1
00:00:05,000 --> 00:00:13,160
Yetó ža naꞌ, daꞌ yoble wzóa Ẕwa ga naꞌ, naꞌ chope benneꞌ kaꞌ, benneꞌ žónḻengakeꞌ ḻeꞌ tẕen, wnnítaꞌḻengakeꞌ ḻeꞌ.

2
00:00:13,160 --> 00:00:24,200
Kateꞌ Ẕwanꞌ bḻeꞌeleꞌ Jesusenꞌ, ẕdeꞌ ga naꞌ, gožeꞌ benneꞌ kaꞌ žónḻengakeꞌ ḻeꞌ tẕen, naꞌ wnnéꞌ: —Le wia ga naꞌ. Bennenꞌ zeꞌe ga naꞌ nakeꞌ ẕílaꞌdoꞌ che Dios.

3
00:00:24,200 --> 00:00:30,780
Chope benneꞌ kaꞌ, benneꞌ žónḻengakeꞌ Ẕwanꞌ tẕen, béngekleꞌ danꞌ wnnéꞌ, naꞌ bejnáwgakeꞌ Jesusenꞌ.

4
00:00:30,780 --> 00:00:40,440
Naž beyéchj Jesusenꞌ, naꞌ bḻeꞌeleꞌ chope benneꞌ ki zej naweꞌ Ḻeꞌ, naꞌ gožeꞌ ḻégakeꞌ: —¿Biẕenꞌ žiljle? Belyiꞌe Ḻeꞌ: —Benneꞌ wsedle, ¿gaẕe zoꞌ?

5
00:00:40,440 --> 00:00:51,320
Bechebe Jesusenꞌ, naꞌ gožeꞌ ḻégakeꞌ: —Le da, naꞌ ḻéꞌelelen. Naž jákḻeneꞌ Ḻeꞌ, naꞌ bḻéꞌegekleꞌ gan zoeꞌ, naꞌ bgáꞌnḻeneꞌ Ḻeꞌ ža naꞌ, danꞌ ba žaḻe.

6
00:00:51,320 --> 00:00:59,360
Ndres, benneꞌ bicheꞌ Smon Bedw, nakeꞌ to benneꞌ chopeꞌ kaꞌ béngekleꞌ daꞌ bchaḻj Ẕwanꞌ, naꞌ bejnáwgakeꞌ Jesusenꞌ.

7
00:00:59,360 --> 00:01:14,800
Ndrezenꞌ bejdiljeꞌ zgaꞌale benneꞌ bicheꞌe, bennenꞌ lieꞌ Smon, naꞌ gožeꞌ ḻeꞌ: —Ba bḻaꞌ Benneꞌ Mesías. Mesías naken to dižaꞌ hebreo daꞌ ẕnnan ḻen dižaꞌ griego: “Benneꞌ Cristonꞌ” naꞌ ḻen dižaꞌ x̱ižaꞌ: “Benneꞌ bséḻaꞌkze Dios.”

8
00:01:14,800 --> 00:01:34,460
Naž Ndrezenꞌ ḻaꞌ bcheꞌtieꞌ Smon naꞌ gan zoa Jesusenꞌ. Katenꞌ Jesusenꞌ bḻeꞌeleꞌ ḻeꞌ, gožeꞌ ḻeꞌ: —Leꞌ nakoꞌ Smon, ẕiꞌn Jonás. Naꞌa, siꞌ loꞌ Sefas. Sefas naken to dižaꞌ hebreo daꞌ ẕnnan: “Pedro” ḻen dižaꞌ x̱til, naꞌ ḻen dižaꞌ x̱ižaꞌ: “Bedw” daꞌ ẕnnan: “Yej.”

9
00:01:34,460 --> 00:01:44,100
Kateꞌ zaꞌ žaꞌníꞌ yetó ža, gónele Jesusenꞌ chejeꞌ gan nbab Galilea. Bejx̱akeꞌe Lip, naꞌ gožeꞌ ḻeꞌ: —Benḻen nedaꞌ tẕen.

10
00:01:44,100 --> 00:01:49,580
Lipenꞌ nakeꞌ benneꞌ yež Betsaida, daꞌ naken lažgak Ndres, naꞌ Bedonꞌ.

11
00:01:49,580 --> 00:02:06,780
Lipenꞌ bejdiljeꞌ Natanael, naꞌ gožeꞌ ḻeꞌ: —Ba bžeḻ-ltoꞌ Bennenꞌ bzoj Moisés kan nak chieꞌ gan nyejw daꞌ bchiꞌle Dios, naꞌ ḻezkaꞌ benneꞌ kaꞌ bcháḻjgakeꞌ ḻo wláz Dios bzójgakeꞌ kan nak chieꞌ. Benneꞌ ni Jesús, ẕiꞌn Jwsé, benneꞌ yež Nasaret.

12
00:02:06,780 --> 00:02:14,640
Natanael naꞌ gožeꞌ ḻeꞌ: —¿Ḻaꞌ to daꞌ naken chaweꞌ ḻo yež Nasaret? Lipenꞌ gožeꞌ ḻeꞌ: —Da, naꞌ ḻeꞌelonꞌ.

13
00:02:14,640 --> 00:02:24,380
Kateꞌ Jesusenꞌ bḻeꞌeleꞌ zaꞌ Natanael naꞌ gan zoeꞌ, wnnéꞌ: —Le wia nga to benneꞌ nakeꞌ daꞌ li benneꞌ Israel, naꞌ kwáselo ẕchaḻjeꞌ.

14
00:02:24,380 --> 00:02:36,840
Naž Natanael naꞌ wnnableꞌ Jesusenꞌ, naꞌ gožeꞌ Ḻeꞌ: —¿Nakẕkzenꞌ nónbiꞌo nedaꞌ? Bechebe Jesusenꞌ, naꞌ gožeꞌ ḻeꞌ: —Kateꞌ ne žḻiž Lipenꞌ leꞌ, katenꞌ wzóꞌ ẕan yag higonꞌ, bḻeꞌelaꞌ leꞌ.

15
00:02:36,840 --> 00:02:45,220
Naž bechebe Natanael, naꞌ gožeꞌ Ḻeꞌ: —¡Benneꞌ wsedle, Leꞌ nakoꞌ Ẕiꞌn Dios! ¡Leꞌ nakoꞌ Benneꞌ Nna Biꞌe Benneꞌ Israel Kaꞌ!

16
00:02:45,220 --> 00:02:53,720
Bechebe Jesusenꞌ, naꞌ gožeꞌ ḻeꞌ: —¿Žejḻiꞌo chiaꞌ, danꞌ gožaꞌ leꞌ: “Bḻeꞌelaꞌ leꞌ ẕan yag higonꞌ”? Ḻeꞌeloꞌ daꞌ ẕénḻeꞌeže kaꞌ ka daꞌ ni.

17
00:02:53,720 --> 00:03:06,440
Ḻezkaꞌ Jesusenꞌ gožeꞌ ḻégakeꞌ, naꞌ wnnéꞌ: —Daꞌ li žapaꞌ ḻeꞌe, ḻéꞌelele nyaljw yaꞌabá, naꞌ wbás che yaꞌabá kaꞌ želyetjeꞌ, naꞌ želbeneꞌ gan zoaꞌ nedaꞌ, Benneꞌ Goljeꞌ Benách.