1
00:00:05,000 --> 00:00:22,240
Ne ẽhꞌprõtpi cohte ẽhꞌcut mecte amjõhjẽhpix cati jiꞌ cohneh my: —Nee meamjõhcỹm aajapac to aapaj noo cỹm. Ne meatyx Me Pajẽhpixxỳꞌ cut amjõhjẽhpix to aapa. Ne me paxwyyreꞌ cut amjõhjẽhpix to aapa.

2
00:00:22,240 --> 00:00:37,060
Poone Jõnxõoh jõꞌcrẽhꞌ cỹm meamy meapaaxỳꞌ cateh. Capxyhꞌmy qui ẽhncryhꞌcỹm nooreꞌ nyymy wa ca nee meamy jõhjãarẽn noore. Wa ca hamoh tẽ ne meajaprẽhp ẽhmpoo cohnehꞌ to jỳꞌcoohprõn pa.

3
00:00:37,060 --> 00:00:47,260
Hõ, wa ca to hãne, ne ca amne meawyr tẽ, ne ca meajapruuu, war taxmy ẽhjpa ca me ẽhjcapeꞌny aapa.

4
00:00:47,260 --> 00:00:52,200
Ne me ẽhjcut aapa xỳꞌny meate pryyh ẽhntaa jaꞌcree pex.

5
00:00:52,200 --> 00:01:03,920
Ne cohte mecmy hãjỹhr, rõhm Tomee cohmy: —Paꞌheeh, wa nee mejte taxmy aatẽm xỳꞌny aajaꞌcree pex noore. Jõhꞌny wa ca me, ne me pryyh jaꞌcree pex?

6
00:01:03,920 --> 00:01:21,020
Rõhm Sesohx te cohmy: —Aapoh paꞌ wa ẽhjpi pryyh ẽhntaa. Paꞌ wa ẽhjcryhꞌcỹm meamy ẽhjcaacuc to ẽhjpa. Ne paꞌ wa meato ẽhjhimpex ca meatẽhr tõhm to meatẽhr. Ca ca nee meano ẽhjcỳjꞌny Jõnxõoh wyr aajỳꞌtip noore.

7
00:01:21,020 --> 00:01:32,340
Capxyhꞌmy ca me jaꞌcree pejꞌ nyymy, ca ca me Jõnxõoh xwyyre jaꞌcree pex. Max, ca me ryꞌmy Jõnxõoh jaꞌcree pex to mo, ne ryꞌmy meate hõmpohn.

8
00:01:32,340 --> 00:01:47,660
Rõhm Fehrehp cohmy: —Paꞌheeh, mejmy rymy Aajõnxõoh jaꞌcree, wa me hõmpoh! Wa me taꞌny peht aany aꞌwy! Ne cohte Sesohx ny hỳꞌwyr to hãjỹhr, rõhm cohte cohmy:

9
00:01:47,660 --> 00:02:04,260
—Fehrehp, mrẽ wa ryꞌmy meacapeꞌny ẽhjpa ẽhncreeh, tem crẽ nee aate cormy jaꞌcree pex noore? Ca ca jõmpoh ne Jõnxõoh xwyyreꞌ pohpoh! Ẽhmpoo caxohw ca ẽhjmy: “Me ẽhjmy rymy Aajõnxõoh jaꞌcree wa me hõmpoh”?

10
00:02:04,260 --> 00:02:23,180
Xỳm wa Jõnxõoh me ajpẽn cỹm ẽhjcohꞌhi, ne mejpehtxeht ẽhjpa. Py hop, tem ca aajỳyprỹy pex? Wa nee amjõhꞌcut meamy ẽhmpoo jãarẽn to ẽhjpaj noore. Max, Jõnxõoh ẽhjcỹm ẽhꞌcohꞌhi, ne ẽhjto ẽhꞌhimpex wa ẽhmpoo to japux to ẽhjpa.

11
00:02:23,180 --> 00:02:42,260
Me ẽhjcỹm pa. Wa Jõnxõoh me ajpẽn cỹm ẽhjcohꞌhi ne mejpehxeht ẽhjpa. Tem wa meamy amjõhjãarẽn to hãne ca crẽ mejprỹy pex? Mejprỹy pex noo cỹm. Ne ẽhjte to ẽhmpoo jaahyhr cateh ẽhntaa jiꞌ ny mrẽ me ẽhjcỹm paꞌre!

12
00:02:42,260 --> 00:03:01,620
—Wa ẽhjcryhꞌcỹm meamy awjãarẽ, ca ca me ẽhjcỹm amjõhcỹm aajapac to aapa, ne me ẽhmpoo to aajapux to aapaꞌ to hãneꞌ pom wa qui ẽhmpoo to japux to ẽhjpa. Hõ, pe ca ca me jẽhruuꞌpi ẽhmpoo to aajapux to aapa, xỳm wa ca hamoh Jõnxõoh wyr tẽ.

13
00:03:01,620 --> 00:03:11,480
Pe ca ca me ẽhmpoo ny ẽhjwy, japryꞌ ny, wa ca to meamy ẽhmpoo jaahyh, car me ẽhjpohroꞌ cut Jõnxõoh my ẽhmpex jãarẽ.

14
00:03:11,480 --> 00:03:17,260
Ca ca me japryꞌ ny ẽhmpoo ny ẽhjwy, wa ca ẽhjtyx to meamy ẽhmpoo jaahyh.