1
00:00:05,000 --> 00:00:44,180
Naꞌ goquənꞌ to ža zo Jesoꞌosənꞌ ḻoꞌo yoꞌo ganꞌ zoeꞌenəꞌ chsed chloꞌineꞌ beṉəꞌ. Naꞌ gaḻəꞌəzə zɉəchiꞌ to c̱hopə beṉəꞌ Izrael beṉəꞌ caꞌ babesəꞌəchoɉ zɉənziꞌ fariseo por ni c̱he canꞌ chosoꞌosed chosoꞌoloꞌineꞌ. Naꞌ yebaḻə beṉəꞌ chosoꞌosed chosoꞌoloꞌi ḻei deꞌen bzoɉ deꞌe Moisezənꞌ zɉəleneꞌ ḻegaꞌaqueꞌ. Beṉəꞌ caꞌ žaꞌ naꞌ zaꞌaqueꞌ yoguəꞌəḻoḻ yež ganꞌ mbane Galileanꞌ len Jodeanꞌ, naꞌ ḻeczə baḻeꞌ zaꞌaqueꞌ syoda Jerosalenṉəꞌ. Naꞌ bosoꞌozenagueꞌ dižəꞌ deꞌen beꞌ Jesoꞌosənꞌ. Naꞌ yeḻəꞌ guac c̱he X̱ancho Diozənꞌ gwzon len Jesoꞌosənꞌ par beyoneꞌ beṉəꞌ güeꞌ caꞌ.

2
00:00:44,180 --> 00:00:57,080
Naꞌ besəꞌəžin x̱oṉɉ beṉəꞌ zɉənḻeneꞌ to beṉəꞌ nat to part cuerp c̱heꞌenəꞌ, zɉənx̱oeꞌeneꞌ to lao cam daoꞌ. Naꞌ gwsaꞌaclažeꞌe yesəꞌədieꞌ naꞌ əžɉsoꞌeneꞌ lao Jesoꞌosənꞌ.

3
00:00:57,080 --> 00:01:16,100
Naꞌ tant beṉəꞌ zan žaꞌ caguə goquə yesəꞌəžinḻeneꞌ beṉəꞌ güeꞌenəꞌ ganꞌ zo Jesoꞌosənꞌ. Naꞌ beṉəꞌ caꞌ gwseꞌepeꞌ yic̱hɉoꞌolə par bosoꞌosalɉueꞌ naꞌ bosoꞌoletɉeꞌeneꞌ len xcameꞌenəꞌ nic̱h bžineꞌ lao Jesoꞌosənꞌ gwchoḻ beṉəꞌ zan caꞌ.

4
00:01:16,100 --> 00:01:26,360
Ca naquə gocbeꞌi Jesoꞌosənꞌ de que gwsoꞌonḻilažeꞌeneꞌ, gožeꞌ beṉəꞌ güeꞌenəꞌ: ―Babeziꞌixenaꞌ xtoḻoꞌonəꞌ.

5
00:01:26,360 --> 00:01:44,440
Naꞌ beṉəꞌ caꞌ chosoꞌosed chosoꞌoloꞌi ḻei deꞌen bzoɉ deꞌe Moisezənꞌ naꞌ beṉəꞌ fariseo caꞌ gwzolao chsoꞌoneꞌ xbab: “Benga chžia chniteꞌe Diozənꞌ deꞌen chon cuineꞌ ca Dioz. Notono no gaquə yeziꞌixen xtoḻəꞌ beṉac̱hənꞌ šə caguə tozə Diozənꞌ.”

6
00:01:44,440 --> 00:01:53,680
Jesoꞌosənꞌ gocbeꞌineꞌ xbabənꞌ deꞌen gwsoꞌoneꞌenəꞌ nach gožeꞌ ḻegaꞌaqueꞌ: ―¿Bixc̱henꞌ chonḻe xbabənꞌ caꞌ ḻoꞌo yic̱hɉlaꞌaždaꞌolenəꞌ?

7
00:01:53,680 --> 00:02:10,340
Šə con yapaꞌaneꞌ de que babeziꞌixenaꞌ xtoḻeꞌenəꞌ, bito ṉezele šə napaꞌ yeḻəꞌ gwnabiaꞌ par yeziꞌixenaꞌan. Pero šə yapaꞌaneꞌ: “Gwyas naꞌ gwda”, guatəꞌəbiaꞌ šə napaꞌ yeḻəꞌ gwnabiaꞌanəꞌ par gaquə canꞌ niaꞌanəꞌ.

8
00:02:10,340 --> 00:02:29,700
Deꞌe nga gonaꞌ par nic̱h əṉezele de que napaꞌ yeḻəꞌ gwnabiaꞌ lao yežlyo nga par yeziꞌixenaꞌ xtoḻəꞌ beṉac̱hənꞌ, nadanꞌ nacaꞌ benꞌ bseḻəꞌ Diozənꞌ golɉaꞌ beṉac̱h. Nach gožeꞌ beṉəꞌ güeꞌenəꞌ: ―Gwyas, beyoaꞌ xcamoꞌonəꞌ naꞌ beyeɉ ližoꞌonəꞌ to šaoꞌ to güen.

9
00:02:29,700 --> 00:02:41,020
Naꞌ ḻeꞌe gwyasseste beꞌenəꞌ, chosəꞌəgüiateꞌ beṉəꞌ caꞌ nitəꞌənəꞌ. Nach beyoaꞌ xcameꞌenəꞌ ganꞌ xoeꞌenəꞌ bezeꞌe zɉəyedeꞌ ližeꞌ choꞌelaogüeꞌe Diozənꞌ.

10
00:02:41,020 --> 00:02:52,320
Naꞌ yoguəꞌəḻoḻ beṉəꞌ caꞌ žaꞌanəꞌ besyəꞌəbaneneꞌ naꞌ gwsoꞌelaogüeꞌe Diozənꞌ. Naꞌ do chžebgaꞌaqueꞌ gosəꞌəneꞌ: ―Ṉaꞌa bableꞌicho to deꞌe zaquəꞌ yebanecho.