1
00:00:05,000 --> 00:00:16,960
Rõhm Grec cati jiꞌ cwy Zerohzarẽj wyr ẽhjpa, mecte Me Pajẽhpixxỳ my ẽhmpex jãarẽn xỳꞌny, hõꞌamjõhquẽhn to Cohte Me Hõhtỳr ẽhntaa ny.

2
00:00:16,960 --> 00:00:37,340
Ne me Fehrehp wyr hapux, myyreh crẽhꞌ to Betsaeht ne pjiꞌ to Garehrehj pẽhn Fehrehp tẽ ẽhntaa wyr me hapux, ne mecte amjõhto Sesohx wyr Fehrehp jator, ne mecte cohmy: —Cỹh, tem ca ca Sesohx wyr mejto mo, wa me aacohxỳ hõmpoh, xỳm mejmy hõmpohn prỹm!

3
00:00:37,340 --> 00:00:47,780
Rõhm Fehrehp hamoh Ãndree wyr tẽ ne cohte cohmy me hãarẽn. My hamoh Ãndree me Fehrehp Sesohx wyr mo, ne meajhohꞌreh mecte cohmy me hãarẽn.

4
00:00:47,780 --> 00:00:58,580
Rõhm Sesohx te mecmy: —Cỹh, ryꞌmy Me Pajẽhpixxỳꞌ te meato myyreh ẽhjpi Meatõꞌ Cỳ ẽhntaa to ẽhmpex xỳꞌny awcaꞌteh jỳꞌhohc.

5
00:00:58,580 --> 00:01:35,360
Wa ẽhjcryhꞌcỹm meamy awjãarẽ, ca me ẽhjcỹm pa. Pom ca me trehc hyhꞌ cree to aapa. Max, qui ca ẽhꞌhyh cymy pjiꞌ cỹm hẽhcwaa ne nee ẽhꞌhyh ẽhnxu noore, ne ca nee ẽhꞌhyh hẽhrõt noore, ne ca ẽhꞌhyh aꞌteereh hẽhcwaa. Nỹm qui ca ẽhꞌhyh ẽhnxu, ne ca ẽhꞌhyh hẽhrõt, ne ca ẽhꞌhyh pehtxeht cỹm ẽhꞌhyhꞌ cwy hapux. Ẽhntaa cwyꞌ to wa ca tyh, ne ca meajỳꞌtuu ne meacrỹꞌ cajpa, ca ca meatẽhr tõhm to meatẽhr. Nỹm wa ca nee ẽhjtyhc noore, qui ca nee jõhm ẽhꞌtẽhr tõhm to ẽhꞌtẽhr noore.

6
00:01:35,360 --> 00:01:52,280
Qui ca meamy jẽhruuꞌpi meate amjõhjẽhpixxỳ ẽhntaa ny amjõhjapii, ca ca nee meatẽhr tõhm to meatẽhr noore. Nỹm qui ca meamy meate pjiꞌ cỹm amjõhjẽhpixxỳ ẽhntaa ny amjõhcohri, ne ca meatẽhr tõhm to meatẽhr.

7
00:01:52,280 --> 00:02:17,360
—Qui meamy ẽhjcut amjõhjẽhpix to aapaꞌ prỹm ca me ẽhjcut amjõhjẽhpix to aapa. Pe wa ca taxmy ẽhjpa, ca ca me ẽhjcapeꞌny aapa. Wa ca ẽhmpoo quin my awcany, ca ca me caxwyyre ẽhmpoo quin my awcany, xỳm ca me ẽhjmy aajỳmcwyr cati jiꞌ ny aapa. Pe ca ca me ẽhjcut amjõhjẽhpix to aapa, qui ca Jõnxõoh meato ẽhmpex to ẽhjpa.

8
00:02:17,360 --> 00:02:42,940
Ne Sesohx te mecmy hãjỹhr, ne cohte hẽhpiireh mecmy: —Wa ẽhntaaꞌcỹm ajcỹm pa! Jõhꞌny wa ca? Tem wa ca Jõnxõoh ny aꞌwy qui nee ẽhmpoo quin ẽhjny amjõhto hõhtỳy noo cỹm? Hop, wa ca nee taꞌny jỳꞌwyr to hãjỹhr noore, xỳm ẽhmpoo quin te ẽhjny amjõhto hõhtỳy xỳꞌny wa ẽhjcator.

9
00:02:42,940 --> 00:03:08,500
Ne Sesohx te mecmy harcwaa to hãjỹhr, ne cohte ẽhꞌprõtpi Hõnxõoh my: —Cỹh, Ẽhnxõoh, haner me to aahimpex, qui me aapex ny aajaꞌcree pex! Rõhm Hõnxõoh te cujcwaa rõhmpi cohmy ẽhꞌcaacuc, ne cohte cohmy harcwaa to: —Cỹh, wa ẽhjte ryꞌmy ẽhjpex ny me to ẽhjhimpex, ne ca hẽhpiireh ẽhjpex ny mecmy amjõhjãarẽ!

10
00:03:08,500 --> 00:03:27,720
Ne Me Pajẽhpixxỳꞌ te Sesohx my hãjỹhr, rõhm me hỳꞌtuu ne meꞌcohꞌhi ẽhntaa jiꞌ te harcwaa ny cỹm hapac, ne meajpẽn my: —Ta ẽhjrỹyrỹc! Max, meꞌcwy ajpẽn my: —Me Pajẽhpixxỳ my ẽhmpraa cati jiꞌ noꞌ te Sesohx my harcwaa to jõhmy.

11
00:03:27,720 --> 00:03:39,060
Rõhm Sesohx te mecmy: —Aapoh nee ẽhjcaxohw Jõnxõoh te ẽhꞌcaacuc to hãjỹhr noore, ne quit meacaxohwꞌmy cohte harcwaa to hãjỹhr.

12
00:03:39,060 --> 00:03:53,000
Ẽhntaaꞌcỹm qui ca Me Pajẽhpixxỳ pjiꞌ cỹm mejpa ẽhntaa jiꞌ coohcjir cỹm ẽhncryhc ne ca meꞌcoohquehj. Pe qui ca Me Pajẽhpixxỳ pjiꞌ cỹm mejpa ẽhntaa ji jõopaꞌheeh ẽhntaa cator!

13
00:03:53,000 --> 00:03:59,880
Pe qui ca me crohx ny ẽhjxu, wa ca amjõhny crẽhꞌ cohnehꞌ pẽhn me to coohprõ.

14
00:03:59,880 --> 00:04:07,980
Ne Sesohx te mecmy hãjỹhr, xỳm qui ca me hõopaꞌheeh cati ji pẽhꞌ ny cohxu ne me ẽhꞌcoohra.

15
00:04:07,980 --> 00:04:41,060
Ne Sesohx te ẽhjpõhꞌny meꞌcohꞌhi ẽhntaa ji my hãjỹhr, rõhm mecte cohmy: —Tem aacryhꞌcỹm aapi Mejtõꞌ Cỳ, Me Pajẽhpixxỳꞌ te Crehx cohjahic xỳꞌny amjõhto hõhjaꞌcree ẽhntaa? Xỳm Me Pajẽhpixxỳꞌ himpexxỳꞌ ny ẽhꞌhuc te hãjỹhr, pinny qui ca nee tỹmne Crehx ẽhntaa ẽhꞌtyhc noore, wa mejte ẽhꞌhuc pohpohn. Mrẽ aate Mejtõꞌ Cỳꞌ ny amjõhjãarẽn creeh, qui ca me crohx ny aaxu ne me aacoohra? Jõhm my Me Paꞌtõꞌ Cỳ ẽhntaa?

16
00:04:41,060 --> 00:05:15,940
Ne mecte Sesohx coohcjir to hãjỹhr, rõhm cohte mecmy: —Cỹh, me ẽhjcỹm pa. Meacaxohw ẽhjpi amcro. Max, wa ca hỹhꞌne ẽhjcohto. Cwyrjapii, me ẽhjcut amjõhjẽhpix ne me amcroꞌ ny aapa. Xyhr ca nee me ẽhjcut amjõhjẽhpix noore, wa ca ẽhjcohto, qui ca meany awcapỳtcuu ẽhꞌpym. Pom ca qui meawcapỳtcuu cỹm aapa ẽhntaa cwyꞌ to qui ca meapi awcapỳtcuu, ca ca nee me taxmy aapa ẽhntaa ny amjõhjaꞌcree pex noore.

17
00:05:15,940 --> 00:05:30,740
Cwyrjapii ca me ẽhjpi amcro ẽhntaa cohtor xwyjrehꞌhã ẽhjcut amjõhjẽhpix, ne ca me amcro jõꞌteecji ny aapa. Ne Sesohx te mecmy hãjỹhr, ne hamoh tẽ ne mecpi taxmy ẽhjpẽhmxohr.