1
00:00:05,000 --> 00:00:36,180
Bokla or uyu ndal minn c̲h̲uꞌnnbey Israel, minn xla minn Israel lo minn xlëꞌ c̲h̲an, or knu uyu tib ubindoꞌ idib Israel. Ga Israel nax tib giedz nak Belén guꞌn nax xtën Judá, ga dzekna uyu tib mgiy lë Elimelec gana lëꞌ xiwnaꞌ lë Noemí, lëꞌ x̱in minn knu lë Majlón lëꞌ stib minndoꞌ lë Quelión. Iza minn knu nak minn lidz Efrata, ñana lo xka uyu ubindoꞌ lëꞌ iza minn knu uc̲h̲aꞌ sia udzinn uyu xtën Moab.

2
00:00:36,180 --> 00:00:45,280
Ñana uded lo knu lëꞌ Elimelec, ximgiy Noemí, uyët. Loxna gunu lëꞌ Noemí uyaꞌn non ndzaꞌl ic̲h̲op x̱in.

3
00:00:45,280 --> 00:00:56,200
Ga dzekna lëꞌ ic̲h̲op minndoꞌ knu ukaꞌ unaꞌ minn giedz knu, lëꞌ tib unaꞌ lë Orfa lëꞌ stib unaꞌ lë Rut. Ñana konde uyak tsiꞌ is yu minn knu ga,

4
00:00:56,200 --> 00:01:05,060
lëꞌ Majlón gana Quelión uyët. Ga dzekna lëꞌ Noemí uyaꞌn tibtsu lo uyët ximgiy gana uyët ic̲h̲op x̱in.

5
00:01:05,060 --> 00:01:22,640
Konde lëꞌ Noemí uyaknan lëꞌ Dios uyuꞌnnlay xkiedz diꞌt uc̲h̲aꞌ gana udedla ubinga, or knu lëꞌ Noemí uyu gik ibi giedz Moab lëꞌ gobic̲h̲e xkiedz, diꞌt nak Judá, ndzaꞌl ic̲h̲op x̱inx̱ix. Ñana konde lëꞌ iza unaꞌ knu uc̲h̲aꞌlaga,

6
00:01:22,640 --> 00:01:33,300
lëꞌ Noemí c̲h̲ëp lo ic̲h̲op x̱inx̱ix: ―Masda wen gobic̲h̲etá lidz xnaꞌtá. Dios iluw xkilwen lotá, x̱iꞌk xkuꞌn uyandá demëꞌdná gana uyandáná.

7
00:01:33,300 --> 00:01:51,400
Gana xnabná lo Dios, ineꞌdz diꞌdz ikaꞌtá mgiy stib, ga dzekna lëꞌtá wen tsu kad yu diꞌt gich idzinndá tsutá. Uyeloga lëꞌ Noemí uyow kwas ic̲h̲op unaꞌ knu, tseloga dzekna lëꞌ tsu ñaz, ñala ic̲h̲op unaꞌ knu uyuslo uyoꞌn ndip.

8
00:01:51,400 --> 00:01:58,180
Gana lëꞌ ic̲h̲op unaꞌ knu ukëb lo Noemí: ―Ic̲h̲opnu xlaꞌn sinkë x̱itslá siana lad xkiedzlá.

9
00:01:58,180 --> 00:02:07,420
Ñala Noemí c̲h̲ëpaga: ―Xina, gol kiaꞌn neꞌg xkiedzdá. ¿Xkuꞌn lo sinkëtá x̱itsná, be nëtána zapc̲h̲aná mëꞌd gak ximgiydá?

10
00:02:07,420 --> 00:02:18,060
Masda gol gobic̲h̲e lidz xnaꞌtá. Gana stibu ikadc̲h̲aná mgiy, gol-laná. Gana nika dele zaku, izoꞌbna kwxin c̲h̲eꞌn itsiꞌlñagaꞌxná gana gapná minndoꞌ.

11
00:02:18,060 --> 00:02:31,360
Bay be zobiasdá gan ikaꞌdtá mgiy axta lëꞌ demëꞌdná choꞌb. Gunusa gakda, Dios c̲h̲uꞌnn lëꞌná nlasdoꞌ dzak; ñana nedna gwiyná nlas sakdá, masc̲h̲a sakná.

12
00:02:31,360 --> 00:02:40,660
Ga lëꞌ ic̲h̲op unaꞌ knu c̲h̲oꞌnaga ndip. Ga dzekna lëꞌ Orfa uyow kwas Noemí, lëꞌ usaꞌn Noemí. Ñala Rut uyaꞌn lo Noemí.

13
00:02:40,660 --> 00:02:50,120
Ga dzekna lëꞌ Noemí c̲h̲ëp lo Rut: ―Kwiy lëꞌ xkuñaꞌdlá uyaꞌnla neꞌg xkiedz gana lo dios xlelëdz. Masda ñalá kiaꞌn neꞌg.

14
00:02:50,120 --> 00:03:09,040
Ñala Rut ukëb: ―Inabdac̲h̲alá loná isannálá, sinda dele bata siaꞌlá, lëꞌná sinkë x̱itslá, gana dele ba tsulá, gakga tsuná. Gana xkiedzlá gak degiedzná gana xiDioꞌslá, minn xlelëdzlá, gak deDioꞌsná.

15
00:03:09,040 --> 00:03:19,480
Gana diꞌt gëtlá gakga gëtná gana xlaꞌndná gakga tsugeꞌc̲h̲ná. Dios izakziꞌná diꞌltsa idzinn dze lëꞌná isanlá, lo nonga gilgut nak guꞌn zak guꞌnn lëꞌna itsulsa.

16
00:03:19,480 --> 00:03:26,320
Ga dzekna lo uwiy Noemí tibaga yu gik Rut isaꞌnda Noemí, sial bëtc̲h̲a ñëpda Noemí.

17
00:03:26,320 --> 00:03:39,960
Ga lëꞌ Noemí ic̲h̲op Rut uyu ñaz sia udzinn axta Belén. Konde x̱iꞌk udzinn ic̲h̲op unaꞌ knu lën giedz Belén lëꞌ ic̲h̲ë minn udzakyéna gana lëꞌ unaꞌ giedz knu xneꞌzë: “¿Be lëꞌda Noemí i?”

18
00:03:39,960 --> 00:04:06,800
Ñala Noemí xneꞌ lo minn: “Ineꞌdc̲h̲adá loná Noemí, sinda gol kwneꞌ loná Mara. Lo or lëꞌná uc̲h̲a giedz c̲h̲eꞌn xc̲h̲ildná wen sianá, saꞌnda lo na lëꞌná uyobic̲h̲e neꞌg nlas c̲h̲ak ldoꞌná, axta nika bët giend loná. Lo Dios, minn c̲h̲ap gilbey, c̲h̲uꞌnn ic̲h̲ëwu, uyuꞌnn noꞌnda gilnëdoꞌ sdzakná gana usaꞌnná. Loxna gunu guslëdac̲h̲adáná Noemí.”

19
00:04:06,800 --> 00:04:19,960
Xka uzak Noemí loxna lëꞌ Noemí ubi giedz Moab ndzaꞌl Rut x̱inx̱ix, tib unaꞌ giedz knu. Konde udzinn Noemí ic̲h̲op Rut giedz Belén, mer lëꞌ minn uyuslo xtop sebada.

20
00:04:19,960 --> 00:04:30,120
Giedz Belén uyu tib mgiy ndaꞌn gana nc̲h̲oꞌb nak, lë Booz. Minn knu nak tib minn lidz Elimelec, ximgiy Noemí, minn uyët.

21
00:04:30,120 --> 00:04:44,600
Tib dze lëꞌ Rut c̲h̲ëp lo Noemí: ―Xnabná loꞌlá giꞌt diꞌdz tsaná diꞌt xgu minn sebada gan be chut minn ineꞌdzda diꞌdz sinkëná x̱its, itopná sebada guꞌn xiaꞌn. Ga lëꞌ Noemí c̲h̲ëp: ―Gwaxi, xina.

22
00:04:44,600 --> 00:05:00,520
Ga dzekna lëꞌ Rut uya diꞌt xgu minn sebada, loxna xtop sebada guꞌn xiaꞌn zinkë x̱its minn xchug gana xtop sebada. Ñana lëꞌsa xtën Boozga, minn nak minn lidz Elimelec, nak diꞌt udzinn Rut xtop sebada guꞌn xiaꞌn.

23
00:05:00,520 --> 00:05:13,760
Ñana tigolpa dze knu lëꞌ Booz uc̲h̲aꞌ Belén sia udzinn diꞌt nak xtën, ga lëꞌ Booz uneꞌ diux ic̲h̲ë lo minn xtop sebada, c̲h̲ëp: ―Dios gunnlaydá. Ga lëꞌ ic̲h̲ë minn knu c̲h̲ëp: ―Dios guꞌnnlaylá.

24
00:05:13,760 --> 00:05:19,900
Ga lëꞌ Booz unabdiꞌdz lo mgiy zu ic̲h̲ë lo minn kë dziꞌn c̲h̲ëp: ―¿Chu minn lidz nak ndzaꞌp ki?

25
00:05:19,900 --> 00:05:26,920
Ga lëꞌ mgiy knu ukëb c̲h̲ëp: ―Ndzaꞌp ki nak minn Moab uzinkë x̱its Noemí ubi Moab uyobic̲h̲e ulan neꞌg.

26
00:05:26,920 --> 00:05:43,440
Ina unab ndzaꞌp ki loná idedná diꞌdz sinkë ndzaꞌp ki x̱its minn xtop sebada itop ic̲h̲ë guꞌn xiaꞌn gagu diꞌt xkwaꞌ sebada. Ina axta sil kë ndzaꞌp ki axta ni nup stsuda, sinda axta or ki lëꞌ c̲h̲uꞌnn deskans nup.

27
00:05:43,440 --> 00:05:55,120
Ga dzekna lëꞌ Booz c̲h̲ëp lo Rut: ―Xina, bin guꞌn inená, tsaꞌdlá itoplá sebada stib lger diꞌt xgu minn sebada, sinda neꞌg kiaꞌn ic̲h̲ëtá unaꞌ këzë dziꞌn loná.

28
00:05:55,120 --> 00:06:11,240
Gana kwiy dele balad siazë unaꞌ knu, kwzinkë. Lo uyunnbéylaná ic̲h̲ë lo mgiy nak demoꞌsná nkiꞌnda bekwaꞌn guꞌnnlá. Gana or sdzeꞌy ldoꞌlá gwa diꞌt zu guꞌn yu nis loxna gow nis guꞌn ugoliaꞌ demoꞌsná lën pos.

29
00:06:11,240 --> 00:06:21,240
Ga dzekna lëꞌ Rut ukiꞌts lo lyu ga lëꞌ c̲h̲ëp: ―Xkuꞌn axta xkiꞌta weꞌnlá loná, c̲h̲uꞌnnláná x̱iꞌk nak minn c̲h̲uꞌnnbeyná, ñana tib minn zit nakná.

30
00:06:21,240 --> 00:06:36,200
Ga lëꞌ Booz ukëb: ―Uyaknanlaná nika uyët ximgiylá weꞌnlá lo xnaꞌgeꞌylá. Gana nanná usaꞌnlá pxoꞌzlá gana xnaꞌlá gana xkiedzlá, lëꞌlá uzinkë ulan giedz c̲h̲eꞌn, diꞌt nika chut c̲h̲uꞌnnbeydlá.

31
00:06:36,200 --> 00:06:46,380
Nana lo lëꞌlá unab yud lo xiDios minn Israel, nana loxna gunu lëꞌ Dios guꞌnn ic̲h̲ësu wen ic̲h̲akë loꞌlá, lo uyuꞌnnlá guꞌn wen nak.

32
00:06:46,380 --> 00:07:00,040
Ga lëꞌ Rut c̲h̲ëp: ―Dad, kimbiasná tipta gunn-ná guꞌn idzaꞌl ldoꞌlá. Axta xiab xtiꞌdzlá ldoꞌná, lo wendoꞌ xneꞌlá loná nika dele nakdaná seker x̱iꞌk nak tib unaꞌ kë dziꞌn loꞌlá.

33
00:07:00,040 --> 00:07:19,460
Konde udzinn or xwe, lëꞌ Booz c̲h̲ëp lo Rut: ―Big‑gax, loxna kwzën giatxtil gana kluwu lo binagr zu i, lox dow. Ga dzekna lëꞌ Rut uzob ic̲h̲ë minn nak xmos Booz, ga lëꞌ Booz udeꞌd nup midz sebada guꞌn c̲h̲ow lo Rut. Ga lëꞌ Rut uyow axta uyelna gana axta uyaꞌnc̲h̲a komid.

34
00:07:19,460 --> 00:07:30,280
Konde uyeloga lëꞌ Rut uyuslokga utop sebada. Ga lëꞌ Booz uyuꞌnnbéy lo xmos c̲h̲ëp: ―Gol kwdeꞌd diꞌdz itop Rut sebada diꞌt nc̲h̲ëwu gana nkiꞌnda guꞌnn ntelëdzdá Rut.

35
00:07:30,280 --> 00:07:36,380
Gana gol kwsaꞌn giab balal sebada, dzekna xka lëꞌ Rut itop gunu gana bët ineꞌdtá lëd Rut.

36
00:07:36,380 --> 00:07:47,720
Xka lëꞌ Rut ukë utop sebada axta udzel lyu, ga dzekna uguyagu dzekna xka uyab noꞌnda lëꞌ midz sebada. Ga lëꞌ ic̲h̲ësa guꞌn uyaklo c̲h̲ak gaded gal kil.

37
00:07:47,720 --> 00:08:00,380
Ga dzekna lëꞌ Rut uyey gunu lëꞌ uyobic̲h̲e Belén. Ga dzekna lëꞌ Noemí, xnaꞌgeꞌy Rut, uwiy ic̲h̲ë guꞌn utop Rut, gana lëꞌ Rut ugoliaꞌ guꞌn uyaꞌn or uyow loxna lëꞌ udeꞌd gunu lo Noemí.

38
00:08:00,380 --> 00:08:18,200
Ga lëꞌ Noemí c̲h̲ëp: ―¿Ba ukëꞌlá utoplá sebada nadze? ¿Xkuꞌn lo lal i sebada utoplá? Dios guꞌnnlay minn axta xkiꞌta wen uyuꞌnn loꞌlá, uyuꞌnn miꞌnnlá x̱iꞌk nak minn c̲h̲uꞌnnbeylá. Ga dzekna lëꞌ Rut ugu kwend lo Noemí lëꞌ ukë utop sebada diꞌt nak xtën tib mgiy lë Booz.

39
00:08:18,200 --> 00:08:35,160
Ga dzekna lëꞌ Noemí ukëꞌ c̲h̲edz, c̲h̲ëp: ―Dios guꞌnnlay mgiy knu. Dios ni nup stsaꞌnda gak tib minn wen lona, x̱iꞌk uyak tib minn wen lo ximgiyna or uban. Gana c̲h̲ëp Noemí: ―Mgiy knu nak minn lidzna, loxna ña mgiy knu nak tib minn c̲h̲igial ganna.

40
00:08:35,160 --> 00:08:43,720
Ga dzekna lëꞌ Rut c̲h̲ëp: ―Gana stibu xneꞌ mgiy knu loná: Tsaꞌlá ikëꞌlá diꞌt këzë demoꞌsná, axta tselo idop ic̲h̲ësa guꞌn uyak pni.

41
00:08:43,720 --> 00:08:56,920
Ga lëꞌ Noemí c̲h̲ëp lo Rut: ―Xina, lëꞌwuga masda ga ikëꞌlá diꞌt këzë ndal unaꞌ stsiꞌn mgiy knu, lo zan minn knuꞌlá, saꞌnda diꞌltsa tsaꞌlá stib lger lëꞌ minn noꞌnda itsiꞌltoꞌl-lá.

42
00:08:56,920 --> 00:09:11,880
Ga dzekna lëꞌ Rut uyobias ukë diꞌt këzë unaꞌ stsiꞌn Booz axta uyelo udop sebada ga dzekna lëꞌ udedga axta uyelo udop x̱obxtil. Ga dzekna lëꞌt lëꞌ guꞌn c̲h̲eꞌn uyak lëꞌ Rut yu ic̲h̲op Noemí, xnaꞌgeꞌy.

43
00:09:11,880 --> 00:09:21,680
Konde uded lo knu, lëꞌ Noemí, xnaꞌgeꞌy Rut, c̲h̲ëp lo Rut: ―Xina, nkiꞌn kibná tib mgiy ikaꞌlá, dzekna xka lëꞌlá wen tsu.

44
00:09:21,680 --> 00:09:35,380
Booz nak minn lidzna gana gunu Booz nak tib mgiy zak ikaꞌlá. Nana lo ukëlalá dziꞌn ic̲h̲ëtá unaꞌ nakzë xmos Booz, kwiy nagiaꞌl lëꞌ Booz tsa isebe sebada, dzekna ic̲h̲aꞌ gix x̱idu.

45
00:09:35,380 --> 00:09:49,080
Loxna gunu gos gana klu guꞌn nexlan nlaꞌ lëdlá gana kwdok lac̲h̲ sdzaꞌlc̲h̲a ldoꞌlá, loxna gwa ga, nonga ideꞌdtalá diꞌdz gwiy Booꞌzlá, sinda axta tselo gowstseꞌ Booz gana gia Booz.

46
00:09:49,080 --> 00:10:00,580
Ga dzekna or lëꞌ Booz sia gax, kwiy wen gan ba gax Booz, loxna gwa kwlis lac̲h̲ guꞌn ntse niy Booz loxna got ga. Ga lëꞌ Booz ineꞌ gan bekwaꞌn nak guꞌn guꞌnnlá.

47
00:10:00,580 --> 00:10:04,560
Ga lëꞌ Rut ukëb: ―Lëꞌná gunn ic̲h̲ë guꞌn xneꞌlá loná.

48
00:10:04,560 --> 00:10:09,640
Ga dzekna lëꞌ Rut uya ga, loxna uyuꞌnn ic̲h̲ësa guꞌn c̲h̲ëp Noemí, xnaꞌgeꞌy.

49
00:10:09,640 --> 00:10:22,320
Konde lëꞌ Booz uyelna uyelo uyow stseꞌ gana xc̲h̲iꞌlna, lëꞌ sia uyax kwa diꞌt nc̲h̲ë sebada. Ga dzekna lëꞌ Rut tsëw sia udzinn ugob guꞌn ndze niy Booz loxna uyaxga.

50
00:10:22,320 --> 00:10:29,620
Konde uc̲h̲ol giaꞌl tigolpa lëꞌ mkaꞌl uc̲h̲aꞌ lo Booz, konde uc̲h̲al Booz uyeꞌnna Booz lit lëꞌ tib unaꞌ nax niy.

51
00:10:29,620 --> 00:10:46,020
Ga dzekna lëꞌ Booz unabdiꞌdz c̲h̲ëp: ―¿Chu naklá? Ga lëꞌ unaꞌ knu ukëb: ―Dad, naꞌ nak Rut, tib unaꞌ kë stsiꞌnlá. Nana lo luꞌ nak tib minn lidzná loxna gunu zak ikanálá. Xnabná loꞌlá ganláná.

52
00:10:46,020 --> 00:11:03,000
Ga dzekna lëꞌ Booz c̲h̲ëp: ―Luꞌ nak tib unaꞌ wen, Dios gunnlaylá lo uyuꞌnnlá guꞌn c̲h̲eꞌn. Lo na xluwc̲h̲alá xkilweꞌnlá nikë bokla, lo ñadlá ngiꞌblá stib minn minndoꞌc̲h̲a loná, tib minn nlas yu ota tib minn ndaꞌn.

53
00:11:03,000 --> 00:11:10,240
Nana xina, idzeꞌbdalá. Naꞌ gunn ic̲h̲ë guꞌn xneꞌlá, lo ic̲h̲ë minn degiedzná nan luꞌ nak tib unaꞌ wendoꞌ.

54
00:11:10,240 --> 00:11:22,120
Sinda nana bislëdz nika dele nli guꞌn xneꞌlá naꞌ nak tib minn lidzdá minn c̲h̲igial ganlá, sinda yuc̲h̲a stib minn nak minn liꞌdzlá gaxc̲h̲a nak loꞌlá nikë naꞌ.

55
00:11:22,120 --> 00:11:42,020
Nana got neꞌg nagiaꞌl, lëꞌ ix̱e or ikë xni gan be inë minn knu gan be siu gik ganlá. Diꞌltsa lëꞌ minn knu tsu gik ganlá, lëꞌwuga minn knu ikaꞌlá. Saꞌnda diꞌltsa lëꞌ minn knu tsuda gik ganlá, Dios xwiy lëꞌná ine xtidzná naꞌ nak minn gunnu. Nana liger zaꞌksa gotkës.

56
00:11:42,020 --> 00:11:53,820
Ga dzekna lëꞌ Rut uyax niy Booz. Konde uyenil lyu silga ansc̲h̲a ikë xni, lëꞌ Rut uyusche dzekna xka chut guꞌnnbeyda, lo xlaꞌnda Booz chu gaknan lëꞌ tib unaꞌ uyaga.

57
00:11:53,820 --> 00:12:10,320
Ga ansc̲h̲a ibi Rut lëꞌ Booz c̲h̲ëp: ―Kwdob lac̲h̲ guꞌn x̱oꞌb yanlá loxna kwzënu dziꞌts. Ga lëꞌ Rut utsiꞌl lo lac̲h̲ knu ga lëꞌ Booz udziꞌb masa gal kil sebada lo knu, loxna ux̱igu ga uxobu x̱its yan Rut, ga lëꞌ Rut ubi udzinn giedz.

58
00:12:10,320 --> 00:12:19,940
Konde lëꞌ Rut udzinn lo Noemí, lëꞌ Noemí unabdiꞌdz c̲h̲ëp: ―Xina, ¿be wen uyalá? Ga dzekna lëꞌ Rut ugu kwend ic̲h̲ësa guꞌn uyuꞌnn Booz lo Rut.

59
00:12:19,940 --> 00:12:29,540
Gana c̲h̲ëp Rut: ―Uneꞌdz Booz gal kil sebada c̲h̲eꞌn loná, loxna xneꞌ: “Biy guꞌn c̲h̲eꞌn dzekna xka idziꞌnndlá xkisa lo xnaꞌgeꞌylá.”

60
00:12:29,540 --> 00:12:41,840
Ga dzekna lëꞌ Noemí c̲h̲ëp: ―Xina, nana gobias gan xkuꞌn igali guꞌn c̲h̲eꞌn, lo zolila isaꞌnda Booz guꞌn c̲h̲eꞌn xkisa, sinda axta igali guꞌn c̲h̲eꞌn nadze.

61
00:12:41,840 --> 00:12:59,020
Konde sia or lëꞌ Booz sia uzob c̲h̲ow yagla diꞌt sia ted lën giedz. Ga or knu lëꞌ minn lidz Elimelec udedga, minn c̲h̲igial gan Rut, minn uzëꞌt Booz. Ga dzekna lëꞌ Booz c̲h̲ëp lo minn knu: ―Bëꞌts, kidë sobna. Ga dzekna lëꞌ minn knu udzinn uzobga.

62
00:12:59,020 --> 00:13:06,680
Ga dzekna lëꞌ Booz uc̲h̲edz tsiꞌ minn nc̲h̲oꞌb nak lën giedz, loxna c̲h̲ëp: ―Gol kwzob sobna. Konde lëꞌ iza minn knu uzob,

63
00:13:06,680 --> 00:13:16,880
lëꞌ Booz c̲h̲ëp lo minn lidz Elimelec: ―Lëꞌ Noemí ubi Moab uyobic̲h̲ekga ulan neꞌg. Nana lëꞌ Noemí xto lyu, guꞌn nak chen minn lidzna Elimelec.

64
00:13:16,880 --> 00:13:39,620
Loxna gunu lëꞌná c̲h̲unn bis lo xlaꞌndná gaknanlu, gana xnená gan be skaꞌlo, diꞌltsa lëꞌlá ikaꞌwu, xlaꞌndná igaꞌligaxu lëꞌt lëꞌ ic̲h̲ë minn c̲h̲eꞌn nc̲h̲ë gwiyu. Lëꞌ diꞌltsa lëꞌlá ikaꞌdu kwneꞌwu, dzekna gaknannu, lo nonga luꞌ gana naꞌ nak minn c̲h̲igial zak gan Rut. Ga dzekna lëꞌ minn knu c̲h̲ëp: ―Lëꞌloga, naꞌ ikawu.

65
00:13:39,620 --> 00:13:56,180
Ga lëꞌ Booz c̲h̲ëp: ―Dele lëꞌlá ikaꞌ xelyu Noemí, ña Rut ikaꞌlá idzinn gak xiwnaꞌlá, unaꞌ nak minn giedz Moab, unaꞌ uyak xiwnaꞌ Majlón; dzekna xka lëꞌ Rut zak gap minndoꞌ. Gana lëꞌ lyu knu gweyaga lë mgiy ukaꞌ Rut ganeꞌc̲h̲.

66
00:13:56,180 --> 00:14:07,080
Ga dzekna lëꞌ minn knu ukëb: ―Diꞌltsa xka naku gakda ikanu, lo xlaꞌndtaná xkuꞌn bekwaꞌn gak ic̲h̲ë guꞌn nak mer chenná. Masda inedzná diꞌdz luꞌ kaꞌwu.

67
00:14:07,080 --> 00:14:20,620
Bokla uyuslo minn Israel c̲h̲uꞌnn tib guꞌn. Or lëꞌ tib minn xkaꞌ lyu, lëꞌ minn xto lyu xgoliaꞌ xkilgid loxna xdeꞌdu lo minn xkaꞌ lyu. Gunu c̲h̲uꞌnn minn lëꞌt lëꞌ minn Israel nc̲h̲ëzë, dzekna xka lëꞌwu xgaꞌli.

68
00:14:20,620 --> 00:14:27,500
Loxna gunu lëꞌ minn lidz Elimelec ugoliaꞌ xkilgid udeꞌd lo Booz loxna c̲h̲ëp: ―Zak ikaꞌlá lyu ki.

69
00:14:27,500 --> 00:14:40,360
Ga dzekna lëꞌ Booz c̲h̲ëp ic̲h̲ësa lo minn nc̲h̲oꞌb nak lën giedz gana ic̲h̲ësa lo minn giedz: ―Luꞌtá uwiy lëꞌná uka ic̲h̲ësa xelyu Elimelec lo Noemí, gana guꞌn uyak chen Quelión gana Majlón.

70
00:14:40,360 --> 00:15:01,020
Gana lëꞌná ika Rut, unaꞌ minn giedz Moab, unaꞌ uyak xiwnaꞌ Majlón, dzekna lëꞌ Rut zak gap mëꞌd, gana xka ic̲h̲ësa xelyu minn lidz Majlón, gwey lë Majlón giaꞌnda lë mgiy knu xkisa, sinda x̱iꞌk yu lë mgiy knu diꞌt yuzë lë minn giedz. Nana nadze luꞌtá xwiy lëꞌ guꞌn c̲h̲eꞌn xnu igali.

71
00:15:01,020 --> 00:15:25,480
Ga lëꞌ ic̲h̲ë minn c̲h̲uꞌnnbéy lën giedz gana ic̲h̲ë minn giedz, minn nc̲h̲ë ga c̲h̲ëp lo Booz: ―Nuꞌwu xwiynu ic̲h̲ë guꞌn c̲h̲ak or ki. Nana xnabnu lo Dios guꞌnn lëꞌ unaꞌ ikaꞌlá gap ndaldoꞌ mëꞌd, x̱iꞌk uyap Raquel mëꞌd gana Lea, diꞌt nak diꞌt ziꞌdzë ic̲h̲ësa minn Israel. Gana guꞌnn Dios lëꞌlá gak tib minn nc̲h̲oꞌb nak gana tib minn ndoꞌmbey Efrata, diꞌt nak Belén.

72
00:15:25,480 --> 00:15:35,620
Nana Dios ideꞌd diꞌdz lëꞌ ic̲h̲ësa minn giꞌd xediꞌydá idzinn gak ndal, x̱iꞌk nak minn uyak minn lidz Fares, x̱in Tamar gana Judá.

73
00:15:35,620 --> 00:15:43,100
Ga xka uyaku lëꞌ Booz udzinn ukaꞌ Rut. Konde lëꞌ Booz uyakic̲h̲op Rut, lëꞌ Dios udeꞌd diꞌdz lëꞌ Rut uyey tib mëꞌdpgiy.

74
00:15:43,100 --> 00:15:54,080
Ga dzekna lëꞌ ic̲h̲ë unaꞌ xneꞌzë lo Noemí: ―Lë Dios gak nc̲h̲oꞌb, lo uneꞌdz diꞌdz lëꞌlá gap tib mbiag ganlá. Mëꞌd ki idzinn gak tib minn nc̲h̲oꞌb gwiy minn Israel.

75
00:15:54,080 --> 00:16:09,600
Mëꞌd knu idzinn ichoꞌb ldoꞌlá gana guꞌnn yuꞌdlá or gaklá minngol, lo mëꞌd knu nak x̱in x̱inx̱ixlá. Gana Rut nak minn nonc̲h̲a loꞌlá nikë ñaplá gadz minndoꞌ, lo xkëdoꞌ ldoꞌ Ruꞌtlá gana wen Rut loꞌlá.

76
00:16:09,600 --> 00:16:16,140
Ga dzekna lëꞌ Noemí uzën mëꞌd, loxna ulan mëꞌd gana lëꞌ nak minn uyan mëꞌd.

77
00:16:16,140 --> 00:16:32,120
Ga lëꞌ ic̲h̲ë minn yu kwa lidz Noemí xneꞌ: “Lëꞌ Noemí c̲h̲ap tib mbiag, mëꞌd nak x̱iꞌk nak tib x̱in.” Ga lëꞌ ic̲h̲ë minn knu uyuslë mëꞌd knu Obed. Ga lëꞌ Obed uyak pxoz Yesé, gana lëꞌ Yesé uyak pxoz David.

78
00:16:32,120 --> 00:16:37,040
Minn c̲h̲eꞌn nak minn uyiꞌdzë xediꞌy Fares: Fares uyak pxoz Jesrón,

79
00:16:37,040 --> 00:16:42,940
Jesrón uyak pxoz Ram. Lëꞌ Ram uyak pxoz Aminadab.

80
00:16:42,940 --> 00:16:48,320
Lëꞌ Aminadab uyak pxoz Nasón. Lëꞌ Nasón uyak pxoz Salmón.

81
00:16:48,320 --> 00:16:53,580
Lëꞌ Salmón uyak pxoz Booz. Lëꞌ Booz uyak pxoz Obed.

82
00:16:53,580 --> 00:16:58,680
Lëꞌ Obed uyak pxoz Yesé. Lëꞌ Yesé uyak pxoz David.