1
00:00:05,000 --> 00:00:14,840
Goc x̱op bioꞌ noaꞌ C̱habetənꞌ bdaꞌonəꞌ, Diozənꞌ bozseḻeꞌe anglənꞌ benꞌ le Gabryel, gwyeɉeꞌ to syoda deꞌen nziꞌ Nasaret ganꞌ mbane Galileanꞌ.

2
00:00:14,840 --> 00:00:29,840
Bseḻeꞌeneꞌ ganꞌ zo to noꞌol güegoꞌ leꞌ Maria. Naꞌ Marianꞌ ṉeꞌe naplažəꞌəchgua cuineꞌ. Naꞌ to beṉəꞌ le Jwse bac̱h naquən gwšagnaꞌaleneꞌ par gaqueꞌ xoꞌoleꞌ. Naꞌ Jwsenꞌ naqueꞌ dia c̱he deꞌe Rei Dabinꞌ.

3
00:00:29,840 --> 00:00:43,040
Naꞌ bžin anglənꞌ gwyoꞌe ganꞌ zo Marianꞌ naꞌ gožeꞌeneꞌ: ―Dioxei. X̱ancho Diozənꞌ nžiꞌilažeꞌe leꞌ naꞌ zoeꞌ len leꞌ. Naꞌ goneꞌ par nic̱h sochoꞌ mbalaz ca yoguəꞌəḻoḻ noꞌol caꞌ yeḻaꞌ.

4
00:00:43,040 --> 00:00:54,740
Catəꞌ bleꞌi Marianꞌ anglənꞌ, benit bec̱hoḻ goc ḻoꞌo yic̱hɉlaꞌaždaogüeꞌenəꞌ por ni c̱he dižəꞌ deꞌen gožeꞌ ḻeꞌ. Naꞌ beneꞌ xbab bi zeɉen deꞌen bguapeꞌ ḻeꞌ dioxənꞌ caꞌ.

5
00:00:54,740 --> 00:00:59,940
Nach anglənꞌ gožeꞌeneꞌ: ―Bito žeboꞌ Maria. Diozənꞌ nžiꞌilažeꞌe leꞌ.

6
00:00:59,940 --> 00:01:06,040
Naꞌ leꞌ guaꞌ xiꞌiṉoꞌ, to biꞌi byo daoꞌ, naꞌ sanoꞌoboꞌ, naꞌ əgwsiꞌo laboꞌ Jesoꞌos.

7
00:01:06,040 --> 00:01:21,540
Naꞌ Jesoꞌosənꞌ gaqueꞌ to beṉəꞌ blao naꞌ beṉac̱hənꞌ yesəꞌəsiꞌeneꞌ Xiꞌiṉ Dioz, Dioz benꞌ naquə ḻeꞌezelaogüe beṉəꞌ blao. Naꞌ X̱ancho Diozənꞌ goneꞌ par nic̱h ṉabiꞌe ṉasyon Izraelənꞌ canꞌ gwnabiaꞌ deꞌe x̱axtaꞌogüeꞌe Rei Dabinꞌ.

8
00:01:21,540 --> 00:01:27,840
Naꞌ ḻeꞌ ṉabiꞌe ṉasyon Izraelənꞌ zeɉḻicaṉe. Naꞌ cuat te yeḻəꞌ gwnabiaꞌ c̱heꞌenəꞌ.

9
00:01:27,840 --> 00:01:36,340
Nach gož Marianꞌ anglənꞌ: ―¿Nacxa gaquə sanaꞌ bdaoꞌ? laꞌ bitoṉəꞌ žagaꞌ ndaꞌ beṉəꞌ byo.

10
00:01:36,340 --> 00:01:52,360
Nach gož anglənꞌ ḻeꞌ: ―Spirit c̱he Diozənꞌ yidən ganꞌ zoꞌonəꞌ, naꞌ yeḻəꞌ guac c̱he Diozənꞌ son len leꞌ, Dioz benꞌ naquə ḻeꞌezelaogüe beṉəꞌ blao. Deꞌe naꞌanəꞌ biꞌi laꞌaždaoꞌ xiꞌilažəꞌən galɉənəꞌ, yosoꞌosiꞌeboꞌ Xiꞌiṉ Dioz.

11
00:01:52,360 --> 00:02:06,360
Naꞌ beṉəꞌ xnaꞌo C̱habetənꞌ ḻeczə bac̱h bgüendaꞌoboꞌ ḻoꞌo ḻeꞌenəꞌ ḻaꞌaṉəꞌəczə banaqueꞌ beṉəꞌ golə. Bagoc x̱op bioꞌ noꞌe to biꞌi byo daoꞌ, len laꞌ gosəꞌəneꞌ c̱heꞌ de que noꞌolə güižənꞌ.

12
00:02:06,360 --> 00:02:10,660
Bito bi bi de deꞌe əṉacho cui chac gon Diozənꞌ.

13
00:02:10,660 --> 00:02:19,660
Nach gož Marianꞌ anglənꞌ: ―Nga zoaꞌ nacaꞌ xmoseꞌ, gaquə c̱hiaꞌ con bi na X̱anaꞌan. Nach bezaꞌ anglənꞌ ganꞌ zo Marianꞌ.