1
00:00:05,000 --> 00:00:20,440
Rõhm awcaꞌteh rõhm hamoh Sesohx Zerohzarẽj wyr mo. Rõhm me hỳꞌtuuuuuteh ne me hõꞌamjõhquẽhn pohpohn to ẽhjpa, Zerohzarẽj cỹm, ne mecte amne Sesohx mor ny hãarẽn par.

2
00:00:20,440 --> 00:00:54,660
Ne mecte ẽhꞌprõtpi amjõhmy rõohuꞌ cwyꞌ crẽꞌcrẽn me cohnyymy ẽhꞌhuꞌ to praa to hãneꞌ pom qui me me hõopaꞌheeh rõhn cati jiꞌ to ẽhmpex xỳꞌny me cohmy ẽhꞌhuꞌ to pryyh caꞌtyh. Ne mecte ẽhꞌcajpar, ne mecte cohmy ẽhmpex jãarẽn cỹm ẽhncryhc, ne me cyj rõhmpi cohmy: —Me Pajẽhpixxỳ ẽhmpex catiiiiii! —Cỹh, me paapi Ẽhezaer cati ji me pajõopaꞌheeh my ẽhmpex jãarẽeee! —Xỳm Me Pajẽhpixxỳꞌ te amne me paꞌwyr ẽhꞌcohjahic, my amne harcwaa cut tẽeeee!

3
00:00:54,660 --> 00:01:06,200
Rõhm Sesohx te zumẽnt craꞌ no ẽhntaa ny hãm, ne cỹm hỹhr my to mo. Pom qui mam profet noꞌ te to ẽhꞌhuc. Ne jõhm te to ẽhꞌhuc to:

4
00:01:06,200 --> 00:01:20,660
“Cỹh, Sehjãw cati ji, Zerohzarẽj cati ji, me ẽhjcỹm pa, ne nee meano ẽhmpoo cohpaatee noo cỹm! Pooreh amne zumẽnt cra ẽhntaa meajõopaꞌheeh rat ẽhntaa to mo!”

5
00:01:20,660 --> 00:01:46,100
Rõhm nee ẽhꞌcut mecte amjõhjẽhpix cati jiꞌ te rymy ẽhꞌhuc ẽhntaa catỳt noore. Max, Me Pajẽhpixxỳꞌ te to acpỹyhmy Sesohx tẽhr ne cohte to ẽhmpex, rõhm cormy mecte harcwaa ny ẽhꞌhuc ẽhntaa to amjõhjapac cree. Xỳm zumẽnt cra ẽhntaa te Sesohx to mor, rõhm mecte Sesohx to me hõopaꞌheeh rat ny hãarẽn to mor, to hãjỹhrꞌ pom qui mam jõhm te to ẽhꞌhuc.

6
00:01:46,100 --> 00:01:54,960
Rõhm Sesohx te to acpỹyhmy Laz tẽhr ny meꞌcwyꞌ te hõmpohn ẽhntaa ji ẽhꞌtyx Sesohx cut ẽhjpa ne meꞌcohneh my hãarẽn to ẽhjpa,

7
00:01:54,960 --> 00:02:08,280
cwyrjapii me hỳꞌtuu ne me crẽhpi hapux ne me Sesohx cohnyymy praa ne mecte ẽhꞌcajpar. Xỳm Sesohx te Me Pajẽhpixxỳ jarcwaaꞌ cut to ẽhmpoo jaahyhr catehꞌ ny mecte hãarẽn par.

8
00:02:08,280 --> 00:02:24,180
Rõhm Farehzew cati jiꞌ te meꞌcut hacop to ẽhꞌcohꞌhi, ne mecte ajpẽn my: —Eeta! Coh me paꞌhixny! Me Sesohx jõmpoh! Meꞌcohnehꞌtehꞌ te ry ẽhꞌcut amjõhjẽhpix to mor! Jõhꞌny coh ca me to?