1
00:00:05,000 --> 00:00:33,040
Rõhm tumẽhc ẽhntaa ny, awcapỳt cỹm, Sesohx cut mecte amjõhjẽhpix cati jiꞌ te ẽhjcree ẽhntaa cỹm coohprõn. Ne mecte to amjõhtiitee ẽhjcree jarcwaa cohneh jaahir par, Zohdew cati ji jõopaꞌheeh ẽhntaa jiꞌ cohpaatee. Rõhm ẽhꞌprõtpi Sesohx te mexpucreh hãm, ne cohte mecmy harcwaa men, ne mecmy: —Cỹh nee me jõhpaatee noo cỹm, wa meamy meacỹm aꞌcaarẽhc hõ!

2
00:00:33,040 --> 00:00:50,900
Ne cohte mecmy hãjỹhr, ne cohte ẽhꞌprõtpi mecmy hõhꞌcraꞌ caxwyrxỳ jaꞌcree, ne cohte mecmy hẽhtuꞌ cree caxwyrxỳ jaꞌcree. Rõhm me hacryyh! Xỳm Me Pajõopaꞌheeh acpỹyhmy meꞌwyr cator, my me hacryyh!

3
00:00:50,900 --> 00:01:08,260
Rõhm Sesohx te hẽhpiireh mecmy: —Cỹh, nee me jõhpaatee noo cỹm. Xỳm wa ca meate mecmy jarcwaa jãarẽn to aapa xỳꞌny wa ca meacohjahic pa. Pom qui ẽhjte meamy Jõnxõoh jarcwaa jãarẽn to ẽhjpa xỳꞌny cohte ẽhjcohjahic.

4
00:01:08,260 --> 00:01:19,680
Ne cohte mecmy hãjỹhr, ne cohte ẽhꞌprõtpi harcwaa japcup to me hacur, ne cohte mecmy: —Cỹh, ryꞌmy ẽhjte meamy Carõo Pex jõr!

5
00:01:19,680 --> 00:01:46,520
Pe ne cohte mecmy: —Ca ca mecmy jarcwaa jãarẽn to aapa, ne mecmy: “Qui ca Me Pajẽhpixxỳ meatiitee meaquin caaqui,” hãne, qui ca Me Pajẽhpixxỳ mentiitee meꞌquin caaqui. Nỹm ca ca mecmy: “Qui ca nee Me Pajẽhpixxỳ meatiitee meaquin caaquin noore” hãne, qui ca nee mentiitee meꞌquin caaquin noore. Ne Sesohx te mecmy hãjỹhr.

6
00:01:46,520 --> 00:02:00,540
Rõhm Sesohx cut mecte amjõhjẽhpix cati jiꞌ no japryꞌ to Tomee (ne hapryꞌ noꞌ to Deht) ẽhntaa taxmy meꞌcwyꞌ cỳjꞌny mo, ne nee cohte Sesohx cator ny hõmpohn noore.

7
00:02:00,540 --> 00:02:35,420
Rõhm meꞌcwyꞌ te taxmy taꞌny jit ne mecte cohmy Sesohx pohpohn ny amjõhjãarẽn ne mecte cohmy: —Wa mejte Me Pajõopaꞌheeh pohpohn! Rõhm Tomee te mecmy: —Aapoh nee tanny meate Sesohx pohpohn noore. Ne ajteeꞌmy jõhm peht meate jõhm pohpohn! Wa ẽhjtyx jỳyprỹy pex! Ne Tomee te mecmy hãjỹhr ne mecmy: —Só wa ca hõhꞌcraꞌ caxwyrxỳꞌ pohpoh, ne ẽhꞌtỳt, ne hẽhtuꞌ cree caxwyrxỳꞌ tỳt ne ca jỳyprỹy pex to hẽhtep!

8
00:02:35,420 --> 00:03:05,580
Ne Tomee te mecmy hãjỹhr. Rõhm mejpa, ne mecte amjõhto seman. Rõhm hapõhꞌny tumẽhc ẽhntaa cator. Rõhm mecte hẽhpiireh coohprõn, ne mecte to amjõhtiitee ẽhjcree jarcwaa cohneh jaahir par, ne meꞌcrẽh. Rõhm Tomee me capeꞌny jỹh. Rõhm ẽhꞌprõtpi Sesohx cator, ne cohte mexpucreh hãm, ne cohte mecmy harcwaa men, ne mecmy: —Cỹh, nee me jõhpaatee noo cỹm!

9
00:03:05,580 --> 00:03:20,280
Ne cohte ẽhꞌprõtpi Tomee my: —Cỹh, amne tẽ ne jõhꞌcraꞌ caxwyr pohpoh, ne ẽhꞌtỳt, ne jẽhtuꞌ cree caxwyr tỳt, ne aajỳyprỹy pex to hẽhtep ne aacryhꞌcỹm ẽhjcỹm amjõhcỹm pa!

10
00:03:20,280 --> 00:03:28,160
Ne cohte Tomee my hãjỹhr, my ẽhꞌprõtpi cohte cohmy: —Jõopaꞌheeh! Jẽhpixxỳ!

11
00:03:28,160 --> 00:03:46,700
Rõhm Sesohx te Tomee my: —Cỹh, aate ẽhjpohpohn ne aate aajỳyprỹy pex to hẽhtep. Max, meꞌcwyꞌ te aaquẽhntee ẽhjpohpohn noore caacru ne nee me ẽhjprỹy pex noore. Cwyrjapii wa ca me to ẽhmpex cateh. Ne Sesohx te Tomee my hãjỹhr.

12
00:03:46,700 --> 00:04:02,460
Pe rõhm Sesohx te ẽhꞌcut mecte amjõhjẽhpix cati ji ẽhnto myyreh to ẽhmpoo jaahyhr cateh ẽhntaa jiꞌ cwyꞌ ny wa ẽhjte taꞌny to ẽhꞌhuc. Max, Sesohx te ẽhmpoo to hapux cateh ẽhntaa jiꞌ cwyꞌ ny wa nee ẽhjte cỳꞌhuc ẽhntaa cỹm to ẽhꞌhuc noore.

13
00:04:02,460 --> 00:04:24,500
Max, meate ẽhꞌhuc ẽhntaa pohpohn ne meate Sesohx cut amjõhjẽhpix to aapa my cohte meato ẽhꞌhimpex to ẽhjpa ca meatẽhr tõhm ny aapa xỳꞌny wa ẽhjte harcwaa ẽhntaa jiꞌ ny to ẽhꞌhuc. Xỳm ẽhncryhꞌcỹm cohpi Me Pajẽhpixxỳꞌ te Crehx cohjahic xỳꞌny amjõhto hõhjaꞌcree ẽhntaa. Ne ẽhncryhꞌcỹm cohpi ẽhꞌcra.