1
00:00:05,000 --> 00:00:16,720
Hõ, ne Sesohx te hẽhpiireh ẽhꞌcut mecte amjõhjẽhpix cati jiꞌ wyr cator. Pom me hẽehpuutehꞌ to Tehbehrehj ẽhntaa crỹm cỳjꞌny, my meꞌwyr cator.

2
00:00:16,720 --> 00:00:36,220
Pe rõhm Sehmãw Pit me, Tomee te amjõhto Deht me, Natana-ew—pom pjiꞌ to Garehrehj cỹm crẽhꞌ to Canaa pẽhn tẽ ẽhntaa—me, pom Zebedew cãmter pehxcroht me, jõhm pehxcroht me, me cuꞌ crỹm cỳjꞌny ẽhjpa.

3
00:00:36,220 --> 00:01:00,980
Rõhm Sehmãw Pit te mecmy: —Cỹh, wa hamoh cryh rẽn to mo, ne to tep noꞌ proo! Awcapỳt cỹm pinny mecmy hãne, rõhm me cohmy: —Cỹh, wa meacut! Ne me cohmy hãne, ne hamoh me ẽhꞌcut pỳrcree my ẽhncjix. Ne hamoh me cryhꞌteh rẽn to mo. Ne mecte cryhꞌteh rẽn to awcaꞌteh, ne nee mecte to tep noꞌ proo noore.

4
00:01:00,980 --> 00:01:10,000
Rõhm awcaꞌteh, rõhm ẽhꞌprõtpi cuꞌ crỹm cỳjꞌny Sesohjꞌ xa, caacru rõhm nee mecte hõmpohn pex noore.

5
00:01:10,000 --> 00:01:25,560
Pe rõhm ẽhꞌprõtpi cohte mecmy harcwaa men, ne cohte mecmy: —Hỳypỳy meeee! Tem meamy ẽhmpooo, meate ẽhmpoo cohr xỳꞌnyyyy! Rõhm me cohmy: —Hooop! Mejpi ẽhmpoo ammrẽereeee!

6
00:01:25,560 --> 00:01:51,840
Ne meajpẽn my hỳycjir to hãne, rõhm Sesohx te mecmy: —Haner me awpuc rõhmpi cryhꞌteh meeee, ne ca me to tep prooo! Ne cohte mecmy hỳycjir to hãjỹhr, rõhm ẽhꞌprõtpi mecte harcwaaꞌ cut cryhꞌteh men, ne mecte to tep cwyꞌ proo! Ne me tee pỳrcree cỹm tep ny cryhꞌteh xehr jaꞌcree, xỳm tep te cryhꞌtehꞌ to hẽhpoh ne tep pyhtẽeh!

7
00:01:51,840 --> 00:02:12,180
Ne mecte tep proo to hãjỹhr, rõhm Sesohx my jõhm japii ẽhntaa te Pit my: —Me Pajõopaꞌheeh mahã! Ne jõhm te Pit my hãjỹhr, rõhm Pit te jõhm cỹm hapac, ne ẽhꞌprõtpi cohte hõoxii pyhr, (xỳm hẽhrỹypi xa), ne cohte hii to ẽhꞌpree, ne ẽhꞌprõtpi Sesohjꞌ wyr cu my ẽhꞌpym, ne hamoh ẽhꞌwyr tẽ!

8
00:02:12,180 --> 00:02:27,560
Rõhm amne meꞌcwy to pỳrcree camen to mo. Ne nee mecte pỳrcree cỹm tep ny cryhꞌteh xehr noore, ne cymy me pỳrcree jẽehpii ny tep ny cryhꞌteh pji. Xỳm me cyjcrỳy nyhnreh ẽhjpa.

9
00:02:27,560 --> 00:02:39,060
Ne me pỳrcreepi ẽhjruuruc, ne mejpa. My ryꞌmy cohhyhꞌ prỳy ny tep hẽhcwaa, ne capeꞌny pãw hẽhcwaa, rõhm mecte hõmpohn to ẽhꞌcohꞌhi.

10
00:02:39,060 --> 00:02:45,720
Rõhm Sesohx te mecmy: —Cỹh, amne me ẽhjwyr meate tep proo ẽhntaa jiꞌ cwy ẽhncwa!

11
00:02:45,720 --> 00:03:03,400
Rõhm ẽhꞌprõtpi pỳrcree my Sehmãw Pit xỳr, ne cohte amcrỳy wyr tep ny cryhꞌteh pjir. Rõhm tep rõhnteh ne tep jỳꞌtuuuuteh, ne tep cohnehꞌ te sẽnti sẽhquẽntaj trex, caacru my nee cryh jẽhrin noore.

12
00:03:03,400 --> 00:03:22,340
Rõhm Sesohx te mecmy: —Coh me, coh meapỳꞌ myyny! Rõhm mecte hõmpohn pex, xỳm taꞌhã, Me Pajõopaꞌheeh mahã, caacru my nee meꞌnoꞌ te cohmy: “Meano ca?” hãjỹhr noore. Xỳm mecte ẽhꞌcoohcjir ny meꞌpahỳm.

13
00:03:22,340 --> 00:03:29,860
Rõhm Sesohx mo ne cohte pãw pyhr, ne cohte mecmy hõr. Ne cohte tep pyhr ne cohte mecmy hõr.

14
00:03:29,860 --> 00:03:42,320
Hõ, ne Sesohx tyhc ne acpỹyhmy cator ne cohte ẽhꞌcut mecte amjõhjẽhpix cati jiꞌ wyr cator pehxcroht, ne cormy hẽehpuu crỹm cỳjꞌny hẽhpiireh meꞌwyr cator.

15
00:03:42,320 --> 00:04:13,640
Ne mecte hỳypỳn to ẽhꞌheh, rõhm Sesohx ẽhꞌprõtpi Sehmãw Pit coohquehj ne cohmy: —Zõn teꞌcãmter Sehmãw! Tem aamy me paꞌcwy ẽhntaa ji jẽhruuꞌpi japii? Rõhm Pit xa ne cohte cohmy: —Hỹh, Paꞌheeh, ẽhꞌtyx ẽhjmy aajapii, my aate tanny jaꞌcree pex. Rõhm Sesohx te cohmy: —Cỹh, mrẽ ẽhjmy jõꞌcáhnir craꞌ to axpa!—

16
00:04:13,640 --> 00:04:35,420
Ne cohte Pit my hãjỹhr, ne cohte hẽhpiireh cohmy: —Zõn teꞌcãmter Sehmãw! Tem aamy japii? Ne cohte Pit my hãjỹhr, rõhm xa ne cohmy: —Hỹh, Paꞌheeh, ẽhꞌtyx ẽhjmy aajapii ny aate jaꞌcree pex. Rõhm Sesohx te cohmy: —Cỹh, ẽhjmy jõꞌcáhnir to axpa!

17
00:04:35,420 --> 00:05:03,000
Ne aacrehtpiimy cohmy hãne, ne cohmy: —Zõn teꞌcãmter Sehmãw! Tem aamy japii? Rõhm ẽhꞌprõtpi Sehmãw caprĩire xa, xỳm cohte amjõhjapii ny ẽhꞌcoohcjir crii. Ne cohte cohmy: —Paꞌheeh, aate ẽhmpoo cohneh jaꞌcree pex par. Ne ẽhjmy aajapii ny aate jaꞌcree pex. Rõhm Sesohx te cohmy: —Cỹh, ẽhjmy jõꞌcáhnir to axpa!

18
00:05:03,000 --> 00:05:27,080
Wa ẽhjcryhꞌcỹm aamy, aatohwareꞌny aamy aapraa prỹm pe ca hamoh aatyx praa. Max, ca ca aawej, ne ca nee myꞌreh to hãjỹhr noore. Ca ca aawej, ne ca jõhm ji my aajaraa jaarẽh, qui ca jõhm ji aajõhmtyx ny aacajpree, ne hamoh me aato taxmy mo, ca ca aamy aamor prỹm noo cỹm jõhm jiꞌ cut mo.

19
00:05:27,080 --> 00:05:49,880
Pe ne Sesohx te Pit my harcwaa to hãjỹhr, xỳm qui ca pinny Pit ẽhꞌwej qui ca me Pit coohran xỳꞌny to hãne. Pe qui ca meꞌcwy Pit tyhc pohroꞌ cut Me Pajẽhpixxỳ my ẽhmpex jãarẽ. Cwyrjapii my Sesohx te Pit my hãjỹhr, ne cohte hẽhpiireh cohmy: —Cỹh, ẽhjcut amjõhjẽhpix to aapa!

20
00:05:49,880 --> 00:06:13,280
Rõhm Pit te amjõhpanny ẽhjrẽht to hãm, ne cohte Sesohx cut mecte amjõhjẽhpix cati jiꞌ no ẽhntaa pohpohn. Pom Sesohx my jõhm japii ẽhntaa my Pit te hõmpohn, myyreh me hỳypỳn to ẽhꞌcrẽh my jõhm te Sesohx wyr aapyhmy nor, ne jõhm cohmy: “Paꞌheeh, jõhm qui ca me paapeehcãmtar cati ji my aajaꞌcree ẽhntaa?”

21
00:06:13,280 --> 00:06:21,760
Jõhm ẽhntaa, Pit te jõhm pohpohn, ne cohte Sesohx my: —Paꞌheeh, pom mrẽ xa ẽhntaa, jõhꞌny qui ca me to?

22
00:06:21,760 --> 00:06:39,660
Rõhm Sesohx te Pit my: —Ẽhmpoo ny ca haꞌcree pex xỳꞌny? Qui ca ẽhjmy cohte japrẽhp prỹm, qui ca nee ẽhꞌtyhc noore cymy myymy wa ca acpỹyhmy tẽ. Pe ca ca amjõhꞌjamy, aate ẽhjcut amjõhjẽhpix pex to aapa xỳꞌny.

23
00:06:39,660 --> 00:07:16,180
Ne Sesohx te Pit my hãjỹhr ẽhntaaꞌny my me paꞌcji ji ajpẽn my: “Pinny qui ca crẽ nee jõhm ẽhntaa tỹmne ẽhꞌtyhc noore. Ne ca jõhm ẽhꞌtyx ẽhjpaꞌ cymy myymy qui ca Sesohx acpỹyhmy cato.” Ne meꞌhixny ajpẽn my Sesohx jarcwaa jãarẽn to hãne, xỳm nee jõhm tyhc noo xỳꞌny Sesohx te harcwaa to hãjỹhr noore my, ne cymy cohte harcwaa to: “Ẽhmpoo ny ca haꞌcree pex xỳꞌny? Qui ca ẽhjmy cohte japrẽhp prỹm, qui ca nee ẽhꞌtyhc noore cymy myymy wa ca acpỹyhmy tẽ.” Ne cohte harcwaa to hãjỹhr.

24
00:07:16,180 --> 00:07:28,440
Hõ, Sesohx cut mecte amjõhjẽhpix cati jiꞌ no ẽhntaaꞌ te cỳꞌhuc ẽhntaaꞌ cỹm to ẽhꞌhuc to hãjỹhr. Ne jõhm te ẽhmpoo ny to ẽhꞌhuc ẽhntaa ji ẽhncryhꞌcỹm mahã.

25
00:07:28,440 --> 00:07:53,040
Max, jõhm te ẽhmpoo ny to ẽhꞌhuc ẽhntaa ji jẽhruuꞌpi Sesohx te ẽhmpoo to hapux cateh. Capxyhꞌmy qui jõhm to ẽhmpoo ẽhntaa jiꞌ cohnehꞌ ny to ẽhꞌhuc paꞌ nyymy, qui ca jõhm to cỳꞌhuc jỳꞌtuuuuu, ne jõhm to hẽhpix. Ne wa amjõhmy qui ca pji ẽhntaa ẽhncreehre, cỳꞌhuc japyyhꞌreh! Cỹh, xỳm pe.