —Wa ca hamoh taxmy tẽ, ca ca me tee japi. Ne ca meaquin ny aapaꞌ cymy myymy meatyhc pa. Ne ca nee me tỹmne taxmy ẽhjtẽm ẽhntaa xwyyreꞌ ny ẽhjcut aapraa noore.

11
00:02:44,780 --> 00:02:57,800
Ne cohte mecmy hãjỹhr, rõhm Zohdew cati ji jõopaꞌheeh ẽhntaa ji ajpẽn my: —Py! Tem qui ca amjõhcoohra? Xỳm cohte harcwaa to hãjỹhr: “Taxmy ẽhjtẽm ẽhntaa ny ca ca nee me ẽhjcut aapraa noore.”

12
00:02:57,800 --> 00:03:12,300
Rõhm Sesohx te hẽhpiireh mecmy: —Pji rõhmpi meajapux par, wa cujcwaa rõhmpi ẽhjcator. Meapi pji ẽhntaa jõꞌteecji, wa nee ẽhjpi pji ẽhntaa jõꞌteecjij noore.

13
00:03:12,300 --> 00:03:30,560
Ne cohte hãjỹhr ẽhntaaꞌny wa ẽhjte meamy meajãarẽn to hãjỹhr, ca ca meaquin ny aapaꞌ cymy myymy meatyhc pa. Xỳm wa ẽhjpi jõhm ẽhjpa ẽhntaaꞌny ca ca meacrehtpiimy ẽhjprỹy pex ne ca meaquin ny aapaꞌ cymy myymy meatyhc pa.

14
00:03:30,560 --> 00:03:43,980
Ne Sesohx te mecmy hãjỹhr, rõhm me cohmy: —Meano ca? Rõhm cohte mecmy: —Pom wa ẽhjcatorpiimy hẽhrỹypi meamy amjõhjãarẽn to ẽhjpa ẽhntaa paꞌ wa ẽhjpa.

15
00:03:43,980 --> 00:04:02,280
Ne wa cormy meamy ẽhmpoo cwyꞌ ny amjõhjãarẽn xỳꞌny. Ne wa cormy ẽhmpoo cwyꞌ ny meacoohcjir xỳꞌny. Max, pom cohte ẽhjcohjahic ẽhntaa ẽhncryhꞌcỹm ẽhꞌcaacuc, wa ẽhjte ẽhmpoo ny cỹm japac ẽhntaa jiꞌ ny wa pjiꞌ cỹm meapa ẽhntaa jiꞌ to ẽhjhimpex to ẽhjpa.

16
00:04:02,280 --> 00:04:08,980
Ne Sesohx te mecmy Hõnxõoh jãarẽn to hãjỹhr, caacru my me tee harcwaa jaꞌcree quit.

17
00:04:08,980 --> 00:04:33,900
Rõhm Sesohx te hẽhpiireh mecmy: —Qui ca awcaꞌtehꞌ noꞌ cỹm aꞌtwy, ca ca me pẽhꞌ ny ẽhjpi Meatõꞌ Cỳ ẽhntaa xu, wa ca aajit, pe ca ca me ẽhjpi Crehx ẽhntaa ny jaꞌcree pex. Wa nee amjõhꞌcut meamy ẽhmpoo jãarẽn to ẽhjpaj noore, my Jõnxõoh ẽhmpoo ny ẽhjto ẽhꞌhimpex wa ẽhmpoo jãarẽn to ẽhjpa. Ẽhntaa ny ca ca me jaꞌcree pex.

18
00:04:33,900 --> 00:04:46,360
Xỳm cohte ẽhjcohjahic ẽhntaa ẽhjcapeꞌny ẽhjpa, ne nee tỹmne cohte ẽhjmy hẽhcran noore, xỳm wa ẽhjtyx ẽhmpoo to japux to ẽhjpaꞌ to hãneꞌ pom qui cohmy ẽhmpoo quẽhn ẽhntaa ji.

19
00:04:46,360 --> 00:04:53,300
Pe ne Sesohx te mecmy harcwaa to hãjỹhr, rõhm ẽhꞌprõtpi me hỳꞌtuu ne mecte ẽhꞌcut amjõhjẽhpix.