1
00:00:05,000 --> 00:00:26,020
Nach bosoꞌoxiꞌe yosoꞌoseḻeꞌe netoꞌ Italianꞌ tlao nis. Naꞌ Pabənꞌ len yeto c̱hopə pres caꞌ gwsaꞌaqueꞌ lao naꞌ to capitan beṉəꞌ le Jolio. Naqueꞌ capitan c̱he zan soḻdad c̱he reinꞌ beṉəꞌ zɉənziꞌe “Batallon Augosto”. Naꞌ nadaꞌ Locas zoaꞌ len Pabənꞌ.

2
00:00:26,020 --> 00:00:39,260
Nach gwyoꞌotoꞌ to ḻoꞌo barcw deꞌe zaꞌ Adramitio par əžinən Asia. Naꞌ zaꞌalen Aristarconꞌ netoꞌ. Naqueꞌ beṉəꞌ syoda Tesalonica deꞌen chiꞌ ganꞌ mbane Masedonianꞌ.

3
00:00:39,260 --> 00:00:52,860
Beteyo bžintoꞌ Sidonṉəꞌ naꞌ Jolionꞌ benczeꞌ güen len Pabənꞌ beꞌe latɉə par gwyeɉeꞌ ganꞌ žaꞌ beṉəꞌ migw c̱heꞌ caꞌ par bosoꞌonežɉueꞌeneꞌ bi deꞌen byažɉeneꞌ.

4
00:00:52,860 --> 00:01:07,460
Naꞌ gozsaꞌatoꞌonəꞌ naꞌ zdatoꞌ to lcueꞌeɉ latəꞌ yežlyo deꞌe ngaꞌaṉ ḻoꞌo nisdaꞌonəꞌ deꞌen nziꞌ C̱hipre, c̱hedəꞌ beꞌenəꞌ chec̱hɉən clelə, naꞌ yežlyo naꞌanəꞌ bcueꞌeɉən netoꞌ len beꞌenəꞌ.

5
00:01:07,460 --> 00:01:23,860
Naꞌ beyož gwdetoꞌ lao nisdaoꞌ deꞌen de choꞌi ganꞌ zɉəmbane distrit caꞌ deꞌen zɉənziꞌ Silisia naꞌ Panfilia nach bžintoꞌ syoda ganꞌ nziꞌ Mira deꞌen chiꞌ ganꞌ mbane distrit c̱he Lisia.

6
00:01:23,860 --> 00:01:35,320
Naꞌ naꞌ bžele capitanṉəꞌ to barcw deꞌen zaꞌ syoda Alejandria naꞌ chzaꞌan šeɉən Italianꞌ, naꞌ beneꞌ mendad gwyoꞌotoꞌ ḻoꞌinəꞌ naꞌ lenczə ḻeꞌ.

7
00:01:35,320 --> 00:02:09,500
Nach gwzaꞌatoꞌ zdatoꞌ lao nisənꞌ deꞌe yoblə. Zan ža zdatoꞌ šoꞌolažəꞌ naꞌ do caṉe gwdetoꞌ gaḻəꞌəzə ganꞌ neꞌ Gnido. Naꞌ por ni c̱he canꞌ gwyec̱hɉ beꞌenəꞌ deꞌe naꞌanəꞌ cui beꞌen latɉə šeɉtoꞌ ḻicha naꞌ deꞌe naꞌanəꞌ gwcuaꞌatoꞌ zdatoꞌ to lcueꞌeɉ yelatəꞌ yežlyo deꞌe ngaꞌaṉ ḻoꞌo nisdaꞌonəꞌ deꞌen nziꞌ Creta, part deꞌen zo gaḻəꞌəzə syodanꞌ deꞌen nziꞌ Salmon, laꞌ naꞌ cuitec gwyec̱hɉ beꞌenəꞌ fuert.

8
00:02:09,500 --> 00:02:20,020
Naꞌ zdatoꞌ do caṉe to lcueꞌeɉənꞌ naꞌ bžintoꞌ ganəꞌ nziꞌ Buenos Puertos gaḻəꞌəzə yež deꞌen nziꞌ Lasea.

9
00:02:20,020 --> 00:02:30,900
Naꞌ gocze gwde zan ža zdatoꞌ naꞌ bac̱h chonən zdebə par šeɉəchtoꞌ lao nisənꞌ c̱hedəꞌ bac̱h bžin tyemp catəꞌ chec̱hɉchgua beꞌ zaguənꞌ.

10
00:02:30,900 --> 00:02:49,260
Naꞌ Pabənꞌ gwṉeyoineꞌ beṉəꞌ caꞌ cheꞌe ḻegaꞌaqueꞌ: ―Chgüiaꞌ de que ca naquə biaj nga naquən ḻechguaḻe zdebə naꞌ nxož caguəgazə cuiayiꞌ deꞌen noaꞌ barconꞌ sino lenczə ḻen naꞌ len yeḻəꞌ mban c̱hecho šə šeɉəchcho.

11
00:02:49,260 --> 00:02:59,860
Pero naꞌ capitan c̱he soḻdad caꞌ bzenaguəcheꞌ c̱he benꞌ nsaꞌ barconꞌ naꞌ c̱he x̱an barconꞌ cle ca c̱he deꞌen gož Pabənꞌ ḻegaꞌaqueꞌ.

12
00:02:59,860 --> 00:03:22,700
Naꞌ latɉə ganꞌ zotoꞌ bito naquən par əgwdetoꞌ tyemp zaguənꞌ, naꞌ gwyan beṉəꞌ caꞌ gwsaꞌaqueneꞌ šə gaquə güench saꞌatoꞌ naꞌ əžintoꞌ yež ganꞌ neꞌ Fenise par nic̱h naꞌ zotoꞌ te deꞌe zaguənꞌ. Fenisenꞌ naquən puert c̱he Creta ganꞌ cuitec chec̱hɉ beꞌ deꞌen zaꞌ laꞌalə naꞌ cheꞌelə.

13
00:03:22,700 --> 00:03:28,280
Gwyec̱hɉ to beꞌ gual lao nisdaꞌonəꞌ

14
00:03:28,280 --> 00:03:43,960
Naꞌ gwzolao chec̱hɉ to beꞌ gol deꞌe zaꞌate cheꞌelə, nach beṉəꞌ caꞌ chosoꞌosaꞌ barconꞌ gwsaꞌaqueneꞌ de que guaquə canꞌ chseꞌeneꞌeneꞌ, nach gozsaꞌatoꞌ zdatoꞌ lao nisənꞌ, zdatoꞌ gaḻəꞌəzə Cretanꞌ.

15
00:03:43,960 --> 00:03:53,420
Pero naꞌ caguə gwža catəꞌ zaꞌ to beꞌ gual deꞌe nziꞌ Noreste deꞌe chec̱hɉən contr galənꞌ zda barconꞌ.

16
00:03:53,420 --> 00:04:03,520
Naꞌ bžiguəꞌəx̱ax̱ɉən barconꞌ, caguə bi goquəch gontoꞌ. Naꞌ gwleɉyic̱hɉšazə cuintoꞌ len barconꞌ nžiguəꞌən netoꞌ.

17
00:04:03,520 --> 00:04:21,300
Naꞌ caꞌ zdatoꞌ to lcueꞌeɉ yežlyo daoꞌ deꞌe nziꞌ Clauda deꞌe chiꞌ ḻoꞌo nisdaꞌonəꞌ ganꞌ cuitec gwyec̱hɉ beꞌenəꞌ. Naꞌ barcw chaꞌo ganꞌ yoꞌotoꞌonəꞌ nxobən to barcw daoꞌ, naꞌ caṉe goc becuetoꞌon ḻoꞌi deꞌe chaꞌonəꞌ.

18
00:04:21,300 --> 00:04:44,160
Naꞌ ca beyož becuetoꞌ barcw daꞌonəꞌ ḻoꞌi deꞌe chaꞌonəꞌ, naꞌ bc̱heɉtoꞌ barconꞌ ryat par gwloꞌotoꞌ fuers c̱hei. Naꞌ laogüe deꞌe bžebtoꞌ gaguəꞌətoꞌ ganꞌ naquə yox, bletɉtoꞌ lachəꞌ deꞌen chon par nic̱h chzaꞌ barconꞌ nic̱h cuich bžiguəꞌətec beꞌenəꞌ ḻen. Naꞌ zdatoꞌ lao nisənꞌ con canꞌ gwyeɉ barconꞌ.

19
00:04:44,160 --> 00:04:58,580
Pero naꞌ bžaglaochguatoꞌ c̱hedəꞌ gwyec̱hɉchgua to beꞌ gual juisy nach beteyo bosoꞌošaššazeꞌ yoaꞌ caꞌ nsaꞌanṉəꞌ bosoꞌozaḻeꞌen ḻoꞌo nisənꞌ.

20
00:04:58,580 --> 00:05:06,220
Naꞌ ža gwyoṉ žeinəꞌ goclengaꞌactoꞌoneꞌ besšazətoꞌ šinḻaz barconꞌ.

21
00:05:06,220 --> 00:05:17,900
Naꞌ zan ža bito boloꞌe lao bgüižənꞌ naꞌ šeꞌelənꞌ ni que zɉənḻaꞌazə belɉw caꞌ. Naꞌ deꞌe tant gwyec̱hɉchgua beꞌenəꞌ xte bitoch gwzotoꞌ lez yelatoꞌ.

22
00:05:17,900 --> 00:05:38,020
Naꞌ goquənꞌ bac̱h gwža cui chaotoꞌ, nach Pabənꞌ gwzožeꞌe ladɉo beṉəꞌ caꞌ naꞌ gwneꞌ: ―Leꞌe beṉəꞌ, žaləꞌ əbzenagle c̱hiaꞌ catəꞌən gwniaꞌ cui saꞌacho Cretanꞌ bito chac c̱hecho quinga žaləꞌ caꞌ naꞌ bito gwžiayiꞌ šinḻazchonꞌ.

23
00:05:38,020 --> 00:05:47,980
Pero naꞌ chniaꞌ leꞌe ḻeꞌe yebei c̱hedəꞌ ni to leꞌe cui cuiayiꞌ yeḻəꞌ mban c̱helenꞌ, lete barcw nga cuiayiꞌin.

24
00:05:47,980 --> 00:05:58,300
Naꞌ ca naquə choꞌelaoguaꞌa Diozənꞌ naꞌ baben cuinaꞌ lažəꞌ neꞌenəꞌ, deꞌe naꞌanəꞌ babloꞌe lao angl c̱heꞌenəꞌ nadaꞌ ṉežeꞌ, naꞌ anglənꞌ gwneꞌ nadaꞌ:

25
00:05:58,300 --> 00:06:11,140
“Bito žeboꞌ Pab. Syempr cheyaḻəꞌəczə tioꞌ lao Rei Sesarənꞌ, naꞌ əchniaꞌ leꞌ de que Dioz naꞌanəꞌ goneꞌ par nic̱h ni to beṉəꞌ caꞌ zaꞌac len leꞌ cui saꞌat.”

26
00:06:11,140 --> 00:06:17,900
Ṉaꞌa ža, ḻeꞌe yebei, c̱hedəꞌ ṉezdaꞌ de que Diozənꞌ goneꞌ par nic̱h gaquə canꞌ bagwna anglənꞌ nadaꞌ.

27
00:06:17,900 --> 00:06:24,340
Pero biaꞌaczə yechoꞌoṉən chioꞌo yo biž deꞌe ngaꞌaṉ latəꞌ ḻoꞌo nisənꞌ.

28
00:06:24,340 --> 00:06:39,220
Naꞌ žeꞌ goc ždaꞌobiž zdatoꞌ nilə naꞌaḻə lao nisdaꞌo deꞌenəꞌ nziꞌ Adria. Naꞌ ca do chel beṉəꞌ caꞌ zɉənsaꞌ barconꞌ gwsaꞌacbeꞌineꞌ de que bac̱h zdatoꞌ serczə to yo biž.

29
00:06:39,220 --> 00:07:01,360
Nach bosoꞌoletɉeꞌ to plom ḻoꞌo nisənꞌ par bosoꞌochix̱eꞌ ca do ɉaꞌaquəꞌətəꞌ zitɉw naquə nisənꞌ, naꞌ beyož bosoꞌochix̱eꞌenṉəꞌ goquən šiꞌintochoa metr. Nach gosəꞌəzdieꞌ yelatəꞌ naꞌ bosəꞌəzchix̱eꞌen deꞌe yoblə naꞌ ca orənꞌ goquən gažəchoa metr.

30
00:07:01,360 --> 00:07:15,720
Naꞌ besəꞌəžebeꞌ žɉtiꞌi barconꞌ yeɉ ḻoꞌo nisənꞌ nach bosoꞌoletɉeꞌ tap ya xen deꞌen neꞌ ancla, bosoꞌoc̱heɉeꞌen zda xniꞌalei par gwsoꞌox̱əꞌən barconꞌ naꞌ bazɉəzelažeꞌe šeꞌeniꞌ.

31
00:07:15,720 --> 00:07:32,240
Nach beṉəꞌ caꞌ zɉənsaꞌ barconꞌ gwsaꞌaclažeꞌe yesyəꞌəxoṉɉeꞌ naꞌ bosoꞌoletɉeꞌ barcw daꞌonəꞌ con chosəꞌədeꞌitezeneꞌ yosoꞌoletɉeꞌ ancla caꞌ deꞌen yosoꞌocueꞌ laolei.

32
00:07:32,240 --> 00:07:42,300
Nach Pabənꞌ gožeꞌ capitanṉəꞌ naꞌ len soḻdad caꞌ: ―Šə beṉəꞌ quinga cuich ṉiteꞌe ḻoꞌi nga, ni tocho cui yelacho.

33
00:07:42,300 --> 00:07:48,800
Nach soḻdad caꞌ gosəꞌəc̱hogueꞌ donꞌ zɉəncaꞌa barcw daꞌonəꞌ naꞌ bosoꞌosaneꞌen.

34
00:07:48,800 --> 00:08:02,140
Nach do šbaḻ Pabənꞌ gwzolao gwṉeyoineꞌ beṉəꞌ caꞌ de que cheyaḻəꞌ saꞌogüeꞌ, cheꞌe ḻegaꞌaqueꞌ: ―Ṉaꞌa chac ždaꞌobiž zole cui chtasle naꞌ cui chaole.

35
00:08:02,140 --> 00:08:11,700
Ṉaꞌa ža, chatəꞌəyoišgueidaꞌ leꞌe ḻeꞌe gao par nic̱h sole binḻo, laꞌ deꞌe ḻi ni tole cui cuiayiꞌile.

36
00:08:11,700 --> 00:08:24,660
Naꞌ beyož gwneꞌ caꞌ bex̱eꞌe to yetxtilənꞌ naꞌ beꞌe yeḻəꞌ chox̱cwlen c̱he Diozənꞌ lao yoguəꞌəḻoḻ netoꞌ žaꞌatoꞌ ḻoꞌo barconꞌ nach gwxiꞌe to pedasən gwzolaogüeꞌ chaogüeꞌen.

37
00:08:24,660 --> 00:08:28,860
Nach yoguəꞌəḻoḻtoꞌ bebeichetoꞌ naꞌ ḻeczə gwdaotoꞌ.

38
00:08:28,860 --> 00:08:34,860
C̱hopə gueyoa gyonšiꞌintotoꞌonəꞌ žaꞌatoꞌ ḻoꞌo barconꞌ.

39
00:08:34,860 --> 00:08:46,220
Naꞌ gwde gwdaotoꞌ con ca belɉetoꞌ naꞌ ca naquə trigonꞌ deꞌe ṉeꞌe zɉənseꞌe, gwsoꞌoseꞌen ḻoꞌo nisənꞌ nic̱h barconꞌ cuich goctequən ziꞌi.

40
00:08:46,220 --> 00:08:51,720
Goxɉ barconꞌ

41
00:08:51,720 --> 00:09:11,400
Naꞌ catəꞌ gwyeꞌeniꞌ bito zɉənombiꞌe yežlyonꞌ ganꞌ besəꞌəžineꞌ pero naꞌ chosoꞌogüieꞌ de to latɉə ga žia nisənꞌ žizə naꞌ bade to lašəꞌ deꞌe naquə porzə yox. Nach gwsaꞌaqueꞌ tozə par nic̱h žɉəc̱heꞌ barconꞌ lašəꞌ lao yoxənꞌ.

42
00:09:11,400 --> 00:09:31,080
Nach gosəꞌəc̱hogueꞌ do c̱he ancla caꞌ naꞌ gosəꞌəbeɉyic̱hɉgaꞌaqueꞌen ḻoꞌo nisənꞌ. Nach bosoꞌosežeꞌ do deꞌen bosoꞌoc̱heɉeꞌ yag deꞌen chsaꞌ barconꞌ ḻicha naꞌ bosoꞌoḻiseꞌ lachəꞌ deꞌen zo yic̱hɉenꞌ par bžiguəꞌ beꞌenəꞌ ḻen, nach əzɉaꞌaqueꞌ choꞌa nisənꞌ.

43
00:09:31,080 --> 00:09:45,860
Pero naꞌ ɉəsəꞌədiꞌe ga chediḻ nisdaꞌonəꞌ len to deꞌe yoblə, naꞌ ɉšoꞌo laogüenꞌ ḻoꞌo yoxənꞌ naꞌ caguə goquəch tan. Naꞌ nisənꞌ gwzolao bzoxɉən xniꞌeinəꞌ deꞌe tant fuers nsaꞌan.

44
00:09:45,860 --> 00:09:56,500
Nach gwsaꞌaclažəꞌ soḻdad caꞌ soꞌoteꞌ pres caꞌ nic̱h ni toeꞌ cui yesyəꞌəxoeꞌ lao nisənꞌ naꞌ yosyoꞌoxoṉɉeꞌ.

45
00:09:56,500 --> 00:10:16,260
Pero naꞌ capitanṉəꞌ goneꞌeneꞌ yosleꞌ Pabənꞌ naꞌ bžoneꞌ ca naquənꞌ bachsaꞌaclažəꞌ soḻdad caꞌ soꞌoneꞌ, nach beneꞌ mendad len pres caꞌ šə noeꞌ chac chxoa lao nisənꞌ, guaquə ḻegaꞌactequeꞌ yesyəꞌəxiteꞌe lao nisənꞌ naꞌ yesyəꞌəchoɉeꞌ yo biž.

46
00:10:16,260 --> 00:10:33,320
Naꞌ beneꞌ mendad de que beṉəꞌ caꞌ cui chac yesəꞌəxoa lao nisənꞌ yosoꞌoc̱hineꞌ no yaglaꞌ o bichlə šinḻaz barconꞌ par yesyəꞌəxoeꞌ lao nisənꞌ. Caꞌ gwsoꞌoneꞌ naꞌ yogueꞌe besəꞌəžineꞌ binḻo yo bižənꞌ.

47
00:10:33,320 --> 00:10:45,220
Naꞌ catəꞌ beyož bžin yoguəꞌətoꞌ yo bižənꞌ gwṉezetoꞌ de que latɉənəꞌ nziꞌin Malta naꞌ naquən to yežlyo deꞌen ngaꞌaṉ latəꞌ ḻoꞌo nisənꞌ.

48
00:10:45,220 --> 00:10:58,300
Naꞌ beṉəꞌ caꞌ žaꞌanəꞌ mbachgua gwsoꞌelaogüeꞌe netoꞌ, bosoꞌoxeneꞌ to yiꞌ xen naꞌ gwsaꞌaxeꞌ yoguəꞌəḻoḻtoꞌ ganꞌ niteꞌenəꞌ c̱hedəꞌ bagwzolao yeɉonꞌ naꞌ chacchgua zag.

49
00:10:58,300 --> 00:11:10,780
Nach Pabənꞌ btobeꞌ x̱oṉɉ xis naꞌ lao chcueꞌen lao yiꞌinəꞌ bechoɉczlə to beḻ bia benen ḻoꞌinəꞌ naꞌ gwdiꞌiṉəb neꞌenəꞌ xte goḻəꞌəditəb.

50
00:11:10,780 --> 00:11:26,840
Naꞌ chosoꞌogüia beṉəꞌ caꞌ naḻəꞌədit beḻənꞌ naꞌ Pabənꞌ, nach gwseꞌe lɉuežɉeꞌ: ―Deꞌe ḻi benga naqueꞌ beṉəꞌ güet beṉəꞌ. Bac̱h beleꞌ lao nisənꞌ pero naꞌ Diozənꞌ bito choꞌe latɉə əbaneꞌ.

51
00:11:26,840 --> 00:11:32,040
Nach bseꞌesəꞌ neꞌenəꞌ lao yiꞌinəꞌ nic̱h bexopə beḻənꞌ naꞌ bito bi goqueneꞌ.

52
00:11:32,040 --> 00:11:53,200
Nach beṉəꞌ caꞌ bac̱h chəsəꞌəbezeꞌ bat solao gatəꞌ Pabənꞌ yi o əbix̱əcleꞌ to de repentzə gateꞌ. Naꞌ caꞌ gosəꞌəbezeꞌ sša naꞌ chosoꞌogüieꞌ bito bi bi chaqueneꞌ nach gwsoꞌoneꞌ xbab yoblə chəsəꞌəneꞌ de que naqueꞌ to beṉəꞌ cheyaḻəꞌ šeɉṉiꞌalažəꞌəcho.

53
00:11:53,200 --> 00:12:05,500
Beṉəꞌ blao c̱he doxen Maltanꞌ leꞌ Poblio naꞌ de bien c̱heꞌ gaḻəꞌəzə, naꞌ mbachgua beꞌelaogüeꞌe netoꞌ naꞌ gwzotoꞌ šoṉə ža len ḻeꞌ.

54
00:12:05,500 --> 00:12:22,660
Naꞌ goquənꞌ x̱a Poblionꞌ deꞌ cam chacšeneneꞌ yoꞌe deꞌe ḻa naꞌ cheꞌineꞌ yiž chen. Nach Pabənꞌ gwyoꞌe ganꞌ deꞌenəꞌ naꞌ beyož beneꞌ orasyon gwx̱oa neꞌenəꞌ yic̱hɉ beṉəꞌ güeꞌenəꞌ naꞌ beyoneꞌ ḻeꞌ.

55
00:12:22,660 --> 00:12:32,000
Beyož beneꞌ caꞌ yeziquəꞌəchlə beṉəꞌ caꞌ žaꞌ latɉənꞌ beṉəꞌ chsaꞌacšene ḻeczə bdaꞌaqueꞌ naꞌ beyoneꞌ ḻegaꞌaqueꞌ.

56
00:12:32,000 --> 00:12:43,720
Naꞌ beṉəꞌ caꞌ deꞌe zan deꞌe gwsoꞌoṉeꞌ c̱hetoꞌ. Naꞌ catəꞌ bžin ža bezaꞌatoꞌ, bosyoꞌožeꞌe ḻoꞌo barconꞌ yoguəꞌ deꞌe caꞌ chyažɉetoꞌ.