1
00:00:05,000 --> 00:00:22,280
Naꞌ Saulənꞌ con chdaczeꞌ choꞌe dižəꞌ canꞌ cheneꞌeneꞌ goteꞌ beṉəꞌ caꞌ chsoꞌonḻilažəꞌ X̱ancho Jesocristənꞌ naꞌ chdaczeꞌ cheyilɉlažeꞌe naclə goneꞌ goteꞌ ḻegaꞌaqueꞌ. Naꞌ deꞌe naꞌanəꞌ gwyeɉeꞌ lao beṉəꞌ gwnabiaꞌ c̱he bx̱oz c̱he ṉasyon Izraelənꞌ.

2
00:00:22,280 --> 00:00:45,120
Naꞌ Saulənꞌ gwṉabeneꞌ beṉəꞌ gwnabiaꞌanəꞌ to yiš deꞌe gox̱eꞌe yosoꞌolab beṉəꞌ žaꞌ to to yoꞌodaoꞌ caꞌ nitəꞌ Damasconꞌ naꞌ güeꞌen dižəꞌ əṉan de que napeꞌ yeḻəꞌ gwnabiaꞌ par seneꞌ beṉəꞌ caꞌ bachsoꞌonḻilažəꞌ Jesocristənꞌ naꞌ gwc̱heɉeꞌ ḻegaꞌaqueꞌ par əc̱heꞌe ḻegaꞌaqueꞌ Jerosalenṉəꞌ, ḻaꞌaṉəꞌ beṉəꞌ byo o noꞌolə.

3
00:00:45,120 --> 00:00:55,780
Naꞌ bnežɉueꞌeneꞌ yišənꞌ nach gwloꞌe nezənꞌ naꞌ bazon əžineꞌ Damasconꞌ catəꞌ to de repentzə to beꞌeniꞌ deꞌe zaꞌ yobanꞌ gwyec̱hɉən ḻeꞌ.

4
00:00:55,780 --> 00:01:06,720
Naꞌ bgüix̱eꞌ lao yonꞌ. Naꞌ lao deꞌenəꞌ beneneꞌ cheꞌ to beṉəꞌ ḻeꞌ: ―Saul, ¿bixc̱henꞌ nḻagzeɉə nḻagzidoꞌ nadaꞌ?

5
00:01:06,720 --> 00:01:26,140
Nach Saulənꞌ božiꞌen gožeꞌ: ―¿No leꞌ Señor? Nach beꞌenəꞌ gožeꞌeneꞌ: ―Nadaꞌ Jesoꞌosənꞌ nḻagzeɉə nḻagzidoꞌ. Naꞌ deꞌen chonoꞌ contr nadaꞌ, chone ziꞌ cuinoꞌ canꞌ chac c̱he to goꞌoṉ biaꞌan chlibə lao ya la deꞌen zo lao garrošənꞌ.

6
00:01:26,140 --> 00:01:41,960
Naꞌ do chaž do chžebzeꞌ gožeꞌ: ―X̱anaꞌ Jesoꞌos, ¿binꞌ cheꞌendoꞌ gonaꞌ? Nach X̱anchonꞌ gožeꞌeneꞌ: ―Beyas naꞌ gwyeɉ syoda Damasconꞌ naꞌ to beṉəꞌ əṉeꞌ leꞌ deꞌen cheyaḻəꞌ gonoꞌ.

7
00:01:41,960 --> 00:01:54,240
Naꞌ beṉəꞌ caꞌ žag Saulənꞌ benit bec̱hoḻ goc ḻoꞌo yic̱hɉlaꞌaždaogaꞌaqueꞌenəꞌ deꞌe tant besəꞌəžebeꞌ deꞌen goquənꞌ naꞌ deꞌen gwseꞌeneneꞌ xnenꞌ naꞌ cui no besəꞌəleꞌineꞌ.

8
00:01:54,240 --> 00:02:06,240
Nach beyas Saulənꞌ, pero catəꞌ bex̱a ɉelaogüeꞌenəꞌ con cuich bleꞌineꞌ. Naꞌ beṉəꞌ caꞌ nžagueꞌenəꞌ gwsoꞌox̱eꞌe neꞌenəꞌ gosəꞌəc̱heꞌeneꞌ Damasconꞌ.

9
00:02:06,240 --> 00:02:10,760
Naꞌ šoṉə ža gwzoeꞌ sin cui bleꞌineꞌ naꞌ bito güeꞌeɉ gwdaogüeꞌ.

10
00:02:10,760 --> 00:02:28,640
Naꞌ zo to beṉəꞌ chonḻilažəꞌ X̱ancho Jesocristənꞌ Damasconꞌ beṉəꞌ le Ananias, naꞌ Ananiasənꞌ bleꞌidaogüeꞌeneꞌ X̱anchonꞌ. Naꞌ X̱anchonꞌ gožeꞌeneꞌ: ―Ananias. Naꞌ božiꞌen gožeꞌ: ―Nga zoaꞌ X̱anaꞌ.

11
00:02:28,640 --> 00:02:41,880
Nach X̱anchonꞌ gožeꞌeneꞌ: ―Gwzožaꞌ naꞌ gwyeɉ liž Jodas deꞌen zo lao lqueyənꞌ deꞌen nziꞌ “Deꞌe Ḻicha”, naꞌ ṉaboꞌ to beṉəꞌ le Saul beṉəꞌ Tarso. Bachoneꞌ orasyon.

12
00:02:41,880 --> 00:02:50,040
Naꞌ babenaꞌ par bleꞌidaogüeꞌeneꞌ leꞌ gwyoꞌo yoꞌo ganꞌ zoeꞌenəꞌ naꞌ bx̱oa naꞌonəꞌ ɉelaꞌogüeꞌenəꞌ par nic̱h yeleꞌineꞌ.

13
00:02:50,040 --> 00:03:04,480
Nach Ananiasənꞌ božiꞌen gožeꞌ: ―X̱anaꞌ, babendaꞌ beṉəꞌ zan chsoꞌe xtižəꞌ benga ca naquə deꞌe mal juisyənꞌ babeneꞌ Jerosalenṉəꞌ len beṉəꞌ caꞌ bagwleɉoꞌ par zɉənaqueꞌ lažəꞌ naꞌonəꞌ.

14
00:03:04,480 --> 00:03:14,460
Naꞌ chəsəꞌəneꞌ zeꞌe nga nox̱eꞌe yiš c̱he bx̱oz əblao caꞌ par seneꞌ yoguəꞌəḻoḻ netoꞌ chontoꞌ orasyon choḻgüižtoꞌ leꞌ.

15
00:03:14,460 --> 00:03:30,800
Nach X̱ancho Jesocristənꞌ gožeꞌ Ananiasənꞌ: ―Gwyeɉ, laꞌ bagwleɉaꞌ Saulənꞌ par nic̱h šeɉeꞌ entr beṉəꞌ Izrael caꞌ naꞌ beṉəꞌ caꞌ cui zɉənaquə beṉəꞌ Izrael naꞌ do lao rei par əgwzeɉniꞌineꞌ ḻegaꞌaqueꞌ c̱hiaꞌ nadaꞌ.

16
00:03:30,800 --> 00:03:37,360
Naꞌ gwloꞌidaꞌaneꞌ ca naquə deꞌe yašəꞌ deꞌe ziꞌ deꞌe gaquə c̱heꞌ deꞌen əgwzenagueꞌ c̱hiaꞌ.

17
00:03:37,360 --> 00:03:59,920
Nach Ananiasənꞌ gwyeɉeꞌ ganꞌ zo Saulənꞌ naꞌ gwyoꞌe ḻoꞌo yoꞌonəꞌ naꞌ bx̱oa neꞌenəꞌ ɉelao Saulənꞌ gožeꞌeneꞌ: ―Saul daoꞌ, X̱ancho Jesoꞌosənꞌ benꞌ əbloeꞌ laogüeꞌ leꞌ tnez ganꞌ zaꞌonəꞌ babseḻeꞌe nadaꞌ par zedəlaṉaꞌa leꞌ par nic̱h yeleꞌidoꞌ naꞌ yedəṉabiaꞌ Spirit c̱he Diozənꞌ leꞌ.

18
00:03:59,920 --> 00:04:13,080
Nach ḻeꞌe besyəꞌəyiṉɉte deꞌe caꞌ žaꞌ ɉelaogüeꞌ caꞌ zɉənaquən ca no yid bdiꞌeɉ naꞌ ḻeꞌe beleꞌiteineꞌ. Nach ḻeꞌe gwzožaꞌateꞌ par gwyeɉeꞌ ganꞌ gwchoeꞌ nisənꞌ.

19
00:04:13,080 --> 00:04:22,080
Naꞌ gwdechlə beyaogüeꞌ naꞌ beyaclažeꞌe. Naꞌ begaꞌaṉeꞌ Damasconꞌ yeto c̱hopə ža len beṉəꞌ caꞌ chsoꞌonḻilažəꞌ X̱anchonꞌ.