1
00:00:05,000 --> 00:00:12,900
Wdé gok daꞌ ni, gok to lni chegak benneꞌ judío kaꞌ ḻo yež Jerusalén, naꞌ Jesusenꞌ wyejeꞌ ga naꞌ.

2
00:00:12,900 --> 00:00:22,800
Ḻo yeženꞌ, gawze gan žoꞌogak ẕilaꞌ kaꞌ, žeꞌ to bej nis ẕen, daꞌ nzinꞌ Betesda ḻen dižaꞌ hebreo, naꞌ zej nnitaꞌ gayoꞌ ẕchil ẕen chen.

3
00:00:22,800 --> 00:00:36,400
Ḻo ẕchil kaꞌ degak benneꞌ zan, benneꞌ kaꞌ zej deꞌe yižwéꞌ, benneꞌ ḻo choḻe kaꞌ, naꞌ benneꞌ kaꞌ bi žak sáꞌgakeꞌ, naꞌ benneꞌ žak sáꞌgakeꞌ. Želbezeꞌ bate ta nisenꞌ.

4
00:00:36,400 --> 00:00:52,600
Ki žaken danꞌ žetj to wbás che yaꞌabá to chiꞌi weje, naꞌ žazeꞌ ḻo nisenꞌ, naꞌ ẕteꞌ nisenꞌ. Benneꞌ nežw, benneꞌ chejchoéꞌe ḻo nisenꞌ kateꞌ ẕdan, yeyaktieꞌ kan nak bíteꞌteze yižwéꞌ daꞌ deꞌe.

5
00:00:52,600 --> 00:00:57,740
Zoa to benneꞌ ga naꞌ, ba zej chinoꞌ chonne žoa yiz deꞌe yižwéꞌ.

6
00:00:57,740 --> 00:01:08,100
Katenꞌ Jesusenꞌ bḻeꞌeleꞌ benneꞌ yižwénꞌ dieꞌ ga naꞌ, wnnezleꞌ ba zej zan yiz deꞌe yižwénꞌ, naꞌ wnnableꞌ ḻeꞌ, naꞌ wnnéꞌ: —¿Žéneloꞌ yeyakoꞌ?

7
00:01:08,100 --> 00:01:20,760
Bechebe benneꞌ yižwénꞌ, naꞌ gožeꞌ Jesusenꞌ: —Benneꞌ, bi zoa no benneꞌ wtinneꞌ nedaꞌ ḻo nisenꞌ kateꞌ ẕdan. Kateꞌ ne zeyáꞌa nedaꞌ, žoꞌo benneꞌ yoble zgaꞌaleꞌ ka nedaꞌ.

8
00:01:20,760 --> 00:01:25,420
Jesusenꞌ gožeꞌ ḻeꞌ: —Wyase. Beywáꞌ danꞌ delonꞌ, naꞌ beyéj.

9
00:01:25,420 --> 00:01:34,860
Ḻaꞌ beyakte bennenꞌ, naꞌ beywéꞌe daꞌ gótaꞌlenꞌ, naꞌ beyejeꞌ. Ža naꞌ gok daꞌ ni naken ža laꞌy chegak benneꞌ judío kaꞌ.

10
00:01:34,860 --> 00:01:43,400
Naž benneꞌ judío wnná biaꞌ kaꞌ belyiꞌe bennenꞌ beyakeꞌ, naꞌ wnnágakeꞌ: —Ža laꞌy naken naꞌa. Bi žaḻaꞌ goꞌo daꞌ žáteꞌlonꞌ.

11
00:01:43,400 --> 00:01:52,140
Bechebe bennenꞌ, naꞌ gožeꞌ ḻégakeꞌ: —Bennenꞌ beyoneꞌ nedaꞌ gožkzeꞌ nedaꞌ, naꞌ wnnéꞌ: “Beywáꞌ danꞌ delonꞌ, naꞌ beyéj.”

12
00:01:52,140 --> 00:01:58,460
Naž wnnábgekleꞌ ḻeꞌ, naꞌ wnnágakeꞌ: —¿Noẕ bennenꞌ gožeꞌ leꞌ: “Beywáꞌ daꞌ delonꞌ, naꞌ beyéj”?

13
00:01:58,460 --> 00:02:05,200
Bennenꞌ beyakeꞌ bi nnezleꞌ noẕenꞌ, danꞌ ba bezáꞌ Jesusenꞌ ḻo latjenꞌ danꞌ zej nnitaꞌ benneꞌ zan ga naꞌ.

14
00:02:05,200 --> 00:02:19,280
Wdé gok daꞌ ni, Jesusenꞌ bejx̱akeꞌe bennenꞌ gan nak ḻo ẕchil yodoꞌ, naꞌ gožeꞌ ḻeꞌ: —Bwia nga. Ba beyakoꞌ. Biž gonoꞌ doḻaꞌ, nich bi gak chioꞌ to daꞌ nakže ziꞌ ka danꞌ goken chioꞌ.

15
00:02:19,280 --> 00:02:24,940
Wyéj bennenꞌ, naꞌ bejzenleꞌ benneꞌ judío wnná biaꞌ kaꞌ, Jesusenꞌ beyoneꞌ ḻeꞌ.