1
00:00:05,000 --> 00:00:12,940
—Tem pjiꞌ cỹm mejpa ẽhntaa ji my meacohri? Xỳm mecte meacohri xwyjrehꞌhã mecmy ẽhjcohri!

2
00:00:12,940 --> 00:00:33,420
Capxyhꞌmy ca me pjiꞌ cỹm mejpa ẽhntaa jiꞌ cwyꞌ ny aapaꞌ nyymy, qui ca nee meacohrij noore, ne ca mecmy meajapii xỳm ca meꞌcwyꞌ ny aapa. Max, ca nee meꞌcwyꞌ ny aapaj noore, xỳm wa ẽhjte amjõhmy meajẽhrin my meate meꞌquẽhntee ẽhjcut amjõhjaahyhr, cwyrjapii my meacohri.

3
00:00:33,420 --> 00:00:58,240
Wa ẽhjte ryꞌmy meamy jarcwaa to hãjỹhr: “Nee me hỳmcwyr cati ji me hõopaꞌheeh jẽhruuꞌpi noore.” Wa meajõopaꞌheeh ny ẽhjpa, cwyrjapii qui ca pjiꞌ cỹm mejpa ẽhntaa ji ẽhjto ẽhꞌquinre, ne ca me caxwyyreꞌ to ẽhꞌquinre. Nỹm qui ca jõhm ẽhꞌtyx jarcwaaꞌ cut amjõhjaahyhr to ẽhjpa, ne ca jõhm meajarcwaa xwyyreꞌ cut amjõhjaahyhr to ẽhjpa.

4
00:00:58,240 --> 00:01:07,160
Max, qui ca meacwy ẽhjpohroꞌ cut meato ẽhꞌquin to ẽhjpa, xỳm nee mecte Jõnxõoh te ẽhjcohjahic ẽhntaa jaꞌcree pex noore.

5
00:01:07,160 --> 00:01:32,420
Capxyhꞌmy wa nee amne pjiꞌ wyr ẽhjtẽm ne mecmyn nooreꞌ nyymy, qui ca nee meꞌquin ny amjõhjaꞌcree pex noore, wa ca nee mecmy jõhmy noore. Max, wa amne tẽ ne ẽhjte hẽhrỹypi mecmy meꞌquin ny me hãarẽn, caacru my nee meamjõhjõhꞌny ẽhꞌpahỳm noore ne meacrehtpiimy ẽhmpoo quin to hapux to ẽhjpa. Cwyrjapii wa ca ẽhjtyx meꞌcoohquehj.

6
00:01:32,420 --> 00:01:37,740
Qui ca taxmy jõhm ẽhjcohri, ne ca jõhm Jõnxõoh xwyyreꞌ cohri.

7
00:01:37,740 --> 00:02:02,120
Capxyh wa to mento myyreh ẽhmpoo jaahyhr catehj nooreꞌ to hãneꞌ pom qui tỹmꞌne jõhm te to ẽhmpoo jaahyhr nooreꞌ nyymy, qui ca nee meꞌquin ny amjõhjaꞌcree pex noore, wa ca nee mecmy jõhmy noore. Max, wa ẽhjte to ẽhmpoo jaahyhr catehꞌ ny meꞌtyx ẽhjpohpohn to ẽhjpa, caacru my me taꞌnyꞌhã ẽhjcohri, ne me Jõnxõoh xwyyreꞌ cohri.

8
00:02:02,120 --> 00:02:15,860
Hõ, mecte ẽhjto hãjỹhr, pom qui meate amjõhto aahimpex xỳꞌny meaquit jiꞌ te to ẽhꞌhuc: “Wa nee ẽhjte jõhm to jõhmy nooreꞌ cỹm me ẽhjcohri.” Hõ, cwyrjapii my me ẽhjto hãne.

9
00:02:15,860 --> 00:02:30,860
—Max, pom Carõo Pex ẽhncryhꞌcỹm ẽhꞌcaacuc to ẽhjpa ne Jõnxõoh capeꞌny ẽhjpa ẽhntaa, wa ca meawyr amne ẽhꞌcohjate, qui ca amne meawyr tẽ, ne ca meacapeꞌny ẽhjpa, ne ca meamy jãarẽn to ẽhjpa.

10
00:02:30,860 --> 00:02:41,960
Pe ca ca me caxwyyre meꞌcohnehꞌteh my jãarẽn to aapa, xỳm ca me ryꞌmy ẽhjcapeꞌny aapa ne meate jaꞌcree pexteh.

11
00:02:41,960 --> 00:02:47,520
—Ne meate ẽhjcapehj noo xỳꞌny wa ẽhjte meamy jõhjãarẽn to hãjỹhr.

12
00:02:47,520 --> 00:03:03,880
Xỳm qui ca aꞌtõhmryyh qui ca Zohdew cati ji jõopaꞌheeh ẽhntaa ji mecte coohprõnxỳ ẽhntiitee meacohri. Qui ca me hỹhꞌne meacwyꞌ coohra, ne meamjõhmy mecte Me Pajẽhpixxỳ jacryyh xỳꞌny aacoohran ny amjõhmy ẽhꞌcãmjẽhx.

13
00:03:03,880 --> 00:03:11,660
Ne ca meꞌtyx meato ẽhꞌquin to hãjỹhr to ẽhjpa, xỳm nee mecte Jõnxõoh me jaꞌcree pex noore.

14
00:03:11,660 --> 00:03:37,020
Cwyrjapii my mecte meato hãjỹhr xwyjrehꞌhã ẽhjte meamy jõhjãarẽn to hãjỹhr, quir me meato hãne, car me jarcwaa ẽhntaa to amjõhjapac cree, xỳm wa ẽhjte ẽhjcryhꞌcỹm meamy jõhjãarẽn. Hõ, ne nee ry ẽhjte meamy jõhjãarẽn to hãjỹhr noore, xỳm wa meacapeꞌny ẽhjpa. Max, wa meamy jõhjãarẽn to hãne, xỳm wa ca ẽhjcohto.