1 00:00:05,000 --> 00:00:14,420 Xỳm wa Jõnxõoh te ẽhjcohjahic ẽhntaa wyr ẽhjcrỳy. Caacru ca nee mejcoohcjir ne me ẽhjmy: “Jõhꞌcỹm ca hamoh tẽ?” hãjỹhr noore. 2 00:00:14,420 --> 00:00:18,940 Ne wa ẽhjte meamy ẽhjcohtor ny amjõhjãarẽn ca cymy meamjõhcỹm pa! 3 00:00:18,940 --> 00:00:39,360 Wa ẽhjcryhꞌcỹm meamy, wa ca ẽhjcohto qui ca taꞌny ẽhmpexteh, meamy, ne ca nee ẽhꞌquin noore. Xyhr wa ca ẽhjcohtor noore, qui ca nee amne Carõo Pex meawyr ẽhꞌtẽm noore. Max, wa ca tẽ, ne ca amne amjõhpanny Carõo Pex cohjate, qui ca meawyr tẽ, ne ca meacapeꞌny ẽhjpa. 4 00:00:39,360 --> 00:00:55,400 —Pe qui ca Carõo Pex pjiꞌ cỹm mejpa ẽhntaa ji my ẽhꞌcaacuc to ẽhjpa, qui ca meꞌcwy amjõhquin ny amjõhjaꞌcree pex, ne me Jõnxõoh te ẽhncryhꞌcỹm ẽhjpaꞌ ny haꞌcree pex, ne me Jõnxõoh te meꞌcoohcjir xỳꞌny amjõhny haꞌcree pex. 5 00:00:55,400 --> 00:01:03,680 Hõ, qui ca Carõo meꞌquin ny mecmy, qui meꞌquin ny amjõhjaꞌcree pex, xỳm me hỳyprỹy pex ne mecte ẽhjcapeh. 6 00:01:03,680 --> 00:01:16,460 Ne ca Carõo Me Pajẽhpixxỳ ẽhncryhꞌcỹm ẽhjpaꞌ ny hãarẽ qui me haꞌcree pex, xỳm wa ca hamoh Jõnxõoh wyr ẽhjcohto, ca ca nee myꞌreh me ẽhjpohpohn to aapaj noore. 7 00:01:16,460 --> 00:01:25,580 Ne ca Carõo Pex mecmy Me Pajẽhpixxỳ jãarẽ, xỳm qui ca meꞌcoohquehj to hãne, pom qui cohte pji jõopaꞌheeh ẽhntaa coohcjir ne cohte amjõhtiitee cohri. 8 00:01:25,580 --> 00:01:36,440 —Hõ, ne ẽhjmy hẽhpiireh meamy ẽhmpoo cwy jãarẽn prỹm, max, wa ca nee meamy ẽhmpoo jãarẽn noore, xỳm cormy meapi ẽhmpoo jaꞌcree quitre. 9 00:01:36,440 --> 00:02:02,720 Max, qui ca Carõo Pex te ẽhncryhꞌcỹm ẽhꞌcaacuc ẽhntaa amne tẽ, ne ca ẽhncryhꞌcỹm ẽhmpoo cohnehꞌ ny meato ẽhꞌhimpex to mo. Xỳm qui ca nee amjõhꞌcut ẽhꞌcaacuc noore, qui ca Jõnxõoh ẽhmpoo ny to ẽhꞌhimpex qui ca meamy ẽhmpoo jãarẽ. Ne pom cormy ẽhmpoo te amjõhto hõhtỳy noo ẽhntaa ji, qui ca Carõo Pex ẽhmpoo japux xwyjrehꞌhã meamy ẽhmpoo jãarẽ. 10 00:02:02,720 --> 00:02:08,620 —Qui ca Carõo Pex meamy ẽhjpex ny jãarẽ, ne ca meamy ẽhmpoopi jõꞌteecji ẽhntaa ji xwyyre jãarẽ. 11 00:02:08,620 --> 00:02:21,620 —Ẽhmpoo cohneh Jõnxõoh jõꞌteecji ẽhntaa ji, paxwyyre jõꞌteecji. Cohte hãjỹhr ẽhntaaꞌny qui ca Carõo Pex meamy ẽhmpoopi jõꞌteecji ẽhntaa jiꞌ cut hãarẽ. 12 00:02:21,620 --> 00:02:30,860 —Qui ca aꞌtõhmryyh ca ca nee me ẽhjpohpohn noore. Pe ca ca mejpohpohn noo to awcapỳt to jõhmy ne ca me cormy hẽhpiireh ẽhjpohpoh. 13 00:02:30,860 --> 00:02:51,900 Rõhm ẽhꞌprõtpi ẽhꞌcut mecte amjõhjẽhpix cati jiꞌ cwyꞌ te ajpẽn my: —Ẽhmpoo ny my mrẽ cohte harcwaa to hãjỹhr, pinny qui ca aꞌtõhmryyh coh ca nee me hõmpohn noore, ne ca me hõmpohn noo to awcapỳt to jõhmy ne ca me cormy hẽhpiireh hõmpoh? Ne ẽhmpoo ny my cohte harcwaa ẽhntaa to hãjỹhr: “Xỳm wa ca Jõnxõoh wyr ẽhjcohto”? 14 00:02:51,900 --> 00:02:59,820 Ne meajpẽn my: —Ẽhmpoo to my “qui ca aꞌtõhmryyh” ẽhntaa? Aapoh harcwaa ẽhntaa jaꞌcree quit! 15 00:02:59,820 --> 00:03:23,580 Ne mecte Sesohx coohcjir prỹm ny cohte me haꞌcree pex, ne cohte mecmy: —Tem crẽ meapi jarcwaa ẽhntaa jaꞌcree quitre? Ny ca meajpẽn coohcjir to hãne? Wa meamy: “Qui ca aꞌtõhmryyh ca ca nee me myꞌreh jõmpohn noore. Pe ne ca me jõmpohn noo to awcapỳt to jõhmy ne ca me hẽhpiireh ẽhjpohpoh.” Tem crẽ meapi jarcwaa ẽhntaa jaꞌcree quitre? 16 00:03:23,580 --> 00:03:41,540 —Wa ẽhjcryhꞌcỹm meamy, wa ca meapi ẽhjcohto, ca ca me japiitee aacwyr to aacrẽh, max, qui ca pjiꞌ cỹm mejpa ẽhntaa ji hacryyh! Ca ca meacaprĩire, max, qui ca aꞌtõhmryyh ca ca nee me myꞌreh aacaprĩirej noore, ne ca meajacryyh. 17 00:03:41,540 --> 00:04:03,800 Pom qui meꞌtehc cati ji my meꞌcra ẽhjpehxxwyr xỳꞌny mecmy me hỳ, my me caprẽhre ẽhntaa cwyꞌ to, xỳm ryꞌmy meꞌcra pehxxwyr xỳꞌny. Max, qui ca meꞌcra axxwy, qui ca me hacryyh, ne ca nee myꞌreh meꞌcra xỳ ẽhntaa to amjõhjapac cree noore, xỳm ryꞌmy meꞌcra pehxxwyr my meꞌcra pyhrin hacryyh. 18 00:04:03,800 --> 00:04:17,420 Ẽhntaa jẽehcji cwyꞌ to ca me ẽhntaaꞌcỹm aacaprẽhre. Max, ca ca me hẽhpiireh ẽhjpohpoh, ne ca meajacryyh cateh. Pe qui ca nee jõhm meajacryyh ẽhntaa to taxmy noore my. 19 00:04:17,420 --> 00:04:29,960 —Pe qui ca awcapỳt ẽhntaa aꞌtwy, ca ca nee me myꞌreh ẽhmpoo ny ẽhjcoohcjir noore. Wa ẽhjcryhꞌcỹm meamy awjãarẽ, ca ca me japryꞌ ny ẽhmpoo ny Jõnxõoh wy, qui ca meamy ẽhmpoo hõ. 20 00:04:29,960 --> 00:04:41,100 Cormy nee meate japryꞌ ny ẽhmpoo ny Jõnxõoh wyr noore. Haner me ẽhmpoo ny Jõnxõoh wy, qui ca meamy ẽhmpoo hõ, ca ca meajacryyh cateh. 21 00:04:41,100 --> 00:04:52,840 —Hõ, ne ẽhjte meamy jarcwaa pehꞌhoo to hãjỹhr, max, qui ca aꞌtõhmryyh, wa ca nee myꞌreh meamy jarcwaa pehꞌhoo noore, ne ca hẽhrỹypi meamy Jõnxõoh jãarẽ. 22 00:04:52,840 --> 00:05:02,660 —Qui ca awcapỳt ẽhntaa aꞌtwy, ca ca me japryꞌ ny Jõnxõoh ny aajỳꞌwyr to aapa. Ne pa wa ca nee meany Jõnxõoh ny jỳꞌwyr noore, 23 00:05:02,660 --> 00:05:11,980 xỳm ẽhꞌtyx Jõnxõohꞌ my meajapii. Xỳm meamy japii, ne wa amne ẽhꞌpẽhn tẽ ne ca nee meajỳyprỹy pex noore. 24 00:05:11,980 --> 00:05:20,820 —Wa amne Jõnxõoh pẽhn pji ẽhntaa wyr ẽhjcator. Ne wa ca ẽhntaaꞌcỹm pji ẽhntaa pẽhnꞌhã acpỹyhmy Jõnxõoh wyr ẽhjcohto. 25 00:05:20,820 --> 00:05:38,380 Ne Sesohx te mecte ẽhꞌcut amjõhjẽhpix cati ji my amjõhjãarẽn to hãjỹhr, rõhm mecte cohmy: —Cỹh, tac ẽhntaaꞌcỹm ca hẽhrỹypi mejmy amjõhjãarẽ, ne ca nee myꞌreh mejmy aajarcwaa pehꞌhoo to aacaacuc noore, cwyrjapii wa mejte aacỹm japac pexteh. 26 00:05:38,380 --> 00:05:54,860 Ẽhntaaꞌcỹm wa mejte aajaꞌcree pex, my aate meꞌcohnehꞌteh jõhjacop jaꞌcree pex par, ne tỹmne aate jõhm jaꞌcree pex xỳꞌny aate jõhm coohcjir noore. Cohte hãjỹhr ẽhntaaꞌny wa meamjõhmy ẽhncryhꞌcỹm Me Pajẽhpixxỳꞌ te amne aacohjahic ca amne ẽhꞌpẽhn tẽ. 27 00:05:54,860 --> 00:06:03,980 Ne mecte Sesohx my hãjỹhr, rõhm cohte mecmy: —Tem ca tee meacryhꞌcỹm? Ne crẽ nee meajỳyprỹy pex noore? 28 00:06:03,980 --> 00:06:18,600 Hop, qui ca aꞌtõhmryyh, ca ca meajõhrcwaa wyr meapehtxeht cỹm ajcrỳ, ne ca mejcapeh, wa ca aꞌteereh xa! Max, wa ca nee aꞌteereh ẽhjxãm noore, xỳm Jõnxõoh ẽhꞌtyx ẽhjcapeꞌny ẽhꞌcohꞌhi. 29 00:06:18,600 --> 00:06:38,940 —Hõ, ne ẽhjte meamy jõhjãarẽn to hãjỹhr, car mejcỹm aacohꞌhi, qui meacỹm ẽhꞌcãarẽhcreh. Xỳm ca me pjiꞌ cỹm aapa, qui ca pjiꞌ cỹm mejpa ẽhntaa ji meato ẽhꞌquin to ẽhjpa. Max, nee me hõhpaatee, xỳm wa mexruuꞌpi ẽhjhehꞌtyxteh!