1
00:00:05,000 --> 00:00:24,760
Daꞌ ni naken daꞌ bzoa li Ẕwa, katenꞌ benneꞌ judío wnná biaꞌ kaꞌ, benneꞌ nnítaꞌgakeꞌ ḻo yež Jerusalén, bséḻaꞌgakeꞌ bx̱oz kaꞌ gan zoa Ẕwanꞌ, tẕen ḻen benneꞌ kaꞌ zej nakeꞌ ẕaꞌsó Lebí, benneꞌ kaꞌ zej nakeꞌ niꞌa naꞌgak bx̱oz kaꞌ, nich nnábgekleꞌ Ẕwanꞌ, naꞌ wnnágakeꞌ: —¿Noẕkze benneꞌ leꞌ?

2
00:00:24,760 --> 00:00:35,280
Kwáselo bchaḻj Ẕwanꞌ, naꞌ bi bkacheꞌe daꞌ nakeꞌ, san bchaḻjeꞌ káteze naken, naꞌ wnnéꞌ: —Bi nakaꞌ Benneꞌ Cristonꞌ, Bennenꞌ bchebe ḻažeꞌ Dios seḻeꞌe chežo.

3
00:00:35,280 --> 00:00:54,300
Naž wnnábgekleꞌ ḻeꞌ daꞌ yoble, naꞌ wnnágakeꞌ: —¿Noẕkze leꞌ? ¿Chaꞌ lenꞌ Lías, bennenꞌ bchaḻjeꞌ ḻo wláz Dios ža niꞌte? Ẕwanꞌ wnnéꞌ: —Kege nedanꞌ. Naž wnnábgekleꞌ ḻeꞌ: —¿Chaꞌ lenꞌ bennenꞌ žaḻaꞌ yideꞌ nich wchaḻjeꞌ ḻo wláz Dios? Bechebe Ẕwanꞌ, naꞌ wnnéꞌ: —Kege nedanꞌ.

4
00:00:54,300 --> 00:01:02,520
Naž wnnábgekleꞌ ḻeꞌ: —¿Noẕkze leꞌ? Wnná netoꞌ nich gak wzenltoꞌ benneꞌ kaꞌ bséḻaꞌgakeꞌ netoꞌ. ¿Biẕ ẕnnoꞌ leꞌ nonꞌ nakoꞌ?

5
00:01:02,520 --> 00:01:22,540
Bechebe Ẕwanꞌ, naꞌ gožeꞌ ḻégakeꞌ: —Nedaꞌ nakaꞌ bennenꞌ, nyejw ḻeꞌe yiche laꞌy ka nak chieꞌ, danꞌ ẕnnan: “Ženle chiꞌi to benneꞌ žḻižeꞌ ḻo latje dach, ẕnneꞌ: Le yeyón chaweꞌ yichj ḻáẕdoꞌle danꞌ zaꞌ ḻaꞌ X̱anžonꞌ gan zoale.” Ki wnná Isaías, bennenꞌ bchaḻjeꞌ ḻo wláz Dios.

6
00:01:22,540 --> 00:01:28,100
Benneꞌ kaꞌ bséḻaꞌgak benneꞌ judío wnná biaꞌ kaꞌ zej nakeꞌ benneꞌ yodoꞌ fariseo kaꞌ.

7
00:01:28,100 --> 00:01:39,760
Wnnábgekleꞌ Ẕwanꞌ, naꞌ belyiꞌe ḻeꞌ: —¿Biẕ chenꞌ žezóꞌ benách kaꞌ nis chaꞌ bi nakoꞌ leꞌ Benneꞌ Cristonꞌ, naꞌ bi nakoꞌ Lías, naꞌ bi nakoꞌ bennenꞌ žaḻaꞌ yedjchaḻjeꞌ ḻo wláz Dios?

8
00:01:39,760 --> 00:01:49,960
Bechebe Ẕwanꞌ, naꞌ gožeꞌ ḻégakeꞌ: —Nedaꞌ žezóaꞌ benách kaꞌ nis ḻo nis, san zoa to benneꞌ gachje ḻáweꞌle gan zoale, bennenꞌ bi nónbiaꞌle-neꞌ.

9
00:01:49,960 --> 00:01:56,980
Benneꞌ ni nakeꞌ Bennenꞌ zaꞌ zeꞌe ka nedaꞌ, naꞌ nakžeꞌ blo ka nedaꞌ, naꞌ bi nakaꞌ nedaꞌ zi kwejaꞌ ẕeleꞌ.

10
00:01:56,980 --> 00:02:07,000
Yógoꞌte daꞌ ki gókgaken gan nbab yež Betábara, gan nak yecheḻáꞌa yego Jordán, zakaꞌ gan ẕḻaꞌ wbíž, gan bezóa Ẕwanꞌ benách kaꞌ nis.

11
00:02:07,000 --> 00:02:18,540
Ža chope ža Ẕwa bḻeꞌeleꞌ zaꞌ Jesusenꞌ, naꞌ wnnéꞌ: —Le wia ga naꞌ. Bennenꞌ nakeꞌ ẕílaꞌdoꞌ che Dios, naꞌ žekéꞌe doḻaꞌ chegak benách kaꞌ nnítaꞌgakeꞌ yežlyó nga.

12
00:02:18,540 --> 00:02:26,420
Ḻeꞌ nakeꞌ Bennenꞌ wnníaꞌ chieꞌ: “Zaꞌ zaꞌ to Benneꞌ ka nedaꞌ, naꞌ nakžeꞌ blo ka nedaꞌ, danꞌ zoakzeꞌ zgaꞌaleꞌ ka nedaꞌ.”

13
00:02:26,420 --> 00:02:33,680
Bi bénbiꞌa-neꞌ zgaꞌale, san bḻaꞌa, naꞌ žezóaꞌ benách kaꞌ nis nich gónbiaꞌgak benách Israel kaꞌ Ḻeꞌ.

14
00:02:33,680 --> 00:02:46,260
Ẕwanꞌ bzoa lieꞌ chieꞌ, naꞌ wnnéꞌ: —Bḻeꞌelaꞌ Dios Beꞌ Laꞌy, bžojeꞌ yaꞌabá che Dios, naꞌ betjeꞌ, naꞌ wnnéꞌe kan ẕnnaꞌ to plomdoꞌ. Bḻeꞌe gan zoa Jesusenꞌ, naꞌ bgáꞌnḻeneꞌ Ḻeꞌ.

15
00:02:46,260 --> 00:03:05,420
Bi bénbiꞌa-neꞌ zgaꞌale. Bennenꞌ bseḻeꞌe nedaꞌ nich yezóaꞌ benách kaꞌ nis gožeꞌ nedaꞌ, naꞌ wnnéꞌ: “Kateꞌ ḻeꞌeloꞌ yetj Dios Beꞌ Laꞌy, chejsóaḻeneꞌ to Benneꞌ, naꞌ gáꞌnḻeneꞌ Ḻeꞌ, Bennenꞌ goneꞌ daꞌ ẕḻoéꞌezele yeḻaꞌ žezóa nis ni, danꞌ wchizeꞌ benách kaꞌ Dios Beꞌ Laꞌy.”

16
00:03:05,420 --> 00:03:10,820
Naꞌa, ba bḻeꞌelanꞌ, naꞌ ẕzoa liaꞌ che Bennenꞌ, ẕnniaꞌ nakeꞌ Ẕiꞌn Dios.