1
00:00:05,000 --> 00:00:12,860
Wdé chonne ža, gok lni che yeḻaꞌ ẕchag naꞌ ḻo yež Kaná gan nbab Galilea, naꞌ zoa x̱naꞌ Jesusenꞌ ga naꞌ.

2
00:00:12,860 --> 00:00:19,200
Ḻezkaꞌ wzóa no benneꞌ bḻižeꞌ Jesusenꞌ ḻen benneꞌ wsedle chieꞌ kaꞌ, nich yídgakeꞌ lni naꞌ.

3
00:00:19,200 --> 00:00:27,480
Kateꞌ bebíž x̱is uba, danꞌ yéꞌjgakeꞌ, x̱naꞌ Jesusenꞌ gožeꞌ Ḻeꞌ, naꞌ wnnéꞌ: —Biž de x̱is ubanꞌ daꞌ žéꞌjgakenꞌ.

4
00:00:27,480 --> 00:00:34,900
Bechebe Jesusenꞌ, naꞌ wnnéꞌ: —Nóꞌledoꞌ. ¿Biẕ chenꞌ ẕnnioꞌ nedaꞌ? Bi naꞌ žin ža wḻoeꞌelaꞌ ḻaw yeḻaꞌ wak chiaꞌ.

5
00:00:34,900 --> 00:00:43,860
Naž x̱naꞌ Jesusenꞌ gožeꞌ benneꞌ wen žin kaꞌ, benneꞌ ẕkwáꞌgakeꞌ daꞌ žeꞌj žáwgakeꞌ, naꞌ wnnéꞌ: —Le gon yógoꞌte daꞌ yiꞌe ḻeꞌe.

6
00:00:43,860 --> 00:00:56,760
Wnnítaꞌgak x̱ope yesoꞌ yej ga naꞌ, daꞌ kaꞌ ẕkóngekle benneꞌ judío kaꞌ žin kateꞌ žíbgakeꞌ niꞌa náꞌgakeꞌ kan žónteze žóngakeꞌ, naꞌ žože chope chonne žeꞌe nis to to yesoꞌ kaꞌ.

7
00:00:56,760 --> 00:01:04,860
Jesusenꞌ gožeꞌ benneꞌ wen žin kaꞌ, naꞌ wnnéꞌ: —Le yeschaꞌte yesoꞌ ki nis. Naž bescháꞌgakeꞌ yesoꞌ kaꞌ nis.

8
00:01:04,860 --> 00:01:12,720
Naž Jesusenꞌ gožeꞌ ḻégakeꞌ: —Le gachenꞌ naꞌa, naꞌ le chjwanꞌ ḻaw benneꞌ ẕnnabeꞌ bi daꞌ žiažjen. Yjwáꞌgakenꞌ ga naꞌ.

9
00:01:12,720 --> 00:01:28,360
Bennenꞌ ẕnnabeꞌ bi daꞌ žiažjen bwienꞌ chaꞌ nak dẕiꞌ nisenꞌ daꞌ ba beyaken x̱is uba, san bi nnezleꞌ gan zanꞌ. Nnézgekle benneꞌ wen žin kaꞌ, benneꞌ belgacheꞌe nisenꞌ. Naž bennenꞌ ẕnnabeꞌ bi daꞌ žiažjen bḻižeꞌ bennenꞌ ẕchag neꞌe,

10
00:01:28,360 --> 00:01:42,640
naꞌ gožeꞌ ḻeꞌ: —Yógoꞌte benneꞌ ẕnéẕjwgakeꞌ zgaꞌale x̱is uba danꞌ nakžen dẕiꞌ, naꞌ kateꞌ ba néꞌjgakeꞌ, naž ẕnéẕjwgakeꞌ daꞌ bi naken dẕiꞌ. Leꞌ, naꞌ zejte naꞌa wdape chiꞌo x̱is uba daꞌ nakžen dẕiꞌ.

11
00:01:42,640 --> 00:01:58,060
Ben Jesusenꞌ yeḻaꞌ wak ni, daꞌ gok bianꞌ, ḻo yež Kaná gan nbab Galilea, naꞌ nak yeḻaꞌ wak ni daꞌ nežw daꞌ beneꞌ. Kaꞌ goken, bḻoeꞌeleꞌ ḻaw yeḻaꞌ wak ẕen chieꞌ, naꞌ benneꞌ wsedle chieꞌ kaꞌ bejḻéꞌgakeꞌ chieꞌ.

12
00:01:58,060 --> 00:02:09,680
Wdé naꞌ Jesusenꞌ wyejeꞌ ḻo yež Kapernaum, tẕen ḻen x̱neꞌe, naꞌ benneꞌ bicheꞌe kaꞌ, naꞌ benneꞌ wsedle chieꞌ kaꞌ, naꞌ wnnítaꞌgakeꞌ ḻo yež Kapernaum naꞌ zan ža.