1
00:00:05,000 --> 00:00:49,220
Hõ, ne cohte taꞌny hãjỹhr. Rõhm pinny me jõhm to Zohzee ẽhntaa hamoh Pehrat wyr tẽ ne cohte Sesohx jaarit xỳꞌny taꞌny hỳꞌwyr. Zohzee ẽhntaa jõꞌcrẽh japryꞌ to Aarehmatej, ne cohte Sesohx cut amjõhjẽhpix to ẽhjpa. Max, Zohdew cati ji jõopaꞌheeh ẽhntaa jiꞌ cohpaatee nee hẽhrỹypi mecmy amjõhjãarẽn to ẽhjpaj noore. Ne hamoh Zohzee ẽhntaa Pehrat wyr tẽ, ne ẽhꞌwyr hỳr, ne cohte crohxpi Sesohx caxỳr ne cohte haarit xỳꞌny cohte Pehrat ny hỳꞌwyr. Rõhm cohte cohmy Sesohx jaꞌcree, cohte crohxpi caxỳr ne cohte haarit xỳꞌny. Rõhm hamoh Zohzee tẽ, ne cohte crohxpi Sesohx caxỳr.

2
00:00:49,220 --> 00:01:09,920
Rõhm Nehcodẽm ẽhntaa xwyyre, myyreh awcapỳt cỹm ẽhꞌwyr hỳr ta te ẽhmpoo cohxy ẽhmpex to ẽhꞌcoohquin xỳꞌny hapruu, ne to mo. Ẽhmpoo cohxy ẽhmpex japryꞌ to: “mehha” me, “aalowee” ẽhjpeehrẽhn ne hõhtẽeh ne cohte quehr te trintaj trex.

3
00:01:09,920 --> 00:01:24,680
My Nehcodẽm me Zohzee te Sesohx jaarit xỳꞌny ẽhmpoo cohxy ẽhmpex ẽhntaa to ẽhꞌcoohquin ne mecte hii reerec ẽhntaa to ẽhꞌcoohpoh, xỳm pinny Zohdew cati jiꞌ te ajpẽn jaaritxỳꞌ te hãjỹhr.

4
00:01:24,680 --> 00:01:37,400
Rõhm hacot ny mecte Sesohx xur ẽhntaa nyhnreh ẽhmpoo cu ẽhꞌcohꞌhi. Ne ẽhmpoo cuꞌ cỹm me haaritxỳ ẽhntohw ẽhntaa ẽhꞌcohꞌhi, my nee cormy mecte cỹm jõhm jaarit noore.

5
00:01:37,400 --> 00:01:50,660
Rõhm ryꞌmy pyht, ne ryꞌmy me hỳmcwyr noo jõꞌawcaꞌteh jỳꞌhohc xỳꞌny, ne haaritxỳ ẽhntaa tapiireh, macnyymy mecte cỹm Sesohx jaarit.

6
00:01:50,660 --> 00:02:11,660
Rõhm tumẽhc ny ẽhjrỳyrỳy ny, cormy awcapỳtcuure, rõhm hamoh Marehj Madarẽn Sesohx jaaritxỳꞌ wyr tẽ. Rõhm mecte quẽn catehꞌtehꞌ to Sesohx ny quẽn cree jẽhhi ẽhntaa, jõhm te quẽn creepi quẽn catehꞌteh ẽhntaa camen, rõhm Marehj te ẽhꞌcree proo men pohpohn.

7
00:02:11,660 --> 00:02:26,000
Ne hamoh Sehmãw Pit me, Sesohx my mecte ẽhꞌcut amjõhjẽhpix cati jiꞌ no japii ẽhntaa wyr tẽ, ne meꞌwyr hỳr, ne cohte mecmy: —Poone mecte quẽn creepi Me Pajõopaꞌheeh to cator, ne mecte taxmy hehr!

8
00:02:26,000 --> 00:02:31,700
Ne Marehj te mecmy hãjỹhr, rõhm ẽhꞌprõtpi hamoh me Sesohx jaaritxỳꞌ wyr tẽ.

9
00:02:31,700 --> 00:02:40,080
Ne meajhohꞌreh harxa, rõhm jõhm ẽhntaa te Pit ree, ne mamꞌhã haaritxỳꞌ wyr jõhm cator, ne jõhm xa.

10
00:02:40,080 --> 00:02:49,040
Ne jõhm jẽhcut, ne jõhm te quẽn cree pohpohn, ne jõhm te mecte hii to Sesohx coohpooh ẽhntaa jiꞌ pohpohn. Ne nee jõhm xỳr noore.

11
00:02:49,040 --> 00:02:54,880
Ne jõhm cut Sehmãw Pit quẽn cree wyr cator, ne hỳr, ne cohte hii pohpohn.

12
00:02:54,880 --> 00:03:07,100
Rõhm pom mecte hii to Sesohx crỹ coohpooh ẽhntaa my, ẽhntaaꞌ wyr cohte amjõhcrỹ ne cajõc pexteh ne no, ne nee hii cwyꞌ capeꞌny nor noore.

13
00:03:07,100 --> 00:03:20,780
Rõhm Pit cut jõhm xwyyre xỳr, ne jõhm te hii pohpohn, ne jõhm te amjõhmy: “Ẽhncryhꞌcỹm Sesohx tẽhr, acpỹyhmy!” Ne jõhm te amjõhmy hãjỹhr.

14
00:03:20,780 --> 00:03:35,160
Xỳm pinny ryꞌmy Me Pajẽhpixxỳ jarcwaa ny ẽhꞌhuc ẽhntaa te hẽhrỹypi Sesohx jãarẽn to hãjỹhr, qui ca tyh ne ca acpỹyhmy cato, caacru my nee ẽhꞌcut mecte amjõhjẽhpix cati jiꞌ te pji jaꞌcree pex noore.

15
00:03:35,160 --> 00:03:39,700
Rõhm hamoh Pit me jõhm acpỹyhmy me hõhrcwaa wyr mo.

16
00:03:39,700 --> 00:03:53,540
Rõhm Marehj te Sesohx jaaritxỳꞌ ny cajrẽhn. Ne quẽn cree jarcwaa ny ẽhncwyr to xa. Ne ẽhncwyr cut hẽhcut ne ẽhnto cacuꞌ cracreh cohte quẽn cree pohpohn.

17
00:03:53,540 --> 00:04:17,760
Ne cohte Me Pajẽhpixxỳ my ẽhmpraa cati jiꞌ noꞌ to ẽhjpehxcroht ne cohte jõhm pohpohn. Rõhm jõhm jõoxii jacaateh ajhohꞌreh jỹh, ne jõhm Sesohx crỹꞌ to norxỳ rõhm jỹh ne ẽhꞌteꞌ to norxỳ rõhm jõhm ẽhntaa jỹh, ne jõhm pehꞌproo ne jõhm ajhohreh jỹh. Rõhm Marehj te jõhm ajhohꞌreh jõhm pohpohn.

18
00:04:17,760 --> 00:04:33,820
Rõhm jõhm cohmy: —Ẽhmpoo ny ca aacwyr to xa? Rõhm Marehj te jõhm my: —Taxmy mecte Me Jõopaꞌheeh ẽhntaa to cator, ne mecte taxmy hehr!

19
00:04:33,820 --> 00:04:44,160
Ne cohte jõhm my hãjỹhr, ne cohte ẽhꞌprõtpi amjõhpanny ẽhjrẽht to hãm, rõhm Sesohjꞌ xa, rõhm cohte hõmpohn, max, nee cohte hõmpohn pex noore.

20
00:04:44,160 --> 00:05:14,920
Rõhm Sesohx cohmy: —Ẽhmpoo ny ca aacwyr to xa? Jõhm ca jõhm japin to mo? Ne cohte cohmy hãjỹhr, rõhm Marehj Sesohx to amjõhmy jõhm te ẽhmpoo cu jamyr catiꞌ ny, ne cohmy: —Tem mrẽ aate taxmy Sesohx xehr? Pom mrẽ norxỳꞌ capry ẽhntaa? Cỹh, taxmy cohxeh, ne hẽhrỹypi hehr ny ẽhjmy amjõhjãarẽ, wa me cohpy ne meacpỹyhmy hehrxỳꞌ cỹm cohxeh!

21
00:05:14,920 --> 00:05:35,060
Ne Marehj te Sesohx my hãjỹhr, rõhm ẽhꞌprõtpi cohte cohmy: —Marehj! Rõhm ẽhꞌprõtpi Marehj te amjõhto ẽhjpehhõpcjir, ne cohte cohmy: —Habõn! (Max, me pajarcwaa cut: “Mejto Aahimpex Cati!”), tem ca caꞌhã!

22
00:05:35,060 --> 00:05:56,320
Rõhm Sesohx te cohmy: —Hỹh, paꞌ wa! Max, ca nee jõhwahehj noo cỹm! Xỳm nee cormy Jõnxõoh wyr jỳypehr noore. Hamoh me paꞌcji jiꞌ wyr mo ne mecmy Jõnxõoh wyr jỳypehr ny jãarẽ. Pom Jõnxõoh ẽhntaa, Meajõnxõohꞌhã. Ne Jẽhpixxỳ ẽhntaa, Meajẽhpixxỳꞌhã.

23
00:05:56,320 --> 00:06:13,640
Ne cohte Marehj Madarẽn my hãjỹhr, rõhm pom hamoh cohte Sesohx cut mecte amjõhjẽhpix cati ji my Me Pajõopaꞌheeh jãarẽn xỳꞌny meꞌwyr tẽ, ne meꞌwyr cator ne cohte hõmpohn ne cohte harcwaa ny cỹm hapac ny mecmy amjõhjãarẽn.