1
00:00:05,000 --> 00:00:17,380
Kateꞌ zaꞌ žin Lni Paskoꞌ kateꞌ žejsáꞌ ḻážeꞌgak benneꞌ judío kaꞌ kan ben Dios katenꞌ bebejeꞌ x̱a x̱tóꞌgakeꞌ kaꞌ ḻo yežlyó Egipto, naꞌ Jesusenꞌ wyejeꞌ ḻo yež Jerusalén.

2
00:00:17,380 --> 00:00:35,220
Bejx̱akeꞌe benách kaꞌ ḻo yeženꞌ, benneꞌ kaꞌ nnítaꞌgakeꞌ ḻiꞌa yodoꞌ, naꞌ žóteꞌgakeꞌ bež kaꞌ, naꞌ ẕilaꞌ kaꞌ, naꞌ plomdoꞌ kaꞌ, bia kaꞌ žótgakeꞌ-baꞌ ḻaw Dios. Ḻezkaꞌ žeꞌgak benneꞌ kaꞌ ga naꞌ, benneꞌ ẕcháꞌgakeꞌ mežw kaꞌ daꞌ záꞌgaken dot yežlyó nga.

3
00:00:35,220 --> 00:00:54,260
Katenꞌ bḻeꞌel Jesusenꞌ daꞌ ni, naꞌ bchokeꞌ do ḻas kaꞌ nich chinneꞌ benneꞌ kaꞌ, naꞌ bechacheꞌ yógoꞌte benneꞌ kaꞌ naꞌle gan nak ḻiꞌa yodoꞌ, naꞌ ḻezkaꞌ blageꞌ naꞌle ẕilaꞌ kaꞌ, naꞌ bež kaꞌ. Besdinnjeꞌ x̱mežw benneꞌ kaꞌ ẕcháꞌgakeꞌ mežwnꞌ, naꞌ bžix̱eꞌ blag kaꞌ chégakeꞌ.

4
00:00:54,260 --> 00:01:03,360
Naž Jesusenꞌ gožeꞌ benneꞌ kaꞌ, benneꞌ žóteꞌgakeꞌ plomdoꞌ kaꞌ, naꞌ wnnéꞌ: —Le yekáꞌa daꞌ ki. Bi gonle liž X̱aꞌ ka to ḻaweꞌ yaꞌa.

5
00:01:03,360 --> 00:01:13,340
Naž bejsáꞌ ḻážeꞌgak benneꞌ wsedle kaꞌ che Jesusenꞌ daꞌ nyejw ḻeꞌe yiche laꞌy, daꞌ ẕnnan: “Danꞌ žékeꞌḻeꞌelaꞌ che ližoꞌ, naꞌ žeye ẕḻa ḻáẕdaꞌwaꞌ.”

6
00:01:13,340 --> 00:01:24,200
Naž bežiꞌigak benneꞌ judío wnná biaꞌ kaꞌ nnítaꞌgakeꞌ ga naꞌ, naꞌ belyiꞌe Jesusenꞌ: —¿Biẕ yeḻaꞌ wak wḻoeꞌeloꞌ netoꞌ daꞌ gak bianꞌ nziꞌ ḻo noꞌo žonoꞌ daꞌ ki?

7
00:01:24,200 --> 00:01:30,520
Bechebe Jesusenꞌ, naꞌ gožeꞌ ḻégakeꞌ: —Le wžía yiꞌ yodoꞌ ni, naꞌ yechonne žaze yechisanꞌ.

8
00:01:30,520 --> 00:01:40,200
Naž benneꞌ judío kaꞌ belyiꞌe Ḻeꞌ, naꞌ wnnágakeꞌ: —X̱ope-yon yiz ba zej žóngakeꞌ yodoꞌ nga, naꞌ Leꞌ, ¿chonne žaze yechisonꞌ?

9
00:01:40,200 --> 00:01:44,000
Yodonꞌ, danꞌ bchaḻj Jesusenꞌ chen, naken ḻaꞌ kwinkzeꞌ.

10
00:01:44,000 --> 00:01:55,360
Che ḻen, katenꞌ bebán Jesusenꞌ ḻo yeḻaꞌ got, bejsáꞌ ḻážeꞌgak benneꞌ wsedle chieꞌ kaꞌ kan wnnéꞌ, naꞌ bejḻéꞌgakeꞌ daꞌ nyejw ḻeꞌe yiche laꞌy, naꞌ ḻezkaꞌ daꞌ bchaḻj Jesusenꞌ.

11
00:01:55,360 --> 00:02:05,580
Kateꞌ ne zoa Jesusenꞌ ḻo yež Jerusalén, kateꞌ žak Lni Paskoꞌ, benneꞌ zan bejḻéꞌgakeꞌ chieꞌ Ḻeꞌ, danꞌ bḻéꞌegekleꞌ yeḻaꞌ wak kaꞌ daꞌ žoneꞌ.

12
00:02:05,580 --> 00:02:11,300
Jesusenꞌ bi bx̱en ḻažeꞌe ḻégakeꞌ, danꞌ nnezleꞌ kan zej nak yógoꞌte benách kaꞌ.

13
00:02:11,300 --> 00:02:19,520
Bi žon byenen no benneꞌ wḻoeꞌeleꞌ Jesusenꞌ kan zej nak benách kaꞌ, danꞌ nnézkzeleꞌ daꞌ yoꞌo ḻo yichj ḻáẕdoꞌgak benách kaꞌ.