1
00:00:05,000 --> 00:00:12,620
Yell Betánianaꞌ wzoa to beṉꞌ bi shaoꞌ wlieꞌ Lázaro, naꞌ ḻekzkaꞌ naꞌ wzoa beṉꞌ zaneꞌkaꞌ Maríanaꞌ len Mártanaꞌ.

2
00:00:12,620 --> 00:00:20,920
Maríanaꞌ, beṉꞌ zan Lázaronaꞌ, ḻenꞌ bwazjeꞌ set zix̱aꞌ ṉiꞌa X̱ancho Jesúzaꞌ naꞌ bisbillileꞌn yishꞌ yic̱hjeꞌnaꞌ.

3
00:00:20,920 --> 00:00:29,780
Naꞌ c̱hop bilte beṉꞌ zan Lázaronaꞌ bseḻꞌgakeꞌ rson lao Jesúzaꞌ cheꞌgakeꞌneꞌ: ―X̱anꞌ, bi shaoꞌ beṉꞌ zanntoꞌni, beeni nllaguiloꞌ.

4
00:00:29,780 --> 00:00:40,480
Naꞌ ka beni Jesúzaꞌ rsonnaꞌ, chiꞌe: ―Bi guetileꞌ yillweꞌnaꞌ, san chak c̱he kaꞌ kwenc̱he shoꞌ Chiozaꞌ balaaṉ, naꞌ ḻekzkaꞌ nadꞌ, nakꞌ Xiiṉeꞌ, shoꞌa balaaṉ.

5
00:00:40,480 --> 00:00:45,700
Ḻaꞌkzi Jesúzaꞌ chakchgaileꞌ Mártanaꞌ, naꞌ beṉꞌ bileꞌnaꞌ naꞌ Lázaronaꞌ,

6
00:00:45,700 --> 00:00:50,440
ka benileꞌ rson bi shaoꞌ Lázaronaꞌ, wllachileꞌ zi c̱hop lla ganaꞌ zoeꞌ.

7
00:00:50,440 --> 00:00:55,460
Naꞌ ka wde, chiꞌe beṉꞌkaꞌ nakgakeꞌneꞌ txen: ―Ḻi shoꞌ Judeanaꞌ sto shii.

8
00:00:55,460 --> 00:01:06,400
Naꞌch beṉꞌkaꞌ nakgakeꞌneꞌ txen cheꞌgakeꞌneꞌ: ―Maestro, kani batchganaꞌ goklallii beṉꞌ Israelkaꞌ lleꞌ naꞌ witgakeꞌ liꞌ kon yajaꞌ. ¿Anaꞌ cheeniloꞌ yizajoꞌ naꞌ?

9
00:01:06,400 --> 00:01:16,160
Naꞌ cheꞌ Jesúzaꞌ ḻegakeꞌ: ―¿Aaga shlliṉ goranꞌ de beeniꞌnaꞌ shlla? Naꞌ beenaꞌ chda tellalə aga willjac̱hewee daa de beeniꞌnaꞌ yell-lioni.

10
00:01:16,160 --> 00:01:19,920
San shi chdeꞌ waḻ-lə, willjac̱hewee daa bi nḻaꞌ.

11
00:01:19,920 --> 00:01:26,580
Naꞌtech golleꞌ ḻegakeꞌ: ―Ba ches Lázaronaꞌ, beenaꞌ nllaguicho, naꞌ shaꞌ lljasbanee.

12
00:01:26,580 --> 00:01:32,820
Naꞌch cheꞌ beṉꞌkaꞌ nakgakeꞌneꞌ txen: ―X̱anꞌ, shi ba cheseꞌ, wiyakshaoꞌlallꞌkzileꞌ.

13
00:01:32,820 --> 00:01:39,360
Jesúzaꞌ golleꞌ kaꞌ daa ṉezileꞌ ba wit Lázaronaꞌ, naꞌ ḻegakeꞌ chakgakileꞌ daa cheszenꞌ golleꞌ kaꞌ.

14
00:01:39,360 --> 00:01:46,420
Naꞌch beꞌlen Jesúzaꞌ ḻegakeꞌ dillꞌ ka to shajniꞌgakileꞌ, chiꞌe: ―Ba wit Lázaronaꞌ.

15
00:01:46,420 --> 00:01:52,920
Naꞌ chibaidꞌ bi wzoaꞌ, ḻaꞌ chyalljch gonꞌ ka shajḻeꞌchle c̱haꞌ. Ḻi shoꞌ shajcho ganaꞌ dieꞌ.

16
00:01:52,920 --> 00:02:01,800
Naꞌch Tomázaꞌ, beenaꞌ cheꞌgakeꞌ Dídimo, chiꞌe beṉꞌkaꞌ sto: ―Ḻi shoꞌleneꞌ kwenc̱he lencho guetlenchoneꞌ shi witgakeꞌneꞌ.

17
00:02:01,800 --> 00:02:07,180
Naꞌ ka bllingakeꞌ yellaꞌ, naꞌ cheꞌgakeꞌneꞌ ba gok tap lla bgashꞌ Lázaronaꞌ.

18
00:02:07,180 --> 00:02:12,600
Naꞌ Betánianaꞌ llian gaozə Jerusalénnaꞌ, ka do shoṉ kilómetro nḻaagakan.

19
00:02:12,600 --> 00:02:20,520
Naꞌ beṉꞌ zan beṉꞌ Israelkaꞌ lleꞌ Jerusalénnaꞌ wyajgakeꞌ jenxenlallꞌgakeꞌ Mártanaꞌ len Maríanaꞌ daa wit beṉꞌ zaneꞌkaꞌ.

20
00:02:20,520 --> 00:02:27,160
Naꞌ ka wṉezi Mártanaꞌ ba zoa illin Jesúzaꞌ, naꞌch jatiḻeꞌneꞌ, per Maríanaꞌ bigaaṉeꞌ lilleꞌkaꞌ.

21
00:02:27,160 --> 00:02:34,880
Naꞌ ka bllineꞌ kwiteꞌnaꞌ, chiꞌeneꞌ: ―X̱anꞌ, sheḻꞌ zoꞌ ni kanaꞌ wḻen yillweꞌ c̱he beṉꞌ zanꞌnaꞌ bi witeꞌ, sheḻꞌkaꞌ.

22
00:02:34,880 --> 00:02:39,500
Naꞌ ṉaa ḻaꞌkzi ba witeꞌ, ṉezidꞌ goṉ Chiozaꞌ bittezə dii iṉabiloꞌneꞌ.

23
00:02:39,500 --> 00:02:43,080
Naꞌ cheꞌ Jesúzaꞌneꞌ: ―Wiban beṉꞌ zanoꞌnaꞌ.

24
00:02:43,080 --> 00:02:49,460
Naꞌch cheꞌ Mártanaꞌ: ―Awe, ṉezidꞌ wibaneꞌ katꞌ yiban beṉꞌ wetkaꞌ llanaꞌ te c̱he yell-lioni.

25
00:02:49,460 --> 00:03:00,320
Naꞌ cheꞌ Jesúzaꞌneꞌ: ―Nadꞌ chonꞌ ka chiban beṉꞌ wetkaꞌ naꞌ napꞌ yeḻꞌ mban dii bi te c̱heyin. Beenaꞌ chonḻilallee nadꞌ, ḻaꞌkzi ba witeꞌ, wibanchkzeꞌ.

26
00:03:00,320 --> 00:03:07,400
Naꞌ yogꞌ beṉꞌkaꞌ mban naꞌ chonḻilallꞌgakeꞌ nadꞌ bi guetgakeꞌ toshiizi. ¿Achajḻiꞌo dga niaꞌ liꞌ?

27
00:03:07,400 --> 00:03:15,840
Naꞌ cheꞌ Mártanaꞌneꞌ: ―Awe, X̱anꞌ, chajḻiꞌa linꞌ nakoꞌ Crístonaꞌ, naꞌ linꞌ Xiiṉ Chiozaꞌ, beenaꞌ llia biaꞌ yid yell-lioni.

28
00:03:15,840 --> 00:03:24,820
Naꞌ biyoll wna Mártanaꞌ kaꞌ, naꞌch ziyajeꞌ zjaṉieꞌ beṉꞌ bileꞌ Maríanaꞌ, naꞌ chiꞌeneꞌ xochizi: ―Ba bid Maestronaꞌ chṉieꞌ liꞌ.

29
00:03:24,820 --> 00:03:29,080
Naꞌ kon ka golleꞌ Maríanaꞌ kaꞌ, lii wzollaꞌtieꞌ jawieꞌ Jesúzaꞌ.

30
00:03:29,080 --> 00:03:33,920
Bilaṉꞌ shoꞌ Jesúzaꞌ yellaꞌ, ni zetieꞌ ganaꞌ jatiḻ Mártanaꞌneꞌ.

31
00:03:33,920 --> 00:03:45,580
Naꞌ beṉꞌ Israelkaꞌ, beṉꞌkaꞌ chonxenlallꞌgakeꞌ Maríanaꞌ lilleꞌnaꞌ, ka bleꞌgakileꞌ wzollee naꞌ zejdoeꞌ, naꞌch zjanogakeꞌneꞌ chakgakileꞌ lljc̱helleꞌ choꞌa bananꞌ.

32
00:03:45,580 --> 00:03:55,180
Naꞌ ka bllin Maríanaꞌ kwit Jesúzaꞌ, lii bc̱hekꞌte xibeꞌnaꞌ laweꞌnaꞌ chiꞌeneꞌ: ―X̱anꞌ, sheḻꞌ zoashoꞌ ni, bi wit beṉꞌ zanꞌnaꞌ, sheḻꞌkaꞌ.

33
00:03:55,180 --> 00:04:02,100
Naꞌ ka bleꞌi Jesúzaꞌ chbell Maríanaꞌ, naꞌ kaꞌkzə beṉꞌkaꞌ zejlengakeꞌneꞌ, naꞌ to dii wal inlleb gokileꞌ.

34
00:04:02,100 --> 00:04:09,360
Naꞌ chiꞌe ḻegakeꞌ: ―¿Gara jakwashꞌleneꞌ? Naꞌch cheꞌgakeꞌneꞌ: ―Shoꞌ lljawiacho ganaꞌ dieꞌ, X̱anꞌ.

35
00:04:09,360 --> 00:04:11,200
Naꞌ wchell Jesúzaꞌ.

36
00:04:11,200 --> 00:04:15,880
Naꞌch cheꞌ ljwell beṉꞌ Israelkaꞌ lleꞌ naꞌ: ―Ḻi wwia ka gokchgaileꞌneꞌ.

37
00:04:15,880 --> 00:04:24,300
Naꞌch baḻeꞌ cheꞌgakeꞌ: ―Beeni beneꞌ ka bleꞌi beṉꞌ lc̱hoḻaꞌ, ¿Aaga zak bisleꞌ Lázaronaꞌ, naꞌ bi witeꞌ sheḻꞌkaꞌ, lla?

38
00:04:24,300 --> 00:04:32,560
Naꞌch Jesúzaꞌ wizakileꞌ dii wal ka bllingakeꞌ choꞌa banaꞌ. Naꞌ banaꞌ nakan to blej, naꞌ chiꞌ to yaj nkwashaꞌn choꞌayinnaꞌ.

39
00:04:32,560 --> 00:04:44,560
Naꞌch cheꞌ Jesúzaꞌ: ―Ḻi yikwas yajaꞌ kaꞌlə. Naꞌ Mártanaꞌ, beṉꞌ zan beṉꞌ wetaꞌ, chiꞌeneꞌ: ―X̱anꞌ, ba chḻaꞌ beenaꞌ zban, ḻaꞌ ba gok tap lla witeꞌ.

40
00:04:44,560 --> 00:04:51,420
Naꞌ cheꞌ Jesúzaꞌneꞌ: ―¿Aaga ba wniaꞌ liꞌ shi shajḻiꞌo, naꞌ ileꞌiloꞌ yeḻꞌ wak choo yeḻꞌ wak xen c̱he Chiozaꞌ?

41
00:04:51,420 --> 00:05:01,460
Naꞌch bikwasgakeꞌ yajaꞌ choꞌa banaꞌ ganaꞌ dieꞌ. Naꞌ bḻis jalao Jesúzaꞌ yabanaꞌ, naꞌ chiꞌe: ―X̱a, chox̱kenoꞌ ba bzenagoꞌ c̱haꞌ.

42
00:05:01,460 --> 00:05:09,200
Ṉezidꞌ toshiizi chzenagoꞌ c̱haꞌ, per chṉiaꞌ liꞌ kwenc̱he shajḻeꞌ beṉꞌki lleꞌ ni nan linꞌ bseḻoo nadꞌ.

43
00:05:09,200 --> 00:05:15,500
Naꞌ ka biyoll wneꞌ kaꞌ, naꞌch wṉieꞌ zillj, chiꞌe: ―¡Lázaro, bichej naꞌ!

44
00:05:15,500 --> 00:05:26,920
Naꞌ lii bichejte Lázaronaꞌ ndob ṉiꞌa neenaꞌ lechꞌkaꞌ, naꞌ choꞌalaweꞌnaꞌ ndoban to lechꞌ. Naꞌch cheꞌ Jesúzaꞌ ḻegakeꞌ: ―Ḻi yizesheꞌ lechaa naꞌ ḻi yisaneꞌ yiyajeꞌ.

45
00:05:26,920 --> 00:05:34,880
Naꞌ zan beṉꞌ Israelkaꞌ, beṉꞌkaꞌ jen Maríanaꞌ txen daa wit beṉꞌ zaneꞌnaꞌ, bleꞌgakileꞌ ka ben Jesúzaꞌ naꞌ benḻilallꞌgakeꞌneꞌ.

46
00:05:34,880 --> 00:05:39,480
Per baḻeꞌ wyaj lao fariseokaꞌ naꞌ jellgakeꞌ ḻegakeꞌ ka ben Jesúzaꞌ.

47
00:05:39,480 --> 00:05:51,300
Naꞌch bx̱ozkaꞌ chṉabiaꞌ naꞌ fariseokaꞌ bitopgakeꞌ yogꞌ beṉꞌkaꞌ chṉabiaꞌ beṉꞌ Israelkaꞌ, naꞌ cheꞌgakeꞌ: ―¿Nakraz ka gonchon, lla? Ḻaꞌ zan yeḻꞌ wak chliꞌ beeni.

48
00:05:51,300 --> 00:06:00,320
Naꞌ shi iṉacho jwayi beenaꞌ, yogꞌz beṉꞌ gonḻilallꞌgakeꞌneꞌ naꞌch yid beṉꞌ Rómakaꞌ naꞌ wlliayiꞌgakeꞌ yoodoꞌ c̱hechoni len yell c̱hechoni.

49
00:06:00,320 --> 00:06:08,160
Naꞌ len to beṉꞌ leꞌ Caifás, nakeꞌ bx̱oz choo bx̱oz xen ka lo yizaꞌ. Naꞌ chiꞌe ḻegakeꞌ: ―Bi ṉezzilen,

50
00:06:08,160 --> 00:06:14,860
ni bi chakbeꞌile wenlan toz beṉꞌ guet ni c̱he beṉꞌ wlall c̱hechokaꞌ, aga ka daa kwiayiꞌ doxen lallchoni.

51
00:06:14,860 --> 00:06:23,920
Naꞌ aga kon ka wnaz Caifázaꞌ kanꞌ, san daa nakeꞌ bx̱oz choo bx̱oz xen lo yizanꞌ, ben Chiozaꞌ ka biꞌe dillꞌ guet Jesúzaꞌ ni c̱he beṉꞌ Israelkaꞌ.

52
00:06:23,920 --> 00:06:33,180
Naꞌ aga ni c̱he toz beṉꞌ Israelkanꞌ guet Jesúzaꞌ, san ḻekzkaꞌ ni c̱he yogꞌ beṉꞌkaꞌ ba wlejeꞌ gakgakeꞌ xiiṉeꞌ doxen yell-lionin, kwenc̱he gakgakeꞌ toz.

53
00:06:33,180 --> 00:06:39,320
Naꞌ daa goll Caifázaꞌ kaꞌ, lo llanaꞌ wzolo bengakeꞌ toz dillꞌ kwenc̱he witgakeꞌ Jesúzaꞌ.

54
00:06:39,320 --> 00:06:53,580
Naꞌ daa wzolo chongakeꞌ kaꞌ, aga wdatekch Jesúzaꞌ ladj beṉꞌ Israelkaꞌ, san wzee wyajeꞌ to yell dii le Efraín, daa llia gaozə latjaꞌ ganaꞌ bibi chashj chḻeb, naꞌ naꞌz wzoeꞌ len beṉꞌkaꞌ nakgakeꞌneꞌ txen.

55
00:06:53,580 --> 00:07:06,200
Naꞌ ba zoa gao gaḻꞌ lṉi Paskw c̱he beṉꞌ Israelkaꞌ, naꞌ beṉꞌ zan beṉꞌ yell yoblə wyajgakeꞌ Jerusalénnaꞌ ka ziꞌ gaḻꞌ lṉinaꞌ kwenc̱he yixi yiyechgakeꞌ ka nllia leyaꞌ biaꞌ.

56
00:07:06,200 --> 00:07:16,240
Naꞌ chdagakeꞌ chiyiljgakeꞌ Jesúzaꞌ, naꞌ shlak lleꞌgakeꞌ leshꞌ chyoodoꞌnaꞌ, chṉabi ljwelleꞌ: ―¿Beraka chakile? ¿Awideꞌ lṉinaꞌ, lla?

57
00:07:16,240 --> 00:07:25,320
Naꞌ bx̱ozkaꞌ chṉabiaꞌ len fariseokaꞌ bengakeꞌ mandad shi no ṉezi ga chda Jesúzaꞌ do naꞌ lljellgakeꞌ ḻegakeꞌ kaꞌ kwenc̱he gox̱ꞌgakeꞌneꞌ.