1
00:00:05,000 --> 00:00:19,580
Rõhm pom Zohdew cati jiꞌ te ẽhꞌcut amjõhjẽhpix ẽhntaa ji, Sesohx te mecmy: —Ca ca me jarcwaa to amjõhjapac cree to aapa, ne ca meacryhꞌcỹm meate ẽhjcut amjõhjẽhpix cati jiꞌ ny aapa.

2
00:00:19,580 --> 00:00:28,100
Ne pom wa ẽhjpehtxeht te ẽhjcryhꞌcỹm to ẽhmpoo jaahyhr ny ca ca me jaꞌcree pex. Pe wa ca ẽhmpoo cohnehpi meapyhtỳr to ẽhjpa.

3
00:00:28,100 --> 00:00:49,200
Ne Sesohx te mecmy harcwaa to hãjỹhr, rõhm me cohmy: —Aapoh wa me Aabra-ãw tỳmxwyꞌ cati jiꞌ ny ẽhjpa! Ẽhmpoo caxohw my aate ẽhmpoo cohnehpi mejpyhtỳr xỳꞌny aate aacaacuc to hãjỹhr, xỳm nee tỹmne jõhm te amjõhmy me jỳmcwyr caacruꞌ to mejpaꞌ ny jõhm te mejrẽn noore my!

4
00:00:49,200 --> 00:01:08,880
Ne mecte Sesohx prỹy pex to hãjỹhr, rõhm cohte mecmy: —Wa ẽhjcryhꞌcỹm meamy awjãarẽ, ca ca meano ẽhmpoo quin ny amjõhjẽhpix, ne ca meano ẽhmpoo quin jõꞌteecjiꞌ ny aapa. To hãneꞌ pom qui me hỳmcwyr caacruꞌ cati ji meamjõhjamyr cati ji jõꞌteecjiꞌ ny ẽhjpa, ẽhntaa cwyꞌ to.

5
00:01:08,880 --> 00:01:21,940
Xỳm qui ca jõhm jõhm my hỳmcwyr caacruꞌ to ẽhjpa, ne ca nee jõhm jõhm craꞌ ny ẽhjpaj noore, xỳm cymy jõhm jõhm my amcwaa. Max, paꞌ wa Me Pajẽhpixxỳꞌ craꞌ ny ẽhjpa.

6
00:01:21,940 --> 00:01:32,060
Cwyrjapii wa ca ẽhjpi ẽhꞌcra ẽhntaa ẽhmpoo quinpi meapyhtỳ, qui ca nee myꞌreh ẽhmpoo quin meanoꞌ to jõhmy noore, ca ca meatyx aapa.

7
00:01:32,060 --> 00:01:43,060
—Wa ẽhjtyx ẽhjte meapi Aabra-ãw tỳmxwyꞌ ny meajaꞌcree pex. Caacru my meamy ẽhjcoohran prỹm, xỳm ca me jarcwaa ny ẽhjcỹm aajapac capeh.

8
00:01:43,060 --> 00:01:59,460
Pom Jõnxõoh capeꞌny wa ẽhjpa ne ẽhjte ẽhmpoo ny hõmpohn ẽhntaa ji, wa ẽhjtyx meamy ẽhmpoo jãarẽ. My meate hãjỹhrꞌhã, ne pom meate ẽhmpoo ny meajõnxõoh pohpohn ẽhntaa ji, ca meatyx ẽhmpoo to aajapux to hãneꞌhã.

9
00:01:59,460 --> 00:02:16,640
Rõhm mecte cohmy: —Aapoh wa mejquit Aabra-ãw pyhneemy japux! Rõhm Sesohx te mecmy: —Capxyh ca ca meacryhꞌcỹm Aabra-ãw tỳmxwy cati jiꞌ ny aapa, ne ca meatyx Aabra-ãw cohxỳ ẽhmpoo pex to aajapux to aapa!

10
00:02:16,640 --> 00:02:33,300
Caacru my nee meate hãjỹhr noore ne meamy ẽhjcoohran prỹm! Pom Me Pajẽhpixxỳꞌ te ẽhncryhꞌcỹm ẽhjmy ẽhmpoo jãarẽn ẽhntaa ji, wa ẽhjte meamy ẽhmpoo jãarẽn, caacru ca mejcohri! Xỳm nee tỹmne Aabra-ãw te hãjỹhr noore my.

11
00:02:33,300 --> 00:02:50,140
Cwyrjapii wa meamy, ca meatyx ẽhmpoo to aajapux to aapaꞌ to hãneꞌ pom qui meajõnxõoh ẽhmpoo to hapux. Rõhm mecte Sesohx my: —Aapoh wa nee mejpi meꞌhuc craj noore! Ne Me Pajõnxõoh ẽhntaa pehtxeht, Me Pajẽhpixxỳ!

12
00:02:50,140 --> 00:03:11,200
Ne mecte Sesohx my hãjỹhr, rõhm cohte mecmy: —Capxyhꞌmy qui Me Pajẽhpixxỳ meajõnxõohꞌ nyymy, qui ca meamy japii. Xỳm wa amne Me Pajẽhpixxỳꞌ pẽhnꞌhã meawyr ẽhjcator. Ne wa nee amjõhjarcwaaꞌ cut meawyr ẽhjcator noore, xỳm cohteꞌhã ẽhjcohjahic.

13
00:03:11,200 --> 00:03:19,060
Ẽhmpoo ny ca me tee jarcwaa jaꞌcree quit? Ca nee me ẽhjpar noore cwyrjapii ca me tee jarcwaa jaꞌcree quit!

14
00:03:19,060 --> 00:03:50,960
Hõ, me ẽhjcỹm pa, xỳm carõo quin jõopaꞌheeh ẽhntaaꞌ mahã meajõnxõoh! My ẽhꞌtyx meamy ẽhmpoo to aajapux to aapaꞌ prỹm pom qui meajõnxõoh carõo quin ẽhntaa my ẽhmpoo quẽhn ẽhntaa ji! Carõo ẽhntaaꞌ catorpiimy hỳꞌcoohran to praa, ne nee tỹmne ẽhncryhꞌcỹm ẽhjpaj noore, xỳm ẽhꞌhixxeeh pehtteh. Ne nee ẽhncryhꞌcỹm ẽhꞌcaacuc noore, xỳm ẽhꞌhixxeeh roꞌnyꞌhã, ne meꞌcohnehꞌ hixxeeh cati ji jõnxõohꞌ mahã.

15
00:03:50,960 --> 00:03:56,480
—Cwyrjapii wa ẽhjcryhꞌcỹm meamy ẽhjcaacuc, ca nee me ẽhjcỹm aajapac noore.

16
00:03:56,480 --> 00:04:07,780
Jõhꞌreh wa ry ẽhjte ẽhmpoo quin to ẽhjcator ny meanoꞌ te ẽhjpohpohn? Wa ẽhjcryhꞌcỹm meamy awjãarẽ, ẽhmpoo ny ca nee me ẽhjcỹm aajapac noore?

17
00:04:07,780 --> 00:04:17,460
Ca me ẽhjcỹm aajapac noore, xỳm nee meapi Me Pajẽhpixxỳ jõꞌteecjij noore. Capxyhꞌreh ca meapi Me Pajẽhpixxỳ jõꞌteecjiꞌ nyymy, ca ca me ẽhjcỹm pa.

18
00:04:17,460 --> 00:04:33,760
Pe ne Sesohx te Zohdew cati ji my harcwaa to hãjỹhr, rõhm mecte ẽhꞌprõtpi cohmy: —Aapoh aapi Samarehj cati ji pehtteh, ne ẽhncryhꞌcỹm ẽhmpoo carõo quin aato ẽhꞌhimpex to ẽhjpa! Wa mejte ẽhjcryhꞌcỹm aajãarẽn to hãjỹhr, tem mreh?

19
00:04:33,760 --> 00:04:47,860
Rõhm Sesohx te mecmy: —Hop, aapoh nee ẽhmpoo carõo quin ẽhjto ẽhꞌhimpex to ẽhjpaj noore. Wa meaquẽhntee Jõnxõoh cỹm ẽhjpahỳm pex to ẽhjpa, caacru ca nee me ẽhjcỹm aapahỳm pex to aapaj noore.

20
00:04:47,860 --> 00:05:02,500
—Ne nee meate ẽhjcỹm aapahỳm pex xỳꞌny wa meajaprẽhp noore. Max, ẽhꞌtyx Me Pajẽhpixxỳ my meate ẽhjcỹm aapahỳm pex to aapaꞌ ny ẽhꞌprỹm, ca ca nee me ẽhjcỹm aapahỳm pex noore, qui ca taꞌhã meacoohquehj!

21
00:05:02,500 --> 00:05:09,340
—Wa ẽhjcryhꞌcỹm meamy, ca ca meano jarcwaaꞌ cut amjõhjẽhpix, ne ca nee meano aatyhc noore.

22
00:05:09,340 --> 00:05:32,880
Ne Sesohx te Zohdew cati ji jõopaꞌheeh ẽhntaa ji my hãjỹhr, rõhm mecte cohmy: —Cỹh, wa mejte ẽhntaaꞌcỹm aajaꞌcree pex, ẽhmpoo carõo quin te aato ẽhꞌhimpex to ẽhjpaꞌ ny! Xỳm ryꞌmy Aabra-ãw tyhc, ne Me Pajẽhpixxỳ jõꞌprofet cati ji xwyyreꞌ tyhc par, caacru ca aahixny aajarcwaa to: “Ca ca meano jarcwaa cut amjõhjẽhpix ne ca nee meano aatyhc noore!”

23
00:05:32,880 --> 00:05:44,520
Py hop, tem ca crẽ mejquit Aabra-ãw tyhc ẽhntaa jẽhruuꞌpi aarat? Ne ca crẽ profet ẽhntaa ji jẽhruuꞌpi aarat? Xỳm ryꞌmy meꞌtyhc par. Jõhm ny ca amjõhto xỳꞌny?

24
00:05:44,520 --> 00:06:10,140
Ne mecte Sesohx prỹy pex to hãjỹhr, rõhm cohte mecmy: —Capxyhꞌmy wa ca jõhm jẽhruuꞌpi amjõhto jỳmxehr to ẽhjpaꞌ nyymy, wa ca ẽhjhixny amjõhto ẽhjcaacuc to ẽhjpa. Max, nee ẽhjte hãjỹhr noore my, ne Jõnxõoh, pom ca meamjõhto Me Pajẽhpixxỳꞌ cut meate amjõhjẽhpix cati jiꞌ ny meamjõhto ẽhntii to aapa ẽhntaa, taꞌmy ẽhjmy ẽhjpex jãarẽn to ẽhjpa.

25
00:06:10,140 --> 00:06:27,720
My nee meanoꞌ te Me Pajẽhpixxỳꞌ pohpohn pex noore, max, paꞌ wa ẽhjte hõmpohn pex. Capxyh wa ca ẽhjte hõmpohn pex nooreꞌ ny meamy amjõhjãarẽ, ne ca meacohxỳ ẽhjhixxeeh! Xỳm ẽhjte ẽhjtyx hõmpohn, ne ẽhjtyx harcwaaꞌ cut amjõhjẽhpix to ẽhjpa.

26
00:06:27,720 --> 00:06:34,340
Aabra-ãw te pjiꞌ wyr ẽhjpux ny japrẽhp. Ne cohte ẽhjpux ny ẽhjpohpohn ne hacryyh.

27
00:06:34,340 --> 00:06:44,680
Rõhm Zohdew cati ji jõopaꞌheeh ẽhntaa jiꞌ te cohmy: —Aapoh nee cormy aany amcroꞌ te sẽhcwẽnt noore my! Jõhꞌreh my aapoh aate Aabra-ãw ẽhntaa pohpohn?

28
00:06:44,680 --> 00:06:49,980
Rõhm Sesohx mecmy: —Wa Aabra-ãw pym noo rehꞌhã ẽhjpa!

29
00:06:49,980 --> 00:07:09,060
Ne Sesohx te mecmy amjõhjãarẽn to hãjỹhr, rõhm mencryhc, ne mecte ẽhꞌprõtpi quẽn cawrỳn. Ne me cỹm quẽn rẽn xỳꞌny, ẽhꞌcoohran xỳꞌny, rõhm Sesohx mecpi ẽhjpẽhmxohr, ne hamoh Me Pajẽhpixxỳ jõhrcwaapi cator, ne tẽ.