1
00:00:05,000 --> 00:00:10,840
—Qui ca meano my japii ca ca meano jarcwaa to amjõhjapac cree to aapa.

2
00:00:10,840 --> 00:00:23,540
Pe wa ca Jõnxõoh ny aꞌwy, qui ca meamy Carõo Pex ẽhntaa hõ, qui ca Carõo Pex ẽhjcohxỳ meamy meajacryyh hõ, ne ca nee tỹmne Carõo Pex meamy hẽhcran noore.

3
00:00:23,540 --> 00:00:46,600
Qui ca Carõo Pex ẽhntaa pehtxeht ẽhncryhꞌcỹm meato ẽhꞌhimpex to ẽhjpa. Ne pom pjiꞌ cỹm mejpa ẽhntaa ji, qui ca nee me Carõo Pex ny amjõhcryn noore, xỳm nee mecte hõmpohn noore, ne nee mecte haꞌcree pex noore. Max, meate Carõo Pex jaꞌcree pex, xỳm meacapeꞌny ẽhjpa, ne ca hỹhꞌne meacỹm ẽhꞌcohꞌhi.

4
00:00:46,600 --> 00:00:56,520
—Wa ca hamoh ẽhjcohto, max, wa ca nee meato meꞌhohwatẽhj cati jiꞌ pyhrỳc noore, wa ca acpỹyhmy meawyr tẽ.

5
00:00:56,520 --> 00:01:12,360
Qui ca aꞌtõhmryyh, qui ca nee hẽhpiireh pjiꞌ cỹm mejpa ẽhntaa ji ẽhjpohpohn noore. Max, ca ca me caꞌhã hẽhpiireh jõmpoh. Wa ca tyh ne acpỹyhmy ẽhjtẽhr ne ẽhjcato, cwyrjapii ca ca me ẽhjcohxỳ aatẽhr tõhm to aapa.

6
00:01:12,360 --> 00:01:26,200
Qui ca me awcaꞌteh ẽhntaa cỹm jaꞌcree pex, xỳm wa Jõnxõoh me ajpẽn cỹm ẽhjcohꞌhi ne mejpehtxeht. Pe ca ca meamjõhjaꞌcree pex, coh me ajpẽn cỹm paꞌcohꞌhi ne me paapehtxeht.

7
00:01:26,200 --> 00:01:48,480
Ca ca meano jarcwaa ny ẽhjcỹm aajapac to aapa, ne meano jarcwaa to amjõhjapac cree to aapa, ne ca meano my japii. Pe qui ca tapanny Jõnxõoh my meano japii. Pe qui ca paxwyyre my meano japii, wa ca meano my amjõhto jõhtỳy, ca ca meano jõmpoh ne meano jaꞌcree pex.

8
00:01:48,480 --> 00:02:09,280
Ne Sesohx te me to ẽhꞌhimpex to hãjỹhr, rõhm ẽhꞌprõtpi Zoht (nee Zoht Ẽhxcarehjot noore) ẽhntaa te Sesohx my: —Paꞌheeh, Jõhꞌny ca ca mrẽ amjõhto, qui ca nee pjiꞌ cỹm mejpa ẽhntaa ji aapohpohn noore, caacru wa ca pinny me aapohpoh?

9
00:02:09,280 --> 00:02:27,720
Rõhm Sesohx te Zoht my: —Ca ca meano my japii ne meano jarcwaa to amjõhjapac cree to aapa, qui ca tapanny Jõnxõoh my meano hapii, pe wa ca amne Jõnxõoh me ajhohꞌreh meanoꞌ wyr tẽ, ne ca meanoꞌ cỹm ẽhjcohꞌhi.

10
00:02:27,720 --> 00:02:51,140
Max, qui ca nee meano my japii noore, ca ca nee meano jarcwaa to amjõhjapac cree to aapaj noore. Ne pom wa meamy ẽhmpoo jãarẽn to ẽhjpa ẽhntaa ji, wa nee amjõhꞌcut meamy ẽhmpoo jãarẽn to ẽhjpaj noore, ne pom Jõnxõoh te ẽhjcohjahic ẽhntaa te ẽhmpoo ny ẽhjto ẽhꞌhimpex to ẽhjpa, wa ẽhjte meamy ẽhmpoo jãarẽn to ẽhjpa.

11
00:02:51,140 --> 00:02:55,900
—Wa ẽhntaaꞌcỹm meacapeꞌny ẽhjpa ne meamy ẽhjcaacuc to hãne.

12
00:02:55,900 --> 00:03:18,120
Max, pom Carõo Pex ẽhntaa, qui ca jarcwaaꞌ cut Jõnxõoh meawyr Carõo cohjate, qui ca Carõo meapyhtỳr to ẽhjpa. Ne ca Carõo Pex ẽhmpoo cohnehꞌ ny meato ẽhꞌhimpex to ẽhjpa. Ne pom ẽhjte meamy ẽhmpoo jãarẽn ẽhntaa ji, qui ca Carõo Pex meato ẽhꞌhimpex ca ca me ẽhmpoo to amjõhjapac cree to aapa.

13
00:03:18,120 --> 00:03:39,140
—Cỹh, wa ẽhjtyx meamy meacỹm ẽhꞌcãarẽhc hõ. Xỳm pjiꞌ cỹm mejpa ẽhntaa ji, meꞌhixny meamy meacỹm ẽhꞌcãarẽhc jõr to ẽhjpa, wa meꞌquẽhntee ẽhjcryhꞌcỹm meamy meacỹm ẽhꞌcãarẽhc jõr to ẽhjpa. Cwyrjapii ca nee meamjõhcỹm aajapac to aapaj noo cỹm, ne nee me ẽhmpoo jõhpaatee noo cỹm.

14
00:03:39,140 --> 00:04:06,220
Wa ca hamoh ẽhjcohto ne ca awcapỳt noꞌ ny acpỹyhmy tẽ. Wa ryꞌmy ẽhjcohtor ne awcaꞌtehꞌ noꞌ ny acpỹyhmy ẽhjtẽm ny ẽhjte meamy amjõhjãarẽn, my meate ẽhjcỹm aajapac. Capxyhꞌmy qui meamy japiiꞌ nyymy, ca ca me Jõnxõoh wyr ẽhjcrỳy ẽhntaa ny ẽhjpyhrin aajacryyh. Xỳm Jõnxõoh jẽhruuꞌpi ẽhꞌhehꞌtyxteh ne jẽhruuꞌpi ẽhjrat.

15
00:04:06,220 --> 00:04:19,880
—Pe wa cormy ẽhjcohtor noo rehꞌhã ẽhjte meamy amjõhjãarẽn, war ẽhjcohto, ca me jarcwaa to amjõhjapac cree, ne me ẽhjte ẽhjcryhꞌcỹm meamy ẽhjcaacuc ny jaꞌcree pex.

16
00:04:19,880 --> 00:04:33,080
Cỹm wa ca nee meamy ẽhjcaacuc ryyh noore, ne ẽhjte meamy ẽhjcaacuc roꞌnyꞌhã. Xỳm ryꞌmy amne pji jõopaꞌheeh ẽhntaa tẽ. Wỳr qui pji jõopaꞌheeh ẽhntaa ẽhjto jõhmy,

17
00:04:33,080 --> 00:04:54,740
max, qui ca ẽhꞌtyx ẽhmpoo ẽhjny amjõhto hõhtỳy, quir pjiꞌ cỹm mejpa ẽhntaa ji jaꞌcree pex, ẽhjmy Jõnxõoh japii ny, xỳm wa ẽhjtyx ẽhmpoo to japux to ẽhjpaꞌ to hãneꞌ pom qui ẽhjto ẽhꞌhimpex to ẽhjpa. —Meacohꞌhi, mah coh me to hyh.