1
00:00:05,000 --> 00:00:12,960
Naꞌ gwzoa to beṉeꞌ fariseo beṉeꞌ leꞌ Nicodemo. Goqueꞌ to beṉeꞌ gwnabiaꞌ c̱he nación Israel c̱hetonꞌ.

2
00:00:12,960 --> 00:00:27,440
Gwyejeꞌ lao Jesúsenꞌ šežeꞌle naꞌ gožeꞌneꞌ: ―Maestrw, ṉezetoꞌ Diosenꞌ gwseḻeꞌ leꞌ cont chzejniꞌidoꞌ netoꞌ, ḻe nono gac gon yeḻaꞌ guac caꞌ danꞌ chononꞌ še bi zoa Diosenꞌ len ḻeꞌ.

3
00:00:27,440 --> 00:00:36,560
Naꞌ gož Jesúsenꞌ ḻeꞌ: ―Daꞌ ḻi chniaꞌ leꞌ, še nonꞌ bi galje yeto bi gac šjayzoeꞌ ganꞌ zoa Diosenꞌ chnabiꞌe.

4
00:00:36,560 --> 00:00:46,520
Nach gož Nicodemonꞌ ḻeꞌ: ―¿Nac gon to beṉeꞌ galjeꞌ šeꞌ ba naqueꞌ beṉeꞌ gole? ¿Guaquech yeyoꞌe ḻoꞌ ḻeꞌe xṉeꞌenꞌ cont galjeꞌ yeto?

5
00:00:46,520 --> 00:00:58,860
Naꞌ Jesúsenꞌ gozneꞌ: ―Chniaꞌ leꞌe to daꞌ zejen, še nonꞌ bi galjeꞌ len nis naꞌ len Spiritw c̱he Diosenꞌ, bi gac šjayzoeꞌ ganꞌ zoa Diosenꞌ chnabiꞌe.

6
00:00:58,860 --> 00:01:15,080
Beṉeꞌ zjanaqueꞌ belaꞌ chen chesenitaꞌ xiꞌiṉgaqueꞌ ḻecze biꞌ belaꞌ chen. Naꞌ Spiritw c̱he Diosenꞌ chnežjon yeḻaꞌ mban toḻi tocaṉe c̱he beṉeꞌ chesejnilažeꞌ Diosenꞌ. Daꞌnanꞌ žacho chesaljeꞌ yeto.

7
00:01:15,080 --> 00:01:20,200
Bi yebandoꞌ danꞌ gwniaꞌ chonen byen yogoꞌ beṉeꞌ galjeꞌ yeto.

8
00:01:20,200 --> 00:01:43,400
Cateꞌ chec̱hj beꞌ chec̱hjen gateꞌteze, naꞌ chendoꞌ choḻyoyen perw bi ṉezdoꞌ ga zanꞌ naꞌ ṉeca ṉezdoꞌ ga šejen. Caꞌczenꞌ naquen len yogoꞌ beṉeꞌ chon Spiritw c̱he Diosenꞌ cont chesaljeꞌ daꞌ yoble. Bi chleꞌecho daꞌ chon Spiritonꞌ perw nacbiaꞌ ba bocoben yic̱hjlaždaꞌogaqueꞌ.

9
00:01:43,400 --> 00:01:47,880
Nach Nicodemonꞌ gožeꞌneꞌ: ―¿Nacxe gac canꞌ žoꞌ nga?

10
00:01:47,880 --> 00:01:55,960
Naꞌ gož Jesúsenꞌ ḻeꞌ: ―Leꞌ chsed chloꞌedoꞌ beṉeꞌ Israel gualaž c̱hechonꞌ xtižaꞌ Diosenꞌ, ¿bi chejniꞌidoꞌ daꞌ quinga?

11
00:01:55,960 --> 00:02:03,300
Daꞌ ḻi netoꞌ chyix̱jueꞌetoꞌ daꞌ ṉezetoꞌ naꞌ choeꞌtoꞌ dižaꞌ c̱he daꞌ ba bleꞌetoꞌ naꞌ bi chejḻeꞌle.

12
00:02:03,300 --> 00:02:11,660
Ba biaꞌ dižaꞌ c̱he danꞌ chac yežlio nga naꞌ bi chejḻeꞌele. ¿Nac gac šejḻeꞌle še ṉiaꞌ leꞌe daꞌ chac yabanꞌ?

13
00:02:11,660 --> 00:02:22,280
’Toze nedaꞌ nacaꞌ benꞌ gwseḻaꞌ Diosenꞌ goljaꞌ beṉac̱h zaꞌa yaba naꞌ noch no zoa no ba beyep yaba cont ṉezdeꞌ c̱he Diosenꞌ.

14
00:02:22,280 --> 00:02:36,460
Naꞌ canꞌ goc latje daš caniꞌ cateꞌ gwḻis daꞌ Moisésenꞌ beḻ de bronce bdeꞌebaꞌ to ḻeꞌe yag, canꞌ cheyaḻaꞌ gac yeseḻiseꞌ nedaꞌ to ḻeꞌe yag, nedaꞌ gwseḻaꞌ Diosenꞌ goljaꞌ beṉac̱h.

15
00:02:36,460 --> 00:02:46,120
Naꞌ gac c̱hiaꞌ caꞌ cont noteꞌteze beṉeꞌ yesejnilažeꞌ nedaꞌ bi cuiayeꞌe san gataꞌ yeḻaꞌ mban c̱heꞌ toḻi tocaṉe.

16
00:02:46,120 --> 00:02:57,940
’Ḻeca chaque Diosenꞌ chioꞌ beṉac̱h, naꞌ gwseḻaꞌ Xiꞌiṉeꞌ beṉeꞌ tlišaꞌ cont noteꞌtez beṉeꞌ chejnilažeꞌneꞌ bi cuiayeꞌe, san gataꞌ yeḻaꞌ mban c̱heꞌ toḻi tocaṉe.

17
00:02:57,940 --> 00:03:08,920
Naꞌ Diosenꞌ gwseḻeꞌ Xiꞌiṉenꞌ yežlio nga gague cont gwnežjueꞌ castigw c̱he xtoḻaꞌ beṉac̱henꞌ, san cont gwnežjueꞌ yeḻaꞌ mban c̱hegaqueꞌ toḻi tocaṉe.

18
00:03:08,920 --> 00:03:28,200
’Noteꞌtez beṉeꞌ chesejnilažeꞌ Xiꞌiṉ Diosenꞌ beṉeꞌ tlišanꞌ, bi yeseziꞌe castigw c̱he xtoḻaꞌgaquenꞌ, perw beṉeꞌ bi chesejnilažeꞌneꞌ ba nchoglaon c̱hegaqueꞌ yesezacaꞌziꞌe toḻi tocaṉe daꞌ bi chesejnilažeꞌ Xiꞌiṉ Dios beṉeꞌ tlišanꞌ.

19
00:03:28,200 --> 00:03:51,360
Naꞌ canꞌ naquen, beṉeꞌ bi chesejnilažeꞌ Xiꞌiṉ Diosenꞌ ba nchoglaon c̱hegaqueꞌ yesezacaꞌziꞌe toḻi tocaṉe. Nchoglaon yesezacaziꞌe, ḻe ba bid Xiꞌiṉ Diosenꞌ nseꞌe beꞌniꞌ c̱he yic̱hjlaždaoꞌ beṉac̱henꞌ perw naꞌ chesyebechdeꞌ danꞌ nac c̱hoḻ clel ca beꞌniꞌ c̱henꞌ, danꞌ chesoneꞌ daꞌ malenꞌ.

20
00:03:51,360 --> 00:04:01,340
Yogoꞌ beṉeꞌ cheson daꞌ mal chesegueꞌedeꞌ beꞌniꞌ c̱henꞌ naꞌ bi chesazlažeꞌ yosozenagueꞌ c̱heꞌ cont bi gwloꞌelaon še chesoneꞌ daꞌ mal.

21
00:04:01,340 --> 00:04:16,340
San noteꞌtez beṉeꞌ cheson canꞌ ža dižaꞌ ḻi c̱he Diosenꞌ, chesyebedeꞌ chosozenagueꞌ c̱he Cristonꞌ, ḻe chloꞌen zoacze Diosenꞌ chacleneꞌ ḻegaqueꞌ cont chesoneꞌ canꞌ ža dižaꞌ ḻi c̱henꞌ.