1
00:00:05,000 --> 00:00:19,380
Ne Sesohx te hẽhpiireh me to ẽhꞌhimpex cỹm ẽhncryhc, ne cohte mecmy: —Cỹh, me ẽhjcỹm pa. Xỳm ẽhjpi ohv pỳr pex ẽhntaa, ne Jõnxõohpi ohv pỳr jamyr cati.

2
00:00:19,380 --> 00:00:44,880
My meate ẽhjcut amjõhjẽhpix cati jipi ohv pỳr paꞌ ny. Qui ca jõhm ẽhjcỹm ẽhꞌcohꞌhi, ne nee jõhm huꞌ to hapux noore, qui ca Jõnxõoh jõhm jaquep, ne hamoh jõhm to mo, ne jõhm mee. Nỹm qui ca jõhm ẽhjcỹm ẽhꞌcohꞌhi ne huꞌ to hapux, qui ca Jõnxõoh to jõhm paꞌ cwy jaquep, qui jõhm myymy ẽhjpeehcaꞌhic to mo, qui hu hỳꞌtuu to mo.

3
00:00:44,880 --> 00:00:56,000
—Ne ryꞌmy meapex par. Pom wa ẽhjte meamy jarcwaa to ẽhjcaacuc ẽhntaa ji, meate jarcwaa ny ẽhjcỹm aajapac, ne meapex par.

4
00:00:56,000 --> 00:01:17,340
Cỹh, me ẽhjcỹm aacohꞌhi, pe wa ca paxwyyre meacỹm ẽhjcohꞌhi. Pom qui ohv pỳr pa ẽhjpỳr catehꞌ cỹm ẽhꞌcohꞌhi. Qui ca ẽhjpỳr catehꞌ cỹm ẽhꞌpa hapux noore, ne ca nee huj noore. Ne meate hãjỹhrꞌhã, ca ca nee me ẽhjcỹm aacohꞌhij noore, ne ca nee me ẽhmpoo to aacator noore.

5
00:01:17,340 --> 00:01:38,580
—Xỳm ẽhjpi ohv pỳr, ne meapi ohv pa. Ca ca me ẽhjcỹm aacohꞌhi, wa ca meacỹm ẽhjcohꞌhi, ca ca me ẽhmpoo cateh ne me ẽhmpoo to aajapux, pom qui ohv pa ẽhjpỳr catehꞌ cỹm ẽhꞌcohꞌhi ne ẽhꞌpaꞌ cỹm ẽhmpoo xu hapux. Xỳm wa ammrẽꞌ cỹm ca ca nee me ẽhmpoo to aajapux noore.

6
00:01:38,580 --> 00:01:58,760
Nỹm qui ca jõhm ẽhjcỹm ẽhꞌcohꞌhij noore, qui ca Jõnxõoh jõhm to hãneꞌ pom qui me ohv pa jaquep, ne me to ẽhjpa, ne me cohrẽ, my ẽhꞌpa ẽhncrỳy, my me to coohprõ, ne me cohhyhꞌ cỹm cohrẽ, my xir. Hõ, qui ca Jõnxõoh jõhm to hãne.

7
00:01:58,760 --> 00:02:09,420
Max, ca ca me ẽhjcỹm aacohꞌhi, ne ca me jarcwaa cwyr tyx to aapa, ne ca meatyx ẽhmpoo ny Jõnxõoh wy, qui ca meamy ẽhmpoo hõ.

8
00:02:09,420 --> 00:02:25,500
Ne ca me ẽhmpoo to aajapux cateh, pom qui ohv paꞌ cỹm ohv xu hapux cateh, qui ca meꞌcwy meapohroꞌ cut Me Pajẽhpixxỳ my ẽhmpex jãarẽ, ca ca meacryhꞌcỹm ẽhjcut meate amjõhjẽhpix cati jiꞌ ny aapa.

9
00:02:25,500 --> 00:02:33,540
—Ẽhꞌtyx ẽhjmy meajapii te hãjỹhrꞌ pom qui Jõnxõoh my japii. Ca ca me caxwyyreꞌ to hãne ne meajpẽn japii to aapa.

10
00:02:33,540 --> 00:02:50,600
Ca ca me jarcwaa to amjõhjapac cree to aapa, ne ca meamy ajpẽn japii to hãneꞌ pom qui ẽhjmy meajapii. Wa ẽhjte hãjỹhrꞌhã ne ẽhjte Jõnxõoh jarcwaa to amjõhjapac cree to ẽhjpa ne ẽhjmy meajapii pom qui cohmy japii.

11
00:02:50,600 --> 00:03:00,200
Ne ẽhjte meajacryyh to meapa xỳꞌny ẽhjte meamy jõhjãarẽn to hãjỹhr. Ne ẽhjmy meate aajacryyh catehꞌ ny aapa prỹm.

12
00:03:00,200 --> 00:03:06,480
Cỹh, wa ẽhjcryhꞌcỹm meamy, ca meajpẽn japii to hãneꞌ pom qui ẽhjmy meajapii.

13
00:03:06,480 --> 00:03:17,940
Qui ca jõhm ẽhꞌcwyꞌ cati jiꞌ crỹꞌ cajpar xỳꞌny tyh, ca ca me jõhm jaꞌcree pex, xỳm meꞌcohnehꞌteh jẽhruuꞌpi ẽhncryhꞌcỹm cohmy ẽhꞌcwyꞌ cati ji japii.

14
00:03:17,940 --> 00:03:24,540
Ca ca me jarcwaaꞌ cut amjõhjaahyhr to aapa, ne ca me ẽhjcwyꞌ cati jiꞌ ny aapa.

15
00:03:24,540 --> 00:03:45,720
Wa ca nee myꞌreh meato ẽhjmy meajỳmcwyr cati jiꞌ ny noore. Xỳm nee me hỳmcwyr cati jiꞌ te me hõopaꞌheeh te ẽhmpoo jaahyhr to ẽhjpaꞌ ny mecte haꞌcree pex noore. Max, paꞌ wa ẽhjtyx meato amjõhmy ẽhjcwyꞌ cati jiꞌ ny, xỳm Jõnxõoh te ẽhjmy ẽhmpoo jãarẽn ẽhntaa jiꞌ cohnehꞌ ny wa ẽhjte meamy ẽhmpoo jãarẽn par.

16
00:03:45,720 --> 00:04:28,340
Nee meate ẽhjcut amjõhjaahyhr xỳꞌny meate amjõhto aahimpex ne meate ẽhjcut amjõhjaahyhr noore my, wa quit ẽhjteꞌhã amjõhmy meajẽhrin cwyrjapii my meate ẽhjcut amjõhjaahyhr to aapa. Ne ẽhjte amjõhmy meapyhxwyr, meate ẽhmpoo to aajapux rõhn to aapa xỳꞌny, to hãneꞌ pom qui ẽhmpoo pỳr xu hapux cateh, ẽhntaa cohxỳ ca me ẽhmpoo to aajapux rõhn to aapa xỳꞌny. Max, qui ca nee tỹmne meate ẽhmpoo to aajapux ẽhntaa ji ẽhꞌtõhm ne ẽhꞌquin noore, ẽhmpoo xuꞌ cohxỳ. Pe ca ca me japryꞌ ny Jõnxõoh ny aajỳꞌwyr to aapa, qui ca Jõnxõoh meacỹm cỹm hapac to ẽhjpa, ne ca to meamy ẽhmpoo cohneh jaahyhr to ẽhjpa.

17
00:04:28,340 --> 00:04:32,340
Cwyrjapii wa ẽhjcryhꞌcỹm meamy, ca meamy ajpẽn japii.