1
00:00:05,000 --> 00:00:15,440
Rõhm Pehrat te me cỹm hapac, ne cohte sordat to ẽhꞌhimpex rõhm hamoh me Sesohx to mo, ne mecte capriipric.

2
00:00:15,440 --> 00:00:25,320
Ne mecte cohmy hii coohrom tyhcteh ẽhntaa jaxỳr. Ne mecte humjẽehꞌ to cohmy hỳꞌcỳ jẽhpix, ne mecte ẽhꞌcrỹꞌ ny ẽhnxur, my xa.

3
00:00:25,320 --> 00:00:35,940
Ne me Sesohx cohnyymy ẽhꞌcohꞌhi, ne me cohmy: —Cỹh, Zohdew cati ji jõopaꞌheeh rat ẽhntaa! Ne me cohmy hãne, ne me ẽhꞌcohc cỹm ẽhmpoc!

4
00:00:35,940 --> 00:00:51,380
Pe rõhm hẽhpiireh Pehrat põopi meꞌcohꞌhi ẽhntaa jiꞌ wyr cator, ne cohte mecmy: —Cỹh, wa to meamy ẽhjcato, ca me hõmpoh, ne me haꞌcree pex, xỳm wa nee amjõhmy cohte ẽhmpoo quin to cator ny ẽhꞌcãmjẽhx noore.

5
00:00:51,380 --> 00:01:07,940
Ne cohte mecmy hãjỹhr, ne cohte ẽhꞌprõtpi Sesohx to cator, ne cohte põopi hãm. My hii coohrom tyhcteh me, humjẽehꞌ to hỳꞌcỳꞌ ny xa. Rõhm Pehrat mecmy: —Cỹh, me hõmpoh!

6
00:01:07,940 --> 00:01:30,100
Rõhm saséhdot cati ji me, Me Pajẽhpixxỳ jõhrcwaa jamyr cati jiꞌ te hõmpohn, ne me cyj rõhmpi Pehrat my: —Crohx ny cohxu! Crohx ny cohxu to hyh! Rõhm Pehrat mecmy: —Ca ca quit me caꞌhã crohx ny cohxu! Xỳm wa nee amjõhmy cohte ẽhmpoo quin to cator ny ẽhꞌcãmjẽhx noore!

7
00:01:30,100 --> 00:01:48,240
Rõhm ẽhꞌprõtpi Zohdew cati ji jõopaꞌheeh ẽhntaa jiꞌ te cohmy: —Max, cohte ẽhmpoo quin to hapux cateh! Xỳm amjõhto Me Pajẽhpixxỳꞌ cra ẽhntii to ẽhjpa! Ne mejquit jiꞌ te amjõhjaahyhrxỳꞌ te hãjỹhr, qui ca jõhm hãne, ne ca jõhm tyh!

8
00:01:48,240 --> 00:01:53,900
Ne mecte Pehrat my hãjỹhr, rõhm Pehrat te me cỹm hapac, ne myymy cohmy pa.

9
00:01:53,900 --> 00:02:04,540
Ne hẽhpiireh ẽhjcree my hỳr, ne Sesohx my: —Jõhꞌrõhmpi ca tẽ? Ne cohte ẽhꞌcoohcjir to hãjỹhr, rõhm Sesohx te cohpi amjõhcaꞌtyhc ne xa.

10
00:02:04,540 --> 00:02:24,100
Rõhm Pehrat te cohmy: —Ẽhmpoo caxohw ca aacaꞌtyhccỹm xa? Mrẽ ẽhjmy aacaacuc ne ẽhjmy amjõhjãarẽꞌre! Xỳm ẽhjpi paꞌheeh—qui ẽhjmy crohx ny aaxur prỹm wa ca crohx ny aaxu. Nỹm qui ca ẽhjmy aamy hẽhcran prỹm wa ca aamy hẽhcra!

11
00:02:24,100 --> 00:02:39,780
Rõhm Sesohx te cohmy: —Capxyhꞌmy qui Me Pajẽhpixxỳ aamy jaꞌcree nooreꞌ nyymy, ca ca nee ẽhjto jõhmy noore. Max, pom mecte aamy jaꞌcree ẽhntaa ji, mecte aajẽhruuꞌpi ẽhmpoo quin to hapux cateh!

12
00:02:39,780 --> 00:03:10,180
Ne Sesohx te Pehrat my hãjỹhr, my ẽhꞌprõtpi ẽhncryhꞌcỹm cohmy Sesohx my hẽhcran prỹm, ne cohte ẽhncryhꞌcỹm Zohdew cati ji jõopaꞌheeh ẽhntaa ji my ẽhꞌcaacuc, mecte Sesohx my hẽhcran xỳꞌny. Caacru my mecte cyj rõhmpi cohmy: —Ca ca cohmy hẽhcra, qui ca nee me pajõopaꞌheeh rat Sez ẽhntaa my taꞌny ẽhmpex noore! Xỳm qui ca jõhm Sesohx cohxỳ amjõhto paꞌheeh tii, ne ca jõhm Sez cỳjꞌny amjõhjaahyh!

13
00:03:10,180 --> 00:03:29,300
Rõhm Pehrat te me harcwaa ẽhntaa ny me cỹm hapac, ne hamoh põopi Sesohx to mo, ne meꞌcoohcjirxỳꞌ wyr to mo ne cohreh hỹhr ne jỹh. Meꞌcoohcjirxỳ ẽhntaa japryꞌ to Rehtox, ne Eebrew jarcwaa cut me to Gabataa.

14
00:03:29,300 --> 00:03:47,440
Rõhm ryꞌmy pyht jỳypehr. Pinny qui ca awcaꞌteh, qui ca me Me Pajẽhpixxỳ jõꞌamjõhquẽhn to Cohte Me Hõhtỳr ẽhntaa to cato. Rõhm Pehrat te mecmy Sesohx xãm ne cohte mecmy: —Cỹh, pom meajõopaꞌheeh xa!

15
00:03:47,440 --> 00:04:13,180
Ne cohte me cohmy hãjỹhr, rõhm mecte cyj rõhmpi cohmy: —Hamoh to mo! Hamoh to mo, ne crohx ny cohxu, ne ẽhꞌcoohra aapoh! Rõhm Pehrat mecmy: —Tem wa ca crohx ny meajõopaꞌheehꞌ xu? Rõhm saséhdot cati ji jõopaꞌheeh ẽhntaa jiꞌ te cohmy: —Aapoh me jõopaꞌheeh ammrẽere! Me pajõopaꞌheeh Sez ẽhntaa pehtxeht pejꞌhã!

16
00:04:13,180 --> 00:04:26,620
Ne mecte Pehrat my harcwaa tyx to hãjỹhr, rõhm cohte mecmy Sesohx jaꞌcree, ne cohte sordat to ẽhꞌhimpex my hamoh to mo, crohx ny ẽhnxur xỳꞌny, rõhm hamoh to mo.