1
00:00:05,000 --> 00:00:24,960
Ne Sesohx te Hõnxõoh ny hỳꞌwyr to hãjỹhr, ne cohte taꞌny hỳꞌwyr to ẽhꞌheh. Ne hamoh ẽhꞌcut mecte amjõhjẽhpix cati jiꞌ to mo, ne me crẽhpi hapux. Rõhm cuꞌ to Sedrõo ẽhntaa jẽehcjiꞌ ny ẽhmpoo cu ẽhntaa ẽhꞌcohꞌhi, rõhm me cuꞌ ny ẽhjrii ne me ẽhmpoo cu my ẽhncjix.

2
00:00:24,960 --> 00:00:38,740
Rõhm pom Zoht te Sesohx peehcãmtar cati ji my haꞌcree ẽhntaa xwyyreꞌ te ẽhmpoo cu ẽhntaa pohpohn pex, xỳm ryꞌmy Sesohx te ẽhmpoo cu ẽhntaa cỹm ẽhꞌcut mecte amjõhjẽhpix cati jiꞌ to coohprõn jỳꞌtuu.

3
00:00:38,740 --> 00:01:05,880
Cwyrjapii my Zoht hatox cỹm sordat cati jiꞌ cwyꞌ to tẽ, mecte ẽhmpoo cu ẽhntaa cỹm Sesohx proo xỳꞌny. Rõhm saséhdot cati ji jõopaꞌheeh ẽhntaa ji me, Farehzew cati ji me, mecte Me Pajẽhpixxỳ jõhrcwaa jamyr cati jiꞌ cwyꞌ cohjahic, meꞌcut. Rõhm mecte ẽhxpat cwyr ne mempyp ẽhmpoo puc ẽhntaa to amjõhmy hỳꞌcooroo to praa, ẽhmpoo cu ẽhntaa wyr.

4
00:01:05,880 --> 00:01:21,840
Rõhm Sesohx te ẽhmpoo cohneh jaꞌcree pex, ẽhmpoo te amjõhto hõhtỳy xwyjrehꞌhã. Cwyrjapii my me cohnyymy cator ne mo, ne me cohnyymy hãm, ne cohte mecmy harcwaa men, ne mecmy: —Jõhm ca me jõhm japi praa?

5
00:01:21,840 --> 00:01:36,120
Rõhm me cohmy: —Pom Nazaree pẽhn Sesohx cator ne ẽhjpa ẽhntaa wa me hapi! Rõhm Sesohx te mecmy: —Pom paꞌ wa xa! Rõhm Zoht hixxeeh ẽhntaa me capeꞌny xa.

6
00:01:36,120 --> 00:01:42,380
Rõhm mecte Sesohx jarcwaa ny cỹm hapac ne ẽhꞌprõtpi me hatuꞌ to ẽhjpa ne meaxxwy!

7
00:01:42,380 --> 00:01:55,320
Rõhm Sesohx te hẽhpiireh mecmy: —Jõhm ca me jõhm japi praa? Rõhm mecte hẽhpiireh cohmy: —Pom Nazaree pẽhn Sesohx cator ne ẽhjpa ẽhntaa wa me hapi!

8
00:01:55,320 --> 00:02:10,160
Rõhm Sesohx te mecmy: —Pom paꞌ wa xa! Ryꞌmy ẽhjte meamy amjõhjãarẽn. Tem ca me pa peht japi? Pox, ca nee mejcwy ẽhntaa jiꞌ no proo noo cỹm, qui ta aapoh hamoh me praa!

9
00:02:10,160 --> 00:02:28,100
Ne Sesohx te mecmy harcwaa to hãjỹhr, qui ẽhmpoo amjõhto hõhtỳy to hãneꞌ pom qui ryꞌmy ẽhmpoo te amjõhto hõhtỳy prỹm ny cohte Hõnxõoh my hõhjãarẽn. Ne cohte cohmy hõhjãarẽn to: “Pom aate ẽhjmy me hõr ẽhntaa ji, nee taxmy jõhm pehctor noore.”

10
00:02:28,100 --> 00:02:51,120
Rõhm Sehmãw Pit ẽhxpat ny xa, ne cohte ẽhꞌprõtpi ẽhxpat cỳpi caxỳr, ne cohte me cỹm ẽhncryhc. Rõhm saséhdot cati ji jõopaꞌheeh my hỳmcwyr cati jiꞌ no ẽhntaa japryꞌ to Mawco, rõhm Pit te Mawco cỹm ẽhncryhc, ne cohte ẽhxpat to ẽhꞌcrỹꞌ cỹm ẽhmpoc, ne cohte awpuc rõhmpi hapac ẽhntaa jaquep!

11
00:02:51,120 --> 00:03:07,040
Rõhm ẽhꞌprõtpi Sesohx te Pit myn, ne cohmy: —Hãh, nee me to hãjỹhr noo cỹm! Qui ta aapoh! Ne acpỹyhmy ẽhxpat cỳ my haxỳ! Pom wa ẽhmpoo my jõhcanyr xỳꞌny Jõnxõoh te ẽhjmy ẽhmpoo jõr—tem wa ca pehja nee ẽhmpoo my jõhcanyr noore?

12
00:03:07,040 --> 00:03:17,720
Pe rõhm sordat me, me hõꞌcapehtãw me, Me Pajẽhpixxỳ jõhrcwaa jamyr cati ji me, mecte Sesohx proo ne mecte cahyhr.

13
00:03:17,720 --> 00:03:32,480
Ne hamoh me jõhm to Aanax ẽhntaa jõhrcwaa wyr to mo. Amcro ẽhntaaꞌ cỹm Aanax pehjõo Cajfax ẽhntaa saséhdot cati ji jõopaꞌheeh ny ẽhꞌcrẽh, cwyrjapii my me hõhpreequit Aanax jõhrcwaa wyr to mo.

14
00:03:32,480 --> 00:03:46,500
Cajfax ẽhntaaꞌ te Zohdew cati ji jõopaꞌheeh cati ji my Sesohx jãarẽn to hãjỹhr, pinny: “Qui ca jõhm pehtxit me pantiitee tyh.” Hõ, Cajfax ẽhntaaꞌ te mecmy hãarẽn to hãjỹhr.